रौतहट, १ जेठ ।
नेपाल ट्रेड युनियन काँग्रेस रौतहटको सम्पर्ण सातौं जिल्ला अधिवेशनले राम सोगारथ यादवको अध्यक्षमा १९ सदस्यीय जिल्ला कार्य समिति गठन गरिएका छन् । रौतहटको गरुडामा सम्पन्न भएको जिल्ला अधिवेशनबाट सर्वसहमतीको आधारमा जिल्ला कार्य समितिले गठन गरेर पूर्णता दिएका हुन् ।
सर्व सहमतीबाट पूर्णता पाएका जिल्ला समितिको उपाध्यक्षमा खुला तर्फ प्रभातकुमार झा, उपाध्यक्ष (महिला) संजु बैठा, उपाध्यक्ष (सेवा) तर्फबाट अमरेन्द्र कुमार सिंह, उपाध्यक्ष (अनौपचारिक) तर्फ अमरेन्द्र कुमार यादव, उपाध्यक्ष (उपदान) तर्फ सत्येन्द्र यादव चयन हुनु भएका छन् ।
सचिवमा महम्मद अब्दुला, सह सचिवद्धय श्रीमती सपना पासवान र किशोरी चौधरी, कोषाध्यक्षमा अंजु चौधरी र सह कोषाध्यक्षमा रामेश्वर ठाकुर लाई चयन गरिएको प्रेषित विज्ञप्तीमा उल्लेख गरिएको छ । सदस्यहरुमा नरेश चौधरी, प्रदीप जयसवाल, शिवनाथ महतो, ब्रम्ह्देव ठाकुर र लाल बाबु महतो रहनु भएका छन् ।
महिला सदस्यहरुमा इन्दुदेवी राम, श्रीमती नितु जयसवाल र श्रीमती विणा महतोलाई चयन गरिएको जिल्ला अध्यक्ष रामसोगार यादवद्धारा हस्ताक्षरित विज्ञप्तीमा उल्लेख गरिएको छ । तराइ टप
मँजय राम,कटहरिया, जेठ ०१ गते ।
रौतहट जिल्लाको कटहरिया नगरपालिकामा सोमबार बिधालय भवनको शिलान्यास गरिएको छ । सो नगरपालिकाको वडा नम्बर २ हथियाहीमा रहेको श्री अधारभुत विद्यालयमा दुई कोठे भवन निर्माणको लागी शिलान्यास गरिएको हो ।
कटहरिया नगरपालिकाको नगरप्रमुख अजय प्रकाश जयसवालले सोमबार एक कार्यक्रमका बिच शिलान्यास गर्नु भएको हो । राष्ट्रपति शैक्षिक सुधार कार्यक्रम अन्तर्गत सो बिधालयमा २ कोठे भवन निर्माण हुन लागेकोे बिधालयका प्रधानाध्यापक चुनचुन प्रसाद यादवले जानकारी गराउनु भयो । भवन निर्माणको लागि १८ लाख बजेट रहेको उनले बताए ।
शिलान्यास पछि छिट्टै भवन निर्माणको काम अगाडी बढाइने प्रधानाध्यापक यादवले बताए । मेयर जयसवालले निर्वाचित भए देखिनै आफनो नगर भरि रहेको विद्यालयहरुमा पठन पाठनको ब्यवस्थापन गर्दै आईरह्नु भएको छ भने शिक्षा क्षेत्रलाइ विशेष प्राथमिकतामा राखेर काम गर्दै आइरह्नु भएको छ ।शिलान्यास कार्यक्रममा ब्यवस्थापन समितिका अध्यक्ष मनोज यादव, वडा नं. ५ का वडा अध्यक्ष सर्फलाल गुप्ता, वडा नम्बर ८ का वडा अध्यक्ष समिश बिक्रम साह लगायत स्थानीय भद्रभलादमी,शिक्षा प्रेमी बुद्धिजीवीहरूको उपस्थिति रहेको थियो ।
आरके श्रीवास्तव,गरुडा,जेठ ०१ गते ।
