बारा, ७ माघ ।
बाराको निजगढ नगरपालिकामा क्षयरोगका नयाँ बिरामी पहिचान भएका छन् ।
क्षयरोग मुक्त नेपाल घोषणा अभियानअन्तर्गत निजगढ नगरपालिकाको स्वास्थ्य शाखाले गरेको क्षयरोग स्क्रिनिङ्ग क्याम्पमा ४ सय ८७ जनाको परिक्षण गर्दा १८ जनामा क्षयरोग देखा परेको हो ।
लामो समयदेखि लगातार खोकी लाग्ने, साँझपख हल्का ज्वरो र पसिना आउने, खानामा अरुची हुने, शरीरको तौल घटने, छाती दुख्ने र सास फेर्न गाहे हुुने तथा खकारमा रगत देखापर्ने जस्ता समस्या देखिएकाहरुको छातीको एक्स्रे सहित स्क्रिनिङ्ग गरेर रोगको निदान र उपचार गर्न बुधवार निजगढ नगरपालिकाको वडा नम्बर २ सिंगौलमा संचालन गरिएको क्याम्पमा २ जना क्षयरोगका नयाँ बिरामी पहिचान भएका थिए ।
यस्तै बिहीवार वडा नम्बर ११ को रतनपुरमा १० जना र शुक्रवार वडा नम्बर ७ को योजना टोलमा ६ जना नयाँ बिरामी पहिचान भएको छ । नयाँ पहिचान भएका क्षयरोगका बिरामीहरुको उपचार समेत सुरु गरिएको निजगढ नगरपालिकाको स्वास्थ्य शाखाले जनाएको छ ।
यस्तै क्षयरोग स्क्रिनिङ्ग क्याम्पमा ४० जनामा क्षयरोग शंकास्पद रहेका छन् । उनीहरुमा उच्च शंकास्पद औषधि प्रतिरोधी क्षयरोग हुन सक्ने आशंकाले थप परीक्षणका निम्ती जीन एस्पट परिक्षण गराउन पुनः खकार नमुना संकलन गरिएको छ ।
क्षयरोग छ महिना नियमित औषधि सेवन गरे क्षयरोग निको हुन्छ । क्षयरोग पहिचानका लागि कार्यालयले बेला–बेलामा खकार परीक्षण गर्ने गरेको छ । अशिक्षा, अज्ञानता र भौगोलिक कारणले क्षयरोगी उपचारको पहुँचमा आउन नसकेको निजगढ नगरपालिका स्वास्थ्य शाखाका मणिश्वर घिमिरेले बताए । “क्षयरोगी पहिचान गरी उपचारको पहुँचमा ल्याउनुपर्ने विद्यमान चुनौती छ”, स्वास्थ्य शाखाका घिमिरेले भने, “समाजले हेलाको भावनाले हेर्ने गलत मानसिकताका कारण पनि क्षयरोगी बिरामीहरु रोग लुकाएर बस्न बाध्य छन् ।”
सन् २०५० सम्म नेपाल क्षयरोग विहीन बनाउने लक्ष्य छ । यसका लागि क्षयरोगका बिरामी पहिचान गरी उपचार गर्नुपर्ने छ । “उपचारमा नरहेको एक क्षयरोगीले औषतमा दश देखि १५ स्वस्थ्य व्यक्तिलाई रोग सार्न सक्छ”, नगरपालिका स्वास्थ्य शाखाका प्रमुख रमेश लामाले भने, “क्षयरोग विहीन नेपाल बनाउनलाई पनि नयाँ क्षयरोगीको पहिचान आवश्यक छ ।”
क्षयरोगका शंकास्पद बिरामीहरुको पहिचान गर्न निजगढ नगरपालिकाले विषेशज्ञ सहित स्वास्थ्यकर्मीहरुको टोलीव्दारा तिनदिन उपचार सेवा क्याम्प संचलन गरेको थियो ।
नेपालमा ८० हजार क्षयरोगी छन् । वार्षिक पाँच हजारदेखि छ हजार ५०० सम्म क्षयरोगका कारणबाट मृत्यु हुने गरेको छ । ४४ हजार नयाँ बिरामी थपिने गरेकामा ३४ हजार बिरामी उपचारका लागि स्वास्थ्य संस्थासम्म पुग्ने गरेका छन् । १५ देखि ४९ वर्ष उमेर समूहका व्यक्ति क्षयरोगबाट सङ्क्रमित हुने गरेको तथ्याङ्क छ ।न्युजका्रखाना
काठमाडौं, ७ माघ ।
