रौतहट, जेठ ५ ।
रौतहट प्रहरीले आज विभिन्न कार्यक्रमको आयोजना गरि समुदाय प्रहरी साझेदारी कार्यक्रम मनाएको छ । सो कार्यक्रम अन्तरगत समुदायीक प्रहरी वडा समिति नं।५ गरुडा नगरपालिकाको आयोजना र ईलाका प्रहरी कार्यालय शिवनगरको सहयोगमा बुधबार बिहान ११ बजेको समयमा गरुडा नगरपालिका वडा नम्बर ५ स्थित रहेको श्री माध्यमिक विद्दालय महमदपुरमा विधार्थीहरुलाई लैङगिक हिंसा न्यूनिकरण सम्बन्धी जनचेतनामूलक कार्यक्रम गरेको हो ।
सो कार्यक्रममा करिब २० जना मानिसहरुको सहभागितामा रहेको जिल्ला प्रहरी कार्याल रौतहटले जनाएको छ । यसरी नै समुदायीक प्रहरीले विधालय सम्पर्क समिति नं। ११ फतुवा विजयपुर नगरपालिकाको आयोजना र प्रहरी चौकी दुधिआवाको सहयोगमा आज ९शुक्रबार० विहान फतुवाबिजयपुर नगरपालिका वडा नम्बर ११ स्थित रहेको श्री हिमाली जनता मा।वि।मा अध्यनरत रहेका कक्षा ९ र १० का छात्रछात्राहरुलाई आत्महत्या न्यूनिकरण सम्बन्धी जनचेतनामूलक कार्यक्रम गरिएको हो । सो कार्यक्रममा करिब ५४ जना छात्रछात्रा तथा शिक्षक शिक्षिका ४ जना सहभागि रहेको प्रहरीले जनाएको छ ।
यस्तै गढीमाई नगरपालिका वडा नम्बर ७ स्थित रहेको श्री माध्यमिक विधालय धनाडीमा बालबिबाह न्यूनिकरण, आगोलागी तथा बाढी दुवान विपद् न्यूनिकरण सम्बन्धी जनचेतनामूलक कार्यक्रमको आयोजना गरिएको थियो ।
साथै गढीमाई नगरपालिका वडा नम्बर २ स्थित रहेको समनपुर बजारमा पनि विपद् सम्बन्धी बाढी, डुवान सम्बन्धी जनचेतनामूलक कार्यक्रम गरेको छ । स्थानीयहरुको सहभागिमा सो कार्यक्रम भएको ईलाका प्रहरी कार्यालय समनपुरले जनाएको छ । प्रहरीले विभिन्न कार्यक्रम गरि समुदायीक प्रहरी साझेदारी कार्याक्रम मनाएको जिल्ला प्रहरी कार्यालय रौतहटले जनाएको छ
