बज्जिकाञ्चल संवाददाता,गाैर,१६ गते असाेज । 

राजदेवी नगरपालिकाले पालिका भित्र बाढी प्रभावीत प्रत्येक घर घरमा पुगदै क्षती संकल कार्य शुरु गरेको छ । असोज १२ गते आएको बाढीले पालीकाको ९ वटै वडामा क्षती पुगेको प्रारम्भीक अनुमान गरिए अनुसार क्षतिपूर्ति गर्ने उदेश्यले पीडितहरूको घर–घरमा नपाका जनप्रतिनिधि, कर्मचारी, स्वास्थकर्मी, कृषि तथा पशुप्राविधिक र नगर प्रहरीको टोली पठाईएको नगर प्रमुख भिखारी यादवले जानकारी दिनु भएको छ ।
तत्काल राहतका लागि प्राथमिक जाँच र सहायता प्रदान गरेको छ भन्ने राहत तथा क्षतिपूर्ति सम्बन्धी विस्तृत जानकारी भने संकलन प्रक्रिया पूरा भएपछि मात्र उपलब्ध गराइने प्रमुख यादवले बताए ।

बाढीका कारण फैलिन सक्ने महामारी तथा स्वास्थ्य समस्याको निवारणका लागि दुईवटा च्बउष्म च्भकउयलकभ त्भबm समेत परिचालन गरी नगरवासी माँझ पुर्याइएको प्रमुख प्रशासकीय अधिकृत प्रलव कायस्थले जनाकारी दिनु भएको हो । अधिकृत कायस्थका अनुसार, टोलीले पीडितहरूको स्वास्थ्य अवस्था, क्षति, र आवश्यकताहरूको विवरण संकलन गरिरहेको छ, जसको आधारमा उपयुक्त सहयोग र क्षतिपूर्ति प्रदान गरिनेछ बताउदै, यो प्रक्रिया पूरा भएपछि विस्तृत विवरण सार्वजनिक गरिनेछ, र त्यसपछि प्रभावितहरूलाई अझ प्रभावकारी रूपमा सहयोग गर्न सकिने अधिकृत कायस्थले बताए । यस कार्यमा सवै नगरवासीले सहयोग गर्न राजदेवी नगरपालिकाले अनुरोध समेत गरेको छ ।

बुधवार बान्ध मर्मत गर्न गएको टोलीलाई केही राजनितिक व्यक्तिको प्रोपगण्डमा बान्ध मर्मत गर्न नदिएको भन्दै नगर प्रमुख यादवले, त्यस्तो कार्य राहतको नाममा राजनितिक र आहत गर्ने काम नगर्न सवै संग अनुरोध समेत गरे ।

राजेश निर्माणी,रौतहट,असोज १६ गते।

वृन्दावन नगरपालिकाको वडा नं. ५ मा रहेको श्री राम जानकी आधारभूत विधालय नरकटियामा अध्ययनरत विद्यार्थीहरू नयाँ पोसाक पाएपछि खुसी भएका छन्।

वृन्दावन नगरपालिकाको सहयोगमा सो विद्यालयमा अध्ययनरत विद्यार्थीहरूलाई पोसाक वितरण गरिएको वडाध्यक्ष फेकु दासले जानकारी दिनुभयो । उहाँले विद्यालयमा अध्ययनरत ५ सय ५० जना विद्यार्थीहरूलाई विद्यालय पोसाक वितरण गरिएको जानकारी दिनुहुँदै पोसाक पाउनेमा २५० जना छात्र र ३०० जना छात्रा रहेको बताउनुभयो।

वडा अध्यक्ष दासले आफू अर्कै पार्टीबाट निर्वाचित भएता पनि नगर प्रमुख कुर्मीले आफुलाइ सधैं सहयोग गर्दै आएको बताउदै नगर प्रमुखले गरेको कार्यको चर्चा गर्दै धन्यवाद  ज्ञापन समेत गर्नुभयो ।

पोसाक वितरण कार्यक्रमका प्रमुख अतिथि वृन्दावन नगरपालिका का नगरप्रमुख विनोद प्रसाद कुर्मीले कपडा अभावमा पढाइबाट वञ्चित हुन नपरोस् भन्ने अभिप्रायले पोसाक वितरण गरिएको बताउनुभयो। विद्यालयमा अध्ययनका लागि आउने छात्र-छात्राहरू समान भएको भन्दै नगर प्रमुख कुर्मीले सो विद्यालयमा अध्यनरत छात्र-छात्राहरुलाई दुई-दुई थान स्कुल पोसाक हस्तान्तरण गर्नुभयो।

नगर प्रमुख कुर्मीले सो विद्यालय अति गरिब तथा दलित बसोबास भएको वडामा रहेकोले आफुले सो विधालयलाई सधै सहयोग गर्दै आएको बताउदै आगामी दिनमा पनि सो बिधलयलाई सहयोग गर्दै जाने प्रतिबद्धता समेत जाहेर गर्नुभयो।

