आरके श्रीवास्तव,रौतहट,२६ गते पुस २०८१ ।
रौतहटको फतुवा विजयपुर नगरपालिको एक विधालयमा प्रधानाध्यापक फेरिएको छ । नयाँ हेडसर आज हाजिर भएका हुन् । सो नगरपालिको वडा नम्बर २ मा रहेको माध्यमिक विधालय शितलपुरमा नयाँ प्रधानाध्यापकको रुपमा मुकेश कुमार यादव हाजिर भएको फतुवा विजयपुर नगरपालिकाका शिक्षा सह संयोजक अनिल यादवले जानकारी गराएका हुन् ।
यस अघिका प्रधानाध्यापक बुनिलाल प्रसाद यादवलाइ माध्यमिक बिधालय हिमालीबाँसको जिम्मेवारीमा पठाइएपछि बिधालय हेडसर बिहिन बनेको थियो । शुक्रवारदेखि बिधालयले नयाँ हेडसर पाएको छ ।
हेडसरको जिम्मेवारी पाएपछि यादवले आफूले पाएको जिम्मेवारी राम्रो सँग निर्वाह गर्ने प्रतिबद्धता जनाएका छन् । आफनो पालामा गुणस्तरीय शिक्षा दिन पछाडी नहटने बताएका छन् । मावि दुधिअवामा निमावि सामाजिक शिक्षकको रुपमा कार्यरत यादवलाइ नगरपालिकाले मावि शितलपुरको हेडसर बनाएको हो ।
नयाँ हेडरसर हाजिरहुने अवसरमा फतुवा विजयपुर नगरवपालिकाका पूर्व शिक्षा संयोजक तेजनारायण यादव,पूर्व शिक्षा सह संयोजक सुुबोध प्रसाद यादव लगायत शिक्षक शिक्षिका,अभिावकहरुको पनि उपस्थिती रहेको थियो । फाेटाे फिचर:
