काठमाडौं, २९ चैत ।
राष्ट्रिय स्वतन्त्र पार्टी (रास्वपा) को केन्द्रीय समितिको बैठक बस्दै छ । सांसद ढाकाकुमार श्रेष्ठसँग जोडिएको अडिओबारे निर्णय लिन बुधबार बिहान ९ बजे केन्द्रीय समितिको बैठक बस्न लागेको हो ।
केन्द्रीय अनुशासन तथा आचरण समितिले सांसद ढाकाकुमार श्रेष्ठले घुस डिल गरेको अडियोसम्बन्धी प्रतिवेदन मंगलबार सभापति रवि लामिछानेलाई बुझाएकाले निर्णय लिन केन्द्रीय समितिको बैठक बस्न लागेको हो ।
समितिसँगको बयानमा सांसद श्रेष्ठले अडिओ आफ्नो नभएको बताएका छन् । उनले दुर्गा प्रसाईलाई नचिनेको र फोन संवादसमेत नगरेकोसमेत दाबी छन् ।
काठमाडौं, २९ चैत
बैतडीमा जीप दुर्घटना हुँदा ६ जनाको मृत्यु भएको छ । जयपृथ्वी राजमार्गअन्तर्गत पाटन नगरपालिका–८, झौलेक मोडमा मंगलबार राति करिब ११:२५ बजे जीप दुर्घटना भएको हो ।
दुर्घटनामा ६ जनाको घटनास्थलमै मृत्यु भएको जिल्ला प्रहरी कार्यालय बैतडीका प्रहरी निरीक्षक योगेश खत्रीले जानकारी दिए ।
बझाङको केदारस्युँ गाउँपालिका–५, बाँझका ६० वर्षीय मने बोहरा, सोही ठाउँका ४० वर्षीय नरे बोहरा, ३५ वर्षीय गोरख बोहरा, ४५ वर्षीय मानबहादुर धामी, ४५ वर्षीय बिर्ख धामी र ४५ वर्षीय वीरे धामीको मृत्यु भएको प्रहरीको भनाइ छ ।
जीप सवार पाँचजना सकुशल छन् । जीप खस्ने क्रममा सडकमै हामफालेका पाँचैजना सकुशल रहेको प्रहरीले जनाएको छ । चालक सम्पर्कविहीन छन् ।
झुलाघाटबाट बझाङको बाग्थलातर्फ जाँदै गरेको से१ज ७६४ नम्बरको जीप अनियन्त्रित भई सडकबाट करिब ५०० मिटर तल खसेको प्रहरीले जनाएको छ ।
काठमाडौं, २८ चैत ।
नेपाल उद्योग वाणिज्य महासंघको नयाँ नेतृत्वका लागि आज निवार्चन हुदैँछ ।
उद्योगी व्यवसायीहरुको छाता संस्था महासंघको ५७ औं साधारणसभाले महासंघको नयाँ नेतृत्वकाे लागि आज निर्वाचन हुन लागेकाे हाे । यस महासघकाे हिजाे उदघाटन भएकाे थियाे ।
हिजाेवाट सुरु भएकाे साधारणसभवाट वरिष्ठ उपाध्यक्ष चन्द्र ढकाल बिद्यानत स्वतः अध्यक्षमा चयन हुनेछन् भने नयाँ वरिष्ठ उपाध्यक्षलगायत सदस्य पदका लागि भने आजवाट निर्वाचन हुनेछ ।
वरिष्ठ उपाध्यक्षका लागि उमेशलाल श्रेष्ठ, अन्जन श्रेष्ठ र रामचन्द्र सांघाईले उम्मेदवारी दिने यस अघि नै घोषणा गरिसकेका छन । यसरी निर्वाचित हुने महासंघकाे बरिष्ठ उपाध्यक्ष अर्काे कार्यकालका लागि स्वतः अध्यक्ष हुनेछन् ।
साधारण सभाले महासंघको ६४ सदस्यीय नयाँ कार्यसमिति चयन गर्ने छ । जसअनुसार जिल्ला–नगर वाणिज्य, वस्तुगत र एसोसिएटमा एक–एक जना गरी तीन जना उपाध्यक्ष चयन गर्नेछ ।
यसैगरी, वस्तुगत संघबाट १४ जना, उद्योग वाणिज्य संघबाट १८ जना, एसोसिएट कार्यसमितिवाट १९ जना र जिल्लावाट ७ जना सदस्य केन्द्रिय कार्यसमितिमा नयाँ नेतृत्व आउनेछ ।