रौतहट जिल्लाको दक्षिणी भेग परोहा नगरपालिकामा संयुक्त अनुगमन भ्रमण सम्पन्न भएको छ ।
आरम्भ परियोजना द्वारा परोहा नगरपालिकाको श्री माध्यमिक विद्यालय जिंग्डवा बेलबिछवा, रौतहटमा परोहा नगरपालिका, पिपुल. इन. निड नेपाल, शिक्षा विकास तथा समन्वय ईकाई, सामाजिक संस्था जिल्ला समन्वय समिति र आसामान नेपालको प्रतिनिधिहरुद्धारा संयुक्त अनुगमन भ्रमण गरिएको छ ।
आरम्भ परियोजनाले बिगत ४ बर्ष देखि रौतहट जिल्लामा काम गर्दै आईरहेको खण्डमा परोहा नगरपालिकामा पनि बिगत १ बर्षदेखि काम गर्ने शिलशिलामा १९ वटा सामुदायिक सिकाई केन्द्रद्धारा परोहा पालिकाको विद्यालय बाहिर रहेको ४२६ जना विवाहित र अविवाहित किशोरीहरुलाई शिक्षाको मुल प्रवाहकरणमा ल्याउने उद्देश्यका साथ काम गरिरहेको छ ।
आरम्भ परियोजनाले परोहा नगरपालिकाको ४२६ जना विवाहित तथा अविाहित किशोरीहरु सामुदायिक सिकाई केन्द्रको कोर्ष पुरा गर्नको साथै विद्यालयमा भर्ना हुनको लागि सहजिकरण गरिएको छ ।
यसै क्रममा परोहा ना.पा.को विभिन्न ६ वटा सामुदायिक विद्यालमा ३१६ जना किशोरीहरुलाई भर्ना हुनको लागि आसामान नेपालले आरम्भ परियोजना अन्र्तगत सहजिकरण गरिएको छ भने सो मध्ये परोहा नगरपालिकाको श्री माध्यमिक विद्यालय जिंग्डवा बेलबिछवा, रौतहटमा बिभिन्न कक्षागत रुपमा जम्मा ५८ जना किशोरीहरुलाई भर्ना गर्नमा सहजिकरण गरिएको छ ।
आसमान नेपालको सहजिकरणमा आजको संचालित संयुक्त अनुगमन भ्रमणमा परोहा नगरपालिका प्रमुख प्रशासकिय मो. महफुज अहमद, योजना शाखा प्रमुख अब्दुल रब अंसारी, शिक्षा शाखाको प्रमुख कृष्णा प्रसाद कलवार र जलेन्द्र प्रसाद पटेल, सामाजिक विकास शाखा प्रमुख श्री संदीप कुमार साह,
महिला तथा बाल बालिका विकास शाखा प्रमुख श्री आयसा हसन, परोहा ना.पा. को २ नं. को वडा अध्यक्ष सेराजुदीन तथा वडा जन प्रतिनिधिहरु, शिक्षा विकास तथा समन्वय ईकाईको प्रमुख रामविनय सिहं, श्री माध्यमिक विद्यालय जिंग्डवा बेलबिछवाको व्यवस्थापन समितिको अध्यक्ष तथा प्र.अ. इन्द्रदेव पंडित र शिक्षक शिक्षिकाहरु,
पिपुल इन निड नेपालको कार्यक्रम संयोजक सुरमिला चौधरी लगायत आसामान नेपाल र सामाजिक संस्था जिल्ला समन्वय समितिको कर्मचारीहरुको संयुक्त उपस्थितीमा यो अनुगमन भ्रमण संचालन भएको छ ।
साथ साथै आरम्भ परियोजनाले परोहा ना.पा.को विद्यालय बिचैमा छोडेका एवंम कहिले पनि विद्यालय नगएका विवाहित तथा अविवाहित किशोरीहरु, किशोरीका अभिभावकहरु,