प्रधानमन्त्री पुष्पकमल दाहाल प्रचण्ड स्वदेश फर्किएका छन ।
युगान्डामा आयोजित असंलग्न राष्ट्रहरूको आन्दोलनको उन्नाइसौँ शिखर सम्मेलनमा सहभागी भएर प्रचण्ड आज विहान स्वदेश फर्केका हुन ।
युगान्डाबाट उनी नेपाली समयानुसार बिहान २ः४५ बजे कतारको दोहा अवतरण गरेका प्रधानमन्त्री प्रचण्ड भर्खरै त्रिभुवन अन्तराष्ट्रिय बिमानस्थलमा अबतरण गरेका हुन ।
सो सम्मेलनमा भाग लिन प्रधानमन्त्री प्रचण्ड गत बुधबार युगान्डाको राजधानी कम्पला पुगेका थिए।न्युजका्रखाना
रौतहट ७ माघ।
नेपाली कांग्रेस मधेश प्रदेशका सभापती र सरकारमा रहेका कांग्रेसका मन्त्री तथा सांसदहरुको अकर्मण्यताको कारण प्रादेशिक अस्पताल गौरको अवस्था पूर्ण रुपमा दयनिय बनेको छ।
प्रादेशिक अस्पतालको सेवा प्रभावित भएको छ भने झण्डै १ दर्जन डाक्टरले महिनौं देखि तलव भत्ता पाउन सकेका छैनन्। अस्पतालमा कार्यरत डाक्टर मध्ये ११ जना डाक्टरले एक सूचना जारिगर्दै आजदेखि आकस्मिक बाहेक अन्य सबै सेवा बन्द गर्ने चेतावनी दिएका छन।
अस्पताल व्यवस्थापन समितिका अध्यक्ष मोहम्मद अनवर हाशमीले शनिवार पत्रकार सम्मेलनको आयोजना गरी प्रदेशका सभापती,मन्त्री र सांसदका कारण अस्पताल अवस्था लथालिङ्ग भएको गुनासो गरेका हुन्।
केहि मन्त्रीहरुले मानवको स्वास्थ्यसँग जोडिएको अस्पताल जस्तो अति संवेदनशील ठाउँमा राजनीतिकारण गरेर अस्पताल कर्मचारीको सरुवामा समेत हस्तक्षेप गरेको कारण अस्पतालको अवस्था नाजुक बनेको अध्यक्ष हाशमीले बताए।
रौतहट क्षेत्र नं १ ‘ख’ का प्रदेश सांसद एवं प्रदेशका भौतिक पूर्वाधार विकास मन्त्री कृष्ण प्रसाद यादव, कांग्रेसकै स्वास्थ्य मन्त्री विरेन्द्र सिंह र रौतहट क्षेत्र नं १ ‘क’ का कांग्रेसका प्रदेश सांसद नागेन्द्र साहले अस्पतालमा राजनीति करण गरिरहेको उनले आरोप लगाएका छन् ।
अस्पतालको मेडिकल सुपरिटेन्डेण्ट संजीव कुमार सिंह हुँदा हुँदै मन्त्री कृष्ण यादव र प्रदेश सांसद नागेन्द्र साहको दबावमा स्वास्थ्य मन्त्री विरेन्द्र सिंहले पहिलाका मेडिकल सुपरिटेन्डेण्ट कृष्ण प्रसाद साहलाई पठाएर अनावश्यक विवाद गराएको पत्रकार सम्मेलनमा हासमिले प्रस्ट पारेका छन।
अहिले मेडिकल सुपरिटेन्डेण्ट संजीव र कृष्ण गरी दुई जना कार्यालय प्रमुख कार्यरत छन् र दुवैबीच चर्को विवाद रहेको छ । मेडिकल सुपरिटेन्डेण्ट कृष्ण साहलाई फिर्ता गर्न स्वास्थ्य मन्त्री सिंहलाई पटक पटक आग्रह गरेपनि मन्त्री यादव र प्रदेश सांसद साहको दबावका कारण उनले फिर्ता पठाउन नमानेको अध्यक्ष हासमिले बताए ।
एेनमा प्रदेशमा कर्मचारी नभए मात्र संघको कर्मचारी राख्ने प्रावधान छ । तर एेन बिपरित पहिलादेखि नै कार्यरत मेडिकल सुपरिटेन्डेण्ट सिंह हुँदाहुँदै बलजबरजस्ती संघको कर्मचारी कृष्ण प्रसाद साहलाई टिकाएर राखिएको छ।
