पत्रकारमाथि मुद्दा हाल्नुे प्रहरीमाथि छानबिन गरी कारवाही हुनुपर्छः सांसद चौधरी

जनमत पार्टीकी प्रदेश सांसद भाग्यश्री चौधरीले समाचारको विषयलाई लिएर पत्रकारमाथि प्रहरीले मुद्दा हाल्नु प्रेस स्वतन्त्रताको उपहास भएको बताएकी छन् ।

  प्रदेशसभाको बैठकमा शून्य समयमा बोल्दै सांसद चौधरीले सीमाबाट हुने तस्करीमा धनुषा प्रहरी नै संलग्न रहेको सन्दर्भमा न्यूज ब्यूरोमा समाचार प्रकाशित भएपछि न्यूज ब्यूरोका सम्पादकसहित थप दुई पत्रकारमाथि प्रहरीले गाली बेईज्जतिको मुद्दा हाल्नु प्रेस स्वतन्त्रताको उपहास भएको बताएकी छन् ।

उनले समाचार लेखेकै निहुँमा देशको चौथो अंग पत्रकारमाथि मुद्दा हाल्नु लोकतन्त्रको उपहास भएको बताईन् । उनले पत्रकारमाथि मुद्दा हाल्ने धनुषा प्रहरीका अधिकारीलाई कारवाहीको माग गरिन् । धनुषा प्रहरीले न्यूजब्यूरोका धनुषा संवाददाता अभिनय कुमार मिश्रा र स्ट्रीन्जर शम्भु पण्डितमाथि समेत मुद्दा हालेको हो ।

धनुषा प्रहरीको प्रमुखमा भुवनेश्वर तिवारी आएपछि न्यूजब्यूरोका सम्पादक काशिन्द्र शर्मामाथि एसपीका भ्यान चालक आजाद प्रसाद यादवबाट गाली बेज्जतिको मुद्दा हाल्न लगाए भने केही दिन अगाडी मात्र तस्करी सम्बन्धी समाचार प्रकाशित गरेपछि ईलाका प्रहरी कार्यालय औरहीका बरिष्ठ सई आदित्य कुमार सिंहलाई उक्साएर गाली बेईज्जतिको मुद्दा हाल्न लगाएपछि सांसद चौधरीले सदनमा सो कुराको विरोध जनाएकी हुन् ।

  उनले मधेश प्रदेश प्रहरी प्रमुखलाई यसबारे छानबिन गरी कारवाहीको प्रक्रिया अगाडी बढाउन माग गरिन् । कानुनमन्त्रीलाई समेत यसबारे जानकारी लिन आवाज उठाईन् ।