आरके श्रीवास्तव,राैतहट,०३ गते वैशाख । राैतहटकाे कटहरिया नगरपालिकाले उखु उत्पादन गरी चिनी मिलमा बिक्री गर्ने कृषकहरूलाई अनिवार्य रूपमा दर्ता हुन आग्रह गरेको छ । नगर कार्यपालिकाको कार्यालयबाट जारी सूचनाअनुसार आर्थिक वर्ष २०८२/८३ का लागि उखु उत्पादक कृषकहरूको अभिलेख व्यवस्थित गर्न यो अभियान सञ्चालन गरिएको हो । कृषि विभाग तथा को निर्देशनअनुसार नगरपालिकाभित्र उखु खेती गर्दै आएका सबै कृषकहरूले २०८३ वैशाख मसान्तभित्र नगरपालिकाको कृषि शाखामा गई दर्ता गराउनुपर्नेछ ।
नगरपालिकाले समयमै दर्ता नगरेका कृषकहरू भविष्यमा प्राप्त हुन सक्ने सेवा, सुविधा तथा अनुदानबाट वञ्चित हुन सक्ने जनाएको छ । दर्ताका लागि कृषकहरूले नेपाली नागरिकताको प्रतिलिपि, जग्गाको लालपुर्जाको प्रतिलिपि, लिजमा लिएको भए करारनामा, लालपुर्जा नभएको अवस्थामा चारकिल्ला विवरण तथा सम्बन्धित वडा कार्यालयको सिफारिस अनिवार्य रूपमा पेश गर्नुपर्नेछ । नगरपालिकाका निमित्त प्रमुख प्रशासकीय अधिकृत ले सबै सरोकारवालालाई समयमै दर्ता प्रक्रिया पूरा गर्न आग्रह गर्दै कृषकको तथ्यांक व्यवस्थापनमार्फत कृषि क्षेत्रको योजना तथा सहयोग प्रभावकारी बनाइने बताए । स्थानीय कृषकहरूको पहिचान र समर्थनका लागि यो पहल महत्वपूर्ण हुने अपेक्षा गरिएको छ ।
