काठमाडौं, ६ जेठ ।
काठमाडौं महानगरपालिकाका मेयर बालेन शाहले हरेक शुक्रवार बालबालिकासँग बस्न सुरु गरेको जनाएका छन् ।
काठमाडौं महानगरपालिकाले शिक्षालाई प्राथमिकतामा राखेर कार्य गरेको जनाउँदै मेयर शाहले ‘बुक फ्री फ्राइडे’ अभियान क्रमश सफल हुदैँ गएकोसमेत जनाएका छन् ।
उनले सो बारेमा सामाजिक सञ्जालमार्फत जानकारीसमेत दिएका छन । उनले फेसबुकमा लेखेका छनः
म काठमाडौं महानगरपालिकामा मेयरको रूपमा निर्वाचित भए देखि नै शिक्षालाई प्रमुख प्राथमिकतामा राखेर काम गर्दै आएका छौ। पछिल्लो समयमा हरेक शुक्रवार विद्यालयमा विद्यार्थिहरु सँगै बस्ने र उनीहरू सँग बसेर सिक्ने गरेको छु।
हिजो शुक्रवार बिहान काठमाडौँको शिवपुरी माध्यमिक विद्यालयको निरीक्षण गरियो। शिक्षामा सीप कार्यक्रम मार्फत विद्यार्थीहरू सँगै बसेर सिक्न मौका पाए। साथै बुक फ्री फ्राइडे कार्यक्रममा विद्यार्थी र शिक्षकहरूको सहभागिताको बारेमा पनि बुझ्नु पाइएको थियो।
शिवपुरी माध्यमिक विद्यालयमा पाक कला र मोबाइल इलेकट्रोनिक्स गरी २ वटा कक्षा सञ्चालनमा छन्। उक्त कार्यक्रममा प्रत्येक कक्षामा कक्षा ९ का ३० जना विद्यार्थीहरू सहभागी छन्।
उक्त अनुगमनमा विद्यार्थीलाई भविष्यको लागि तयार गर्न यसले पार्ने प्रभावको बारेमा बुझ्ने मौका समेत पाए। यसका साथै हामीले अडियो भिजुअल कक्षामा विद्यार्थीहरूको सहभागिता कस्तो छ भनेर पनि हेर्ने मौका पाएको थिए। साथै विद्यालयहरूको वर्तमान अवस्था, विद्यालयको समग्र विकासका लागि आवश्यक पर्ने पूर्वाधार, स्रोतसाधन र अन्य आवश्यकताका बारेमा पनि जानकारी पाइयो। विद्यालयको भ्रमणको अन्त्यमा शौचालयको सरसफाइ र शौचालयको अवस्थाको समेत अवलोकन गरेको थिए।
त्यस्तै दिउँसो पद्मकन्या विद्याश्रम भ्रमण गरिएको थियो। उक्त विद्यालयमा सिपमा शिक्षा कार्यक्रम अन्तर्गत विद्यार्थीहरू स्केचीङ र मूर्तिकला, फेसन र कपडा निर्माण जस्ता कार्यक्रममा संलग्न भएका छन्। यस्तै ‘बुक फ्री फ्राइडे’ कार्यक्रम अन्तर्गत विद्यार्थीहरू पत्रपत्रिका पठन, भाषण तथा कविता, कला तथा खेलकुद, चित्रकला, सर्वेक्षण, विज्ञान प्रयोगशालामा सहभागी भएका पाइयो। यस्तै उक्त विद्यालयमा हामीले नेपालकै पहिलो विद्यार्थिहरुको ट्राफिक क्लब पनि स्थापना गरेका छौ।
काठमाडौं, ६ जेठ ।
काठमाडौं महानगरपालिका प्रमुख बालेन शाहले आईडिया बैंकमा आवेदन दिनका लागि आब्हान गरेका छन् ।
काठमाडौँ महानगरपालिकाको वर्ष २०७९/८० को नीति तथा कार्यक्रममा समावेश भएको आइडिया बैङ्क कार्यक्रममा सहभागी हुनका लागि मेयर शाहले महानगरवासीलाई आब्हान गरेका हुन ।
