मँजय राम कटहरिया,आजको पात्रो जेष्ठ २०८०र०३र१६ गते
त्रयोदशी, आषाढ शुक्लपक्ष,शनि प्रदोष व्रत,आज अन्तर्राष्ट्रिय सहकारी दिवस
आज बिहान सूर्योदय ०५ः१२ मा हुनेछ भने सूर्यास्त ७ : ०४ मा हुनेछ । तिथि : त्रयोदशी २०:५२ बजेसम्म, त्यसपछी चतुर्दशी , नक्षत्र : अनुराधा १३:१८ बजेसम्म, त्यसपछी ज्येष्ठा , योग : शुभ २२:०३ बजेसम्म, त्यसपछी शुक्ल , करण : कौलव ०९:३१ बजेसम्म, त्यसपछी तैतिल २०:५२ बजेसम्म, त्यसपछी गर ।
राशीफल :-
मेष ( ARIES) चु, चे, चो, ला, लि, लु, ले, लो, अ
आज यात्राबाट हानी हुनसक्छ । जिद्दीपनाले गर्दा काम बिग्रने डर छ । प्रेमीप्रेमिकाको बिच खिन्नता बढ्नसक्छ, तर साँझमा शुभ समाचार पाइनेछ ।
वृष(TAURUS ) इ, उ, ए, ओ, बा, बि, बु, बे, बो
आज नयाँ कार्यको योजना बन्ला । सांस्कृतिक क्षेत्रमा रुचि बढ्नेछ । इच्छा र आकाङ्क्षा पूर्ण हुनेछन् । मित्र वा आफन्तको सहयोग पनि मिल्नेछ ।
मिथुन ( GEMINI) का, कि, कु, घ, ङ, छ, के, को, ह
आज मनमा प्रसन्नता छाउनेछ । विद्या र बुद्धिको विकास हुनेछ । महिला वा मित्रबाट विशेष सहयोग मिल्नेछ । शुभकार्यको चर्चा पनि चल्नेछ ।
कर्कट ( CANCER ) हि, हु, हे, हो, डा, डि, डु, डे, डो
आज प्रेमसम्बन्ध र प्रणयप्रसङ्गका लागि श्रेष्ठ समय रहेको छ । कूटनीतिक नियोगको सहयोग मिल्ला । पुनर्मिलनको योग पनि रहेको छ ।
सिंह (LEO ) मा, मि, मु, मे, मो, टा, टि, टु, टे
दबाब र तनाव बढेको महसुस हुनेछ । शरीरमा आलस्य आउला । प्रेम सम्बन्धमा खिन्नता बढ्न सक्छ, तर घर जग्गाबाट भने लाभ मिल्नेछ ।
कन्या ( VIRGO ) टो, प, पि, पु, ष, ण, ठ, पे, पो
नयाँ काम प्रारम्भ गर्ने समय छ। चिताएको काममा सोचेजस्तै सफलता मिल्नेछ। दाजुभाइमा आत्मीयता बढ्नेछ भने प्रेम र मित्रताको बन्धनसमेत कसिलो हुनेछ। लगानी गर्दा व्यवसायमा मनग्य धनलाभ हुनेछ। मिहिनेतले दिगो फाइदा दिलाउन सक्छ। पहिलेको उपलब्धिले पनि उत्साह जगाउनेछ। प्रतिस्पर्धीहरूले समेत सहयोगका हात फैलाउनेछन्।
तुला (LIBRA ) र, रि, रु, रे, रो, ता, ति, तु, ते
अध्ययनमा प्रगति हुनेछ। लेखन तथा सिर्जनात्मक कामबाट ख्याति मिल्न सक्छ। प्रयत्न गर्दा बोलीको भरमा काम बन्नेछ। आलोचकहरूले समेत प्रशंसा गर्न थाल्नेछन्। मिहिनेतले सम्मानित स्थान दिलाउनेछ। सहयोगीहरूले साथ दिनेछन् भने अहिले मिहिनेत गर्दा पछिसम्म लाभ मिल्नेछ। पहिलेका कमजोरीलाई सुधार गर्ने अवसर प्राप्त हुनेछ।
