काठमाडौं, १७ भदौ ।
नेकपा एकीकृत समाजवादीले सचिवालयको बैठक बस्दैछ । तर, समय भने अझै खुलाइएको छैन ।
आलोकनगर, शान्तिनगरस्थित पार्टी केन्द्रिय कार्यालयमा सो बैठक बस्ने जनाईएको छ ।
बैठकमा यसअघि केन्द्रिय समिति बैठकले गरेको निर्णयको कार्यान्वयनसहित पछिल्ला राजनीतिक घटनाक्रम र समसामयिक विषयमा छलफल हुने जनाइएको छ ।
आउँदो माघ १४ मा १० महाधिवेशनको मिति तय गरेको नेकपा एसले त्यसको तयारीका विषयमा पनि छलफल हुने र सोहीअनुसार जिम्मेवारी बाँडफाँटका सम्बन्धमा पनि निर्णय हुन सक्ने बताइएको छ ।
जनकपुरधाम, १७ भदौ । जनकपुरमा एक युवतीको रहस्यमय मृत्यु भएको भन्दै प्रहरीले शव नियन्त्रणमा लिएको छ। जनकपुरधाम उपमहानगरपालिका १९ जमुनियाकी १८ वर्षीया सरस्वती यादवको रहस्यमय मृत्यु भएको भन्दै प्रहरीले शव नियन्त्रणमा लिएको हो।
आज दिउँसो उनको शव प्रहरीले नियन्त्रणमा लिएको धनुषाका प्रहरी प्रवक्ता डीएसपी वेदप्रसाद गौतमले बताए। कलमा पानी लिन जाँदा लडेर मृत्यु भएको भनेर आमाकी बालिकाले बयान दिएकी छन्।
स्थानीयबासिन्दाले भने सरस्वतीको राति नै मृत्यु भएको बताएका छन्। सरस्वतीलाई अनावश्यक औषधि खुवाइएपछि रक्तश्राव भएर राति नै घरमा मृत्यु भएको अनुसन्धानका क्रममा पाइएको प्रहरीको भनाइ छ।
घटना के कसरी भएको हो भन्ने विषयमा पोष्टमार्टम रिपोर्ट आएपछि मात्र केही भन्न सकिने प्रहरीले जनाएको छ।
सागर संगम ठाकुर ,रौतहट, भदौ १७ गते
रौतहटमा भएको सवारी दुर्घटनामा एक जनाएको मृत्यु भएको छ। चपुर देखि गौर तर्फ जादै गरेको बसले साईकल यात्रीलाई ठक्कर दिदा साईकलमा सवार ब्यक्तिको मृत्यु भएको जिल्ला प्रहरी कार्यलय रौतहटले जनाएको छ। मृत्युु हुनेमा जिल्लाको वृन्दावन नगरपालिका ७ का अन्दाजी ७० वर्षिय शेख नन्क मंसुर मिया रहेको प्रहरीले जनाएको छ ।
ना ४ ख २७९७ नम्बरको बसले हर्षाहाबाट आउदै गरेको साईकल यात्रीलाई मियाँलाई ठक्कर दिएको थियोे । बसको ठक्करबाट गम्भीर घाइते भएको मियाँलाई उपचारका लागि गरुडा स्थित रहेको हेल्थलैयाण्ड होस्पिटल लगिरहदा बिच बाटोमा नै मृत्यु भएको प्रहरीले बताए । मृतक मियाँको शव पोसमार्टमको लागि प्रादेशिक अस्पताल गौरमा पठाईएको ईलाका प्रहरी कार्यलय गरुडाका डिएसपी ओमप्रकाश खनालले जानकारी दिनु भयो ।
मृतक मियालाई ठक्कर दिने बसका चालक चन्द्रपुर नगरपालिका (४ बस्ने अरुण कुमार चौधरी प्रहरीको नियन्त्रणमा रहेको र घटना बारे थप अनुसन्धान भई रहेको ईलाका प्रहरी कार्यलय गरुडाले जनाएको छ ।
मेवालाल यादव,गाैर,भादाे १७ गते ।
