गुरु भेटन महोतरी पुगे वृन्दावनका नगर प्रमुख विनोद प्रसाद कुर्मी

राैतहट। वृन्दावन नगरपालिकाका नगर प्रमुख विनोद प्रसाद कुर्मी आफ्ना दलबल सहित आफुलाई पढाएको गुरुलाई भेटन महोतरी पुगेका छन ।

आफू रुपा नेपाली पाल माध्यमिक विधालय धमौरामा अध्यनरत रहेको बेला सो समयका नेपाली विषयका शिक्षक बच्चा झालाई भेटेका छन ।  नगर प्रमुख कुर्मी शिक्षक झाको घरमा पुग्दा वहाँको जीवन संगिनी लगायतले हार्दिकताका साथ स्वागत गरेका थिए ।

पुर्व शिक्षक झासंग करिब ४० वर्ष पछि महोतरी जिल्लाको पिप्रा गाउँपालिका बेनौली गाउँ अर्थात उहाँको निवासमा पुगी भेटघाट तथा आशिर्वाद ग्रहण गर्नुभएको छ। विधार्थी कालमा रुपा नेपाली पाल धमौरामा अध्यनरत रहेको बेला नगर प्रमुख कुर्मी पढ्न लेख्नमा एकदम अबल र प्रतिस्पर्धी रहेकोले गुरु झाले उनलाई माया गर्ने, प्रसंसा गर्दै र सधैं उहाँलाई आगामी भविष्यका सफलताको कामना गर्ने गर्नु हुन्थ्यो।

सोही फल स्वरुप आफू राजनीतिमा सफल हुँदै स्थानीय सरकारका प्रमुख प्रतिनिधित्व गरिरहेको नगर प्रमुख कुर्मीले बताए। गुरुले दिएको ज्ञान र शिक्षाको बलले अगाडि बढे पश्चात् गुरुलाई सम्झिने व्यक्ति थोरै मात्रामा भेटिन्ट तर नगर प्रमुख कुर्मी आफ्नो गुरुले दिएको ज्ञान र शिक्षालाई महसुस गर्दै गुरुलाई भेट्न महोतरी पुगेको श्रोतले जनाएको छ।