आरके श्रीवास्तव,रौतहट,साउन २० गते ।
स्थानिय सरकार आफूलाइ स्थापित गर्नमा सफल भएको राजपुर नगरपालिकाका नगरप्रमुख मो.डा.राजिक आलमले बताउनु भएको छ । श्री मावि बैरियाको बिधालय नव निर्मित भवनको समुद्धघाटन गर्ने क्रमममा वहाँले यस्तो बताउनु भएको हो । देशमा संघ,प्रदेश र स्थानिय गरी तीन तहको सरकार छ । कुरा सब सरकारको आउँछ,तपाइहरुले देख्न सक्नु हुन्छ एक स्थानिय सरकारले कति काम चलिरहेको छ ।
प्रदेश सरकारले त्यती काम गरेको देखिदैन् । एउटा पालिकाले टेण्डर गरेर करोडौंको विकास निर्माण गरिरहेको छ । तर प्रदेश सरकारको कुनै ठूलो योजना देखिएको छैन् । अहिले प्रदेश सरकारको अहिले अवस्था पुरानो जिविस जस्तो भएको आरोप लगाउनु भयो । सानो सानो विकास निर्माण गर्छ,१० लाखको ढलान गर्छ त कतै गेट बनाउँछ ।
प्रदेश सरकार सँग कुनै भिजन र उदेश्य नरहेको बताउनु भयो । स्थानिय तहको सरकारको २०७२ सालको संविधानमा जुन परिकल्पना गरिएको थियो । स्थानिय सरकार आफूलाइ स्थापित गर्नमा सफल भएको बताउनु भयो । स्थानिय सरकार जति मजबुत भयो त्यती नै हरघरमा सिंह दरबार आएको महसुस हुनेमा ठोकुवा गर्नु भयो ।
राजपुर नगरपालिका विकास निर्माणको क्रममा बिधालय भवनको निर्माण हुनु १२ कक्षा सञ्चालनको लागि सहज हुनु रहेको बताउनु भयो । सामुदायिक बिधालयको शिक्षाको अवस्था सुधार गर्न आफूले बिधार्थीसँग मेयर कार्यक्रम सञ्चालमा पनि ल्याएको जानकारी गराउनु भयो । यसलाइ निरन्तरता दिने प्रतिबद्धता जनाउनु भयो ।
साथै उनले एसइइमा राम्रो अंक ल्याउने बिधार्थीहरुको प्रोत्साहन गर्नको लागि छात्रवृतिको व्यवस्थापन गर्ने जानकारी गराउनु भयो । नगरपालिकामा टेक्निकल इन्सटीच्यूटको स्थापना गर्ने प्रतिबद्धता जनाउनु भयो । यस वर्ष कृषि क्षेत्रलाइ विशेष प्राथमितामा राखेर काम गर्ने बताउनु भयो । कृषि क्षेत्रमा बिगत वर्षमा केही काम मात्रै भएको बताउँदै यसपाली मूल उदेश्य सिंचाइको व्यवस्थापन गर्ने रहेको बताउनु भयो । कृषि पोलतार विस्तार गर्ने वहाँको प्रतिबद्धता रहेको थियो ।
आरके श्रीवास्तव,राैतहट,साउन २० गते
श्री माध्यमिक बिधालय बैरियाकाे नव निर्मित भवन भब्य समारोहका विच उद्घाटन गरिएको छ । साे नगरपालिकाकाे वडा नम्बर ९ काे नव निर्मित भवनको शनिबार एक भब्य समारोहका बिच उद्घाटन भएको छ । बिधालयका प्रधानाध्यापक हृदयनारायण साहकाे अध्यक्षतामा भएको कार्यक्रमकाे प्रमुख अतिथिकाे रूपमा नगरप्रमुख माे.डा.राजिक आलम रह्नु भएको थियाे । नगरपालिकाको बैरिया टोलमा रहेको बिधालयमा नयाँ भवन निर्माण पश्चात उदघाटन गरिएको हो । आज एक कार्यक्रमका बिच नगर प्रमुख माे. डा.राजिक आलमले समुदघाटन गर्नु भएको थियो ।
