बज्जिकाञ्चल संवाददाता,राैतहट,असाेज १० गते ।
रौतहटकाे श्री यमुना माइ माध्यमिक विद्यालय, झुनखुनमाका पूर्व प्रधानाध्यापक तथा जिल्लाका ख्यातिप्राप्त विज्ञान शिक्षक राम एकवाल प्रसाद यादवको असामयिक निधन भएको खबरले सम्पूर्ण शिक्षा क्षेत्रलाई स्तब्ध बनाएको छ ।
शिक्षक धर्मेन्द्र प्रसाद सिह, जो हाल प्रगतिशील नेपाल राष्ट्रिय शिक्षक संगठन रौतहटका अध्यक्ष समेत हुन्, उनले यादव सरको असामयिक निधनप्रति गहिरो दुःख व्यक्त गर्दै श्रद्धाञ्जली अर्पण गरेका छन् ।
यस्तै श्री मावि टेंग्राहाका प्रधानाध्यापक अनिल यालवले पनि वहाँकाे निधन प्रति गहिरो दु:ख व्यक्त गर्दै श्रद्धाञ्जली अर्पण गरेका छन् । यस्तै जिल्लाका दर्जनौं शिक्षकहरूले श्रद्धाञ्जली अर्पण गरेका छन् ।
स्व. यादवको निधनले शिक्षा क्षेत्रले एक अनुकरणीय शिक्षक, अनुशासित प्रशासक र निष्ठावान व्यक्तित्व गुमाएको छ।