जनता समाजवादी पार्टी नेपाल रौतहटको बिस्तारि बैठक कर्मचारी मिलन केन्द्रको सभाहलमा सम्पन्न भएको छ । जसपा नेपाल जिल्ला कार्यसमिति रौतहटको आयोजनामा बिस्तारि बैठक आज सम्पन्न भएकाे हाे । जिल्ला अध्यक्ष श्याम विहारी यादवको सभापतित्वमा भएको बिस्तारि बैठकले ५ बुन्दे प्रस्ताव समेत पारित गरेको छ ।
गौरमा सुनियोजित रुपमा घटाइएका घटनाका नाइकेलाई तत्कालै कारवाही प्रक्रिया अघि बढाउनुपर्ने माग राखे । गौर घटना एउटा राजनीति तवरबाट घटाइएको अत्यन्तै दुखद घटना भएको रौतहट जिल्ला अध्यक्ष श्याम बिहारी यादवले बताए । शिक्षक सुनिल यादव, अन्तरराष्ट्रिय कुस्ति खेलाडि उपेन्द्र दास वैरागी, स्वास्थ्यकर्मी शुरेश यादव र हिन्दुवादी नेता पर्साका काशीनाथ तिवारीकोे हत्या गराउने व्यक्ति आजपाका अध्यक्ष प्रभु साह माथि कारवाही हुदैन भने जसपा पार्टीका कार्याकर्ताहरु तथा नेताले पालिका स्तर देखी लिएर केन्द्रको सिंहदरबार घेराउ गर्ने जसपा नेपालको रौतहट जिल्ला इन्चार्ज रामआशिष राय यादवले नेपाल सरकार लाई चेतावनी समेत दिएका छन् ।
पार्टीको संगठन विस्तार तथा गौर घटनाको विस्तृत रुपमा जानकारी गराउने उदेश्यले कर्मचारी मिलन केन्द्रको सभाहालमा विस्तारित बैठकको आयोजना गरिएको थियो । जनता समाजवादी पार्टी नेपालको मधेश प्रदेश अध्यक्ष रामबाबू यादवको प्रमुख आतिथ्यमा भएको विस्तारित बैठकमा गौर ह्त्याकाण्डको बारेमा बिस्तृत रुपमा छलफल भएको छ । तत्कालीन मधेशी जनाधिकार फोरम नेपालले पूर्व निर्धारित समय अनुसार आम सभा आयोजना गरेको ठाउ गौर राइस मिलको मैदानमा तत्कालीन नेकपा माओवादीका नेता कार्यकर्त्ताले फोरमले आयोजना गरेको आम सभालाइ विथोल्न खोजे पछि भएको झड़पमा हथियार सहित आएका माओवादी कार्यकर्त्ताको मृत्यु भएकोले दोषी माओवादीका कार्यकर्त्ता नै रहेको ठहर बैठकले गरेको छ ।
बैठकमा सहभागी भएका जसपाका नेताहरुले सडयंत्र पूर्वक १७ बर्ष अघि भएको घटनाको पुनः उजागर गरेर पार्टी अध्यक्ष उपेन्द्र यादवलाई फसाउन खोजेको दावी प्रमुख अतिथि प्रदेश अध्यक्ष यादवले गरेका छन । गौर घटनालाइ विउत्याउनु २२ बुन्दे र ८ बुन्दे विस्तृत शान्ति समझौताको विपरीत भएकोले राजनितिक घटनालाइ हत्याकाण्डको रूप दिनु गलत रहेको बताए । पार्टीले संगठन विस्तार गरी पार्टीलाइ बलियो बनाउने उदेश्य लिएर अघि बढिरहेको बताउँदै अध्यक्ष यादवले प्रदेशले संचालन गर्न लागेको संगठन विस्तार अभियानलाइ सफल बनाउन आग्रह समेत गरे ।
पार्टी विस्तार तथा सुदृढीकरण अभियानबारे निर्णय गर्न बैठक आह्वान गरेको मधेस प्रदेश कार्यकारिणी समितिको बैठकले प्रदेशका सबै जिल्लामा आज विस्तारित बैठक सम्पन्न भएको छ । विस्तारित बैठकको सहजीकरणका लागि प्रदेश अध्यक्ष रामबाबुको जिम्मेवारी तोकेको थियो । लामो समयदेखि संगठन बाहिर रहेकाहरुलाई संगठनमा आबद्ध गर्न छलफल र अन्तरक्रिया चलाउने बैठकले निर्णय गरेको छ ।
