श्री मावि टेंग्राहाको जग्गा ठेक्का सम्पन्न

रौतहटको फतुवा विजयपुर नगरपालिकाको वडा नम्बर ४ मा अवस्थित श्री मावि टेंग्राहाको जग्गा ठेक्का सम्पन्न भएको छ । जग्गा ठेक्का सम्बन्धी पूर्व निर्धारित सूचना अनुसार कार्तिक २२ गते बुधबार विद्यालयको प्राँगनमा बैठक बसी ठेक्का पट्टाको कार्य सम्पन्न गरिएको हो । बिधालय व्यवस्थापन समितिका अध्यक्ष जयमंमगल यादवकाे अध्यक्षता र फतुवा विजयपुर नगरपालिका वडा नम्बर ४ टेंग्राहाको वडा अध्यक्ष सतिश कुमार यादव उर्फ गाैरवकाे राेहबरमा बैठक बसी ठेक्का पट्टाको कार्य अगाडी बढाइएको थियो ।

विद्यालयको नाममा २१ बिगहा ३ कठ्ठा जग्गा डाँक बढाबढ बाट प्रत्येक वर्षको ९ लाखका दरले ५ वर्षका लागि कुल लाख ४५ लाखमा ठेक्का सम्पन्न भएको हो । सोही नगरपालिकाकाे वडा ८ ठाउँ बस्ने स्थानीय श्रीभगवान राय यादव सञ्चालक रहेको श्री त्रिशक्ती बिज वृद्धि उधाेगले ठेक्का साकार गरेकाे हाे । पोखरीको ठेक्का यही मिति २०८०/०७/२२ गते बुधबार देखी ५ वर्षका लागि उधाेगले साकार गरेकाे प्रधानाध्यापक अनिल यादवले जानकारी गराउनु भयो । डाँक बढाबढ प्रक्रियामा जादा तीन जना ठेकेदारहरू सहभागी थिए ।

जसमा जियालाल यादव,कपिल ढकाल र त्रिशक्ती बिज वृद्धि उधाेग गरि तीन जना थिए । बिधालयले ठेक्काकाे न्यूनतम मूल्यांकन ९ लाख राखेको थियोे । जुन त्रिशक्ती उधाेगले सुरुमै धराैटी जम्मा गरेको थियो । तर अन्य ठेकेदारहरूले बाेल नलगाएपछि संवत:त्रिशक्तीकै नाउँमा ठेक्का गएको हाे । जग्गा ठेक्का पट्टा तथा डाक बढ़ाबढ़ कार्यक्रममा विद्यालयका सहायक लेखापाल प्रवीण यादव, बिधालय व्यवस्थापन समितिका अध्यक्ष जयमंगल प्रसाद यादव,शिक्षक राजेश यादव,प्रमाेद यादव,पत्रकार लगायत स्थानीय भद्र भलादमीरूको उपस्थिति रहेको थियो ।