कपिलवस्तु । कपिलवस्तु जिल्लामा सक्रिय ग्यालेक्सी युथ क्लबले भोटेकोशी बाढीबाट पिडित परिवारलाई धादिङ र नुवाकोट पुगेर राहत वितरण गरेको छ ।
कपिलवस्तुमा संकलन गरिएको राहत विदुर, तुप्चे, भैरुम माविमा रहेको होल्डिङ सेन्टरसहित आसपासमा रहेका पिडितलाई वितरण गरेको क्लबका अध्यक्ष अमृत गिरीले जानकारी दिएका छन् ।
राहत सामग्रीमा चामल, बेडसहित दैनिक उपभोग्य अत्यावश्यक सामाग्री वितरण गरेको गिरीले बताए । कपिलवस्तुका स्थानीय व्यापारी र सहयोगी मनहरुले दिएको सहयोग आफुहरुले पिडितसमक्ष पुर्याएको उनले बताए । उनले आफुहरुले करिब २० लाख बराबरको राहत वितरण गरेको जानकारी दिएका छन् ।
ग्यालेक्सी युथ क्लबले कपिलवस्तु जिल्लामा विभिन्न अभियान संचालन गर्दै सामाजिक कार्य गर्दै आएको छ । क्लबले सरसफाई अभियान ‘सफा कपिलवस्तु अभियान’, ‘सपना बोक्ने झोला’ अभियानसहितका विभिन्न अभियान संचालन गर्दै आएको आएको छ ।
ग्यालेक्सी युथ क्लब हाल कपिलवस्तुमा सामाजिक उत्तरदायित्व बोक्ने युवाहरूको साझा मञ्च बनेको छ । क्लबको कार्यशैली र समर्पणले अन्य युवाहरूलाई पनि समाजसेवातर्फ प्रेरित गरिरहेको छ । यस क्लबको नेतृत्व युवा अभियन्ता अमृत गिरीले गरेका छन् ।एभरेष्ट न्यूज एजेन्सी