काठमाडौं, २९ चैत ।
जल तथा मौसम विज्ञान विभागको मौसम पूर्वानुमान महाशाखाले बुधबार तीनवटा प्रदेशमा मेघ गर्जन र चट्याङसहित वर्षाको सम्भावना रहेको जनाएको छ ।
विभागका अनुसार कोशी प्रदेश, गण्डकी प्रदेश र कर्णाली प्रदेशका पहाडी भू–भागका एक–दुई स्थानमा मेघ गर्जन र चट्याङसहित हल्का र क्षणिक वर्षाको सम्भावना रहेको छ।
देशका पहाडी भू–भागमा आंशिक बदली रही बाँकी भू–भागको मौसम सामान्यतया सफा रहने विभागले जनाएको छ । साथै लुम्बिनी र सुदूरपश्चिम प्रदेशका तराईका थोरै स्थानहरूमा हावाहुरीको समेत सम्भावना रहेको छ ।
बुधबार राति देशका पहाडी भू–भागमा आंशिक बदली रही बाँकी भू–भागको मौसम सामान्यतया सफा रहनेछ ।
आरके श्रीवास्तव,गरूडा,चैत २८ गते
आर्थिक मन्दी छाएसँगै अपराधी गतिविधिमा वृद्धि भएको छ । रौतहटको देवाहीगोनाहीमा भएको एक घटनाले यसलाई पुष्टि गरेको छ । मान्छेलाई अपहरण गरि नेपाली कागजमा सहीछाप गराएको खुलासा भएको छ । लाखौंको सम्पत्ति हत्याउने दाउमा सहीछाप गराएको पिडितको भनाइ छ । केही अपरिचित व्यक्तिहरूले एक जना वृद्धलाई अपहरण गरी नेपाली कागजमा सहीछाप गराएको रहस्य खुलेको छ ।
जिल्लाको देवाही गोनाही नगरपालिका–७ प्रेमपुर गोनाहीका वृद्ध विष्णु हजरालाई अज्ञात समुहले केही दिनअघि अपहरण गरी बसहा कागजमा सहीछाप गराएको बताइएको छ । पीडित हजराले मंगलवार पत्रकारहरू सँग कुराकानी गर्दै यस्तो गुनासो सुनाएका छन् ।
गत चैत १२ गते आईतवार साँझ करिव साढे ७ बजेको समयमा गोनाही बजारबाट आफना घर फर्किरहेका हजारालाई प्रेमपुर गोनाही र देवाही बजारको बिचमा चार जनाको समुहमा मोटरसाइकलमा आएका अपरिचित व्यक्तिहरुको समुहले कुटपिट गर्दै गुण्डा शैलीमा अपहरण गरी गाउँ नजिकै रहेको लालबकैया नदिको किनारमा लगेको पिडित हजराको भनाइ छ । साइकलमा सवार आफुलाई ति समुहले मुख थुनेर मोटरसाइकलमा बसाई लालबकैया नदिको किनारमा लगेको र बलजफ्ती बसहा कागजमा सहीछाप गराएको पीडित हजराले बताए ।
सहीछाप गराएपछि उनिहरु आफुलाई नदि किनारमै छोडेर भागेको बताए । आफ्नो आँखामा कपडाले बाँधेको कारण सहीछाप गराउने समूह मध्येका कसैलाई पनि चिन्न नसकेको बताए ।
कागजमा सहिछाप गराएर ती व्यक्तिहरू फरार भएपछि बल्लतल्ल आफनो ज्यान जोगिएको उनले बताए । लालबकैया नदिबाट भाग्दै मौलापुर नपा १ मर्यादपुरमा पुगेपछि स्थानीयहरूले ज्यान बचाएको उनले व्यथा सुनाए ।
उक्त घटना भएको भोली पल्ट लालबकैया नदीको तटबन्ध भएर घरतिर फर्किने क्रममा प्रहरी सहित आफन्तको टोली त्यहाँ भेटाएको थियोे । प्रहरीमा यस विषयमा उजुरी दिन खोजदा उजुरी लिन नमाने को बताए । पीडित हजराको तिन जना छोरीहरु छन भने उनको छोरा छैन्न ।