‘मेरो चुनावी घोषणापत्र तथा काठमाडौ महानगरपालिकाको वर्ष २०७९/८० को नीति तथा कार्यक्रममा समावेश भएको आइडिया बैङ्क कार्यक्रमको प्रमुख उद्देश्य दक्ष जनशक्ति, विद्यार्थी, लगानीकर्ता तथा उद्यमशीलता विशेषज्ञहरूको ब्रिजको रूपमा महानगरबासी सोचलाई योजना र योजनालाई व्यवसाय बनाउने हो,’ उनले भनेका छन ।
‘तपाइसँग आइडिया छ, तपाईँ महानगर भित्र कुनै स्टार्टअप सुरु गर्नुभएको छ र ३ वर्ष कटेको छैन, साथै तपाइ विद्यार्थी हुनुहुन्छ,’ भन्दै आइडिया बैंकमा आउन उनले अपिल गरेका हुन् ।
‘कसरी त्यसको Business Plan बनाउने Implementation Plan बनाउने ,कसरी लगानी जुटाउने त्यसमा यस कार्यक्रमले पूर्ण सहयोग गर्छ,’ उनकाे अपिलमा भनिएकाे छ, ‘ विभिन्न विषयगत क्षेत्रहरूलाई समेटी ५ वटा क्याटगोरीमा आवेदन माग गरिएको छ, तपाईँलाई उद्यमी बन्न कसैले रोक्न सक्दैन महानगर तपाइको साथमा छ ।’ उनका अनुसार २०८० जेठ १९ गते भित्र निवेदन दिइसक्ने पर्नेछ ।
काठमाडौं, ६ जेठ ।
यस सिजनमा सगरमाथा आरोहण गर्ने क्रममा ११ जनाले ज्यान गुमाएका छन् ।
शुक्रबार मात्रै एक मलेसियनसहित दुई आरोहीले ज्यान गुमाएसँगै सगरमाथा आरोहणको क्रममा ज्यान गुमाउनेको संख्या ११ जना पुगेको हो ।
मलेशियन नागरिक अग अस्कन्दर बिन अम्पुअन याकुबलाई सगरमाथाको चुचुरोभन्दा ५० मिटर तल पुग्दा अचानक बिरामी परे पछि आधारशिविर ल्याईएको थियो, उनको सोही क्रममा मृत्यु भएको हो । अर्का एकजनाको भने पहिचान खुल्न बाँकी छ ।
सगरमाथा आरोहणका क्रममा ११ जनाको मृत्यु भएको पर्यटन विभागद्वारा गठित अनुगमन समितिका संयोजक खिमलाल गौतमले जानकारी दिएका छन् । ‘यस सिजनमा सगरमाथाको चुचुरोमा जाने क्रममा, चुचुरोमा पुगेर फर्किने क्रममा तथा सरसामान ओसारपसारका क्रममा गरी अहिलेसम्म ११ जनाले ज्यान गुमाएका छन्’ उनले सञ्चारकर्मीसँग भने ।
सगरमाथा आरोहण गर्नका लागि अहिलेसम्मकै सबैभन्दा बढी अर्थात ४ सय ६६ जना आरोहीले अनुमति लिएका थिए । ती मध्ये कतिले सफल आरोहण गरे, त्यसको अन्तिम रिर्पोट तयारी गरिदै गरेको पर्यटन बोर्डले जनाएको छ ।
यस सिजनमा कामरिता शेर्पाले २७ औं पटक सगरमाथा आरोहण गरेर विश्व किर्तिमान बनाएका छन् ।
रौतहट, जेठ ५ ।
रौतहट प्रहरीले आज विभिन्न कार्यक्रमको आयोजना गरि समुदाय प्रहरी साझेदारी कार्यक्रम मनाएको छ । सो कार्यक्रम अन्तरगत समुदायीक प्रहरी वडा समिति नं।५ गरुडा नगरपालिकाको आयोजना र ईलाका प्रहरी कार्यालय शिवनगरको सहयोगमा बुधबार बिहान ११ बजेको समयमा गरुडा नगरपालिका वडा नम्बर ५ स्थित रहेको श्री माध्यमिक विद्दालय महमदपुरमा विधार्थीहरुलाई लैङगिक हिंसा न्यूनिकरण सम्बन्धी जनचेतनामूलक कार्यक्रम गरेको हो ।