संजीव सिंह एघारौ तह र कृष्ण साह दशौ तहका कर्मचारी हुन । सिंह सिनियर कर्मचारी रहेकोले मेडिकल सुपरिटेन्डेण्टको अख्तियारी दिनुपर्ने अध्यक्ष हाशमीको माग छ ।
विवादको कारण अस्पतालमा कार्यरत झण्डै एकदर्जन डाक्टर तलव पाउन नसकेकाले माघ ७ गतेदेखी आकस्मीक सेवा बाहेक अन्य सम्पूर्ण सेवा बन्द गरी
बन्दहडतालमा उत्रने चोतावनी दिइसकेको कारण ठुलो समस्या उत्पन्न भएको उनले बताए ।
डा. कृष्ण प्रसाद साहले विगतका दिनमा अक्सिजन प्लाण्ट खरिदमा लाखौं घोटाला गरेको आरोप लगाउँदै अध्यक्ष हाशमिले त्यसको छानविन हुनुपर्ने माग गरेका थिए।
अस्पताल जस्तो ठाउँमा नेताहरुले राजनीति गर्न थालेका कारण अस्पतालको अवस्था दिनप्रतिदिन कमजोर हुँदै गएको भन्दै माघ ११ गतेसम्म मेसुको विवाद सुल्झाएन भने कडा कदम चाल्न बाध्य हुने प्रादेशिक अस्पताल गौरमा अध्यक्ष अनवर हासमिले चेतावनी दिएका छन।न्युजका्रखाना
काठमाडौं, ७ माघ ।
सभामुख देवराज घिमिरेले आज विषयगत समितिका सभापतिहरूसँग छलफल गर्दै छन् ।
संसद न चलिरहेको अवस्थामा सभामुखले समितिहरूलाइ सक्रिय बनाउन र प्रभावकारी रूपमा कार्यान्वयन गर्नका लागि सभामुख सक्रिय भएका हुन ।
सभामुखका प्रेस बिज्ञ शेखर अधिकारीका अनुसार आज बिहान ११ बजे सभामुखले समिति सभापतिहरूलाई छलफलका लागि आफ्नै कार्यकक्षमा बोलाएका हुन् ।
समितिमा रहेका विधेयकहरूको अवस्था, समितिका गतिविधि, निर्देशन, निर्णय कार्यान्वयनको अवस्था लगायतका विषयमा सभामुखले सभापतिहरूसँग छलफल गर्ने उनले जनाएका छन ।
न्युजका्रखाना
रौतहट ७ माघ।
पुर्व मन्त्री प्रभु साह नेतृत्वको आम जनता पार्टी (आजपा) निकटको आईटी आर्मीले ११ माघको मधेस बन्द सफल बनाउँने निर्णय गरेको छ ।
अध्यक्ष साहको गृह नगर मौलापुरको पतौरा स्थित जवाहर आधारभुत बिधालयमा सनिवार सम्पन्न मौलापुर नगरस्तरीय आईटी आर्मीको भेलाले मधेस बन्द सफल बनाउँने निर्णय गरेको हो।
आजपा अध्यक्ष एवं पूर्वमन्त्री प्रभु साहले सो भेलालाई सम्बोधन गर्दै बैंकहरुको लुटधन्दा विरुद्धको आन्दोलन कडा हुने बताए । बैंकहरुले लिने मनोमानी व्याज फिर्ता गर्नुपर्ने बताउँदै सर्वसधारणलाई ठग्ने ठगहरुलाई नछोड्ने चेतावनी दिएका छन।
बैंकहरुले मनोमानी लिइरहेको व्याज फिर्ता गर्नुपर्ने, लघुवित तथा सहकारीबाट लिएको कर्जा फिर्ता हुनुपर्ने र सर्वसधारण नागरिकले सहजरुपमा कर्जा नपाएसम्म आन्दोलनका बिभिन्न कार्यक्रम जारी रहने चेतावनी साहले दिएका छन्।
आजपा मधेस प्रदेश कमिटी र बैंक तथा वितिय पीडित संघर्ष समितिले ११ माघमा मधेस बन्दको गर्ने घोषणा गरेको छ । ‘बैंकले लिइरहेको मनोमानी ब्याज फिर्ता गर्नुपर्ने, लघुबित्त तथा सहकारीबाट लिएको कर्जा माफी गर्नुपर्ने, आम जनतालाई सहज कर्जा उपलब्ध गराउनु पर्ने’ लगायतका माग गर्दै आजपाले ११ माघमा मधेश बन्द गर्ने घोषणा गरेको हो ।