राजपुर नगरपालिकाकाे आर्थिक सहयोग बाट करिब २ कराेड ३० लाखको लागतमा १२ कोठे भवन निर्माण भएको राजपुर नगरपालिकाका नि.प्रमुख प्रशासकीय अधिकृत बैजु ठाकुरले जानकारी गराउनु भयो । सो नगरपालिकाको आर्थिक वर्ष २०७९/८० को बजेठ बाट उक्त भवन निर्माण भएको हो । कराेडाैंकाे लागतमा निर्माण सम्पन्न भएको साे भवन तीन तल्ले १२ काेठे भवन रहेकाे छ ।
शिक्षाको उज्यालो घामबाट काेही बालबालिका बञ्चित नहाेस् भन्ने उदेश्यका साथ भवन निर्माण गरिएको राजपुर नगरपालिकाका नगरप्रमुख माे.डा.राजिक आलमले बताउनु भयाे ।
शिक्षालाई विशेष प्राथमिकता राखेर काम गरि रहेको र आगामी वर्ष कृषि विशेष प्राथमिकतामा राखेर काम गर्ने प्रतिबद्धता जनाउनु भयाे । कार्यक्रमलाई सम्बाेधन गर्दै अधिकृत ठाकुरले यति छिटाे नगरकाे विकासकाे लागि सबैले हातेमालो गरि सहयोग गरेर निर्माण कार्य सफल बनाउनु भएकोमा हृदयदेखि धन्यवाद ज्ञापन गर्नु भयाे ।
साे बिधालयमा बालविकास देखि कक्षा १० सम्म बिधार्थी संख्या १३ सय ६५ रहेकाे शिक्षा संयाेजक खुर्सैद आलमले बताउनु भयाे । साे अवसरमा वडा नम्बर ३ हसिन अख्तर ,वडा नम्बर ४ शेख अन्सारूल ,वडा नम्बर ९ का वडा अध्यक्ष नसरूल हक,वडा नम्बर ५ वडा अध्यक्ष कृष्नन्दन राम ,
वडा नम्बर ७ का वडा अध्यक्ष शेख ईन्ताज,माे.ईसलाम कन्स्ट्रक्सनका सञ्चालक माे.जियाउल हक र शेख मसिर लगायत शिक्षक,शिक्षिका,बिधालय व्यवस्थापन समितिका पदाधिकारीहरू,जग्गादाताहरू शेख सताउल रहमान,शेख सहवान मास्टर,शेख निसार अहम,शेख समसुदिन,शेख सफिर अहमद,रामविलास राय यादव लगायत स्थानीय भद्रभलादमीहरूकाे उपस्थिति रहेको नगरपालिकाका राजस्व शाखा प्रमुख हरेन्द्र साहले जानकारी गराउनु भयाे ।
हनुमत कुमार यादव ,रौतहट ,१८ गते साउन ।
रौतहट जिल्लाको राजदेवी नगरपालिकामा १५ शैय्या आधारभूत अस्पतालको निर्माणका लागि नगर प्रमुख भिखारी प्रसाद यादव द्धारा शिलान्यास गरिएको छ । आज पुरोहित मन्त्रोउच्चारण गरि एक समारोहका बिच नगर प्रमुख यादवले नगरपालिकाको वडा नम्बर ५ मा १५ शैय्या बेडको अस्पताल निर्माणका लागि बिधिवत रूपमा शिलान्यास गरिएको प्रमुख प्रशासकीय अधिकृत प्रलव कायस्थले बताएका हुन् ।
चुनावी प्रतिबद्धता अनुरुप जनता लाई स्वास्थ्य क्षेत्रमा टेवा पुग्ने र कम खर्चमा सुलभ सहुलियतका साथ उपचार हेने मदत पुगने उनका भनाई रहेका छन् । जीवनको मुलभूत आवस्यकता मध्ये एक रहेको स्वास्थ्य लाई ध्यानमा राखी नगरपालिकाको सम्पूर्ण वडाहरुको केन्द्र बिन्दु पर्ने ठाउँमा अस्पतालको स्थापना गरिएको बताए । अस्पतालको स्थापना बाट नगरका जनता हर्सित भएको स्थानीय हरुले बताए ।
