रौतहटमा एमाले मिसन ग्रास रूट अन्तर्गत सोनरनियामा वडा कमिटि गठन

रौतहटमा एमाले मिसन ग्रास रूट अभियान अन्तर्गत धमाधम वडा कमिटि गठन भइरहेको छ । सोमबार मौलापुर नगरपालिकाको वडा नम्बर ९ सोनरनियामा वडा कमिटी गठन गरिएको छ । नेकपा एमाले पार्टी बाट निर्वाचित वडा नम्बर ९ का वडा अध्यक्ष श्याम प्रसाद साहको अध्यक्षतामा भएको कार्यक्रमको प्रमुख अतिथीमा मधेस प्रदेश कमिटी सदस्य गौरीशंकर जयसवाल तथा मधेस प्रदेश कमिटि सदस्य टेकनाथ पौडेलको आतिथ्यता एवम् मौलापुर नगरपालिकाको उपमेयर नागेन्द्र प्रसाद यादवको उपास्थितीमा वडा कमिटी गठन गरिएको हो ।

सो कार्यक्रमबाट देवनाथ तिवारीको अध्यक्षतामा १९ सदस्यीय कमिटी गठन गरिएको छ । जसको उपाध्यक्षमा जगरनाथ साह कलवार, बिरेन्द्र महतो , सचिवमा टेकनारायण साह, उप सचिवमा आशा देवी, राजेन्द्र साह कलवार चयन भएका छन् । यस्तै सदस्यहरुमा शोभा देवी तेजा साह कानु लगायत १९ सदस्यीय समिति गठन भएको जिल्ला कमिटी सदस्य अनन्त पौडेलले जानकारी दिनु भएको हो ।

नवनिर्वाचित अध्यक्ष देवनाथ तिवारीले मुलुकको विकास र समृद्धिका लागि नेकपा एमाले वाहेक अरु कुनै बिकल्प नभएको दावि गरे । उनले पार्टीले दिएको जिम्मेवारी मन, बचन र कर्मले इमान्दारीका साथ पुरा गर्दै आगामी दिनहरुमा अझै सशक्त ढंगले पार्टी पंक्ती सँगसंगै सक्रिय भएर अगाडी बढ्ने बताउनु भयो ।