<
आरके श्रीवास्तव,राैतहट,कार्तिक २२ गते ।
राैतहट । उज्यालो वडा अभियान अन्तर्गत आज जिल्लाकाे फतुवा बिजयपुर २ शितलपुरमा वडाभरी पाेलपाेलमा पाेल बत्ति जडान गरिएको छ । आउँदै गरेको शुभ दिपावली र छठ पर्वलाई मध्यनजर गरि बिजुली बत्ती लगाइएको हाे । साे वडाका वडा अध्यक्ष अनिरूद्व प्रसाद यादव उर्फ संजयले तत्काल आफ्नै लगानीमा बत्ती लगाएका हुन् ।
पाेहाेर साल पनि उनले आफनाे वडामा यसरी नै बत्ती जडान गराएका थिए । चुनावको बेला आफ्ना जनताहरु लागि गरेको वाचा अनुसार वडाध्यक्ष यादवले हरेक वर्षको यसरी नै पाेल पाेलमा बत्ती जडान गरि वडालाई झिलिमिलि बनाउने गरेका छन् । साे वडाकाे हरेक चौक,बजार र सार्वजनिक ठाउँमा बिजुलीकाे पाेलमा बत्ती जडान गराएका हुन् ।
पाेलपाेलमा बत्ती बले पछि स्थानीय बासीहरु अत्यन्तै हर्षित भएका छन् । त्यसैगरी बत्ती जडान भएपछि वडाका स्थानीय जनता अत्यन्तै खुशी व्यक्त गर्दै वडा अध्यक्ष यादवलाई बधाई तथा धन्यवाद व्यक्त गरेका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