त्यसैगरी सो पोसाक वितरण कार्यक्रमको विशिष्ट अथितिको रुपमा पाल्नु भएका वृनदावन नगरपालिकाका प्रमुख प्रसासकिय अधिकृत खिम बहादुर भुजेलले पोसाक पाएका विधार्थी तथा सो विधालयका  शिक्षिका शिक्षिका हरुलाई नियमित रुपले विधालय पोसाक लागाएर मात्र विधालय आउन निर्देशन दिदै सो विधालयमा अध्यनरत विधार्थी लाई एकदिन पनि न बिराइकन पोसाकका साथ त्यारी पारेर नियमित रुपले विधालय पठाउनका लागि त्यहाँका अभिभावकहरुलाई आग्रह गर्नुभएको छ।

उहाँले नगरले विद्यालय पोसाक मात्रै नभई गुणस्तरीय शिक्षा, खेलकुदको उचित प्रबन्ध समेत विद्यार्थीहरूको लागि गर्नुपर्ने चर्चा गर्नुका साथै अभिभावकहरूलाई समेत विद्यालयमा आएर निगरानी र अनुगमन गर्न आग्रह गर्नुभयो ।

कार्यक्रममा विद्यालयका प्रधानाध्यापक लक्ष्मी सहनीले सो विधालय मा अध्यनरत कतिपय दलित बालबालिकाहरू पोसाक अभावमा नियमित हुन नसकेको बताउनुहुँदै उक्त पोसाक वितरणले विद्यार्थीको पठनपाठन नियमित हुन सहयोग पुग्ने बताउनुभयो ।

पोसाक वितरण पश्चात् नगर प्रमुख कुर्मीको सहयोगमा सो विद्यालय मा निर्माण भइरहेको कार्यलाई नगर प्रमुख कुर्मी,प्रमुख प्रसासकिय अधिकृत भुजेल,शिक्षा संयोजक उपेन्द्र महतो, र नगर पालिकाका इन्जिनियर कमलेश कुश्वाहाले अनुगम समेत गरेकाछन्। अनुगमन गर्दै नगर प्रमुख कुर्मीले भवन निर्माण कार्यमा प्राविधिकको सल्लाह अनुसार स्टिमेट अनुसारको गुणस्तरिय काम गर्न निर्देशन दिएका हुन्।

कक्षा ८ सम्म पढाइ हुने सो विधालयमा कक्षाकोठाको अभाव रहेकोले चुनावी प्रतिवद्धता अनुसार नगर प्रमुख कुर्मीले आफ्नो नगर स्तरीय योजनाको २३ लाख र राष्ट्रपति शैक्षिक सुधार कार्यक्रम अन्तरगतको २२ लाख ५० हजार गरि कुल रकम ४५ लाख ५० हजारको लागतमा सो भवनको निर्माण भइरहेको नगरप्रमुख कुर्मीले जानकारी दिनुभयो।

उक्त पोसाक वितरण कार्यक्रमको अध्यक्षता सो विधालयका विधालय व्यवस्थापन समितिका अध्यक्ष रितेश साहले गर्नुभएको थियो भने,कार्यक्रमको प्रमुख अथितिको रुपमा नगर प्रमुख विनोद प्रसाद कुर्मी र विशिष्ट अथितिमा प्रमुख प्रसासकिय अधिकृत खिम बहादुर भुजेल रहेका थिए। त्यसैगरी अथितिमा सोही वडाका वडाअध्यक्ष फेकु दास,शिक्षा संयोजक उपेन्द्र महतो,युवानेता सलामोदिन दर्जी,समाजसेवी प्रेम राउत,कार्यपालिका सदस्य राजेश पासवान,र सो विधालयका प्रधानाध्यापक लक्ष्मी सहनीको साथै विधालयमा कार्यरत शिक्षक-शिक्षिका लगायत स्थानीय अभिभावक हरुको समेत उपस्थिति रहेको थियोे।

आरके श्रीवास्तव,राैतहट,१५ गते असाेज । 

राैतहटकाे देवाहीगाेनाही नगरपालिकाका नगर प्रमुख प्रेमलाल साह सधैं चर्चामा नै रहने गरेका छन् । चाहे त्याे एसईई काण्डहाेस् या भर्खरै केही दिन पहिला भएको प्रधानाध्यापक सरूवा काण्ड ।

याे दुई वटा काण्डकाे अपार सफलता पछि उनकाे अब एउटा नयाँ काण्ड”मस्त निद्रा”भाईरहल बनेकाे छ । याे सब मामलामा उनी आफ्नो चर्चा बटुल्न एकदमै सिपालु छन् । अहिले मेयर साहकाे एउटा तस्बिर सामाजिक संजालमा भाइरल बनेको छ ।

अविरल वर्षाबाट आएको बाढीले देशमा ठुलो जनधनको क्षति भएको छ । यसमा राैतहट अछुताे रहेन् । यहाँ धेरै क्षति भएको छ । यस अवस्थामा बाढीको प्रकोपबाट बिचलित भएकाहरुलाई राहत तथा पुर्णस्थानका लागि जिल्ला विपद व्यवस्थापन कार्यालय रौतहटले जिल्लाको १८ वटा स्थानीय तहका प्रमुख सँग छलफल गर्न बाेलाईएकाे बैठकमा देवाही गाेनाही नगरपालिकाका मेयर साह मस्त निन्द्रामा सुतेकाे तस्बिर समाजिक संजालमा भाईरल भएको छ ।