वृश्चिक(SCORPIO) तो, ना, नि, नु, ने, नो, या, यि, यु
दिन रमाइलो रहनेछ। नयाँ कामको प्रस्ताव आउनेछ भने सहयोगीहरू प्रशस्तै भेटिनेछन्। पहिलेको सफलताले हौसला जगाउनेछ। आफन्तसँग भेटघाट हुनुका साथै स्वादिष्ट भोजनको आनन्द प्राप्त हुनेछ। पहिलेका कमजोरी सुधार्दै जीवनशैलीमा परिवर्तन ल्याउन सकिनेछ। बौद्धिक क्षमताको तारिफ हुनेछ भने व्यक्तित्व निखार्ने अवसर प्राप्त हुनेछ।
धनु( SAGITTARIUS ) ये, यो, भ, भि, भु, ध, फा, ढ, भे
समयमा होस नपुग्नाले खर्च बढ्नेछ। ठूलो प्रयत्नले सामान्य उपलब्धि दिलाउनेछ। पछिका लागि लगानी गर्ने अवसर प्राप्त हुनेछ। तर शुभचिन्तकहरूलाई बेवास्ता गर्दा दुःख पाइएला। परिवारजनबाट समेत टाढिनुपर्ला। प्रलोभन देखाउनेहरूले फसाउन सक्छन्। आफ्नै कमजोरीले विवाद निम्त्याउनेछ। सद्विचारले अभिप्रेरित हुनेहरूलाई फाइदा हुनेछ।
मकर ( CAPRICORN ) भो, ज, जि, खि, खु, खे, खो, गा, गि
अकस्मात् धन प्राप्त हुनाले उत्साह जाग्नेछ। मिहिनेत गर्दा आम्दानीका स्रोत फेला पर्नेछन्। विभिन्न अवसरले पछ्याउनेछन् भने भविष्यका लागि जग बसाउने मौका छ। आजको मिहिनेतले भविष्यमा नाम र प्रतिष्ठा दिलाउन सक्छ। प्रयत्न गर्दा राम्रै अवसर जुट्नेछ। मिहिनेतको फल प्राप्त हुनेछ। नोकरी तथा पेसा–व्यवसायमा विशेष फाइदा उठाउन सकिनेछ।
कुम्भ ( AQUARIUS) गु, गे, गो, सा, सि, सु, से, सो, द
प्रतीक्षा गरिएको काम छिटै सम्पादन हुनेछ। आफ्नो क्षेत्रमा राम्रै प्रभाव जमाउन सकिनेछ। दाम र प्रतिष्ठा कमाउने बेला छ। सामाजिक दायित्व बढ्नेछ। भूमि, वाहन र पैत्रिक सम्पत्तिबाट लाभ मिल्नेछ। व्यापारमा पनि प्रशस्त फाइदा हुनेछ। कीर्तिमानी काम गर्ने समय छ। प्रयत्न गर्दा महत्त्वपूर्ण वस्तु लाभ होला। सहयोगीहरूले हिम्मत दिलाउनेछन्।
मीन ( PISCES ) दि, दु, थ, झ, ञ, दे, दो, च, चि
पहिलेका समस्या दोहोरिए पनि आँटेको काम सम्पादन गर्न सकिनेछ। चुनौतीपूर्ण जिम्मेवारी आए पनि बुद्धि–विवेकले काम सम्पादन गर्न सकिनेछ। सहयोगीहरूले साथ दिनेछन् भने अहिले मिहिनेत गर्दा पछिसम्म लाभ भइरहने छ। आध्यात्मिक चेतनाले धर्मकर्म र सेवामूलक काममा प्रवृत्त गराउनेछ। स्वास्थ्यका लागि खानपानमा अलि सजग रहनुहोला।
नेपाली पात्रो
मुम्बई, १६ असार ।
भारतको महाराष्ट्रमा शनिबार राति एउटा भयानक दुर्घटना भएको छ ।
बुलढानामा यवतमालबाट पुणे जाँदै गरेको बस दुर्घटनामा पर्दा २५ जनाको मृत्यु भएको छ ।