न्यु ड्राइगन निर्माण सेवा प्रालि काभ्रेपालचैकले उन्नइस करोड तिहत्र हजार चार सय नबे रुपैया रकमको लागतमा २४ महिना भित्र निर्माण सम्पन्न हुने गरि कार्य सम्झौताका साथ कार्य अगाडी बढाइएको छ ।
उक्त अवसरमा रौतहट जिल्ला प्रमुख जिल्ला अधिकारी धर्मेन्द्र मिश्र,रौतहट प्रहरी प्रमुख बिर बहादुर बुढा मगर , सशस्त्र प्रहरी प्रमुख , नगर उपप्रमुख राजकुमारी देवी, वडा न ५ का वडा अध्यक्ष सुरेश पन्डित,वडा न ७ का वडा अध्यक्ष विजय शंकर यादव ,प्रमुख प्रसासकिय अध्कृत प्रलव कायस्थ , लेख पाल श्रीचन, इ।सन्जय पाण्डे , सूचना अधिकारी चन्द्र भुसन यादव,युवा नेता पवन साह लगायत सुरक्षा कर्मी ,संचार कर्मी का साथ स्थानीय भद्रभलादमी तथा कर्मचारीहरुको उपस्थिति रहेको थियो ।
रौतहट,साउन १८ गते ।
चन्द्र ज्योति कान्ति होस्पिटलको प्रथम वार्षिकोत्सव को अवसरमा बृहत रक्तदान कार्यक्रम भएको छ । रक्त दाता उत्प्रेरणा कार्यक्रम ,आत्म हत्या न्यूनीकरण को लागी अभिमुखीकरण कार्यक्रम तथा आज स्वास्थ्य परीक्षण मा ५० प्रतिशत छुट गरेर जन्ता लाई सेवा प्रदान गरेका छन्आ । आजको कार्यक्रमको अध्यक्षता अपस्ताल संचालक समितिको अध्यक्ष नवल यादवले गर्नु भएको थियो भन्ने स्वागत मन्तव्य मेडिकल डाइरेक्टर डा० अमरेश यादवले गर्नु भएको थियो। रक्त दाता उत्प्रेरणा कार्यक्रमको सहजीकरण शाखाको मन्त्री धर्मेन्द्र प्र० सिहले गर्नु भएको थियो भने आत्म हत्या न्युनीकरणको सहजीकरण टि०पि०यो० नेपालका तथा शाखाको उपसभापति निलु झाले गर्नु भएको थियो ।
सो कार्यक्रममा व्यवस्थापनमा उपकोषाध्यक्ष शेख कैमुदिन,जि०का० स० एवम् नेरेसो सरमुजवा उपशाखाको सभापति तेज नारायण यादव र उपशाखाको पदाधिकारी ,जि०का०स सदस्य उर्मिला यादव तथा कर्मचारीहरू कपिल देव पंडित,लाल बाबू यादव,अजय साह,राज कपुर पासवानले सहयोग गर्नुभएको थियो । कार्यक्रममा २७ जनाले रक्त दान गर्नु भएको नेपाल रेडक्रस रौतहटले जनाएको छ ।
रौतहट,साउन १८ गते
पछिलो समय देश सहित रौतहटमा पनि आँखा पाक्ने समस्या भएका बिरामीको संख्या बढ्न थालेका छन् ।
जिल्लाका अस्पतालहरुमा यतिखेर आँखा पाक्ने समस्या भएका बिरामीको संख्या ह्वातै बढेको देखिएको छ ।
आँखा पाक्ने बिरामीहरुको संख्या बढेसंगै आँखा उपचारका लागि आउने बिरामीहरुको अस्पतालमा भिड लाग्ने गरेको बौधीमाई नगरपालिका–७ बंकुलमा रहेको रौतहट दृष्टि आँखा अस्पताल एण्ड नर्सिङ्ग होमले जनाएको छ ।