टोल कमिटिलाई पार्टीको राजनीतिक कार्यदिशा, सांगठिन र बैचारिक बिषयमा प्रशिक्षणका लागि कार्यक्रम गर्ने निर्णय गरेको छ ।बिस्तारित बैठकमा पार्टीले नगरपालिका भित्र सञ्चालन गर्ने विभिन्न कार्यक्रम गर्ने योजना तथा नगर कमिटी लगायत टोल कमिटिलाई तत्काल पूर्णता दिने बैठकले निर्णय गरेको प्रदेश अध्यक्ष रामबाबु यादवले बताए । बैठकमा मधेश प्रदेश सरकार ऊर्जा सिचाई तथा खानेपानी राज्यमंत्री अब्बुल कलम आजाद , पूर्व प्रदेश सांसद राम किशोर यादव ,पूर्व राज्य मंत्री योगेंद्र यादव, पूर्व नगर उपप्रमुख किरण ठाकुर , प्रदेश सांसद शोभा देवी साह लगायत पार्टीका संघीय परिषद् , प्रदेश समिति, केन्द्रिय सदस्य बिवेक यादव ,प्रदेशको कोषा अध्यक्ष रेनु यादव जिल्ला सचिव जयराम महतो, महिला नेत्री रेनु यादव , युवा नेता राजकुमार दास , ललन यादव , प्रादेशिक अस्पताल गौरका ब्यवस्थापन समिति अध्यक्ष मो. अनवर हासमी , चुलाही राय यादव लगायत बैठकमा जिल्लाबाट प्रतिनिधित्व गर्ने केन्द्रीय नेता, प्रदेश समितिका नेता, जिल्ला समितिका पदाधिकारी तथा सदस्य, पालिका समितिका पदाधिकारी, निर्वाचित जनप्रतिनिधि, भातृ सङ्गठनका केन्द्रीय तथा जिल्ला समितिका पदाधिकारीहरुले पार्टीको गतिविधि ,कार्यशैली , विस्तारको बारेमा आ आफ्नो धरना प्रस्तुत गरेका थिए ।
आरके श्रीवास्तव,रौतहट,भदौं १७ गते ।
गरुडा नगर उधोग वाणिज्य संघको आज चुनाव हुन गइरहेको छ । भदौ १८ गते सोमबार हुन गईरहेको निर्वाचनको लागि सम्पूर्ण तयारी पुरा भएको निर्वाचन समिति संयोजक पंडित प्रसाद जैसवालले जानकारी गराउनु भयो । चुनावको लागि सम्पूर्ण व्यापारीहरु अहिले तयार छन् ।
अध्यक्ष पदका उमेदवार संतोष कुमार चौधरीको प्यानल बाट सदस्य पदका लागि रामबाबु साह,गजेन्द्र महतो कोईरी,उपेन्द्र कुमार चौधरी, बिनोध कुमार जयसवाल,चुनचुन प्रसाद यादव,रामबचन प्रसाद जयसवाल, रोहित कुमार जयसवाल,रुपेश कुमार जयसवाल, शिवजी प्रसाद चौधरी, रामबाबु प्रसाद रौनियार,महाशक्ति साह निराला,हरिकिशोर प्रसाद साह,शिवम् कुमार सोनी प्रतिस्पर्धामा छन् ।
अर्का अध्यक्ष पदका उम्मेदवार सतिश साहको प्यानल बाट सदस्य पदका उमेदवार सुशिल कुमार साह, अनिल कुमार पंडित, रमेश रौनियार,दिनेश रौनियार,रामईशवर साह,बिनोद दास,सुशिला देवी जयसवाल,मनोज साह गुप्ता,अजय साह सोनार,हेमलाल साह सोनार,छठु प्रसाद साह,दिपेन्द्र यादव ,रामअधार साह कानु रहेका छन् ।