प्राप्त जानकारी अनुसार समृद्धि महामार्ग एक्सप्रेस वेमा बुलढाना नजिक बस पल्टिँदा ठूलो आगो लागेको थियो । बुलढाना प्रहरीका डेपुटी एसपी बाबुराव महामुनीका अनुसार बसमा ३३ जना सवार थिए । जसमध्ये २५ जनाको आगलागीका कारण घटनास्थलमा नै मृत्यु भएको थियो । सोही क्रममा अन्य व्यक्तिलाई अस्पतालमा भर्ना गरिएको छ ।
बुलढाना प्रहरीका डिएसपी बाबुराव महामुनीले यसबारे जानकारी दिएका छन् । घटना शुक्रबार राति करिब २ बजे भएको उनले बताए । बसबाट २५ जनाको शव निकालिएको छ । बसमा जम्मा ३२ जना सवार थिए । छ देखि आठ जना घाइते भएका छन् । घाइतेहरुको बुलढाना सिभिल अस्पतालमा उपचार भइरहेको छ ।
यसैबीच, बुलढानाका एसपी सुनिल कडासेनले बसमा ३३ जना सवार थिए, जसमध्ये २५ जनाको मृत्यु भएको र ८ जना घाइते भएको पुष्टी गरेका छन् । बसका चालक पनि बाँच्न सफल भएका छन । चालकका अनुसार अचानक बसको टायर पडके पछि बस पल्टिन गएको र त्यसैबिचमा आगलागी सुरु भएको थियो ।
रिपोर्टका अनुसार प्रत्यक्षदर्शीहरूले नागपुरबाट औरंगाबाद जाने बाटोमा दायाँ पट्टि रहेको फलामको पोलमा बस ठोक्किएको बताएका छन्। त्यसपछि चालकले सन्तुलन गुमाए । सो क्रममा बस सडकको बीचमा बनेको कंक्रीट डिभाइडरसँग ठोक्किएर पल्टिएको थियो । यसरी पल्टिएको बसले जमिनमा ढोका थिचेका कारण सो ढोका खोल्न नसकेर यात्रुहरुको बसभित्रै जलेर मृत्यु भएको प्रत्यक्षदर्शीहरुले जानकारी दिएका छन् ।
यस्तो अवस्थामा गाडीमा सवार यात्रुहरु गाडीबाट बाहिर निस्कन पाएका छैनन् । दुर्घटनाका क्रममा बसबाट ठूलो मात्रामा डिजेल सडकमा फैलिएको पनि बताइएको छ । डिजेल चुहावटका कारण बसमा आगलागी भएको जनाईएको छ ।
आरके श्रीवास्तव,रौतहट, १५ गते असार ।
देशभर शुक्रबार धान दिवस मनाएको छ । हरेक १५ असारमा धान दिवस मनाइने गरिन्छ । सोहीअनुसार शुक्रबार विभिन्न कार्यक्रम गरेर धान दिवस मनाइएको छ । यसैक्रममा रौतहटमा अखिल नेपाल किसान महासंघ रौतहटले खेतको हिलोमा धान रोपेर धान दिवस मनाएका छन् । नेकपा एमालेका नेताहरु शुक्रबार रोपाइँमा रमाएका छन् ।
अ.ने.कि.म.रौतहटका अध्यक्ष किशोरी महतोको अध्यक्षतामा भएको धान रोपाइ कार्यक्रममा एमाले केन्द्रिय सदस्य एवम् पुर्व सांसद रेखा कुमारी झाको प्रमुख आतिथ्य , मधेस प्रदेश पूर्व मन्त्री एवम् प्रदेश सांसद केशव चौधरीको बिशिस्ट आतिथ्य र अतिथिहरुमा एमाले प्रदेश सचिवालय सदस्य मणिशंकर निधि ,