अत्याधिक गर्मीका कारण कन्जनटिभाइटिस भाइरसबाट लाग्ने आँखा पाक्ने उक्त सरूवा रोगका कारण रौतहट दृष्टि आँखा अस्पतालमा अहिले दैनिक एक सय भन्दा बढी आँखा पाक्ने समस्या भएका बिरामी उपचारका लागि आउने गरेको अस्पतालले जनाएको छ ।
रोगका कारण आँखा पाकेर बढी मात्रामा बालबालिका नै अस्पताल आउने गरेको रौतहट दृष्टि आँखा अस्पताल बंकुलका दृष्टि राेग विशेषज्ञ डाक्टर संजिव कुमार जयसवालले बताएका छन् ।
आँखा पाक्दा आँखा रातो हुने, चिलाउने, आँखाबाट रगत मिसिएको आँसु आउने, ज्वरो आउने, घाँटी दुख्ने समस्या जस्ता लक्षणहरु देखा परेको डाक्टर जयसवालले बताए ।
डाक्टर जयसवालले भने, ‘आँखा पाक्ने रोग जुन सुकै उमेर समुहका व्यक्तिलाई लाग्न सक्छ, यो सरुवा रोग हो, यो प्राणघातक रोग होइन’ । उनले अघि भने यसको उपचार सजिलै हुने गरेकोले यो रोग लाग्दैमा आतिनुहुँदैन, आँखा पाक्ने समस्या भएपछि नजिकको आँखा अस्पतालमा गएर उपचार गराए सजिलै निको हुने गरेको उनले बताए ।
आँखा पाक्ने रोग सरुवा रोग भएकोले संक्रमणबाट बच्नका लागि संक्रमित व्यक्तिको नजिक नबस्ने, चर्को घाममा घर बाहिर ननिस्कने, भिडभाडमा नजाने, बिरामीले प्रयोग गरेका औषधी, रुमाल, फोन, सिरानी तथा ओच्छ्यान प्रयोग नगर्न उनले सुझाव दिए ।
त्यस्तै प्रकासजित आइकेयर हस्पिटल शिवनगरमा समेत अहिले आँखा पाक्ने समस्या भएका बिरामीको चाप अत्याधिक मात्रामा बढेको छ । अहिले
यो रोग लाग्नबाट बच्न आँखालाई पटक पटक चिसो पानीले धुने, घाममा ननिस्कन, अनावश्यक रुपमा भिडभाडमा नजान तथा जानै परे चस्माको प्रयोग गर्न र लक्षण देखिएमा तुरुन्त नजिकको अस्पतालमा गएर चेकजाँच गराउन चिकित्सकहरुको सुझाव छ ।
रौतहट, १७ साउन ।
गौर हत्याकाण्डको दोषीलाइ कारबाहीको माग गर्दै पाँच दिन देखी धर्ना जारी छ ।
रौतहटको चन्द्रपुरमा पीडित परिवारले पाँच दिन देखी धर्ना जारी राखेका हुन ।
प्रभु साह नेतृत्वको आम जनता पार्टीको नेतृत्वमा रौतहटमा पछिल्ला दिनमा निरन्तर संघर्ष जारी रहेको छ ।
आरके श्रीवास्तव,रौतहट,साउन १६ गते ।
रौतहट । हजारौको संख्यामा रोजगारी दिएको श्रीराम सुगर मिल अहिले विलयको बाटोमा गइसकेको छ । देशमा तीनै सरकार स्थानीय, प्रदेश र संघीय सरकारको लापरबाहीले ध्वस्त भएको आरोप उठन थालेको छ । विशाल ग्रुपको स्वामित्वमा रहेको श्रीराम सुगर मिल्स लिमिटेडको भएको लिलामी प्रक्रिया अनाधिकृत रहेको पनि छलफल गरिएको छ ।
श्रीराम सुगर मिलले ऋण नतिरेपछि नेपाल बैंक लिमिटेडले उद्योग लिलामी प्रक्रिया अघि बढाएको थियो । शिवशक्ति ग्रुपले सो लिलामी साकार गरेको हो । यसै विषयलाइ लिएर मध्य रौतहटको गरुडा स्थित आर्शिवाद गेष्ट हाउसमा जनप्रतिनिधिहरु तथा सरोकारवालाहरु संग अन्तरक्रिया गरिएको छ ।