समाजका अगुवा व्यक्तिहरु तथा विभिन्न धर्मका धार्मिक गुरुहरुसंग काम गरेको कुराहरु साह्रायिन रहेको अनुगमन समुहका भनाई रहेको थियो भने सामुदायिक सिकाई केन्द्रको कोर्ष पुरा गरी विद्यालयमा भर्ना भएको किशोरीहरुमा साक्षरता र गणितीय सीप तथा जीवन उपयोगी सीप राम्रो रहको कुरा परोहा नगरपालिका प्रमुख प्रसाकिय मो. महफुज अहमद र विद्यायको प्र.अ. इन्द्रदेव पंडितले व्यक्त गरेको छ ।
यसैगरी सामुदायिक सिकाई केन्द्रबाट आएको किशोरीहरु भविष्यमा पढाईलाई निरन्रता लाने कुराको ढ्ढता व्यक्त गरेको थियो भने विभिन्न सरोकारवालाहरु ना.पा., बि.व्य.स.,
विद्यालय, आसामान नेपाल, एस.ओ.डि.सि.सि. र पिपुल इन निड नेपालको जनप्रतिनिधिहरुले भविष्यमा विद्यालयमा सामावेशि सिकाई वातावरण निमार्ण गर्नको प्रतिवद्धता समेत जाहेर गरिएको आसमान नेपालका शिक्षा अधिकृत अरविन्द कुमार साहले जानकारी दिनु भएको थियो ।
इन्दीप कोइराला,बारा, १ जेठ ।
बाराको आदर्श कोतवाल गाउँपालिका-१ च्युटाहास्थित एक घरमा आइतबार राती आगलागी हुँदा एकै परिवारका चार जना जलेर घाईते भएका छन् । घाइते हुनेमा पतीपत्नी र दुई छोरा रहेका छन् ।
लामखुट्टे भगाउन बालिएको घुरबाट आगो सल्किएर घरमा आगलागी हुँदा ३५ वर्षीय मनोज यादव, उनकी पत्नी ३० वर्षीया चेतरीदेवी, चार वर्षीय छोटु यादव र तीन वर्षीय सन्दीप यादव जलेर घाइते भएका हुन् । उनिहरुको वीरगन्जस्थित नारायणी अस्पतालमा उपचार भईरहेको छ ।
जिल्ला प्रहरी कार्यालय बाराका प्रवक्ता पुरुषोत्तम पाण्डेका अनुसार घाइतेमध्ये चेतरीदेवीको अवस्था गम्भिर रहेको छ । सुतिरहेको बेला अचानक घरमा आगलागी भएपछि स्थानीयले उद्धार गरी उनिहरुलाई अस्पताल लगेका थिए ।
आगलागीबाट घर पूर्णरुपमा जलेर नष्ट भएको छ । घरमा आगलागी हुँदा सामान, लत्ताकपडा, अन्न जलेर नष्ट भएको छ भने पशुचौपाया समेत जलेर घाइते भएका छन् ।
जिल्ला प्रहरी कार्यालय बाराका प्रवक्ता पाण्डेका अनुसार आगलागीबाट चार लाख १० हजार बराबरको क्षती भएको छ ।
रौतहट,बैशाख ३१ गते ।
नेपाली कांग्रेसका रौतहट जिल्ला सदस्य एवं युवा नेता धिरज कुमार मिश्रले पुराना राजनीतिक दलहरुबाट जनता आजित भई अब उनिहरुको विकल्प खोज्न थालेको बताएका छन् ।
नेपाली कांग्रेस, नेकपा एमाले, माओवादी लगाएत पुराना दलहरुका नेता जनताप्रति उत्तरदायी नभएको र ठुलठुला भ्रष्टाचार काण्डमा लिप्त रहेको भन्ने कुरा बाहिर आउन थालेकोले आम नागरिकको यी पुराना दलहरुमाथी विश्वास उठ्न लाग्दा उनिहरुको भविश्य समेत समाप्त हुन लागेको युवा नेता मिश्रले बताएका हुन ।