देवाही गोनाही उपप्रमुख परनिया देवि ,प्रदेश कमिटी सदस्य रुपनारायन दास , एमाले रौतहट प्रचार बिभाग प्रमुख रुपेश पटेल, किसान नेता भारत पटेल , दिपक यादव ,नगर अध्यक्ष ब्राह्मदेव राउत लगायत नेता कार्यकर्ताहरुको उपस्तिथि रहेको थियो ।
देवाहि गोनाही नपाको वाड न.१ करुनियामा धान रोपि धान रोपाइ दिवस कार्यक्रम सम्पन्न भएको हो र सो धान रोपाइ दिवस कार्यक्रम आयोजना गरेकोमा अ.ने.कि.म.रौतहटलाइ धन्यवाद ज्ञापन दिई कार्यक्रम समापन भएको हो ।
सरिता श्रीवास्तव,कटहरिया,असार १५ गते
रौतहट प्रहरीले फरार प्रतिवादी लाइ पक्राउ गरेको छ । सम्मानित अदालतको फैसला कार्यान्वयन अन्तर्गत अदालतबाट कैद तथा जरिवाना सजाय भई हाल सम्म फरार रहेका प्रतिवादीहरुलाई प्रहरीले पक्रेको हो । प्रहरी गस्ती टोलीले गस्ती गर्ने क्रममा बिभिन्न मुद्दा शिर्षकका फरार प्रतिवादीहरुलाई पक्राउ गरी आवश्यक कारवाहीको लागी सम्मानि रौतहट जिल्ला अदालत गौर रौतहटमा बुझाईएको जिल्ला प्रहरी प्रवक्ता उमाशंकर यादवले जानकारी गराउनु भयो ।
पक्राउ पर्नेहरुमा कुटपिट मुद्दाको फरार प्रतिवादीहरु गरुडा न.पा.२ गेडहिगुठि बस्ने अन्दाजी वर्ष ६५ को बलिराम सहनी ,सोही ठाउँमा बस्ने अन्दाजी वर्ष ५५ को कृष्णनन्दन सहनी ,अन्दाजी वर्ष ३५ को सुनिल सहनी ,अन्दाजी वर्ष ३९ को प्रभुनन्दन भन्ने शशि सहनी रहेका छन् ।
त्यस्तै जुवा सम्बन्धी कसुर मुद्दाको फरार प्रतिवादीहरु सोही ठाउँमा बस्ने अन्दाजी वर्ष ६५ को जम्दार साह ,वर्ष ६० को जुकिन्द्र साह रहेको जिल्ला प्रहरी कार्यालय रौतहटले जनाएको छ ।
मञ्जय राम,कटहरिया,असार १५ गते
रौतहटमा सामुदायिक साझेदारी कार्यक्रम सम्पन्न भएको छ । सामुदायिक साझेदारी कार्यक्रम अन्तर्गत ईप्रका गंगापिपराको सहयोगमा दुर्गा भगवती गाउँपालिका वडा नम्बर ०१ गंगापिपरा बजारको प्राङ्गनमा भद्रभलादमी बुदिजीवी समाजसेवी गरी अन्दाजी १५/२० जना भेला जम्मा गराई बाढी डुवान न्यूनिकरण सम्बन्धी सम्बन्धी कार्यक्रम सम्पन्न गरेको हो ।
त्यस्तै समुदाय प्रहरी साझेदारी कार्यक्रम अन्तर्गत समुदाय प्रहरी वडा समिति नम्बर २ गौर नगरपालिकाको आयोजना र भन्सार सुरक्षा गार्ड रौतहटको सहयोगमा जिल्ला रौतहट गौर नगरपालिका वडा नंं.०२ स्थित रहेको भन्सार कार्यालयको बेरियर नजिक उक्त गार्डमा कार्यरत रहेका