सो कार्यक्रममा करिब २० जना मानिसहरुको सहभागितामा रहेको जिल्ला प्रहरी कार्याल रौतहटले जनाएको छ । यसरी नै समुदायीक प्रहरीले विधालय सम्पर्क समिति नं। ११ फतुवा विजयपुर नगरपालिकाको आयोजना र प्रहरी चौकी दुधिआवाको सहयोगमा आज ९शुक्रबार० विहान फतुवाबिजयपुर नगरपालिका वडा नम्बर ११ स्थित रहेको श्री हिमाली जनता मा।वि।मा अध्यनरत रहेका कक्षा ९ र १० का छात्रछात्राहरुलाई आत्महत्या न्यूनिकरण सम्बन्धी जनचेतनामूलक कार्यक्रम गरिएको हो । सो कार्यक्रममा करिब ५४ जना छात्रछात्रा तथा शिक्षक शिक्षिका ४ जना सहभागि रहेको प्रहरीले जनाएको छ ।
यस्तै गढीमाई नगरपालिका वडा नम्बर ७ स्थित रहेको श्री माध्यमिक विधालय धनाडीमा बालबिबाह न्यूनिकरण, आगोलागी तथा बाढी दुवान विपद् न्यूनिकरण सम्बन्धी जनचेतनामूलक कार्यक्रमको आयोजना गरिएको थियो ।
साथै गढीमाई नगरपालिका वडा नम्बर २ स्थित रहेको समनपुर बजारमा पनि विपद् सम्बन्धी बाढी, डुवान सम्बन्धी जनचेतनामूलक कार्यक्रम गरेको छ । स्थानीयहरुको सहभागिमा सो कार्यक्रम भएको ईलाका प्रहरी कार्यालय समनपुरले जनाएको छ । प्रहरीले विभिन्न कार्यक्रम गरि समुदायीक प्रहरी साझेदारी कार्याक्रम मनाएको जिल्ला प्रहरी कार्यालय रौतहटले जनाएको छ
रौतहट, जेठ ५ ।
रौतहटको कटहरिया नगरपालिकामा आज शुक्रबार बिधालय भवनको शिलान्यास भएको छ । सो नगरपालिकाको वडा नम्बर ५ स्थित बलिरामपुरमा रहेको बलिरामपुर माध्यमिक विद्यालयको दुई कोठे भवन निर्माणको लागी शिलान्यास भएको हो । कटहरिया नगरपालिकाको नगरप्रमुख अजय प्रकाश जयसवाल र वडा अध्यक्ष सर्फलाल गुप्ताले आज एक कार्यक्रमकाबीच संयुक्त रुपमा विधालय भवनको शिलान्यास गरेका हुन्।
राष्ट्रपति शैक्षिक सुधार कार्यक्रम अन्तर्गत सो बिधालयमा २ कोठे भवन निर्माण हुँन लागेकोे बिधालयका प्रधानाध्यापक देबेन्द्रकुमार जयसवालले जनाएका छन् । सो भवन निर्माणको लागि २२ लाख ५० हजार रुपैयाँको लागतमा निर्माण हुँन लागेको बिधालयका प्रधानाध्यापक जयसवालले बताए ।
शिलान्यास पछि छिट्टै भवन निर्माणको काम अगाडी बढाइने प्रधानाध्यापक जयसवालले बताए । मेयर जयसवालले निर्वाचित भए देखिनै आफ्नो नगर भरि रहेको विद्यालयहरुमा पठन पाठनको ब्यवस्थापन गर्दै आईरह्नु भएको छ भने शिक्षा क्षेत्रलाइ विशेष प्राथमिकतामा राखेर काम गर्दै आइरह्नु भएको छ ।
शिलान्यास कार्यक्रममा ब्यवस्थापन समितिका अध्यक्ष शशि कपुर कुशवाहा , विशिष्ट अतिथी वडा नम्बर ५ का वडा अध्यक्ष सर्फलाल गुप्ता, वडा नम्बर ४ का वडा सदस्य मेराजुल हक, जदुन्न दास तथा रामपुकार कुशवाह लगायत स्थानीयहरुको सहभागिता रहेको थियो ।
आरके श्रीवास्तव,राैतहट,जेठ ०५ गते
राैतहटकाे फतुवा बिजयपुर नगरपालिकामा आत्महत्या न्यूनिकरण “सम्बन्धी प्रशिक्षण दिईएकाे छ । “समुदाय-प्रहरी साझेदार”कार्यक्रम अन्तर्गत समुदाय-प्रहरी विद्दालय सम्पर्क समिति ११ नमवर वडा फतुवाबिजयपुर नगरपालिकाको आयोजना र जिल्ला प्रहरी कार्यालय मातहत प्रहरी चौकी दुधिआवा रौतहटको सहयोगमा एक दिने प्रशिक्षण कार्यक्रम गरिएको हाे ।
