काठमाडौं । नेपाली कांग्रेसले भरत खड्कालाई संघीय संसद् प्रतिनिधिसभा अन्तर्गतको सार्वजनिक लेखा समितिको सभापति बनाउने भएको छ ।
रास्वपाले लेखा समितिको सभापति कांग्रेसले पाउने भएपछि पार्टीले खड्कालाई अघि सारेको हो । खड्काले संघीय संसद सचिवालयमा आफ्नो उम्मेदवारी समेत दर्ता गरेका छन् ।
खड्कालाई सत्ता पक्ष रास्वपा र विपक्षी दल एमाले र नेकपाको समेत समर्थन रहेकाले उनी निर्बिरोध निर्वाचित हुने देखिएको छ ।
यस अघि मोहन आचार्यलाई लेखा समितिको सभापति बनाउने बताइएको थियो ।
लेखा समितिमा काँग्रेसका चार सांसदहरु मोहन आचार्य, भरतबहादुर खड्का, जनकराज गिरी र योगेश गौचन थकाली सदस्य रहेका छन् । एभरेष्ट न्यूज एजेन्सी,