संघको अध्यक्ष पदमा दुई जनाबीच कडा प्रतिस्पर्धा हुने भएको छ । अध्यक्ष पदमा कसले बाजी मार्ने हो । त्यो अनुमान लगाउन सजिलो छैन् । गरुडा नगर उधोग वाणिज्य संघको विधान २०७३ को परिचछेद ७ को दफा ४५ बमोजिम अगामी ३ वर्ष कार्याकालको लागि आगामी आज अध्यक्ष १ र सदस्य १३ पदका लागि निर्वाचन हुन लागेको हो । जसमा ३३ जना प्रतिस्पर्धीहरु छन् । मतदान कार्यक्रम भने भदौ १८ गते बिहान ८ बजे देखि ४ बजे सम्म राखिएको उनले जानकारी गराएका छन् । संघको कुल ९ सय ५२ जना मतदाता रहेका छन् ।
विशाल बस्नेत ,महोत्तरी, १७ भदाै ।
नेकपा एमालेका सचिव योगेश भट्टराईले देशमा जातीय र धार्मिक द्वन्द्व सिर्जना गर्ने नेकपा माओवादीकाे प्रयास असफल भएकाे बताएका छन् ।
धर्म, जात-जाती, मधेश, पहाडको नाममा माओवादीले द्वन्द्व सिर्जना गर्न खोजेको र त्यस्लाइ नसकेपछी पछाडी हटेको सचिव भट्टराईको तर्क छ । सबे जाती, धर्म, भूगोलको वर्गीय विभेदलाइ अन्त्य गरी समान अधिकार दिलाउन नेकपा एमालेले मात्र सक्ने दावी गर्दै उनले कम्युनिष्ट पार्टीको मूल नेतृत्व नै एमाले भएको बताए ।
भूमि अधिकार तथा श्रमिक संगठन नेपाल मधेश प्रदेशको दोश्रो अधिवेशनको खुल्लासत्रमा बोल्दै सचिव भट्टराईले पुँजीवादी, दलाल र नोकरसाहीहरुसँग प्रतिस्पर्धा गर्न एमाले मात्र एक्लो शक्ति रहेकाे दाबी गर्दै माओवादी र एकीकृत समाजवादी बेकामे भएको टिप्पणी गरे ।
उनले भने, `समाजवादको यात्रा एमालेले तय गरेको छ । माओवादी र समाजवादी त सत्ता टिकाउन कांग्रेससँग मिल्नुले नै समाजवादको लक्ष्य उनीहरुसगँ छैन भन्ने प्रमाणित हुन्छ ।´
रौतहट, १६ भदौ ।
नुहाउन जाँदा रौतहटको चन्द्रपुर-१ नुनथरनजिक बागमतीमा बेपत्ता भएका युवकको शव फेला परेको छ। चन्द्रपुर-१ देवानटोलका २९ वर्षीय बलराम विकको शव शनिबार फेला परेको प्रहरीको भनाइ छ।
मोरङको उर्लाबारी-२ मंगलबारेका जितेन दियालीसँगै नुहाउन गएका उनी शुक्रबार साँझदेखि बेपत्ता भएकोमा बगाएको ठाउँभन्दा झण्डै ५ सय मिटर तल दक्षिण पूर्वपश्चिम राजमार्गमा रहेको पुलछेउ शव भेटिएको इलाका प्रहरी कार्यालय चन्द्रपुरले जनाएको छ।
विक बेपत्ता भएको खबर गरेपछि प्रहरीले खोजतलास गरिरहेको थियो। विकको शव पोस्टमार्टमका लागि गौर पठाइएको छ।
राजेन्द्र महतो सिरहा ,१६ भदौ।
सिरहामा स्रोत नखुलेको ४४ लाख रुपैयाँसहित दुइजना लाई प्रहरीले पक्राउ गरेका छ्न् । पक्राउ पर्नेहरुमा सिरहा नगरपालिका वडा न-१७ माडरका ५२ बर्शिय प्रेम कुमार यादब र सोही ठाउँ वडा न-७ का ४२ बर्शिय सन्जय कुमार साह रहेका छन् ।