जिल्ला विपद व्यवस्थापन समितिले आयाेजना गरेकाे संवेदनशील बैठकमा सहभागी भएकाहरु मध्ये देवाही गाेनाहीका नगर प्रमुख साहले बैठकमै मस्त निन्द्रा रहेकाे देखिएको छ ।

नगरमा जनतालाई जुधाउन र कर्मचारीलाई तर्साउन दिन रात नसुत्ने र कमिसन पाउने चिजमा कान ठाडो पारेर सुन्ने मेयर साह बैठकमै आराम तरिकाले थकान मार्दै गरेकाे तस्बिरकाे बारेमा स्थानीयहरू निकै टीका टिप्पणी गरिरहेका छन् ।

यस विषयमा मेयर साह सँग साेध्दा सम्पर्क हुन सकेकाे छैन् ।

जिल्लाका भिआइपिहरू सम्मिलित बैठकमा नै मेयर साह गम्भीरतापूर्वक नलिई मस्त निन्द्रामा सुतेका तस्बिर बारे राैतहटका प्रमुख जिल्ला अधिकारी हिरालाल रेग्मीलाई स्थानीयहरूले गम्भीर ध्यानाकर्षण गराएका छन् । मेयर साहलाई कार्यवाही गर्न उनीहरूले सम्बन्धित निकाय सँग माग समेत गरेका छन् ।

बैठकमा मेयर साह मस्त निद्रमा रहेको तस्बिर स्थानीय पत्रकार रामानन्द साहले उपलब्ध गराएका हुन् ।

काठमाडौँ । नेपाल आयल निगमले इन्धनको मूल्य घटाएको छ । निगमका अनुसार पेट्रोल, डिजेल र मट्टीतेल तथा हवाई इन्धनको मूल्य घटाइएको हो ।

सोमबार राति १२ बजेबाट लागु हुने गरी निगमले पेट्रोलमा एक, डिजेल र मट्टीतेलमा २-२, हवाई इन्धनमा आन्तरिकमा ६ तथा बाह्यमा प्रतिहजार लिटरमा ४५, मट्टीतेलमा दुई रुपैयाँ मूल्य घटाइएको निगमले जनाएको छ ।

नयाँ मुल्य अनुसार काठमाडौँमना पेट्रोलको मुल्य १५८, डिजेल तथा मट्टीतेलको मुल्य १४७ प्रति लिटर भएको निगमले जनाएको छ ।

एलपी ग्याँसको मूल्य भारतबाट नेपाली ४१ रुपैयाँ बढेर आएपनि चाडपर्वलाई लक्षित गरी यथावत राखिएको निगमले जनाएको छ । एलपी ग्याँसमा हाल प्रति सिलिण्डर २६९ रुपैयाँ ८० पैसा घाटा रहेको निगमले जनाएको छ । न्युज कारखाना

रौतहट । बिहीवारदेखिको अविरल बर्षासंगै रौतहटको पूर्विभेग स्थित बागमती पश्चिममा लालबकैया नदीमा आएको बाढीको सतह घट्दै जाँदा सदरमुकाम गौर बजार क्षेत्रमा पानीको दवाब बढ्दै गएको छ । गौरस्थित प्रायः सम्पूर्ण सरकारी कार्यालयहरु डुबानमा परेपछि आज बन्द हुने भएका छन् ।

बागमती नदी लाल बकैया र झाझ खोलाको पानी आज विहान ३ बजे देखी प्रवेश गरेसँगै गौर बजार क्षेत्रमा पानीको दवाब बढेको हो । अहिले गौर बजारको मूल बाटोमा चौतर्फी पानी पानी देखिएको छ । गौर भन्सार एरियाको बाटोमा ४ फिटसम्म पानी जमेको छ भने नेपाल विद्युत प्राधिकरण गौर शाखा जलमग्न भएको छ ।

विपी चोकको सडक छेउका घर बाहेकका एरिया बाढिको पानीले डुवानमा परेका छन् । गौर आँखा अस्पताल पुरेनवा, सिसवा, सिर्सिया, सपगढा लगायतका वडाहरुमा राति १२ बजेकै समय देखि बाढिको पानी पसेको थियो ।

नेपाल विद्युत प्राधिकरण गौरको ३३र ११ केभी  सब स्टेशनको केबल ड्रोनमा पानी भरेको कारण विधुत अवरुद्ध भएको  छ । नेपाल भारत सीमा क्षेत्र बैरगनिया जाने नाका क्रान्तिद्वार गेट जलमग्न भएको छ । राजदेवी नगरपालिका ६ , गढीमाई ३ , लगायत कयौं स्थानमा बागमती नदीको बाँध फुटेर बगेको पानी गौर बजार क्षेत्रमा बढ्दै गएको स्थानीय प्रत्यक्षदर्शीले बताएका छन् ।

