आरके श्रीवास्तव,रौतहट,१४ गते चैत २०८१ ।
रौतहट । गायक सोनु सिंह कुशवाहाको स्वरमा रहेको भोजपुरी गीत ‘बर्बाद जिन्दगी’ सार्वजनिक हुँदैछ । गीतमा जयदेशी माही र चन्दु नेपालीको शब्द रहेको छ भने माहीको संगीत रहेको छ । सदाम हुुसेनको निर्देशनमा रहेको गीतको भिडियोलाई जयदेश माहीले सङ्गीत संयोजन गर्नुभएको हो । गीतको भिडियो लाई रिना फिल्मसले बजारमा ल्याउँदैछ ।
गीतको भिडियोमा गायक सोनु कुशवाहा र अमृता मिजारको अभिनय रहेको छ । रौतहटको कटहरिया बजारमा रहेको खुश्बु रेर्कडिङ्ग स्टुडियो भिडियो रेकर्ड गरेको छ । गायक कुशवाहा भोजपुरी,बज्जिका, नेपाली,हिन्दी भाषामा गाइएको दर्जनौं गीतहरु बजारमा उपलब्ध रहेको छ ।
रिना फिल्मसको युटुब चैनल मार्फत आज साँझ ४ बजे यो गित सार्वजनिक गर्न थालिएको गायक कुशवाहाले बज्जिकाञ्चललाइ जानकारी गराएका हुन् । यो गितलाइ नेपालको चर्चित पर्यटकीय नगरी पोखरामा छयांकन गरिएको उनले बताएका हुन् ।
पछिल्लो समय खुश्बु रेर्कडिङ्ग स्टुडियोले स्थानिय गायक कलाकारहरुलाइ गित गाउने राम्रो प्लेट फार्म तयार गरिदिएको छ । जसबाट दर्जनौं ग्रामीण क्षेत्रका गायक कलाकारहरु लाभान्वीत छन् ।
आफनो नयाँ आउन थालेको गितलाइ दर्शकहरुले मन पराइ दिनु हुन्छ भने आफु आशावादी रहेको गायक कुशवाहाले विश्वास व्यक्त समेत गरेका छन् । बढीभन्दा बढी भ्यूज पाउनेमा आफू विश्वस्त रहेको उनको भनाइ छ ।