भारतको जयनगरबाट नेपालतर्फ आउँदै गरेको भारतीय नम्बरप्लेट बि.आर ७ सि ४२२४ नम्बरको कारलाइ चेकजाँच गर्ने क्रममा कार अगाडिको सिट मुनि राखेर लुकाइ छिपाइ ल्याएको अवस्थामा रकमसहित उनिहरुलाई सिरहा प्रहरीले पक्राउ गरेको हो । पक्राउ परेका दुबै जनालाई थप अनुसन्धान तथा कार्वाहीका लागि राजस्व अनुसन्धान कार्यालय इटहरी पठाइएको जिल्ला प्रहरी कार्यलाय सिरहाले जनाएको छ।
आरके श्रीवास्तव,रौतहट,भदौ १६ गते ।
वन जोगाउन दिनरात खटिरहेपनि केही व्यक्तीहरुले आफूलाइ बदनाम गराउन खोजेको पौराही सब–डिभिजन वन कार्यालयका प्रमुख सहायक वन अधिकृत सुरेश कुमार महतोले बताउनु भएको छ । पत्रकारहरु सँग कुराकानी गर्दैै वहाँले यस्तो बताउनु भएको हो ।
नदी किनारमा वृक्षारोपण गरेर लाखौं बजेट हिनामिना गर्नु भएको हो रु भनि पत्रकारले सोधेको प्रश्नको जवाफ दिनु हुँदै उहाँले भन्नु भयो, आफूले वृक्षारोपणमा कुनै हिनामिना नगरेको दाबी गर्नु भएको छ । जुन वृक्षारोपण गरिएको हो । त्यो कार्यक्रमको नाम नदी खोला किनारमा उकास भएको जग्गामा वृक्षारोपण गर्ने त्यसकारण हामीले नदी उकास भएको ठाउँमा नै वृक्षारोपण गरेका हौं ।
त्यस्तो ठाउँमा वृक्षारोपण गरेपछि त्यस ठाउँको वातावरण देखि आर्थिक रुपमा पनि फाइदा पुग्छ । पछि त्यहाँ गरिएको वृक्षारोपणलाइ हामी स्थानिय समुदायलाइ हामी हस्तान्तरण गर्छौं । त्यहाँ बाट उनीहरुपछि करोडौं रुपैयाँ फाइदा लिन सक्ने छन् । त्यसै लक्ष्य अनुरुप हामीले आर्थिक वर्ष २०७९।८० मा जिल्लाको चन्द्रपुर नगरपालिकाको वडा नम्बर १ स्थित बागमती नदी किनारमा दोभान टोल देखि पूर्व क्षेत्रमा हामीले वृक्षारोपण गरेका छौं । सो ठाउँमा रहेको नदी किनारमा खैर,सिसौ,टिक,अमला र जामुन सहित विभिन्न जातको विरुवा करिब २८ हेक्टर क्षेत्रफलमा रोपेका छौं ।
खोला किनारमा हुने विरुवा नै हामीले रोपेका छौं । सरकारको निति अनुसार हामीले काम गरेका हौं । तर केही व्यक्तीहरुले भ्रामक,कपोल्कल्पीत कुराहरु गरिरहेका छन् । त्यस्तो आरोपको म खण्डन गर्नु भयो । स्थलगत अनुगमन गर्दा पनि हुन्छ । वृक्षारोपण भएपछि स्थानियहरु लाइ धेरै फाइदा पुग्ने उनी बताउँछन् । चरीचरण बन्द र आगलागी भएन भने स्वतः त्यहाँ अन्य विरुवा पनि उम्रने छन् । पछि स्थानियहरुले दाउराको रुपमा पनि प्रयोग गर्न पाउने छन् । साथै वृक्षारोपण गरिएको खैरको विरुवा लाइ जोगायौं,हुर्कायौं भने धेरै आम्दानी लिन सकिने उनको भनाइ छ ।
बगरमा विरुवा नलाइ लाखौं रकम अनियमितता भएका भनी आफू माथि लगाइएको अरोप गलत रहेको महतोले बताएका छन् । त्यहाँ गएर हेर्नु भयो भने वास्तवीक वृक्षारोपण भएको छ । ती अरोपहरु गलत हुन् ।
