औषधिको अभावमा कटहरियामा बिरामीको मृत्यु

रौतहटको कटहरियामा औषधिको अभावमा एक जना बिरामीको मृत्यु भएको छ । कटहरिया बजारस्थित प्राथमिक स्वास्थ्य केन्द्रमा चिकित्सक र औषधि दुवैको अभावमा बिरामीको मृत्यु भएको हो ।

कटहरिया नगरपालिका वडा नम्बर १ निवासी नखवा देवीकाे शनिबार राति मृत्युु भएको छ । प्राथमिक स्वास्थ्य केन्द्र कटहरियामा उपचार गराउन गएकी देवीकाे उपचारकै क्रममा निधन भएको हाे ।   यस अघिकाे स्थानीय सरकार भएको अवस्थामा राैतहटका विभिन्न नगरपालिकाका साथै बारा जिल्लाबाट पनि बिरामी आउने गरेको कटहरिया प्राथमिक स्वास्थ्य केन्द्र अहिले सम्हाल्नै नसकिने बिरामी अवस्थामा पुगेको छ ।

वर्तमान नगर प्रमुख प्राथमिक स्वास्थ्य केन्द्रको व्यवस्थापन सुधारको लागि ध्यान नदिएर आफ्नै मानिसको सरुवा र व्यवस्थापन गर्नमा व्यस्त रहेका कारण कटहरिया नगरपालिकाको शिक्षा र स्वास्थ्य ध्वस्त बन्दै गएको देखिएको छ ।

स्थानीय देवेन्द्र यादवले कटहरिया नगरपालिका वडा नम्बर ४ हर्षाहामा निम्न माध्यमिक विद्यालय संचालन रहेको भए पनि  जम्म दुई दरबन्दी छन् ।  नगरपालिकाको शिक्षा तथा स्वास्थ्यको समस्या समाधान गर्नुको साटो नगर प्रमुख हेडमास्टर र डाक्टरको सरुवा तथा आफ्नो मानिसको व्यवस्थापनमा लागेको आरोप यादवको रहेको छ ।

शिक्षा र स्वास्थ्य क्षेत्रको समस्या समाधान गर्न बुद्धिजीवीहरुले नगर प्रमुख अजय प्रकाशलाई आग्रह गरेका छन् । कटहरिया नगरपालिका ४ का वडा अध्यक्ष चन्दन कुशवाहा प्रतिक्रिया दिदै भन्छन्- औषधि र खाजामा माेलताेल गर्दै नगप्रमुख जयसवाल हैरानछन् ।  कटहरियाका स्थानीय श्याम यादवले शिक्षा र स्वास्थ्यमा कमिशनकाे खेल बन्द गर्न सुझाव दिएका छन् । यस विषयमा सराेकारवाला व्यक्तिहरू सँग सम्पर्क गर्न खाेज्दा सम्पर्क हुन सकेको छैन् ।