रौतहटको वृन्दावन नगरपालिका–१ विश्रामपुरमा घर भएका नेता मिश्रले आइतवार आफनै निवासमा पत्रकारहरुसंग कुराकानी गर्दै देशमा अहिले बढ्दो आर्थिक संकट, बेरोजगारी, महंगी, भ्रष्टाचार लगाएतको बारेमा चासो लिनुको साथै चिन्ता व्यक्त गरेका छन् ।
आफनो राजनीतिक पृष्ठभूमि कांग्रेसबाट भएपनि कांग्रेसका ठुलाठुला नेताहरु अहिले भुटानी शरनार्थी काण्डमा मुछिएका कारण नेता मिश्रले कांग्रेस सहित सबै पुराना दल र ति दलका नेताहरुको खुलेर विरोध गरेका छन् ।
पुराना दलका नेताहरु पटक पटक सत्तामा पुगेपनि उनिहरु भ्रष्टाचार गर्नु बाहेक देश र जनताको लागि केही गर्न नसकेको भन्दै उनले पुराना दलका नेताहरुमाथी निकै आक्रोस पोखेका छन् ।
नेपाली कांग्रेस, नेकपा एमाले, माओवादी लगाएत पुराना दलहरुका नेताहरु देश बनाउने र विकास गर्ने नाममा भ्रष्टाचार गरी अकुत सम्पती आर्जन गरेर उनिहरु आफै मालामाल भएको र जनता कंगाल भएको नेता मिश्रले बताए ।
राजनीति भनेको सेवा हो तर यहाँ ति दलका नेताहरु राजनीतिलाई ब्यापार बनाइदिएका कारण पुरानो पार्टीहरुबाट आम नागरिकको भरोसा र विश्वास उठिसकेको उनले बताए ।
देश बनाउन हिडेका ती दलका नेताहरु भ्रष्टाचार गरी देशलाई बर्बाद गरेको आरोप लगाउँदै उनले नेताको जिवनस्तरमा धेरै परिवर्तन भएपनि जनताको जिवनस्तरमा केही परिवर्तन नभएको टिप्पण्ी गरे । नेताहरुले गरेको विभिन्न काण्ड र भ्रष्टाचारको कारण देशमा विकास हुन नसकेको र देश अहिले दिनप्रतिदिन आर्थिक संकटतर्फ धकेलिँदै गएको भन्दै उनले चिन्ता व्यक्त गरे ।
नेताहरु देश र जनताको लागि काम नगरी चरम भ्रष्टाचारमा लिप्त हुँदा देशमा अहिले महंगी, बेरोजगारी, गरिवि, अशिक्षा इत्यादि बढ्नुका साथै देश ठुलो आर्थिक संकटमा फसेको उनले बताए ।
देश बनाउने नाममा अकुत सम्पत्ती आर्जन गरी जनतालाई आर्थिक संकटमा धकेल्ने, समस्यामा पार्ने पुराना दलका नेताहरुको विकल्प अब खोज्नुपर्ने बेला आइसकेको उनले बताए । पुराना दलका नेताहरुबाट देशको विकास हुन नसक्ने भन्दै नेता मिश्रले अब नयाँ युवा पुस्ताले मात्र देशलाई विकसित र समृद्ध बनाउन सक्ने दावी गरे ।
पुराना दलका नेताहरुलाई राजनीतिबाट विदाई गर्न उनिहरुको विकल्पमा नयाँ युवा पुस्तालाई राजनीतिमा आउन उनले आग्रह गरे । पुराना दलका नेताहरुबाट निराश भएका आम जनताहरु अब उनिहरुको विकल्पको रुपमा नयाँ युवा पुस्तालाई रोज्न थालेको समेत उनले बताए ।
हालै सम्पन्न भएको उपनिर्वाचनमा पाँच दलीय गठबन्धनका उम्मेदवारहरुलाई पराजित गराउँदै आम नागरिकहरु चितवन र तनहुँबाट रवि लामिछाने र स्वर्णीम वाग्लेलाई बहुमत सहित जिताएर परिवर्तनको शुरुवात गरिसकेको उनले बताए ।
