गुजरामा हुलाक स्थापना,मेयर चाैधरी द्वारा उद्वघाटन

राैतहट,१४ गते साउन ।

राैतहटकाे गुजरा नगरपालिकामा आज हुलाक कार्यालय स्थापना भएको छ । उक्त नगरपालिकामा हुलाक विहिन रहेको थियो । साेकाे मध्यनजर गरि एक पालिका एक हुलाक स्थापना कार्यक्रम अन्तर्गत कार्यालय स्थापना गरिएको हाे । हुलाककाे कार्यालय जिल्लामा ७ वटा स्थानिय तहमा नरहेको अवस्थामा साेमबार गुजरा नगरपालिकामा स्थापना गरिएको हाे । पालैपालो कार्यालय नरहेकाे पालिकामा स्थापना गरिदैजाने जनाइएको छ । साे नगरपालिकाका नगर प्रमुख सन्तलाल चाैधरीले एक कार्यक्रमका बिच उदघाटन गर्नु भएको हाे । साे अवसरमा उपप्रमुख रत्ना लामा ,प्रमुख प्रशासकीय अधिकृत राजकुमार अधिकारी, जिल्ला हुलाक अधिकृत लगायत अन्य जनप्रतिनिधी तथा कर्मचारीहरुको उपस्थिती रहेको थियो ।