आरके श्रीवास्तव,गरुडा,०१ गते वैशाख
रौतहटमा माटोमा पुरिएर एक बालिकाको मृत्यु भएको छ भने तीन जना घाइते भएका छन् । जिल्लाको गढिमाइ नगरपालिका वडा नम्बर ३ मलाही टोल स्थित लक्ष्मीपुर घाटमा माटोको ढिस्कोमा पुरिएर एकजना बालिकाको मृत्यु भएको छ ।
जिल्ला प्रहरी कार्यालय रौतहटका अनुसार माटोको ढिस्कोमा पुरिएर गढिमाइ नगरपालिका वडा नम्बर ३ का रसीद अन्सारीको अन्दाजी वर्ष ९ की अफरिदा नेसाको मृत्यु भएको हो ।
जिल्ला प्रहरी कार्यालय रौतहटका सूचना अधिकारी एवम् प्रहरी नायव उपरीक्षक उमाशंकर प्रसाद यादवका अनुसार माटो खन्ने क्रममा माथिबाट खसेको माटोको ढिस्कोले पुरिएर नेसाको घटनास्थलमै मृत्यु भएको हो ।
इलाका प्रहरी कार्यालय गरुडाका डिएपी छेदीलाल कामतीका अनुसार सो घटनामा तीन जना घाइते भएका छन् । घाइते हुनेहरुमा सोही ठाउँ बस्ने ४२ वर्षीय नासीबुन खातुन,११ वर्षीय रहना खातुन र ११ वर्षिय इसरफ खातुन रहेकी छिन् ।
उनीहरुको उपचार स्थानिय अस्पतालमा सम्भवः नभएपछि थप उपचारको लागि विरगंज पठाइएको डिएसपी कामतीले जानकारी गराएका हुन् । घटनाको बारेमा थप अनुसन्धान भईरहेको प्रहरीले जनाको छ ।