भेलामा आजपा महासचिव उपेन्द्र साह, सचिव एवं संविधान सभा सदस्य समिना हुनेस लगायत आइटी आर्मीका हजारौं युवाहरुको सहभागिता रहेको थियो ।
त्यस्तै आमजनता पार्टी निकट आम महिला मोर्चाको केन्द्रीय समितिको बैठक सनिवार रौतहटको मौलापुरमा सम्पन्न भएको छ।
आम महिला मोर्चाको केन्द्रीय समितिको बैठक “महिलालाई राज्यको हरेक तह र निकायमा ५१५ अधिकारको सुनिश्चितताको लागि निर्णायक संघर्ष गर्ने”निर्णय सहित सम्पन्न भएकोछ । मौलापुर पार्क होटलमा बसेको उक्त बैठकको अध्यक्षता मोर्चा अध्यक्ष कुमारी बबिताले गरेकी थिइन्। कार्यक्रममा आजपा महासचिव उपेन्द्र साह, सचिव समिना हुसैन लगायतका नेताहरूको उपस्थितिमा रहेको थियो । उक्त बैठकले “बैकहरुले लिइरहेको मनोमानी ब्याज फिर्ता , लघुबीत तथा सहकारीहरुको सम्पुर्ण ऋण मिनाह तथा आम जनतालाई सहज कार्जा दिलाउनको लागि घोषित माघ ११ गतेको मधेश बन्दलाई सफल पार्ने समेत प्रतिबद्धता व्यक्त गरेकाछन ।
उता मौलापुर पार्क होटलको सभा हलमा आम मुस्लिम मोर्चाको केन्द्रीय समितिको बैठक सम्पन्न भएकोछ । मोर्चाको अध्यक्ष लालबाबु मंसूरको अध्यक्षतामा सम्पन्न उक्त बैठकले मदर्सा ऐन र मदर्सा बोर्ड गठनको लागि निर्णायक संघर्ष गर्ने साथै बैंकिंग लुटको विरुद्ध घोषित माघ ११ गतेको मधेश बन्दलाई सफल पार्ने निर्णय गरेकोछ । बैठकमा मोर्चाको पदाधिकारीहरुको सहभागिता रहेको थियो। न्युजका्रखाना
काठमाडौं, ७ माघ ।
नेपाल राष्ट्र बैंकले आइतबारका लागि विदेशी मुद्राको विनिमयदर सार्वजनिक गरेको छ ।
जसअनुसार भारतीय रूपैयाँ १०० को खरिद दर १६० रूपैयाँ हुदाँ बिक्री दर १६०.१५ पैसा कायम गरिएको छ । आइतबार अमेरिकी डलरको भाउ संगै युरोको भाउ पनि घछेको छ । जसअनुसार आज एक अमेरिकी डलरको खरिददर १३२ रूपैयाँ ६१ पैसा र बिक्रीदर १३३ रूपैयाँ २१ पैसा कायम गरिएको छ ।
अघिल्लो दिनको तुलनामा शुक्रबार अमेरिकी डलरको भाउ ०३ पैसाले घटेको थियो भने आज ११ पैसाले घछेको छ ।
यसअघि शुक्रबार एक अमेरिकी डलरको खरिददर १३२ रूपैयाँ ७० पैसा र बिक्रीदर १३३ रूपैयाँ ३० पैसामा कारोबार भएको थियो ।
यसैगरी आज १२ पैसाले घटेर युरो एकको खरिदमा १४४ रूपैयाँ ४० पैसा र बिक्रीमा १४५ रूपैयाँ ०५ पैसा कायम गरिएको छ ।
शुक्रबार भने युरोपियन युरो एकको खरिदमा १४४ रूपैयाँ ५२ पैसा र बिक्रीमा १४५ रूपैयाँ १७ पैसा तोकिएको थियो।
त्यस्तै, बेलायती पाउण्ड सटर्लिङ एकको आइतबार खरिददर १६८ रूपैयाँ २२ पैसा र बिक्रीदर १६८ रूपैयाँ ९८ पैसा, अष्ट्रेलियन डलर एकको खरिददर भने ८७ रूपैयाँ ४६ पैसा र बिक्रीदर ८७ रूपैयाँ ८५ पैसा र क्यानेडियन डलरको एक खरिददर भने ९८ रूपैयाँ ४३ पैसा र बिक्रीमा ९८ रूपैयाँ ८७ पैसा कायम गरिएको छ ।
यता, जापानी येन १० को खरिददर ८ रूपैयाँ ९६ पैसा कायम हुदाँ बिक्री दर भने ९ रूपैयाँ रहेको छ । चाइनिज युआन एकको खरिददर १८ रूपैयाँ ४४ पैसा तथा बिक्री दर १८ रूपैयाँ ५२ पैसा तथा दक्षिण कोरिया वन १०० को खरिददर ९ रूपैयाँ ९५ पैसा तथा बिक्री दर ९ रूपैयाँ ९९ पैसा कायम गरेको जनाइएको छ ।