सशस्त्र प्रहरी रौतहटका प्रमुख एसपी बिक्रम हुमागाईंका अनुसार गौर भन्सार छेउ सशस्त्र प्रहरी प्रस्तावित गुल्म समेत जलमग्न भएको छ । भारतको सीतामढी निवासी ५५ बर्षीय भोजु लहेरी सनिवार साँझ यमुनामाई गाउँपालिका ५ बमनहर सडकखण्ड अन्तर्गत खोला तर्ने क्रममा बाढीमा फसेकोमा १२ घन्टापछि आज बिहान उद्धार गरिएको हो ।

यस अघि सनिवार वृन्दावन १ बलेरी खोर छेउ बागमती नदीमा सयभन्दा बढी महिला पुरुष तथा बालबालिका फसेका थिए।नेपाली सेना, नेपाल प्रहरी र सशस्त्र प्रहरीको संयुक्त टोलीले सो मध्ये ३७ जनाको सकुशल उद्धार गरेको थियो ।न्युज कारखाना

रौतहट
रौतहटको फतुवा विजयपुरका नगर प्रमुख, प्रमुख प्रशासकीय अधिकृत तथा वडाध्यक्षहरुको गाडी स्थानीयले खोसेका छन् । गत दुई आर्थिक वर्षदेखि विकास निर्माणको काम ठप्प पारेको भन्दै स्थानीयवासीले जनप्रतिनिधिहरुको गाडी खोसेर प्रहरीको जिम्मा लगाएका छन् ।
फतुवा विजयपुरका जनप्रतिनिधिहरुले नगरसभा नगरी नगरपालिकालाई बन्धक बनाएको आरोप स्थानीयवासीको रहेको छ । नगरपालिकालाई बन्धक बनाउने तर सेवा र सुविधा उपभोग गरिरहने जनप्रतिनिधिहरुको मोटरसाइकल र अन्य सबारी साधन खोसेर स्थानीयवासीले इलाका प्रहरी कार्यालय विजयपुरको जिम्मा लगाएका छन् ।
फतुवा विजयपुरका निर्वाचित नगर प्रमुख गोपाल राय यादव निलम्बित भएपछि कार्यवाहक नगर प्रमुखको जिम्मेवारी पाएकी उपप्रमुख अम्बेया खातुन आफ्नो जिम्मेवारीबाट पन्छिन खोजेपछि स्थानीयवासी विकास निर्माण खोज्न थालेका हुन् । नगरपालिकाका वडाध्यक्ष, वडा सदस्य तथा कार्यपालिका सदस्यहरुले कार्यवाहक नगर प्रमुख खातुनकै कारण नगर सभा हुन नसकेको बताएका छन् । वडा नम्बर २ का वडाध्यक्ष तथा कार्यपालिका सदस्य संजय भनिने अनिरुद्ध प्रसाद यादवले कार्यवाहक नगर प्रमुख खातुनले कुनै पनि शर्त नमान्ने तथा नगरसभा गराउनै नचाहेको बताएका छन् ।
पटक पटक बैठक बस्ने गरेको तर वडा तथा नगरपालिकाको विकासको लागि कुनै पनि शिलिङ नमानेको, एकलौटी किसिमले नगरसभा हुन नदिएको आरोप अन्य जनप्रतिनिधिहरुको रहेको छ । गत आर्थिक वर्षमा पनि नगरपालिकाको करोडौँ बजेट फ्रिज भएको थियो । गत आर्थिक वर्षमा कर्मचारीहरुले तलब खानुबाहेक विकास तथा निर्माणको कुनै पनि काम भएको थिएन । चालु आर्थिक वर्षको पनि साढे दुई महिना बितिसक्दासमेत कावा नगर प्रमुख खातुनले नगरसभा गराउन कुनै भूमिका नखेलेको तथा वडाध्यक्षहरुले सबै तारतम्य मिलाउँदा पनि नगरसभा हुन नदिएको आरोप रहेको छ ।
कावा नगर प्रमुख खातुनले आफूले नगरसभाको लागि प्रयास गरिरहेको बताएकी छन् ।
नगरपालिकाको गाडी चढ्ने र नगरपालिकाबाट भत्ता खाने काम मात्र जनप्रतिनिधिहरुले गरिरहेको आरोप लगाउँदै स्थानीयवासीले विहीवार सबै गाडी खोसेर प्रहरीलाई जिम्मा लगाएका छन् । चन्देश्वर प्रसाद यादवले जनप्रतिनिधिहरुले अत्यन्तै खराब काम गरिरहेका कारण स्थानीयवासी आक्रोशि भएको आरोप लगाएका छन् ।
असार १० गतेसम्म सम्पन्न गरिसक्नु पर्ने नगरसभा असोज १० गतेसम्म नगरिँदा स्थानीय आक्रोशित बनेका हुन् । दशैँ आउन एक हप्ता बाँकी रहँदा नगरसभा सम्पन्न नभएकोले शिक्षक, कर्मचारीहरुले तलब नखाने करिब निश्चित भइसकेको छ । समयमा तलब र भत्ता खान नपाउँदाको निराशा कर्मचारीहरुमा रहेको छ भने दुई वर्षदेखि विकास निर्माण ठप्प हुँदा स्थानीयवासी जनप्रतिनिधिप्रति आक्रोशित भएका छन् ।