पुराना दलबाट आम जनता निराश भएकै कारण देशमा अहिले केही नयाँ दलको जन्म भएको र ति नयाँ दलले मात्र देशलाई निकास दिन सक्ने भन्दै जनता ति दलमाथी विश्वस्त रहेको उनले बताए ।
पुराना दलका नेताहरु तह नलागेसम्म देशमा परिवर्तनको कल्पना गर्न मुस्किल रहेकोले अब आउँदो निर्वाचनमा राजनीतिमा आउने नयाँ युवा पुस्तालाई मात्र सहयोग गर्न र पुराना दलका नेताहरुलाई मत नहाली राजनीतिबाट विदाई गर्न उनले सबैलाई आग्रह गरे ।
आरके श्रीवास्तव,गरूडा,वैशाख ३० गते ।
नेपाल पत्रकार महासंघ रौतहट शाखाले स्थापना तथा व्यवस्थापन गरेको “मनोज चौधरी स्मृति पत्रकारिता पुरस्कार” २०८० बाट राष्ट्रिय समाचार समिति राससका अध्यक्ष धर्मेन्द्र झा पुरस्कृत हुने हुनु भएको छ ।
रौतहटबाट प्रसारण हुने रेडियो मधेश मसला १०६.४ मेगाहर्जका स्टेशन म्यानेजर तथा जनकपुर टुडे पत्रिकाका संवाददाता पत्रकार मनोजकुमार चौधरीको कोरोना संक्रमणका कारण ४१ बर्षको अल्पायुमै नारायणी अस्पताल बिरगंजमा उपचारको क्रममा २०७८ बैशाख २८ गते निधन भएको थियो ।
उनको निधन पश्चात नेपाल पत्रकार महासंघ रौतहट शाखाले पत्रकार चौधरीको सम्झनामा “मनोज चौधरी स्मृति पत्रकारिता पुरस्कार”को स्थापना गरेको थियो । यस बर्षको “मनोज चौधरी स्मृति पत्रकारिता पुरस्कार” आगामी २०८० जेठ २० गते शनिबारका दिन प्रदान गरिने भएकाे छ ।
पच्चीस हजार रूपैयाँ पुरस्कार राशी रहेको सो पुरस्कार राष्ट्रिय समाचार समितिका अध्यक्ष धर्मेन्द्र झालाई दिइने नेपाल पत्रकार महासंघ रौतहटका सचिव मदन ठाकुर (धनन्जय ) द्वारा हस्तान्तरण गरिएको प्रेस विज्ञप्तिमा उल्लेख छ ।
गतवर्ष उक्त पुरस्कार बाट गोरखापत्रका नायव कार्यकारी सम्पादक कुमार विवेकानन्द मिश्रलाई प्रदान गरिएकाे नेपाल पत्रकार महासंघ राैतहटका अध्यक्ष प्रेमचन्द्र झाले जानकारी गराउनु भएको हाे ।
आर एन पटेल, गरूडा,वैशाख २९ गते
सहयोगी मनका धनी मनोज कुमार चौधरीको दोस्रो पुण्यतिथिमा श्रद्धाञ्जली कार्यक्रम सम्पन्न भएको छ । एक असल र सफल संचारकर्मी तथा मध्य रौतहट बहुमुखी क्याम्पस गरुडाका लेखापाल गरुडा निवासी मनोज कुमार चौधरीको अल्पआयुमा भएको निधनप्रति उपस्थित उनका शुभचिन्तक तथा उहाँप्रति आश विश्वास राख्नेहरूले उनका दोस्रो पुण्यतिथिमा गरुडा स्थित मेथुर चौकमा दिप प्रजवलन गरि प्रज्वलन गरि श्रद्धाञ्जली कार्यक्रम गरेका छन।