प्र.ना.नि. सिकेन्द्र प्रसाद साहको कमाण्डमा खटि गएको २ जना प्र.क.हरु समेतले सोही वडाका स्थानिय, भद्रभलादमी, पुरुषहरु,बाटोमा आवत(जावत गर्ने मानिसहरु समेत गरी अन्दाजी १५ जना मानिसहरुको सहभागितामा बाढी डुवान तथा विपद् न्यूनिकरण सम्बन्धी जनचेतनामूलक कार्यक्रम सम्पन्न गरेको जिल्ला प्रहरी कार्यालय रौतहटले जनाएको छ ।
रन्धिर साह, रौतहट, असार १५ गते ।
रौतहटमा बैंक खातामा अनाधिकृत पहुच पुर्याई ठगी गर्ने कार्यमा संलग्न रहेकामध्ये ७ जना प्रहरीको फन्दामा परेका छन् । आज (शुक्रबार) बैंकबाट रुपैयाँ चोरी कार्यमा संलगन रहेका ११ जना मध्ये ७ जनालाई प्रहरीले पक्राउ गरेको हो ।
प्रहरीका अनुसार जिल्लाको वृन्दावन नगरपालिका वडा नम्बर ३ निवासी रामेश्वर राय यादवको माछापुच्छ्रे बैंकको शाखा कार्यालय वृन्दावनमा रहेको खाता नम्बर ०७५००६५३८२८०००१४ मा रकम गएको जेठको ५, ६ र ७ गते दैनिक रु. ३ लाख (तिन लाख) को दरले जम्मा रु.९ लाख रकम अन्य बैंकको खाता तथा खल्ती खातामा अनाधिकृत रुपमा रकम ट्रान्सफर भएको हो ।
सो घटनाको अनुसन्धानको क्रममा घटनामा संलग्न रहेका मानिसहरुले अनाधिकृत रुपमा बैंकको खातामा पहुच पुर्याई विभिन्न व्यक्तिहरुको खातामा रहेका रकम ट्रान्सफर गरी आर्थिक अपचलन गरेको अनुसन्धानबाट खुलेको प्रहरीले जनाएको छ ।
उनीहरु अनाधिकृत रुपमा ट्रान्सफर भएको रकम एटिएमबाट गैह्रकानूननी रुपले निकाली आर्थिक लाभसमेत लिई ठगी कार्यमा संलग्न व्यक्तीहरुले विभिन्न व्यक्तीहरुलाई आर्थिक प्रलोभनमा पारी खाता खोल्न लगाई खातावालाको मोबाईल अनलाईन बैकिङको प्रयोग गर्ने नाम र पासवोर्ड समेत पहुचमा लिई खाताहरुबाट रकम ट्रान्सफर गरी रकम ठगी गर्ने हालसम्म अनुसन्धानबाट खुलेको जिल्ला प्रहरी कार्यालय रौतहटका प्रहरी प्रवक्ता एवम् प्रहरी नायव उपरिक्षक उमाशंकर राय यादवले जानकारी गराएका हुन् ।
पक्राउ पर्नेहरुमा बिरगंज महानगरपालिका वडा नम्बर १६ नगवा निवासी २१ वर्षीय राजनारायण चौरासिया, सोही पालिकाका वडा नम्बर १९ केहुनी विन्दाबासनी निवासी २१ वर्षी महम्द मुस्तुफा हवारी, दोलखा जिल्लका बैदेश्वर गाँउपालिका वडा नम्बर ५ सिमबारी टोल निवासी २९ वर्षीय सुन्दर खड्का,
काभ्रेपलान्चोकका भुम्लु गाँउपालिका वडा नम्बर ९ पिङगोला निवासी १९ वर्षीय महेश थापा, उदयपुरको रौउतामाई गाँउपालिका वडा नम्बर २ भुट्टार निवासी २० वर्षीय केवल रास्कोटी, सिरहाका मिर्चैया नगरपालिका वडा नम्बर ८ भगवानपुर निवासी १९ वर्षीय दिपे सदा र सोही जिल्लाका गोलबजार नगरपालिका वडा नम्बर ८ चोहर्वा निवासी २३ वर्षीय श्रवण दास पक्राउ परेका छन् ।