राैतहट,०९ गते असाेज ।

बज्जिका भाषामा रौतहटबाट प्रकाशित हुँदै आएको बज्जिकाञ्चल दैनिक सम्मानित भएको छ । पत्रिकाको दर्ता ठेगाना रहेको रौतहटको कटहरिया नगरपालिका ८ पिप्रा पोखरियाको वडा कार्यालय पत्रिकालाई बुधवार सम्मानित गरेको हो ।

वडाबाट प्रकाशित भएर विश्वमा बज्जिका भाषाको पहिलो पत्रिकाको रुपमा ख्याति कमाएर वडाको नाम उँचो पारेको भन्दै वडाध्यक्ष समिशविक्रम शाहले दैनिकका सञ्चालक राजु कुमार श्रीवास्तव मार्फत पत्रिकालाई सम्मानपत्रले सम्मानित गरेको हो ।

नेपाल र भारतमा गरी करोडौँ मानिसले मातृभाषाको रुपमा बोल्ने गरेको बज्जिकामा कतै पनि दैनिक पत्रिका सञ्चालनमा रहेको छैन ।

पत्रिकालाई हालै भाषा आयोगले पनि वार्षिकोत्सवको अवसरमा सम्मानित गरेको थियो । बज्जिकाञ्चल दैनिकलाई सम्मानित गर्दै वडाध्यक्ष शाहले बज्जिका भाषामा संसारको पहिलो र एकमात्र दैनिक पत्रिकालाई वडाको तर्फबाट सम्मानित गर्न पाउनु गर्वको विषय रहेको बताएका छन् ।

वडाध्यक्षले मकवानपुर बहुमुखी क्याम्पस हेटौँडामा छात्रवृत्तिमा नाम निकालेर पढ्न सफल भएकी सुस्मिताकुमारी साहलाई पनि सम्मानित गरेका छन् । उक्त अवसरमा बज्जिका भाषाका प्रथम लेखक तथा महाकाव्यकार सञ्जय साह मित्रले ग्रामीण क्षेत्रबाट प्रकाशनरत बज्जिकाञ्चल दैनिकले बज्जिका भाषा र साहित्यको विकास र विस्तारमा महत्वपूर्ण योगदान दिइरहेको बताएका छन् ।

कार्यक्रममा कटहरिया नगरपालिकाको शिक्षा शाखाका संयोजक अनिलकुमार निधि, स्वास्थ्य शाखाका प्रमुख दिनेशकुमार यादव, बज्जिका साहित्य संगम रौतहटका अध्यक्ष किशुनदयाल श्रीकृष्ण, वीरेन्द्र साह कलवार, पत्रकार सागर संगम ठाकुर लगायतले मन्तव्य व्यक्त गर्दै स्थानीय बज्जिका भाषामा पत्रिका प्रकाशन गरेर निकै ठुलो महत्वपूर्ण सेवा गरिरहेका बताएका छन् । गाउँगाउँमा पुगिरहेको पत्रिकाले शिक्षा, चेतना र सूचनालाई पुर्याइरहेको वक्ताहरुको भनाइ छ ।

असोज ८ गते , रौतहट ।

रौतहटको देवाही गोनाही नगरपालिकाको अवस्था तनावग्रस्त बनेको छ । देवाहीका मेयर प्रेमलाल साहले आफ्ना मनोमानी ढंगले एक विद्यालयको प्रधानाध्यापकको सरुवा गर्न लागेको भन्दै विद्यार्थीहरु आन्दोलनमा उत्रेपछी सो नगरपालिकाको अवस्था तनावग्रस्त बन्न पुगेको छ ।

जय किसान माध्यमिक विद्यालय धरहरिका प्रधानाध्यापक संजय प्रसाद गुप्तालाई सरस्वती माध्यमिक विद्यालय देवाहीमा सरुवा गर्न लागेको भन्दै उक्त सरुवा रोक्नुपर्ने माग गर्दै जय किसान माध्यमिक विद्यालय धरहरिका विद्यार्थीहरुले अहिले गोनाही स्थित रहेको देवाही गोनाही नगरपालिका कार्यालय अगाडि टाएर बालेर बिरोध प्रदर्शन गरिरहेका छन ।

मेयर साहले आर्थिक चलखेलको आधारमा प्रधानाध्यापक गुप्तालाई अन्यत्र सरुवा गर्न लागेको भन्दै विद्यार्थीहरुले निकै आक्रोशीत हुँदै मेयर साहका विरुद्ध चर्को नाराबाजी गरिरहेका छन । पालिकाले अनाधिकृत रूपमा प्रधानाध्यापक गुप्तालाई गर्न लागेको सरुवा रोक्नुपर्ने माग राख्दै सयौंको संख्यामा नगरपालिका अगाडि जम्मा भएका विद्यार्थीहरु प्रदर्शन गरिरहेका छन ।

जस कारण गोनाहीको अवस्था अहिले निकै तनावग्रस्त बनेको छ । परिस्थितिलाई नियन्त्रणमा लिन अहिले त्याहा ठूलो संख्यामा प्रहरी परिचालन गरिएको छ । नगरपालिका अगाडि अहिले ठूलो संख्यामा उपस्थित भएका नेपाल र सशसत्र प्रहरीले भिडलाई नियन्त्रणमा लिने प्रयास गरिरहेका छन ।