शुक्रबार बिहान ०८:०० बजेको समयमा जिल्ला रौतहट फतुवाबिजयपुर नगरपालिका वडा नं.११ स्थित रहेको श्री हिमाली जनता मा.वि.मा अध्यनरत रहेका कक्षा-९ र १० का छात्र-२० जना,छात्रा-३० जना, शिक्षक/शिक्षिका ४ जना जम्मा गरी ५४ जनाको सहभागिता रहेकाे थियाे । कार्यक्रममा सहभागी बिद्यार्थीहरूलाई आत्महत्या न्यूनिकरण “सम्बन्धी प्रशिक्षण दिईएकाे थियाे ।
काठमाडौं, ५ जेठ ।
सरकारले गैरआवासीय नेपालीलाई नेपालमा लगानी खुला गर्ने व्यवस्था गर्ने भएको छ ।
सरकारको तर्फबाट शुक्रबार संघीय संसदको संयुक्त बैठकमा आर्थिक वर्ष २०८०/०८१ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले सरकारले गैरआवासीय नेपाली (एनआरएन)लाई नेपालमा लगानी गर्न खुला गर्ने व्यवस्था गर्ने जानकारी दिएका हुन् ।
एनआरएनको सिप, क्षमता र दक्षतामा नेपालमा प्रयोग गर्ने वातावरण बनाउने अभिप्रेरित गरिने राष्ट्रपति पौडेलले जानकारी दिए ।
काठमाडौं, ५ जेठ ।
सरकारले अब बचत तथा सहकारी संस्थामा देखिएको समस्या समाधान गर्न नियमनमा कडाइ गर्ने भएको छ ।
सरकारको तर्फबाट शुक्रबार संघीय संसदको संयुक्त बैठकमा आर्थिक वर्ष २०८०/०८१ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले सहकारीमा बचत कर्ताको लगानी सुरक्षा गरिने र सहकारीलाई कडाई साथ नियमन गरिने जानकारी दिएका हुन् ।
सहकारीको बचतलाई उत्पादन मुलक क्षेत्रमा लगानीक गर्न प्रेरित गरिने राष्ट्रपति पौडेलले बताए ।
काठमाडौं, ५ जेठ ।
सरकारले वैदेशिक रोजगारीमा जाने युवालाई निजी तथा सरकारी क्षेत्रमा लगानी गर्न प्रेरित गर्ने भएको छ ।
सरकारको तर्फबाट शुक्रबार संघीय संसदको संयुक्त बैठकमा आर्थिक वर्ष २०८०÷०८१ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले वैदेशिक रोजगारीमा जाने युवालाई सरकारी तथा निजी क्षेत्रमा लगानीका लागि प्रेरित गरिने जानकारी दिएका हुन् ।
सरकारले वैदेशिक रोजगारीबाट प्राप्त रेमिट्यान्सलाई उत्पादनमूलक क्षेत्रमा लगाउने नीति ल्याउने भएको हो ।
काठमाडौं, ५ जेठ ।
सरकारले देशभर बिमाको पहुँच विस्तार गर्दै न्यून आय भएका वर्ग र समुदायलाई लक्षित लघुबिमा कार्यक्रमलाई ल्याउने भएको छ ।
सरकारको तर्फबाट शुक्रबार संघीय संसदको संयुक्त बैठकमा आर्थिक वर्ष २०८०/०८१ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले स्थानीय तहमार्फत न्यून आय भएका वर्ग र समुदायका लागि बिमा कार्यक्रम अघि बढाउने जानकारी दिएका हुन् ।
देशभर बिमाको पहुँच विस्तार गरिने र न्यून आय भएका वर्ग र समुदायलाई स्थानीय तहमार्फत लघुबिमा गर्न सहजीकरण गरिने राष्ट्रपति पौडेलले बताए ।