उँखु उत्पादक संघ रौतहटको आयोजनामा आज मंगलवार भएको कार्यक्रममा उधोग सञ्चालक द्धारा अनाधिकृत लिलामी प्रक्रिया बारे छलफल गरिएको हो । संघका अध्यक्ष अशोक प्रसाद यादवको अध्यक्षतामा सो छलफल गरिएको हो ।
बैठकबाट ज्ञापनपत्र बुझाउने,बृहत् आमभेला गर्ने र कमिटि गठन गर्ने निर्णय गरिएको संघका अध्यक्ष यादवले बताउनु भयो । मिल सञ्चालकले अनाधिकृत रुपले मिल कवाड भनि टेण्डर प्रक्रिया बढाएको लाइ खारेज गरी मिल पुनः सञ्चालन गर्न गराउनको लागि साउन २२ गते जनप्रतिनिधी र किसानहरुको रोहबरमा ज्ञापनपत्र बुझाउने निर्णय गरिएको हो । साथै मिललाइ जोगाउनको लागि जिल्लाको चारै निर्वाचन क्षेत्रको संघिय, प्रदेश सांसद र स्थानियहरु सँग सहकार्य गरी साउन २७ गते शनिवारका दिन श्रीराम सुगर मिलको प्रांगणमा आम भेला गरी मिल जोगाउन अगामी निति तय गर्ने सर्वसहमती बाट निर्णय गरिएको हो ।
बैठक बाट अशोक प्रसाद यादवको नेतृत्वमा ९ सदसिय कमिटि पनि गठन गरिएको छ । जसको कमिटिमा अनिल कुमार यादव,प्रेम शंकर राय यादव, राजकुमार दास तत्मा,विजय यादव,रामविनोद जयसवाल,शेख मसहर,श्याम सहनी रहेका छन् ।
सो अवसरमा जिल्ला समन्वय समिति रौहतटका सभापती रामअयोध्या यादव,पूर्व मन्त्री गोविन्द चौधरी,नेपाली काँग्रेसका जिल्ला सभापती एवम् प्रदेश सांसद स्ुनिल कुमार यादव,गरुडा नगरपालिकाका नगरप्रमुख कन्थमनी जयसवाल,गुजराका नगरप्रमुख सन्तलाल चौधरी,गरुडा नगरपालिकाकी उपप्रमुख पसनम चौधरी,गरुडाका मेयर प्रत्यासी ब्रिजकिशोर यादव सहित जनप्रतिनिधिहरु तथा सरोकारवालाहरुको सहभागिता रहेको थियो ।
२०४९ साउन १३ गते तत्कालीन गोल्छा अर्गनाइजेसनले स्थापना गरेको श्रीराम सुगर मिल्स २०७७ साउन १२ देखि पूर्णरूपमा बन्द छ । उद्योग जिल्लाको गरुडा नगरपालिका–६ महम्मदपुरमा रहेको छ । उद्योगको नाममा ८० बिघा जग्गा रहेको छ ।
आरके श्रीवास्तव,रौतहट,साउन १६ गते ।
रौतहट । जिल्लाको मौलापुर नगरपालिकामा रहेको नेपाल बिधुत प्रधिकरण मौलापुर वितरण केन्द्रमा अहिले १६ एमभिएको ट्रान्सफर्मर जडान भइरहेको छ । पछिल्लो केही दिनदेखि मौलापुर वितरण केन्द्र आसपासका क्षेत्रमा अनियमति रुपमा बिद्युत कटौती हुन थालेपछि स्थानीयहरु आक्रोशित बनेका थिए । केहीदिनयता बढेको अत्याधिक गर्मी र अनियमित विद्युत कटौतिका कारण स्थानीय आर्जित बनेका छन ।
तर अब सो समस्या चाँडै समाधान हुने भएको छ । यस अघि वितरण केन्द्रमा रहेको ८ एमभिएको ट्रान्सफर्मर बदलेर १६ एमभिएको ट्रान्सफर्मर जडान हुने लागेको हो । जसको काम द्रुत गतिमा अगाडी बढिरहेको मौलापुर वितरण केन्द्रका प्रमुख दिनेश राय यादवले जानकारी गराउनु भयो । उक्त ट्रन्सफर्मर जडान भएपछि फल्ट बाहेक बक्ती नजाने बताए । झयाप झयाप बक्ति जाने समस्या समाधान हुने उनले जानकारी समेत गराए ।