उनको नाममा १२ कठ्ठा जग्गा जमिन रहेको छ । हजरालाई छोरा नरहेको हुँदा उनको नाममा रहेको सबै जग्गा जमिन हत्याउने उद्देश्यले अपहरण गर्ने समुहले उनीसंग कपाली कागजमा सहीछाप गराएको हुन सक्ने आशांका गरिएको छ । ती अपहरणकारीहरूलाई खोजबिन गरी कपाली कागज बदर गरी आफुलाई न्याय दिलाउन उनले सम्बन्धित निकायसंग माग गरेका छन् ।
यो भन्दाअघि आफु कसैसंग एक रुपैया पनि ऋण नलिएको प्रष्ट पार्दै हजराले यदि आफु कर्जा लिएको भनी कसैले कपाली कागज पेश गरी मुद्दा दिएमा सो तमसुक झुटो सावित हुनुपर्ने र त्यस्ता कपाली कागज पेश गर्ने व्यक्तिलाई अपराधी घोष्णा गरी कडा कार्यवाही गर्नुपर्ने उनले माग गरेका छन् ।
यस विषयमा इलाका प्रहरी कार्यालय गरुडाका डिएसपी छेदीलाल कामती सँग बुझदा उनीहरुको पारीवारी भगडा रहेको बताउँदै । अपहरण भएको पुष्टि नभएको प्रतिक्रिया दिए । प्रहरीले यस विषयमा थप अनुसंधान गरिरहेको जानकारी गराए ।
आरके श्रीवास्तव,गरुडा,चैत २८ गते
रौतहटको फतुवा बिजयपुर नगरपालिकामा नगर विपद व्यवस्थापन समितिको बैठक आज सम्पन्न भएको छ । नगर विपद व्यवस्थापन समितिकी संयोजक कार्यवाहक नगरप्रमुख अम्बेया खातुनको अध्यक्षतामा बैठक बसेको थियो ।
विभिन्न विपद कार्यमा क्षतीहानी नोक्सानी भएको वापत आर्थिक सहयोग वितरण कार्यको लागि बैठक बोलाइएको थियो । मंगलवार भएको बैठकमा विपद क्षतीपूर्ती वापतको रकम वितरण सम्बन्धमा छलफल गरिएको थियो । बैठकमा मानविय क्षती भएकालाइ रु २५ हजार,पशु जन्य,घर,अन्नबाली क्षती भएकालाइ २० हजार र घर,अन्नबाली लताकपडा,भाडा वर्तन क्षती वापत रु १५ हजार दिने सर्वसहमतीबाट निर्णय गरिएको हो ।
बैठकमा नगरभरी बाट प्राप्त विपद कार्यमा क्षतीहानी नोक्सानी भएको फाइलहरुको भुक्तानी दिने निर्णय पनि गरिएको थियो । सो अवसरमा फतुवा बिजयपुर नगरपालिकाका नि.प्रमुख प्रशासकिय अधिकृत शम्भु कुमार यादव,विपद व्यवस्थापन शाखा प्रमुख बिल्टु राय यादव,राजनितीक दलका प्रतिनिधी बाबुराम अधिकारी,समाजिक विकास समिति
संयोजक सतिश यादव,पूर्वाधार विकास समिति संयोजक राकेश यादव,आर्थिक विकास समिति संयोजक नितेश कुमार चौधरी,इप्रका फतुवा विजयपुरका प्रहरी निरिक्षक अरविन्द कुमार साह,सशस्त्र वेश क्याम्प बिजयपुरका प्रहरी निरिक्षक राजेश आचार्य,वडा नम्बर ३ का वडा अध्यक्ष रामइश्वर राय यादव,वडा नम्बर ६ का वडा अध्यक्ष रामएकवाल राय यादव,वडा नम्बर ७ का वडा अध्यक्ष रामविश्वास राय यादव लगायत विभिन्न वडाका वडा अध्यक्ष,पत्रकारहरु,आमन्त्रीत सदस्यहरुको सहभागिता रहेको थियो ।
बज्जिकाञ्चल,गरुडा,चैत २८ गते