यसैगरी, आइतबार कतारी रियाल एकको खरिदमूल्य ३६ रूपैयाँ ३८ पैसा र बिक्रीमूल्य ३६ रूपैयाँ ५४ पैसा कायम गरेको राष्ट्र बैंकले साउदी अरेबियन रियाल एकको खरिददर ३५ रूपैयाँ ३६ पैसा र बिक्रीमूल्य ३५ रूपैयाँ ५२ पैसा, युएई दिराम एकको खरिददर ३६ रूपैयाँ ११ पैसा र बिक्रीदर ३६ रूपैयाँ २७ पैसा तथा मलेसियन रिंगिट एकको खरिददर आइतबार २८ रूपैयाँ ११ पैसा र बिक्रीदर २८ रूपैयाँ २४ पैसा कायम गरेको छ ।
साथै, कुवेती दिनार एकको खरिददर ४३० रूपैयाँ ८० पैसा र बिक्रीदर ४३२ रूपैयाँ ७५ पैसा र बहराइन दिनार एकको खरिददर ३५१ रूपैयाँ ८२ पैसा र बिक्रीदर ३५३ रूपैयाँ ४१ पैसा तोकिएको राष्ट्र बैंकले जनाएको छ ।न्युजका्रखाना
काठमाडौं, ७ माघ ।
हाल नेपालमा पश्चिमी वायुको आंशिक प्रभाव रहेको छ।
जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशको पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहेको छ। साथै, देशको तराईका धेरै स्थानहरुमा हुस्सु र केहि स्थानहरुमा कुहिरो लागेको छ।
दिउँसो देशको पहाडी भू-भागमा आंशिक देखि साधारणतया बदली रही बाँकी भू-भागमा आंशिक बदली देखि मौसम मुख्यतया सफा रहनेछ। कोशी, गण्डकी र कर्णाली प्रदेशका उच्च पहाडी तथा हिमाली भू-भागका एक दुई स्थानमा हल्का हिमपातको सम्भावना रहेको छ।
राती भने कोशी,,बाग्मती, मधेश, गण्डकी र लुम्बिनी प्रदेशमा आंशिक देखि साधारणतया बदली रही बाँकी भू-भागमा मौसम मुख्यतया सफा रहनेछ। कोशी र गण्डकी प्रदेशका उच्च पहाडी तथा हिमाली भू-भागका एक दुई स्थानमा हल्का हिमपातको सम्भावना रहेको छ।
कोशी, गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भू-भागका एक दुई स्थानमा हल्का हिमपातको सम्भावना रहेको छ। साथै, तराईका अधिकांश स्थानहरूमा हुस्सु र कुहिरो लाग्ने हुँदा दैनिक जनजीवन, स्वास्थ्य, यातायात तथा हवाई यातायातमा प्रभाव पर्न सक्ने भएकोले त्यसबाट हुन सक्ने असरका साथै चिसोबाट समेत बच्न आवश्यक उपायहरू तथा सतर्कता अपनाउन महाशाखाले अनुरोध गरेकाे छ । न्युजका्रखाना
आजमिति २०८० साल माघ ७ गते तदअनुसार जनवरी २१, सन् २०२४ आईतवार, शुक्लपक्षको एकादशी तिथि, मृगशिरा नक्षत्र, शुक्ल योग, वृष राशिमा चन्द्रमा, यो योगमा जनहित तथा शुभकार्यका लागि राम्रो मानिन्छ। आज झगडा आदि निर्दयी कार्य बाहेक सम्पुर्ण कार्य गर्न शुभ छ ।
आजको वैदिक राशिफल
• मेष
तपाईंको राशिफल अति शुभ छ। तपाईंको स्वास्थ्य राम्रो रहनेछ। तपाईंले आफ्नो काममा उत्कृष्ट प्रदर्शन गर्नेछौं। तपाईंको परिवार र प्रेमी सँग राम्रो सम्बन्ध रहनेछ। तपाईंको शुभ रंग रातो र शुभ अंक ९ हो।
• वृषभ