उनीहरुको पासबाट मोबाईल ६ थान, विभिन्न व्यक्तीहरुको विभिन्न बैंकको एटिएम १५ थान, मोटरसाईकल १ थान र नगद रकम रु। ६६ हजार बरामद भएको प्रहरी प्रवक्ता यादवले जनाएका छन्। पक्राउ परेका सबै जनालाई रौतहट जिल्ला अदालतबाट ठगी सम्बन्धी कसुरमा म्याद थप गरी थप अनुसन्धान कार्य अगाडि बढाएको उनले बताए ।
पेरिस, १६ असार ।
फ्रान्समा चौथो दिनसम्म पनि हिंसा जारी रहेको छ ।
एक १७ वर्षीया युवाको प्रहरीले गोली हानेर मारे पछि सोको विरोधमा सयौं मानिसहरूले विरोध प्रदर्शन गरिरहेका छन्।
सो क्रममा आन्दोलनकारीले सवारी साधन, पसल, विद्यालय र सार्वजनिक पुस्तकालयमा आगजनी गरिरहेका छन् ।
बीबीसीका अनुसार प्रदर्शनकारीले प्रहरीमाथि पटाका समेत प्रहार गरेका छन् । फ्रान्सको आन्तरिक मन्त्रालयले सो हिंसा नियन्त्रण गर्नका लागि अहिले फ्रान्सका सडकमा ४० हजार प्रहरी तैनाथ गरेको छ ।
सो हिंसामा संलग्न रहेको आरोपमा प्रहरीले हालसम्म ८७५ प्रदर्शनकारी पक्राउ गरेको छ । प्रहरीका अनुसार यी प्रदर्शनकारीहरूमध्ये अधिकांश १४ देखि १८ वर्षका किशोरकिशोरीहरू रहेका छन्।
फ्रान्स २४ को रिपोर्ट अनुसार प्रदर्शनकारीहरूले तीन दिनमा ४ सय ९२ भवनमा क्षति पुर्याएका छन् भने २ हजार सवारीसाधनमा आगजानी गरेका छन । सो क्रममा ३८ सय ४८ अन्य स्थानमा आगजानी र तोडफोड भएका छन् ।
गत जुन २७ मा फ्रान्सको राजधानी पेरिसको उपनगरीय इलाका नान्तेरेमा ट्राफिक सिग्नलमा नरोकेपछि १७ वर्षीय बालक नाहेललाई प्रहरीले गोली हानेको थियो । ड्राइभिङ लाइसेन्स नभएका अरबी मुलका ती किशोरलाई गोली हानेर प्रहरीले मारेको भिडियो सामाजिक सञ्जालमा सार्बजनिक भए पछि पेरिसमा एक्कासी हिंसा र दंगा फैलिन पुगेको हो ।
नैरोबी, १६ असार ।
पश्चिमी केन्याको लन्डियानीमा एउटा भयानक सडक दुर्घटना भएको छ ।
शुक्रबार साँझ भएको दुर्घटनामा ४८ जनाको मृत्यु भएको प्रहरी र प्रत्यक्षदर्शीले जानकारी दिएका छन् ।
ढुवानी कन्टेनर बोकेको लरी सडकबाट ओर्लिएर धेरै सवारी साधनमा ठोक्किएर दुर्घटना भएको प्रत्यक्षदर्शीले बताएका छन् । दुर्घटनापछि यसका धेरै भिडियोहरु सार्वजनिक भएका छन् । भिडियोहरूले क्षतिग्रस्त मिनी बसहरू र ट्रकहरू साथै कार र मोटरसाइकलका टुक्राहरू देखिएकाे छ ।
रिपोर्टका अनुसार क्षेत्रीय प्रहरी कमाण्डर टम ओडेराले घटनाको जानकारी दिएका छन्। उनले शुक्रबार साँझ भएको दुर्घटनामा मृत्यु हुनेको संख्या ४८ पुगेको बताए ।
