गाैर,३ गते साउन । रौतहट जिल्ला अदालत बार एसोशिएसनको अध्यक्ष पदमा २ जनाको उम्मेदवार बीच प्रतिस्पर्धा हुने भएको छ। नया कार्य समितिको लागि हुने जिल्ला कार्य समितिको चयनको लागि मंगलवार भएको मनोयन पत्र दर्तामा बिभिन्न पदमा १५ जनाको उम्मेदवारी परेकोमा अध्यक्ष पदमा मनोनयन पत्र राघो राय यादवले बुधवार आफ्नो उम्मेदवारी फिर्ता लिए पछि अध्यक्ष पदमा २ जना बीच प्रतिस्पर्धा हुने भएको हो। अध्यक्ष १, उपाध्यक्ष १, सचिब १, कोषाध्यक्ष १, सदस्य ५र पार्शद ३ गरी १२ पदको लागि १५ जनाले उम्मेदवारी दिएकोमा उपाध्यक्ष, कोषाध्यक्ष, सदस्य र पार्शद गरी १० जना निर्बिरोध निर्वाचित भएको प्रमुख निर्वाचन अधिकृत अधिबक्ता मोह्म्मद मजरूल हकले जानकारी दिएका छन्। अध्यक्ष पदमा २ र सचिव पदमा २ जनाको उम्मेदवारी परेकोले दुवै पदमा निर्वाचन हुने उहाले बताए। अध्यक्ष पदमा अधिबक्ता हेमचन्द्र लाल कर्ण, सोनेलाल प्रसाद पटेल र राघो राय यादव उम्मेदवारी दिएका पनि राघो राय यादवले आफ्नो उम्मेदवारी फर्ता लिएका छन् भने सचिब पदमा अधिबक्ता हरिशचन्द्र पंडित र सोनेलाल पासवानको उम्मेदवारी कायम नै रहेका छन्। ६२ जना मतदाता रहेको रौतहट बारको मतदान साउन ५ गते हुने निर्वाचन समितिले जनाएको छ। उपाध्यक्ष, कोषाध्यक्ष, सदस्य र पार्शदमा एक एक जनाको उम्मेदवारी परेकोले सो पदमा निर्बिरोध भएको हो।