तपाईंको राशिफल मध्यम छ। तपाईंको स्वास्थ्यमा ध्यान दिनुपर्नेछ। तपाईंले आफ्नो काममा ठूलो चुनौती सामना गर्नुपर्नेछ। तपाईंको परिवार र प्रेमी सँग धेरै कुरा गर्नुहोस्। तपाईंको शुभ रंग नीलो र शुभ अंक ६ हो।
• मिथुन
तपाईंको राशिफल शुभ छ। तपाईंको स्वास्थ्य उत्तम रहनेछ। तपाईंले आफ्नो काममा नयाँ अवसर पाउनेछौं। तपाईंको परिवार र प्रेमी सँग खुशी रहनेछौं। तपाईंको शुभ रंग पहेंलो र शुभ अंक ३ हो।
• कर्क
तपाईंको राशिफल अशुभ छ। तपाईंको स्वास्थ्यमा समस्या आउन सक्छ। तपाईंले आफ्नो काममा निराशा अनुभव गर्नुपर्नेछ। तपाईंको परिवार र प्रेमी सँग झगडा हुन सक्छ। तपाईंको शुभ रंग हरियो र शुभ अंक २ हो।
• सिंह
तपाईंको राशिफल शुभ छ। तपाईंको स्वास्थ्य राम्रो रहनेछ। तपाईंले आफ्नो काममा नैतिक सहयोग पाउनेछौं। तपाईंको परिवार र प्रेमी सँग आत्मीयता रहनेछ। तपाईंको शुभ रंग सुनहरा र शुभ अंक १ हो।
• कन्या
तपाईंको राशिफल मध्यम छ। तपाईंको स्वास्थ्यमा थोरै दुखाइ आउन सक्छ। तपाईंले आफ्नो काममा बुद्धिमानी लागाउनुपर्नेछ। तपाईंको परिवार र प्रेमी सँग विश्वास राख्नुहोस्। तपाईंको शुभ रंग चाँदी र शुभ अंक ५ हो।
• तुला
तपाईंको राशिफल शुभ छ। तपाईंको स्वास्थ्य बलियो रहनेछ। तपाईंले आफ्नो काममा नयाँ योजना बनाउनेछौं। तपाईंको परिवार र प्रेमी सँग रोमान्स रहनेछ। तपाईंको शुभ रंग गुलाबी र शुभ अंक ७ हो।
• वृश्चिक
तपाईंको राशिफल अशुभ छ। तपाईंको स्वास्थ्यमा बिरामी हुन सक्छ। तपाईंले आफ्नो काममा असफलता भोग्नुपर्नेछ। तपाईंको परिवार र प्रेमी सँग अनबन हुन सक्छ। तपाईंको शुभ रंग कालो र शुभ अंक ८ हो।
• धनु
तपाईंको राशिफल शुभ छ। तपाईंको स्वास्थ्य निकै राम्रो रहनेछ। तपाईंले आफ्नो काममा उच्च लाभ हासिल गर्नेछौं। तपाईंको परिवार र प्रेमी सँग आनन्द रहनेछौं। तपाईंको शुभ रंग बैंगनी र शुभ अंक ९ हो।
• मकर
तपाईंको राशिफल मध्यम छ। तपाईंको स्वास्थ्यमा थोरै अस्वस्थता आउन सक्छ। तपाईंले आफ्नो काममा दृढ निर्णय लिनुपर्नेछ। तपाईंको परिवार र प्रेमी सँग समझदारी राख्नुहोस्। तपाईंको शुभ रंग भूरा र शुभ अंक ४ हो।
• कुम्भ
तपाईंको राशिफल शुभ छ। तपाईंको स्वास्थ्य नयाँ ऊर्जा भरिएको रहनेछ। तपाईंले आफ्नो काममा रचनात्मकता देखाउनेछौं। तपाईंको परिवार र प्रेमी सँग मित्रता रहनेछ। तपाईंको शुभ रंग सेतो र शुभ अंक ११ हो।
• मीन
तपाईंको राशिफल अशुभ छ। तपाईंको स्वास्थ्यमा तनाव आउन सक्छ। तपाईंले आफ्नो काममा गल्ती गर्नुपर्नेछ। तपाईंको परिवार र प्रेमी सँग दुरी हुन सक्छ। तपाईंको शुभ रंग नारिवल र शुभ अंक १२ हो।
राशिफलमा राम्रो नराम्रो जे लेखेको भएका पनि तपाई आफ्नो नियमित कार्यबाट विचलित नहुनुहोला । राशिफल भनेको तपाईँको जन्मकुण्डलीमा रहेको चन्द्रमाको राशिलाई लिएर हाल भएका ग्रहहरूको अबस्थालाई हेरेर तयार गरीएको हुन्छ । जन्मकुण्डलीको अन्य आठ ग्रहको अवस्था युती, दृष्टि, भाव, उच्च, नीच, आदि कुराहरूले फरक पर्न सक्छ । निर्णय गर्दा तपाईंको आफ्नै अन्तर्ज्ञान र निर्णय प्रयोग गर्न सधैं महत्त्वपूर्ण छ।
