आरके श्रीवास्तव,राैतहट,१३ गते माघ ।
रौतहट क्षेत्र नम्बर ४ बाट जनता समाजवादी पार्टी (जसपा) को तर्फबाट प्रतिनिधि सभा सदस्य पदका उम्मेदवारको रूपमा राजकुमार दास चुनावी मैदानमा छन् । उनका चुनाव चिन्ह छाता रहेको छ ।
उम्मेदवार दासले आफ्नो चुनावी अभियानको क्रममा शिक्षा, स्वास्थ्य, रोजगारी, कृषकको समस्या समाधान, पूर्वाधार विकास र सुशासनलाई मुख्य प्राथमिकतामा राख्ने बताएका छन् । उनका अनुसार, क्षेत्रको दिगो विकास र जनताको जीवनस्तर सुधारका लागि यी क्षेत्रहरूमा विशेष ध्यान दिने योजना रहेको छ ।
दासले मतदातासँग प्रतिवद्धता जनाउँदै भने, “हामीले आम जनताको आवश्यकता र समस्या बुझेर तिनको समाधानमा काम गर्नेछौँ । शिक्षा, स्वास्थ्य र रोजगारीका अवसर सिर्जना हाम्रो पहिलो प्राथमिकता हुनेछ।”
उनको उम्मेदवारीले क्षेत्रीय राजनीतिमा नयाँ प्रतिस्पर्धा थपेको छ भने स्थानीय जनता पनि आगामी चुनावमा आफ्नो मताधिकार प्रयोग गरी विकासमुखी उम्मेदवार चयन गर्ने तयारीमा छन् ।