वनजंगल सरक्षण गर्न हामी दिनरात गस्तीमा जाने गरेका छौं । गस्ती गर्नै क्रमममा आफनो कार्यकालमा ४ वटा गाडीमा करिब १० लाख बराबरको काठ बरामद गरि वन कार्यालयमा बुझाएको जानकारी गराउनु भयो । त्यसबाहेक हामीले मोटरसाइकिल,ट्रैक्टरमा लगिरहेको काठहरु पनि पक्राउ गरि बुझाएका छौं । हामी सँग साधन स्रोत र मैनपावरको अभावका वाबजुद्ध पनि विभिन्न निकायहरुको सहयोगले वन संरक्षणको काम हामीले गरिरहेको छौं । यो निकै ठूलो चुनौतीको रुपमा रहेको छ ।
स्थानिय समुदाय बाहिरी तस्करहरु पनि वन सरकारको सम्पक्ती हो । यसमाथि हाबि हुन चाहन्छन् । तस्कारहरुले विभिन्न व्यत्तीहरु सँग मिलि बदनाम गराउन लागे पनि कम जनशक्तीका बाबजुद्ध हामीले कर्तव्य पालनको क्रममा ज्यानको बाजी लगाएर वन संरक्षणमा जुटेको बताउनु भएको छ ।
आरके श्रीवास्तव,राैतहट,१६ गते भदौ
बच्चा चाेरलाई प्रहरीले नसमातेकाे भन्दै स्थानीय द्वारा प्रदर्शन गरिएको छ । राैतहटमा बच्चा अपहरन गर्नेलाइ पक्राउ गर्न टायर बालेर आज बिहानै प्रदर्शन गरिएको छ । प्रहरीले चासो नलिएको भन्दै स्थानीयले आज बिहान सखुअवा चोकमा चक्काजाम गरेका छन् । माधवनारायण नगरपालिका-५ मिठुअवाका रामनरेश महतो सुढिले सोही ठाउँका एक नाबालिकलाई अपहरन गरेको भन्दै स्थानीयहरु आन्दोलित बनेका थिए ।
स्थानीयहरु आज बिहान सखुअवा चोकमा दुई घण्टा सडक अबरुद्ध गरेपछी प्रहरिले दोषीलाई पक्राउ गरेको छ । त्यसपछी उनीहरु आन्दोलन स्थगित गरेका छन् । स्थानीय अबधेश महताेकाे ८ वर्षिय छाेरी खुशबु कुमारी महताे लाई साेही ठाउँका रामनरेश महताे र उनकै भाइ रंजित महताेले रक्षाबन्धनका दिन भदौ १४ गते बिहिवारका दिन अपहरण गरेका थिए । त्यसपछि पिडित परिवारले आफनाे बच्चालाई बन्धक बनाएको भन्दै अपहरणकारी रामनरेश महताे र रंजित महताेलाई पक्राउ गर्न ईलाका प्रहरी कार्यालयमा जाहेरी दिएका थिए ।
प्रहरीमा निवेदन परेपछि पक्राउ पर्ने डरले रामनरेश महताेले बन्धक बनाएकाे तीन दिनपछि आज बिहान मात्रै उक्त बालिकालाई अपहरण मुक्त गरेका थिए । तत्पश्चात पिडित परिवारले आज एकाबिहानै दाेषी महताेलाई पक्राउ गरी छानबिन गर्न प्रहरी चाैकी सुकदेव चाैकका असईलाई खबर गरेका थिए ।
तर प्रहरीले दाेषीलाई पक्राउ गर्न आलटाल गरेपछि आक्राेशित स्थानीयहरूले आज बिहानै ७ बजेदेखि ९ बजे सम्म सखुअवा चाैक स्थित गाैर चपुर सडक खण्डमा प्रदर्शन गर्दै सडक अवरुद्ध गरेका थिए । स्थानीयहरूले आन्दोलन गरेको २ घण्टा नबित्दै प्रहरीले दुवै जना अपहरणकारी लाई पक्राउ गर्न सफल भएको छ। दाेषी पक्राउ परेपछि स्थानीयहरूले आन्दोलन स्थगित गरी चक्काजाम खुलाएका थिए । पक्राउ परेकाहरू अहिले गरूडा प्रहरीकाे नियन्त्रणमा रहेको र घटनाबारे अनुसंधान भईरहेकाे ईप्रका गरूडाका डिएसपी ओमप्रकाश खनालले जनाएका छन् ।