राशिफल लेखक युवा ज्योतिष जनक खड्का, वैदिक ज्योतिषका विज्ञ मानिन्छन् उनि ज्योतिष परामर्श केन्द्रको सञ्चालक समेत हुन्।न्युजका्रखाना
भरतपुर ६ माघः
कार्यवाहक प्रधानमन्त्री तथा रक्षामन्त्री पूर्णबहादुर खड्काले नेपाली सेनाको नयाँ सबुज गणको निरीक्षण गरेका छन ।
सो अवसरमा मध्य पृतना हेडक्वार्टर नं ७ वाहिनी अड्डा अन्तर्गत रही तैनाथ यस गणले भरतपुर विमानस्थल सुरक्षाका साथै जल उद्धार, सडक दुर्घटना, विपद्जन्य परिस्थितिबाट सिर्जित सडक अवरोध हटाउने कार्यमा खेलेको भूमिका सराहनीय भएको उनले बताए ।
‘भरतपुर विमानस्थल विस्तारका लागि सेनाको स्वामित्वमा रहेको ७० बिगाहा आठ कठ्ठा चार धुर जग्गामध्ये करिब १९ बिगाहा चार कठ्ठा चार धुर जग्गा विमानस्थलको धावनमार्ग विस्तार र वैकल्पिक सडक निर्माणका लागि उपलब्ध गराउनुपर्ने देखिन्छ,’, उनले भने, ‘नेपाली सेनाबाट निर्मित केही भौतिक संरचनाहरु समेत स्थानान्तरण गर्नु पर्ने हुँदा यस सम्बन्धमा विभिन्न सरोकारवाला निकायहरूबीच आवश्यक समन्वय र सहकार्य गर्दै अघि बढ्न आवश्यक रहेको छ ।’
यस प्रक्रियामा रक्षा मन्त्रालय र नेपाली सेनाको तर्फबाट सम्बन्धित सरोकारवाला निकायहरूसँग छलफल र परामर्श भइरहेको र सबैको सहयोगले यो विषय चाँडै निष्कर्षमा पुग्ने उनको भनाइ थियो ।
राष्ट्रिय सुरक्षाको प्रमुख पहरेदारका रूपमा रहेको नेपाली सेनाले देशभित्र मात्र नभई विश्वका विभिन्न द्वन्द्वग्रस्त क्षेत्रहरूमा समेत संयुक्त राष्ट्र सङ्घको झण्डा मुनि रहेर शान्ति स्थापनामा विशेष योगदान गर्दै आएको रक्षामन्त्री खड्काले बताए ।
नेपाली सेनाको यस योगदानले नेपाल र नेपालीको शिर उँचो बनाएको भन्दै उनले सेनाको व्यावसायिक क्षमतालाई उच्च राख्न नेपाली सेनामा तालिम, प्रशिक्षण, भौतिक संरचनाको निर्माण तथा आधुनिक सैन्य उपकरणहरूको व्यवस्था गर्न राज्यले निरन्तर जोड दिँदै आएको उल्लेख गरेका छन ।
‘नेपाली सेनामा रही काम गर्ने सबै राष्ट्र सेवकहरूको मनोबल र उत्प्रेरणालाई उच्च राख्न सरकारले प्राथमकिता दिएको छ, आगामी दिनमा राज्यको क्षमता र साधन स्रोतले भ्याएसम्म नेपाली सेनाको थप सुदृढीकरणका लागि विभिन्न व्यवस्थाहरू गर्दै लगिनेछ,’ उनले भने ।
नेपाली सेनाले सीमित स्रोत, साधन र सुविधाको बाबजुद हिमाल, पहाड र तराई सबैतिर खटिएर अहोरात्र राष्ट्रको सुरक्षामा खटिएको भन्दै कार्य सम्पादनका क्रममा सेनाले भोगेका समस्या र अप्ठ्यारालाई सरकारले महसुस गरेको उनले जनाएका छन । ती समस्या तथा अप्ठ्याराहरूलाई आगामी दिनमा सरकारको क्षमताले भ्याएसम्म क्रमशः सम्बोधन गर्दै जाने दिशामा नेपाल सरकार प्रतिबद्ध रहेको उनको भनाई छ ।
