काठमाडौं– राष्ट्रिय स्वतन्त्र पार्टी (रास्वपा)का सांसद असिम साहले सांसद पदबाट राजीनामा दिएका छन् । जेनजी पुस्ताले गरेको आन्दोलनमा सरकारले गरेको दमनलाई सांसद भएर समर्थन गर्न नसकिने भन्दै उनले सांसद पदबाट राजीनामा दिएको जनाएका छन् ।
सांसद साहले सामाजिक सञ्जाल फेसबुकमा स्टाटस लेखेर सांसद पदबाट राजीनामा दिएको घोषणा गरेका छन् ।
‘संसदमा बसेर चुप लाग्नु, या यस्ता गलत नीतिहरूलाई मौन समर्थन गर्नु मेरो पुस्ता, मतदाता र मेरो देशको भविष्यसँग ठूलो विश्वासघात हुनेछ भन्ने दृढ विश्वासका साथ, मैले यो निर्णय गरेको हुँ’, साहले लेखेका छन् ।
रास्वपाका सबै सांसदले राजीनामा दिने विषय पनि चर्चामा आएको छ तर, अहिलेसम्म पार्टीले औपचारिक निर्णय भने गरेको छैन ।