नेपाल नेत्र ज्योती सङ्घ रौतहटको सभापतिमा विजय कुमार सिंह दोश्रो कार्यकालकालागि पुनः निर्वाचित हुनुभएको छ । गौर आँखा अस्पताल पुरेनवामा आज सम्पन्न साधारण सभा र जिल्ला अधिवेशनबाट वहाँ निर्वाचित हुनु भएको हो । अधिवेशनमा सभापतिकोलागि सहमति जुटाउने प्रयास असफल भएपछि निर्वाचन गराइएको थियो । २ जनाको उम्मेदवारी परेको सभापतिमा ७० मत प्राप्तगरी सिंह निर्वाचित भएको हो ।
वहाँको प्रतिस्पर्धी ज्ञानी राय यादवले २८ मत प्राप्त गरेका थिए भने १ मत बदर भएको निर्वाचन अधिकृत तथा सङ्घको केन्द्रीय वरिष्ठ उपाध्यक्ष श्याम कुमार पोखरेलले जानकारी दिनुभयो । सङ्घको जिल्ला कार्य समितिको सदस्यहरूमा बच्चा प्रसाद यादव , नवीन कुमार केसरी,शिव मङ्गल साह, , रामेश्वर सिंह राजपुत, अयुद मिया कवारी, राजेन्द्र प्रसाद साह, सुरेन्द्र कुमार यादव,नवल किशोर पंडित, उमेश प्रसाद पटेल, संजिव कुमार मल्लिक र महिला सदस्यमा भुवनी गिरी श्रेष्ठ, निर्माला श्रेष्ठ उप्रेती लगायतका चुनिएका छन् ।
यसभन्दा अघि आजै एक कार्यक्रम मार्फत साधारणसभा तथा जिल्ला अधिवेशनको उद्घाटन गरिएको थियो । नेपाल नेत्र ज्योति सङ्घ रौतहटको सभापति विजय कुमार सिंहको सभापतित्व तथा गौर नगरपालिकाको नगर प्रमुख शम्भु साहको प्रमुख आतिथ्यतामा भएको कार्यक्रम मार्फत उद्घाटन गरिएको थियो ।
रौतहट एफ एमको समाचार प्रमुख राम विश्वास मुखियाले सञ्चालन गरेको सो कार्यक्रममा सङ्घको केन्द्रीय वरिष्ठ उपाध्यक्ष श्याम कुमार पोखरेल, सङ्घको पूर्व जिल्ला सभापति दुर्गा प्रसाद यादव, गौर न पा ५ को वडाध्यक्ष शिव शंकर यादव, वडा नम्बर ८ को अध्यक्ष जनार्दन साह,रौतहट एफ एमको अध्यक्ष रेवन्त झा, नेपाल पत्रकार महासङ्घ रौतहटको सभापति प्रेम चन्द्र झा, मोहन कुमार यादव, पत्रकार शैलेन्द्र गुप्ता तथा आजिवन सदस्यहरूको सहभागीता रहेको थियो ।
काठमाडौं, २८ चैत ।
बैंक तथा वित्तीय संस्थाबाट ५० लाख रुपैयाँसम्मको कुनै पनि कर्जा तोकिएको समय भन्दा पहिले नै चुक्ता गर्दा अग्रिम भुक्तानी शुल्क लिन नपाउने भएको छ।
नेपाल राष्ट्र बैंकले यस्ता कर्जा अग्रिम भुक्तानी गर्दा बैंक तथा वित्तीय संस्थाले कुनै शुल्क लिएमा वा लिने जानकारी दिएमा गुनासो दर्ता गर्न आग्रह गरेको छ।
सुरूमा बैंककै गुनासो शाखामा गुनासो राख्न र सुनुवाइ नभएमा नेपाल राष्ट्र बैंकमा रहेको वित्तीय ग्राहक संरक्षण इकाइमा गुनासो दर्ता गराउनसमेत नेपाल राष्ट्र बैंकले आग्रह गरेको हो।
काठमाडौँ ।
साल्ट ट्रेडिङ कर्पोरेसन लिमिटेडको अध्यक्ष पदमा प्रदीपलाल श्रेष्ठलाई नियुक्त गरिएको छ ।
सोमबार बसेको लिमिटेडको सञ्चालक समितिको बैठकले कर्पोरेसनकै सञ्चालकको रुपमा काम गर्दै आएका प्रदीपलाल श्रेष्ठलाई अध्यक्षमा नियुक्त गर्ने निर्णय गरेको हो ।
आठ वर्षदेखि कर्पोरेसनको संचालकको रुपमा आफ्नो कार्य गर्दै आएका उनले मोरङ सुगर मिल लिमिटेडको सञ्चालक समितिको अध्यक्षको जिम्मेवारी निर्वाह गरिसकेका छन् ।