गरुडा नगरपलिकाको नगर उप प्रमुख तथा स्वर्गीय चौधरीको श्रीमती पुनम कुमारी चौधरी तथा उनका दाज्यू रामकृष्ण चौधरीले आयोजना गरेको दोस्रो पुण्यतिथिमा श्रद्धा सुमन कार्यक्रम आज वैशाख २९ गते साँझ ७ बजेको समयमा राखिएको थियो । २०३६ साल मंसिर २६ गते जन्म भएका स्व. चौधरीको आज भन्दा २ वर्ष अगाडि २०७८ वैशाख २९ गतेका दिन ४२ वर्षको उमेरमा अल्पायुमा स्वर्गारोहण भएको थियो । कोरोना कालमा देश संकटमा परेका बेला स्व. चौधरी पनि काेविड ले ग्रसित भई बिरगंज उपचारको क्रममा उनका निधन भएको थियो ।
गरुडाले आज एक कोमल हृदयका असल सामाजसेवी, सहयोगी मनका धनी व्यक्तित्व गुमाएको २ बर्ष पुग्यो । हुन त मृत्यु सबैको हुन्छ एकदिन तर उमेर पुगेको र नपुगि भएको मृत्युमा जिवनभर गहिरो चोट ताजा भएर मानसपटलमा घुमिरहन्छ । उहाँको आत्मालाई शान्ती मिलोस,स्वर्गमा बास होस। उनको योगदान,सहयोग र भुमिकालाई उच्च सम्मानका साथ कोटि कोटि नमन् गर्दै उपस्थित सबैले दीप प्रज्वलन गरि १ मिनेटको मौन धारण गरेर फोटोमा माल्यार्पण गर्दै उनको दोस्रो पुण्य तिथिमा आत्माको चिरशान्तिको कामना सहित श्रद्धाञ्जली अर्पण गरेका छन ।
कार्यक्रममा गरुडा नगरपालिकाको मेयर प्रत्यासी बृजकिशोर यादव, प्रत्यासी दीपक यादव, चन्द्रपुर नगरपालिकाको नगर उप प्रमुख जयमाला चाैधरी, गुजरा नगरपालिकाको नगर उप प्रमुख रत्ना लामा, गरुडा नगरपालिकाको पूर्व नगर उप प्रमुख रंगीला देवी जयसवाल, मध्य रौतहट बहुमुखी क्याम्पस गरुडाका प्रमुख प्रेमलाल साह, विद्यालयका शिक्षक – शिक्षिका, स्थानीय जनप्रनिधी, नेता कार्यकर्ता, भद्र भलादमी, बुद्धिजीवी वर्ग लगायत जिल्लाका पत्रकार, सञ्चारकर्मीहरुको उपस्थिति रहेका थिए ।
काठमाडौं, ३० बैशाख ।
हामी मध्ये धेरै जना यस्ता पनि छन्, जो सधैं आफ्नो अनुहारमा मात्र ध्यान दिन्छन्।
अनुहारलाई चम्किलो बनाउन, कुनै पनि दागरहित, टोनसमेत बनाउन धेरै कुरा गर्छन तर यी सबैको बीचमा मानिसहरू कुहिनो र घुँडामा ध्यान दिन भने असमर्थ हुन्छन्। सायद तपाईले यो कुरामा ध्यान दिनु भएको होला तर यो पढेपछि तपाईले पनि यो कुरा याद गर्नु हुनेछ।
जब तपाइँ छोटो लुगा वा स्कर्टस लगाउनुहुन्छ, तपाइँको घुँडाको फरक रंगले तपाइँको लुकलाई अलि बिगार्छ।
अर्कोतर्फ स्लिभलेस र छोटो बाहुलाको लुगा लगाएर कुहिनोको कालो रंग देखेर तपाई पनि दिक्क पर्नु होला ? कतिपयले सफा गर्ने कोसिस पनि गरे पनि गर्न सकेका छैनन् । तर आज हामी तपाईलाई केहि यस्ता घरेलु उपायहरु बताउने छौ, जसले तपाईको समस्या समाधान गर्नेछ । तपाईं तिनीहरूलाई प्रयोग गरेर आफ्नो घुँडा र कुहिनो चम्किलो बनाउन सक्नुहुन्छ।