दुर्घटनाको समयमा त्यहाँ उपस्थित चालक पिटर ओटिएनोले तीव्र गतिमा एउटा ट्रेलर आइरहेको देखेको बताए । ‘मैले कारलाई घुमाएँ र ठोक्किनबाट जोगिए,’ उनले भने । उनका अनुसार करिब २० वटा शव आफ्नै आँखाले देखेको बताए । यस क्रममा अन्य धेरै शव पनि सवारीसाधन मुनि थिए ।
लरीले ६ भन्दा बढी सवारी साधनलाई ठक्कर दिएको जनाइएको छ । यससँगै धेरै पैदल यात्रुलाई पनि कुल्चेकाे छ । मृत्यु हुनेमा धेरै युवा तथा व्यवसायी समेत रहेका छन् ।
केन्याका राष्ट्रपति विलियम रुटोले दुर्घटनाप्रति दुःख व्यक्त गरेका छन् । उनले ट्वीटमा लेखेका छन्, ‘लण्डियानीमा भएको भयानक सडक दुर्घटनामा आफ्ना प्रियजन गुमाएका परिवारप्रति राष्ट्र शोकमा छ ।’
स्मरण रहोस, शुक्रबार साँझ भएको दुर्घटना केन्याको इतिहासमा सबैभन्दा खराब सडक दुर्घटना मध्ये एक हो। गत वर्षको सुरुमा मध्य केन्यामा एउटा बस पुलबाट खसेर नदीमा खसेको थियो। उक्त दुर्घटनामा ३४ जनाको मृत्यु भएको थियो ।
क्र्यालिफोनिया, १६ असार ।
ट्विटरले हरेक दिन नयाँ प्रयोग गरिरहेको छ।
यसैबिच ट्विटरले शुक्रबार थप नयाँ परिवर्तन गरेको छ।
नयाँ परिवर्तन अनुसार अब लगइन नगरी ट्वीट हेर्न पाइने छैन । यसको मतलब यो हो कि यदि तपाइँ ट्वीट हेर्न चाहनुहुन्छ भने तपाइँले ट्विटरमा आफ्नो आईडी सिर्जना गर्नु पर्नेछ। एलोन मस्कले यसलाई अस्थायी आपतकालीन उपाय भनेका छन्।
ट्वीटरका मालिक एलोन मस्कले धेरै डाटा लुटिएको र यो सामान्य प्रयोगकर्ताका लागि अपमानजनक सेवा भएको बताए । यस अघि पनि मस्कले ओपन एआई लगायतका अन्य प्लेटफर्महरू प्रति आफ्नो असन्तुष्टि व्यक्त गरिसकेका छन् । उनले भने कि धेरै प्लेटफर्महरूले उनीहरूको डाटाको साथ भाषिक मोडेलहरू तालिम दिन प्रयोग गर्थे।
तपाई यो थाहा लिनुहोस कि ट्विटरले एप प्रोग्रामिङ इन्टरफेसका लागि थर्ड पार्टी एप्स र रिसर्चर्सलाई पनि चार्ज गर्न थालेको छ।
उता, माइक्रो ब्लगिङ प्लेटफर्म ट्विटरले भिडियो डाउनलोड गर्ने सुविधा जारी गरेको छ । यस फिचर अन्तर्गत नयाँ डाउनलोड भिडियो विकल्प थपिएको छ। अर्थात् ट्विटर प्रयोगकर्ताहरूले कुनै पनि तेस्रो पक्ष एप र साइटको मद्दत बिना नै प्लेटफर्ममा सीधा भिडियोहरू डाउनलोड गर्न सक्षम हुनेछन्।
यद्यपि, यो सुविधा हाल बिटा परीक्षकहरूको लागि जारी गरिएको छ।