उक्त ट्रन्सफर्मर जडानको अधिकांश काम सम्पन्न भइसकेको त्यमा सहभागी इन्जिनियरहरुले बताएका छन् । अबको पाँचौ दिन उक्त नयाँ ट्रन्सफर्मर सुचारु हुने उनीहरको भनाइ छ । ८ एमभिएको ट्रन्सफर्मर हुँदा ओभरलोड भइ लाइ ट्रिप हुने समस्या थियो । अब उपरान्त उक्त समस्या हटने भएको छ ।
वितरण केन्द्रमा बारम्बार उक्त समस्या उत्पन्न भएपछि नेपाल बिधुत प्राधिकरण केन्द्रिय कार्यालयले १६ एमभिएको नयाँ ट्रान्सफर्मर उपलब्ध गराएको प्रमुख यादवले बताएका छन् । राम्रो ढंगले समस्या समाधान हुने उनको भनाइ छ । अब उपरान्त वितरण केन्द्र अन्तर्गतका २५ हजार ८५ उपभोक्ता राहत पाउने भएका छन् ।
मौलापुर वितरण केन्द्र अन्तर्गत हुकिङ्ग धेरै छ । विधुत चुहावट अत्यधिक मात्रामा छ । जबकी यस केन्द्र अन्तर्गतका पालिकाहरुले कृषि मिटर निःशुल्क गरेका छन् । भने बिधुत महसुलमा पनि सहुलियत दिदै आएको छ । तर पनि बिधुत चुहावट रुकन सकेको छैन् । साथै बिधुत महसुल पनि वसुली हुन सकेको छैन् । महसुल संकल्न नहुँदा शाखा चलाउन मुश्किल भइरहेको कार्यालय प्रमुख यादवले बताए ।
हनुमत कुमार यादव,गौर,१५ गते साउन ।
रौतहट जिल्लाको सदरमुकाम रहेको गौर नगरपालिका वडा नम्बर ३ का प्रिंस अन्सारी लाई बिजुली पोलमा बाँधी कुटपिट गरेको आरोपमा एक जना लाई प्रहरीले पक्राउ गरेको छ । सो वडाको ३ पोखरीया टोलमा बस्ने अन्दाजी २४ बर्षीय प्रिंस अन्सारी सँग अर्को युवक सजिद, उसको बुबा, दाई शुक्रबार सामान्य झडप हुँँदा आइतबार बीच बाटोमै सामुहिक उपस्थितमा कुटपिट गरिरहेको भिडियोमा देखन सकिन्छ । पिडित युवकको ठुला दाईका अनुसार युवकलाई अर्को युवकको आफन्तहरूले बिधुत पोलमा डोरीले बाधेर पशु जस्तो निर्मम कुटपिट गरेको पीडितको दाई अलियास अंसारीले बताएका छन् । अंसारीले जिल्ला प्रहरी कार्यालय रौतहट गौरमा किटानी जाहेरी दिए पछी प्रहरीले एक जना लाई पक्राउ गरेका छन् भन्ने दुइ जना फरार रहेका छन् ।
घरमा कोही सदस्य नरहेको बेला आफू काम विशेषले बिरगंज गएको क्रममा भाईलाई जनावर जस्तो बिधुत पोलमा बाधेर लठ्ठी, प्लास्टिकको पाइप, मुक्का लगायतले कुटपिट वडाअध्यक्षको अगाडि गरिएको उनले बताएका छन् ।
