आरके श्रीवास्तव,गरुडा,वैशाख १८ गते
नेपाल पत्रकार महासंघ रौतहट शाखाको आयोजनामा मधेश पत्रकारिता सम्मान एवम् प्रदेश ऐन र पत्रकारिता विषयक अन्तरक्रिया कार्यक्रम हुने भएको छ । विश्व प्रेस स्वतन्त्रता दिवस(मे ३)को अवसर पारेर सो कार्यक्रम हुन लागेको हो ।
आउँदो वैशाख २० गते बुधबार बिहान १० बजे जिल्लाको चन्द्रपुर स्थित रहेको होटेल अशोकामा हुने कार्यक्रममा मधेश प्रदेश भरिको ८ वटै जिल्लाका पत्रकारहरुको सहभागिता रहनेछ । कार्यक्रम मधेस प्रदेशका मुख्यमन्त्री रामसरोज यादवको प्रमुख आतिथ्यमा हुन लागेको नेपाल पत्रकार महासंघ रौतहट शाखाका सभापती प्रेमचन्द्र झाले जानकारी गराउनु भयो ।
जसको लागि सम्पूर्ण तयारी पूरा भएको वहाँले बताउनु भयो । विश्व प्रेस स्वतन्त्रता दिवस(मे ३)काे अवसरमा बिहान ८ बजे महासंघ राैतहटकाे अगुवाइमा प्रभातफेरी हुने सभापति झाले बताउनु भयाे । जिल्लाका सबै सञ्चारकर्मीलाई चन्द्रनिगाहपुरमा हुने प्रभातफेरिमा सहभागिताका लागि नेपाल पत्रकार महासंघ राैतहट शाखाले अनुरोध गरेकाे छ ।
कार्यक्रम हुने स्थलमा चन्द्रपुर नगर प्रमुख सन्जय काप्ले,नेपाल पत्रकार महासंघका केन्द्रीय सचिव दीपेन्द्र चाैहान,केन्द्रीय सदस्य द्वय शिवपुरी , केसि लामिछाने,मधेस प्रदेश महासचिव श्याम बन्जरा,जिल्ला अध्यक्ष प्रेमचन्द्र झा , उपाध्यक्ष प्रविण कुमार शर्मा सहितको टोलीले आज स्थलगत अवलोकन गरेको छ ।