कुशवाहा, सर्लाही ।

शिक्षक पेशाबाट जिवन शैली प्रारम्भ गरेको रामाशंकर कुशवाहा बलरा नगरपालिकाको मेयर बनेर नेपाल सम्मान २०८१ बाट सम्मानित सम्मको यात्रा तयर गर्न सफल भएका छन् ।

प्रयास मञ्च नेपाल, काठमाडौं, नेपालद्वारा बलरा नगरपालिका, सर्लाहीका नगर प्रमुख एवं विकास अभियन्ता कुशवाहा लाई एक कार्यक्रमका बिच सम्मानित गरिएको बलरा नगरपालिकाले जनाएका छन ।

शैक्षिक तथा सामाजिक सेवामा समर्पित प्रयास मञ्च नेपालको प्रस्तुति बुद्धवीर लामा तेहौ गितिमय(गीतकारको एकल साङगीतिक कार्यक्रम) मा बलरा नगरप्रमुख एवं विकास अभियन्ता कुशवाहा सम्मानित भएपछि जिल्लामै बधाई तथा शुभकामना दिनेको ओइरो लागेका छन ।
नेपाल सम्मान २०८१ बाट सम्मानित हुने मेयर कुशवाहा देशमै पहिलो र एकमात्र जनप्रतिनिधि बनेका छन ।

कार्यक्रममा खेलकुद, शिक्षा, गित संगित र चलचित्र तथा विविध लगायत विभिन्न क्षेत्रमा योगदान पुर्याउने व्यक्तिहरुलाई पनि सम्मान गरिएको थियो ।

विविधबाट बलरा नगरपालिकाका मेयर रामाशंकर कुशवाहा, वरिष्ठ अधिवक्ता देवराज कटुवाल, समाजसेवी गोले दम्पत्ति गणेश र विन्दुदेवी, समाजसेवी एंव व्यवसायी संतोष राई लगायत सोही अवसरमा विदेशमा रहेर नेपाललाई चिनाउन अहम भूमिका निर्वाह गर्ने व्यक्तिलाई पनि सम्मान गरिएको थियो ।
नेपाल सम्मान–२०८१ कार्यक्रमका प्रमुख अतिथि एवं पूर्व प्रधानमन्त्री मा.झलनाथ खनाल, प्रयास मन्त्र नेपालका अध्यक्ष शिवध्वज कार्की, कार्यक्रम संयोजक जशु लामा, ज्ञानोदय बाल वाटिका माविकी संस्थापक प्रिन्सिपल इन्दिरा थाक्थुम्बा लगायतले कदरपत्र सहित सम्मान गरे ।

नेपालको आर्थिक समृधिको लागि राजनितिक नेताको रुपमा यहाँले पुर्याउनु भएको योगदानका कदर गर्दै सम्मान गरेको आयोजकले जनाएका छन ।

सम्मान प्राप्तले आफनो कार्यक्षेत्रमा थप उर्जा प्राप्त भएको र अगामी दिनहरूमा थप जिम्मेवार भएर काम गर्ने मेयर कुशवाहाले बताए ।

मेयर कुशवाहा का शिक्षा र बाल्यकाल

मेयर रामाशंकर कुशवाहा हुने विरुवाको चिल्लो पात झै बाल्यकालदेखि नै पढाईमा अब्बल थिए ।
साविक गाविस सुदामा वार्ड ७ तथा हाल बलरा १० सुदाममा बुबा रामअश्रे महतो र आमा रामसखी देवीको पहिलो सन्तानको रुपमा २०४३ सालमा असार २२ गते जन्मिएका मेयर कुशवाहा आफनो बाल्यकालका शिक्षा स्थानिय विद्यालय श्री महादेव जनता प्राविबाट पुरा गरे ।
प्रावि पछि अचलगढका श्री सिताराम आधारभूत विद्यालयमा कक्षा ६ भर्ना .भए । जिल्ला स्तरिय परीक्षा पास गरेपछि अगाडीका पढाईका लागि रौतहटका ख्याति प्राप्त जुद्व माविमा भर्ना भए ।

विस. २०५८ सालमा प्रथम श्रेणीमा एसएलसी पास गरेर उच्च शिक्षाका लागि विरगन्ज स्थित हरि खेतान कलेज प्लस टु मा अंग्रजी विषयमा भर्ना भए । प्लस टु पास गरेपछि स्नातक र स्नाकोत्तर विरगन्जकै चर्चित क्याम्पस ठाकुर रामबाट पास गरेर फेरी हरि खेतान कलेजबाट एम.ए पास गरे ।

