महिला स्वय‌सेविकाको गुनासो : अहिले पनि २० वर्षअघिकै रकममा चित्त बुझाउनुपर्ने?

कार्यक्रममा बोल्दै स्वास्थ्य मन्त्रालयका अतिरिक्त सचिव दीपेन्द्ररमण सिंहले महिला स्वयंसेविकाहरूको कामले सरकारलाई थप शक्ति मिल्ने गरेको बताए। उनले महिला स्वयंसेविकालाई सहयोग गर्न मन्त्रालय तयार रहेको बताए।

‘महिला स्वयंसेविकाहरू दियो मात्रै होइन सिङ्गै उज्यालो हो। उहाँहरूको कामले हामीलाई थप शक्ति प्रदान गर्छ। उहाँहरूलाई मन्त्रालयको तर्फबाट सहयोग गर्न तयार छु,’ सिंहले भने।

त्यस्तै, कार्यक्रममा बोल्दै सरुवा रोग विशेषज्ञ डा.अनुप बास्तोलाले महिला स्वयंसेविकाहरूले उठाएको माग जायज रहेकाले सरकारले सम्बोधन गर्नुपर्ने बताए। स्वयंसेविकाहरूलाई विभिन्न तालिम दिई थप सशक्त बनाउनुपर्नेमा डा.बास्तोलाको जोड छ।

‘उहाँहरूको आवाज बिल्कुलै सही छ। राज्यले यसलाई व्यवस्थित गर्नुपर्छ।’ डा. बास्तोलाले भने।’ दूरदराजमा महिला स्वयंसेविकाहरूले गरेको योगदान अतुलनीय रहेको डा. बास्तोला बताउँछन्।