सो वडाका वडा अध्यक्ष संग सोध्दा टोलमा भएको झगडा बारे मलाई पहिला देखि केही थाहा नभएको र म बजारबाट घर फर्किदा झगडालाई शान्त गर्न गएको बेला म लाई बदनाम गर्ने नियतले भिडियो बनाइएको उनले बताएका छन् । म पुग्ने बितिकै झगडा लाई शान्त गरि झगडा गर्नेहरु लाई प्रहरी प्रशासन समक्ष जिम्मा लगाइसकेको साथै प्रहरी प्रशासनले झगडा कुटपिट बारे छानबिन गरिराखेको वडा अध्यक्ष अन्सारीको भनाइ रहेको छ । आफ्नै टोलमा भएको झगडालाई मैले शान्त गर्दा पनि केही व्यक्तीले मेरो नाम बदनाम गर्ने नियतले मेरो रोहवरमा झगडा भएको कुरालाई भ्रम फैलाएको भन्दै वडा अध्यक्ष अन्सारुलले निन्दा गरेका छन् ।
जिल्ला प्रहरी कार्यालय रौतहटका प्रवक्ता एवं डिएसपी उमाशंकर प्रसाद यादवले पिडित पक्षले दिएको उजुरीको आधारमा एक जनालाई पक्राउ गरिएको तथा अन्यको खोजीकार्य भईरहेको तथा घटना सम्बन्धी आवश्यक अनुसन्धान प्रहरीले गरिरहेको बताए ।
हनुमत कुमार यादव,रौतहट,गते १४ साउन ।
राैतहट जिल्लाको मौलापुर नगरपालिकाको पतौराका आमा र दुई वर्षको बच्चा लाई हत्या गरेको आरोपमा पक्राउ परेका तिन जना पुर्पक्षका लागि गौर कारागार चलान गरिएको छ । शुक्रबार जिल्ला अदालत रौतहटले पुर्पक्षका लागि गौर कारागार चलान गर्ने आदेश दिएको प्रहरी प्रवक्ता डिएसपी उमाशंकर यादवले बताएका छन । मौलापुर नगरपालिका वडा नम्वर ४ पतौरा गाउँका २४ वर्षीया कविता देवी र उनकी २ वर्षीया छोरी आरुही कुमारीलाई गत असार १५ गते बिहान घरमा हत्या गरेर आत्महत्या गरेको देखाउन झुण्डयाएको आरोपमा जिल्ला अदालत रौतहटले पक्राउ परेका तिन जनालाई पुर्पक्षका लागि गौर कारागार चलान गरेका छन् । बालिका आरुहीको शव पंखामा झुन्डिएको अवस्थामा र कविताको शव घरको सिँढीमुनि शंकास्पद अवस्थामा फेला पारे पछी प्रहरीले हत्याको आंशकामा अनुसन्धान अघि बढाएको थियो । घटनापछि मृतक कविताका श्रीमान् धीरेन्द्र साह, सासु मैनादेवी साह र जेठानी निशा देवीलाई प्रहरीले पक्राउ गरी अनुसन्धान गरेकोे थियो । ससुरा नागेन्द्र साह अझै पनि फरार रहेको प्रहरीले बताएका छन । प्रहरीले चारैजना विरुद्ध कर्तव्य ज्यान मुद्दामा अनुसन्धान सकेर अदालतमा पेस गर्दा न्यायाधीश तेजबहादुर खड्काको एकल इजलासले पक्राउ परेकाहरु निर्दोष छन् भन्ने तत्काल आधार नदेखिएकाले पुर्पक्षका लागि कारागार चलान गरिएको छ । मृतक कविताका बुवा रौतहट जिल्ला माधवनारायण नगरपालिका वडा नम्वर ५ मिठुअवाका विजयशंकर साहले ज्वाइँ धिरेन्द्र साह लगायत ४ जनाले हत्या गरेको भन्दै उनीहरु विरुद्ध कर्तव्य ज्यानसम्बन्धी किटानी जाहेरी दिएका थिए । २०७७ मंसिरमा छोरीको विवाह गर्दा उनले ज्वाइँलाई दाइजोमा मोटरसाइकल दिएका थिए । विवाहमा मागे जति सरसामान दाईजो दिए पनि दुई वर्षपछि छोरी मार्फत सुनको सिक्री, औठी र पलङ मागेको र नदिएपछि हत्या गरेको विजय शंकरको आरोप रहेको छ ।