‘मेरो नेपाल मेरो स्वर्ग’ भन्ने आदर्श वाक्य बोकेको श्री नयाँ सबुज गणमा खासगरी तराई÷मधेसमा बसोबास गर्ने नागरिकहरूको प्रतिनिधित्व हुने गरी नेपाली सेनाका विभिन्न विभाग, कार्यालय, महानिर्देशनालय, निर्देशनालय, पृतना, वाहिनी युनिटरसब युनिटलगायत ११७ स्थानबाट विभिन्न दर्जाका सैनिक व्यक्तिहरु सम्मिलित गराई यो नयाँ गण २०६३ साल असार २८ मा महोत्तरीको पकौलीमा स्थापना भएको हो ।
यो गण ओखलढुङ्गा, हेटौँडा, सुर्खेत लगायतका जिल्लाहरू हुँदै गत वैशाख १५ गतेदेखि चितवनको भरतपुर व्यारेकमा तैनाथ छ। तराई र मधेसमा बसोबास गर्ने समुदायको विशेष प्रतिनिधित्व र बाहुल्य भएको यस गणमा करिव ८० प्रतिशत तराई र मधेस मूलका विभिन्न दर्जाका सैनिकहरू कार्यरत रहेको भन्ने थाहा पाउँदा आफूलाई खुसी लागेको कार्यबहाक प्रधानमन्त्री खडकाले बताए ।न्युजका्रखाना
काठमाडौं, ६ माघ ।
उमेरमा नै कपाल सेतो हुनु आजको समयमा यस्तो समस्या बनेको छ कि धेरै मानिसहरु यससँग लडिरहेका छन् ।
अझै सानै उमेरमा मानिसको कपाल सेतो हुने गर्छ र यो समस्या साना बालबालिकामा पनि देखिने गरेको छ । कहिलेकाहीँ रासायनिक उत्पादनहरू र शरीरमा केही पोषक तत्वहरूको कमीको कारणले कपालको समय अगावै सेतो हुन सक्छ।
यो समस्याबाट बच्न कपालको हेरचाह गर्ने धेरै प्रकारका उत्पादनहरू बजारमा उपलब्ध भएता पनि त्यसको नतिजा कस्तो हुन्छ भन्ने पुष्टि भएको छैन। यस्तो अवस्थामा यो समस्याबाट छुटकारा पाउन प्राकृतिक उपाय अपनाउनु राम्रो हुन्छ । यदि तपाइँ तपाइँको सेतो कपाल केहि दिनमा कालो र बाक्लो हुन चाहनुहुन्छ भने तपाइँ यी प्राकृतिक उपचारको मद्दत लिन सक्नुहुन्छ।
आउनुहोस् यो समाधानको एक उपायका बारेमा कुरा गरौं ।
नरिवलको तेल धेरै वर्षदेखि छाला र कपालको हेरचाहमा प्रयोग हुँदै आएको छ। खासगरी कपालको कुरा गर्ने हो भने यसले कपाललाई गहिरो पोषण दिनुका साथै धेरै प्रकारका समस्याहरू हटाउन पनि मद्दत गर्छ। यदि तपाईंले यो तेललाई नियमित रूपमा प्रयोग गर्नुभयो भने तपाईंले छालाको धेरै प्रकारका समस्याहरू हटाउन सक्नु हुन्छ। नरिवलको तेलमा केही चीजहरू मिसाएर लगाउन सक्नुहुन्छ, जसले कपाललाई प्राकृतिक रूपमा कालो बनाउन र वृद्धि बढाउन मद्दत गर्दछ।
सेतो कपालको समस्या हटाउन नरिवलको तेलमा मेथीको दाना मिसाएर लगाउन सक्नुहुन्छ । कपाल झर्ने समस्यालाई हटाउनुका साथै यसले प्राकृतिक रूपमा कालो बनाउन पनि मद्दत गर्छ र कपाललाई मजबुत बनाउन पनि फाइदाजनक साबित हुन सक्छ।
यो तेल बनाउन मेथीको दाना राम्ररी पीस्नुहोस्। अब ३–४ चम्चा तेलमा १ चम्चा पाउडर लिनुहोस्, यसलाई राम्ररी मिलाउनुहोस् र उमाल्नुहोस्। त्यसपछि यो तेललाई एयर टाइट कन्टेनरमा राख्नुहोस् र हप्तामा कम्तिमा दुई पटक यो तेल कपालमा लगाउनुहोस्। यसबाट कपाल सेतो हुने समस्या समाधान हुन्छ ।न्युजका्रखाना