२ वटा विषयमा मास्टर्स पास गरेपछि वि.स २०६५ सालमा हरि खेतानबाटै अध्यायपन सुरु गरे । शिक्षक सेवा आायोगमा निमावि तहमा नाम निकालेपछि वि.स २०७१ भदौ १२ गते सर्लाहीको भाँडसर स्थित श्री राम गुलाम जनता माविमा शिक्षकको रुपमा नियूक्ति पाए ।
उहाँ विस. २०७५ मंसिर ५ गते गोडैता ६ बगदह स्थित श्री रामजानकी आधारभूत विद्यालयमा सरुवा भएर आए । यहाँ आएको ६ महिना नबित्दै उहाँले प्रधानाध्यापकको जिम्मेवारी पाए ।
करिब २.५ बर्ष आधारभूत विद्यालयमा प्रधानाध्यापकको रुपमा कार्यरत पछि स्थानिय तहको दोस्रो निर्वाचनमा उहाँले मेयरमा उम्मेदवारी दिन शिक्षक पेसाबाट राजिनामा दिए ।

आमाबाट परिवारमा राजनितिक सुरुवात

मेयर रामाशंकर कुशवाहाका आमा उपमेयरमा निर्वाचित भएपनि ब्याकवार्ड भएका कारण पूर्व मेयरले कुनै पनि मान प्रतिष्ठा दिएन, मेयर रामाशंकर कुशवाहाका आमा विगतलाई सम्झलै भावुक हुदै भनिन ।
अस्तित्व स्विकार्य नगरेपछि आर्थिक लोभ र बजेटका लागि कुनै सम्झौता गरिन्न । मैले बलरामा राजनितिक परिवर्तन चाहेका थिए, त्यसका लागि छोराले सरकारी जागिर छाडेर आफनो भविष्य र करियर दाउमा लगाउदै मेयरमा उम्मेदवारी दिए, मेयर कुशवाहाका आमा रामसखी देवी बताउँछिन ।
ठुलो परिवर्तनका लागि कसै नकसैलाई त्याग र सुरुवात गर्नैपर्छ भनी छोरा मेयरमा उम्मेदवारी दिएपछि आफनो मनलाई आफैले सम्झाउथिन, उनि । तर छोरा चुनाव जित्छ भने यकिन थिएन तर छोराले राजनितिक परिवर्तनका लागि विगुल फुकेकोमा उहाँ खुशि थिईन ।

आमाको अस्तित्व नस्विकारेपछि राजनितिक प्रतिशोध
देशमा संघियता आएपछि विस.२०७४ सालमा २० बर्षपछि स्थानिय तहको पहिलो निर्वाचन हुदाँ मेयर रामाशंकर कुशवाहाका आमा महन्थ ठाकुर नेतुत्वको राजपाबाट उपमेयरमा निर्वाचित भएका थिए ।
तर तत्कालिन मेयर अभय कुमार सिंहले उपमेयरको अस्तित्व स्विकार्य नगरेपछि कुनै पनि सेवा सुविधा नलिएको र आर्थिक लोभमा कुनै पनि सम्झौता नगरेपछि आम नागरिकको मनमा बस्न थाले यूवा रामाशंकर कुशवाहा ।

आफू गोडैता ६ बगदह स्थित श्री रामजानकी आधारभूत विद्यालयमा प्रधानाध्यापकको रुपमा कार्यरत उनि आमा माथि भएको विभेद र अन्यायको प्रतिशोधले राजनितिकमा उहाँको ध्यान खिचे ।

एउटा सामान्य किसान परिवारमा जन्मिएका कुशवाहाका राजनितिक यात्रा त्यति सहज थिएन, उहाँ फोरवार्डको बर्चस्व भएको बलरा नगरमा अन्य वर्गका व्यक्तिहरु मेयर जस्तो पदमा उम्मेवादरी दिनु नै ठुलो कुरा थियो ।
त्यहाँका निम्न वर्गका नागरिकहरु समेत बर्षाैदेखि राजनितिक परिवर्तनको पर्खाईमा थिए । फलस्वरुप नेकपा माओवादी केन्द्रबाट मेयर पदमा उम्मेदवारी दिएका रामाशंकर कुशवाहा इतिहास रच्दै ऐतिहासिक विजय हासिल गर्न सफल भए । यसलाई बलरावासीका निमुख तथा गरिब जनताको ठुलो जितका रुपमा हेरियो ।

बलरा नगरपालिकाका सर्वसाधारण थिचोमिचोमा परेका मेयर रामाशंकर कुशवाहा शिक्षा पेसालाई सदाका लागि विश्राम दिदै राजनितिकमा आए । पूर्व मेयरले नगरपालिकालाई आफनै घरबाट संचालन गरी आम नागरिकका मौलिक हक समेत हनन गर्ने काम गरेका थिए ।
बलरामा भएका सामन्तवाद र शासक प्रवृत्तिका अन्त्य गर्न तथा आम नागरिकलाई राजनितिक बन्धनबाट मुक्त गरी स्थानिय राजतन्त्रको अन्त्यका लागि मेयरमा उम्मेदवारी दिएको मेयर कुशवाहा बताउँछन ।

