३० बैशाख । रौतहट जिल्लाको चन्द्रनिगाहपुरबाट बन गस्ती टोलीले काठ लगिदै गरेको एउटा भारतीय नम्बरको स्कारपियो पक्राउ गरेको छ । पछिम बाट पुर्ब तिर काठको ३ वटा गोलिया लोड गरेर पुर्ब तिर आउदै गरेको अवस्थामा बन गस्ती टोलीले उक्त स्कारपियो नियन्त्रणमा लिएको हो। एच आर ६ सी ६२४८ नम्बरको सेतो स्कारपियोमा अबैध रुपमा तस्करीको काठ लोड गरी ल्याउदै गरेको अवस्थामा पक्राउ गरिएको डिभिजन बन कार्यालय चन्द्रनिगाहपुर रौतहटका सहायक बन अधिकृत अनिल कुमार महतोले जनाएको छ । जंगलबाट काठ चोरीमा टायर गाडा, साइकल, ट्रेक्टर पिक अप, भ्यान प्रयोग गर्दै आएपनि अहिले तस्करले नया साधनको रुपमा स्कारपियो प्रयोग गरेको हो । पुर्ब पछिम राजमार्गको बिभिन्न ठाउमा प्रहरीको गस्ती हुदा पनि काठ तस्करीमा न्युनिकरण हुन सकेको छैन। बनकै कर्मचारीको मिलोमतोमा काठ तस्करी हुदै आएको स्थानीयहरूको आरोप रहेको छ । स्कारपियो बारामद गरिए पनि चालक सहज रुपमा भाग्न सफल भएको छ । पक्राउ परेको काठ सहितको स्कारपियो गाडी कार्यवाहीको लागी डिभिजन बन कार्यालयमा राखिएको छ ।