घुँडा र कुहिनो को कालोपन कसरी हटाउने
नरिवलको तेल छालाका लागि फाइदाजनक हुन्छ । यो धेरै छाला हेरचाहमा प्रयोग गरिन्छ। यसमा भिटामिन ई पाइन्छ जसले छालाको टोनलाई हल्का बनाउन मद्दत गर्दछ, साथै यसले छालालाई मोइश्चराइज राख्न र क्षतिग्रस्त छालालाई मर्मत गर्न पनि मद्दत गर्दछ।
यसलाई कसरी प्रयोग गर्ने जानौं:
१) तपाईं धेरै तरिकामा नरिवल तेल प्रयोग गर्न सक्नुहुन्छ। यदि तपाईं चाहनुहुन्छ भने नुहाइसकेपछि आफ्नो कुहिनो र घुँडालाई नरिवलको तेलले १०–१५ मिनेटसम्म मालिस गर्नुहोस्। तपाईंले यो दिनमा २–३ पटक गर्नुपर्छ। तेल पूरै सुक्दासम्म मालिस गर्नुहोस्।
२) नरिवलको तेलमा केही थोपा कागतीको रस मिसाएर कुहिनो र घुँडामा मसाज गर्नुहोस्। छालामा पूरै अवशोषित नभएसम्म मसाज गर्नुपर्छ। राम्रो नतिजाको लागि यो दिनमा २–३ पटक गर्नुहोस्। खाली बस्दा यो तेलले मसाज गर्नुहोस् ।
३) नरिवलको तेलमा अखरोटको छालाको धूलो मिसाएर कुहिनो र घुँडाको मसाज पनि गर्न सक्नुहुन्छ। यसका लागि पाउडरलाई तेलमा मिसाएर पूरै सुकेसम्म मसाज गर्नुहोस् र त्यसपछि त्यसको बोक्रा निकाल्नु होस्।
तपाईले दिमागमा राख्नु पर्ने भनेको राम्रो नतिजाको लागि तपाईले यसलाई नियमित रूपमा गर्नुपर्दछ।
रौतहट,बैशाख २९ गते
भारतबाट अवैध रुपमा तस्करी गरी ल्याएर भन्डारण गरिएको अवस्थामा रासायनिक मल युरिया र डिएपि बरामद गर्न रौतहट प्रहरीले चार राउन्ड गोली चलाएको छ। रौतहटको राजपुर नगरपालिका ५ स्कुल चौकमा रहेको रुद्रा साह र साजन साहको घरमा लुकाएर राखिएको रासायनिक मल बरामद गर्न शुक्रबार दिउँसो रौतहट प्रहरीले पाँच राउन्ड गोली चलाएको हो।
करिब डेढ सय सुरक्षाकर्मी परिचालन गरी प्रहरीले एक हजार बोराभन्दा बढी युरिया तथा डिएपि मल बरामद गरेको छ। तस्करीको रासायनिक मल बरामद गरी राखिएको गोदाममा छापामारी प्रहरीले मल बरामद गर्नुका साथै दुई जना तस्कर रुद्रा साह र कन्हैया साहलाई नियन्त्रणमा पनि लिएको छ।
प्रहरी निरीक्षक दिनेश कुवरको नेतृत्वमा रहेको प्रहरीको टोलीले गोदाममा छापामारी रासायनिक मल बरामद गर्नुका साथै दुई जनालाई नियन्त्रणमा लिएको हो रौतहटको राजपुर, मठिया, जयनगर, रामपुरखाप नाकाबाट व्यापक मात्रामा सीमा वार अवैध व्यापार फस्टाएको छ। धानखेतीको समय नजिकिँदै जाँदा तस्करहरुले भारतबाट रासायनिक मल तथा विभिन्न जातका धानको बीउ तस्करी गराएर गोदाममा भन्डारण गर्न थालेका छन्।