मेयर कुशावाहा चुनावी एजेण्डामा अडिग

मेयर रामाशंकर कुशवाहा चुनावको समयमा जनतासंग गरेको वाचामा समेत अडिग देखिन्छ । उहाँ मेयर भएको करिब २.५ बर्षको कार्यकाल पुरा हुन लाग्दा पनि कार्यपालिकामा उहाँ अल्पमतमा भएपनि विना विवाद र मनमुटावले नगरपालिका चलाउदै आएका छन ।
उहाँ नगरपालिकाको कार्यलयमा बसेर कार्यसम्पादन, सब दिन कार्यलय तथा जनतको घरदैलोमा उपस्थित भई जनतको गुनासो सुन्ने, विना बहुमत विवादरहित पालिका संचालन, उहाँको कार्यशैलीमा भएका निर्भिकता र तटस्थाले आम सर्वसाधारण स्थानिय सरकार भएको महसुस गरिरहेका छन ।
फोरवार्डको आर्थिक, सामाजिक तथा राजनितिक रुपमा बाहुल्यता भएका कारण शोषण र विभेदका सिकार भएका ब्याकवार्डका निमुखा जनाताका लागि मसिहा भएर मेयर रामाशंकर कुशवाहा अघि आए ।
उहाँले चुनावमा जनतासंग गरेको वाचा र एजेण्डा माथि खरो उत्रिन सफल भएका कारण पनि बलरावासी नयाँ मेयरलाई लिएर उत्साहित रहेका छन ।

मेयर कुशवाहा को पहिलो प्राथमिकता शिक्षा, स्वास्थ र कृषि

सर्लाहीको बलरा नगरपालिकाका पहिलो प्राथमिकता शिक्षा, स्वास्थ्य तथा कृषि रहेको मेयर रामाशंकर कुशवाहा बताउँछन । आफू निर्वाचित भएलगत्तै शिक्षा, स्वास्थ लगायत आम नागकिहरुको मुलभुत अधिकार र स्थानिय तहबाट प्रवाह हुने सेवाहरुलाई सरल, व्यवस्थित र पारदर्शि बनाउनमा जोड दिए ।

नगरका शिक्षालाई व्यवस्थित गर्न र पठनपाठनलाई थप प्रभावकारी बनाउनका लागि गत आर्थिक बर्षमा शिक्षा ऐन पारित गरेको बताउँछन ।
शिक्षा क्षेत्रमा भएका वेथिति तथा राजनितिक अन्त्यका लागि विद्यालय दरबन्दी समायोजन तथा शिक्षक दरबन्दी मिलान कार्य विधि पारित गरेको उहाँले थपे । नगरले चाँडै विद्यार्थीको संख्याको आधारमा शिक्षक परिपूर्ति गरिने छ ।

बलरा वार्ड १० मा जिर्ण तथा प्रयोग विहिन अवस्थामा रहेका सुदामा सिँचाई वैरेजलाई मर्मत सम्भार तथा स्तोरोन्नति गरी किसानहरुको खेतमा पानी पुयाउने काम चाँडै सुरु गरिने बताए ।
जिल्लाकै पहिलो विना नहरको वैरेजको रुपमा रहेका सुदामा सिँचाई वैरेजमा नहर निर्माण तथा स्तोरोन्नति गरी किसानहरुको प्रयोगमा छिटै ल्याउने विश्वास दिलाए ।
नहरको पानी नपुग्ने नगरका अन्य ठाउँहरुमा स्यालो टुबेल तथा डिप बोरिंग जडान गर्ने कार्य भइरहेका छन, मेयर कुशवाहाले भने ।
नगरका सबै वार्डहरुमा कृषि विद्युतिकरण गरी कृषि मिटर मार्फत सबै किसानहरुलाई निशूल्क सिँचाई उपलब्ध गराउने प्रतिबद्वतता व्यक्त गरे ।
नगरले आफनै आर्थिक सहयोगमा विभिन्न गैरसरकारीहरुसंगको सहकार्यमा किसानहरुको आर्य आर्जन तथा जिविकाका लागि भैंसी पालन, बाख्रा पालन जस्ता कृषि सम्बन्धि कार्यक्रम संचालन गर्दै आएका छन ।

नगरकै आफनै खर्चमा बलराका प्राथमिक स्वास्थ केन्द्रबाट नगरअस्पतामा स्तोरोन्नति गरी २ वटा एमबिबिएस डाक्टरलाई नियूक्त गरी २४ औं घण्टा आपतकालिन सेवा सुरु गरेका मेयर कुशवाहा बताउँछन ।
नगरका वार्ड ५ मा स्वास्थ चौकीका जिर्ण रहेको भवनको ठाउँमा नयाँ भवन निर्माण तथा वार्ड न. ६, ४, ७ तथा १० का स्वास्थ्य चौकीका भवनका मर्मतसम्भार तथा पुननिर्माण गरी वार्ड १० मा नयाँ बर्थिंग सेन्टर संचालनमा ल्याएको बताए ।
नगरले २ वटा एम्बुलेन्स मार्फत गर्भवती महिलाहरुलाई सदरमुकाम मलंगवा स्थित प्रादेशिक अस्पतालमा निशूल्क यातायात सेवा उपलब्ध गराउदै आएका छन, भने ज्येष्ठ नागरिहरुलाई ५० प्रतिशतसम्म छुटको सहुलियतमा यातायात सेवा उपलब्ध गराउदै आएको दर्जनौं सराहनिय कार्य मेयर कुशवाहाले गर्दै नगरवासीको मन जित्न सफल भएका छन् ।