रामअधार यादव, रौतहट, असोज, ३० गते
रौतहटको गुजरा नगरपालिका वडा नम्बर ४, जङ्गलसहियामा विजया दशमीको अवसरमा शुभकामना आदानप्रदान कार्यक्रम सम्पन्न भएको छ।
रौतहट निर्वाचन क्षेत्र नम्बर ३ का सांसद रविन्द्र पटेल ‘धिरज’ को प्रमुख आतिथ्यमा आयोजित कार्यक्रममा आपसी सद्भाव, एकता, भाइचारा र सामाजिक मेलमिलापलाई थप मजबुत बनाउने विषयमा जोड दिइएको थियो।
कार्यक्रममा विजया दशमीको शुभकामना व्यक्त गर्दै सबैको सुख, शान्ति, समृद्धि र उत्तरोत्तर प्रगतिको कामना गरिएको थियो।
साथै, समाजमा आपसी सद्भाव र भाइचारा कायम राख्न यस्ता शुभकामना आदानप्रदान कार्यक्रमलाई निरन्तरता दिने प्रतिबद्धतासमेत व्यक्त गरिएको छ।
