रविन्द्र प्रजापती,वैशाख १३ गते
रौतहटमा करेन्ट लागेर एक जनाको मृत्यु भएको छ । जिल्लाको कटहरिया नगरपालिका वडा नम्बर ९ डुमरियामा बुधबार करेन्ट लाग्दा एक यूवकको ज्यान गएको प्रहरीले जनाको छ ।
डुमरीया बस्ने राम विश्वास पासवानको छोरा अ. वर्ष १५ को चन्दन कुमार पासवानको करेन्ट लागेर मृत्यु भएको ईलाका प्रहरी कार्यालय कटहरियाले जनाएको छ ।
दुईसो आफ्नो खेतमा मोटरबाट पानी पटाउने क्रममा अचानक उनलाई दाहिने हातमा करेन्ट लागेको र उपचारको लागी प्राथमिक स्वास्थ्य केन्द्र कटहरियामा लगिएकोमा चिकित्सकले मृत घोषणा गरेको ईलाका प्रहरी कार्यालय कटहरियाका सई अशोक कुमार महतोले जानकारी दिए ।
