रन्धिर साह,रौतहट,वैशाख ६ गते
रौतहट जिल्लाको प्रत्येक पालिकाहरुमा बुधबारदेखि भिटामीन ए खुवाउने भएका छन् । सो भिटामीन बुधबार र बिहिवार खुवाउने जिल्ला स्वास्थ्य कार्यालय रौतहटका सूचना अधिकारी अनिलकुमार कर्णले बताएका छन् ।
नेपाल सरकारको कार्यक्रम अन्तरगत रहेको भिटामीन ए ६ महिना भित्रका बालबालिकाहरुलाइ नखुवाउने तथा ६ महिनादेखि १२ महिना भित्रका बालबालिकाहरुलाइ भिटामीन ए को क्यापसुल अधा खुवाउने तथा १२ महिनादेखि ५ वर्षसम्मका बालबालिकालाई एउटा क्यापसुल खुवाउने साथै जुकाको औषधि खुवाउने सूचना अधिकारी कर्नले बताएका छन् ।
भिटामीन ए को कमिबाट हुने रोगहरु बाट बालबालिकाहरुलाइ बचाउने उदेश्यले नेपाल सरकारले प्रत्येक वर्ष भिटामीन ए खुवाउदै आएको उनको भनाइ रहेको छ ।
