राैतहट सदरमुकाम गाैरमा नेकपा एसले गर्याे प्रदर्शन

राैतहट सदरमुकाम गाैरमा नेपाल कम्युनिस्ट पार्टीको समाजवादीले विराेध प्रदर्शन गरेको छ । नेकपा(एकीकृत समाजवादी जिल्ला कमिटी रौतहट द्वारा सदरमुकाम गौरमा नेपाल सरकार विरुद्घ विरोध प्रदर्शन गरेको हाे ।

रौतहट जिल्लालाइ विभेदपूर्ण व्यवहार गरेकोमा सरकारलाई ध्यानाकर्षण स्वरुप विराेध प्रदर्शन गरिएको हाे ।

गौर,बौधिमाइ ,ईशनाथ,कटहरिया,माधवनारायण,गढिमाइ, यमुनामाइ लगायतका पालिकामा असोज १०,११,१२ गते आएको विनासकारी बाढिले ठूलो क्षती पुर्याउँदा समेत सरकारले विपद् संकटग्रस्त क्षेत्रमा समावेश नगरेको भन्दै विराेध प्रदर्शन गरिएको हाे ।

विभेदगरेको भन्दै नेकपा(एस) रौतहट जिल्ला कमिटीद्वारा विभिन्न माग सहित विराेध प्रदर्शन गरिएकाे हाे । साे पार्टीले छुट भएका पालिकालाइ बाढी ग्रस्त पालिका घोषणा गर,बाढी पिडितलाई उचित राहत व्यवस्था गर,क्षती ग्रस्त संरचना पुनर निर्माणको व्यवस्था गर,बाढी पिडित किसानहरुलाइ राहत र अनुदान को व्यवस्था गर लगायतका माग सारेको छ ।