एप अनुसन्धानकर्ता र ट्विटर प्रयोगकर्ता नीमा ओभजीले पनि यो सुविधाको बारेमा जानकारी दिँदै स्क्रिनसट साझा गरे। प्रयोगकर्ता भन्छन्, ‘ट्विटर भिडियो डाउनलोड बटनमा काम गरिरहेको छ र सिर्जनाकर्ताहरूले यसलाई सक्षम र असक्षम गर्न सक्षम हुनेछन्। यो फिचर छिट्टै रोल आउट हुने दाबी गरिएको छ ।
हालै भर्खरै ट्विटरले नयाँ भिडियो एप लन्च गर्ने घोषणा गरेको छ।
काठमाडौं, १६ असार ।
हामी सबै आफ्नो दाँत सफा गर्नको लागि दैनिक माझ्छौं, तर प्रायः हामी देख्छौं कि दाँतमा पहेंलोपन देखिन्छ, जुन कहिलेकाहीँ लाजको कारण बन्न सक्छ।
सबैको चाहना हुन्छ दाँत हीरा जस्तै चम्किलो होस् र हाम्रो हाँसो देखेर मानिस मोहित बनोस् । त्यसो भए के गर्ने ताकि दाँत सधैं सेतो र सफा देखिन्छ ? दाँत चम्किलो बनाउन के गर्ने ? कतिपयले दाँत सेतो पार्ने घरेलु उपाय पनि खोज्न थाल्छन् ।
दाँत सेतो बनाउने रामबाण उपाय थाहा छ भने, यो पनि धेरै सजिलो हुन्छ। यहाँ हामीले तपाइँको लागि केहि यस्तो रेसिपी ल्याएका छौं, जसको बारेमा धेरै कमलाई थाहा छ। तपाईंको दाँत सधैं चम्किलो हुनको लागि तपाईले बिहान के गर्नु पर्छ ? हामीलाई थाहा दिनुहोस्।
दाँत र गिजाको स्वास्थ्यका लागि दैनिक ब्रस गर्नु मात्रै होइन, केही थप उपाय अपनाउनुपर्छ । साथै, क्याल्सियम युक्त चीजहरू सेवन गरेर तिनीहरूलाई बलियो बनाउन आवश्यक छ। मुखको स्वास्थ्यलाई स्वस्थ राख्न हामीले केही बीउहरू सेवन गर्न सक्छौं। तिल दाँतको चमक र गिजाको स्वास्थ्यका लागि निकै फाइदाजनक मानिन्छ ।
बिहान सबेरै भुटेको तिल चपाउँदा दाँत बलियो बनाउन मद्दत गर्छ । चबाए पछि टूथपेस्ट वा टुथ पाउडर प्रयोग नगरी नरम टुथ ब्रशले दाँत माझ्न सिफारिस गरिन्छ।
तिलको दानामा प्रचुर मात्रामा क्याल्सियम हुन्छ, यसले दाँत र गिजाको वरपरका हड्डीहरूलाई सुरक्षित राख्छ। तिनीहरूले दाँतको इनामेल निर्माण गर्न मद्दत गर्दा प्लेक हटाउन मद्दत गर्ने विश्वास गरिन्छ ।
बिहान सबेरै भुटेको तिल चपाउँदा कलेजो र पेटलाई उत्तेजित गर्नुका साथै पाचन शक्तिमा सुधार ल्याउने विश्वास गरिन्छ । मौखिक स्वास्थ्यको ख्याल गर्नु हाम्रो दाँत र गिजाको लागि मात्र नभई हाम्रो पाचन, अंग र तन्तुको स्वास्थ्यको लागि पनि धेरै लाभदायक छ।
तिललाई आयुर्वेदमा चमत्कारी बीउ मानिन्छ। तिनीहरू हड्डी, दाँत र कपाल बलियो बनाउन सहायकको रूपमा काम गर्न सक्छन्। यी बीउहरूले कब्जियतको उपचारमा मद्दत गर्न सक्छन्। यसको साथमा, यसले कडा खोकीलाई शान्त पार्ने काम पनि गर्छ।
