बज्जिकाञ्चल संवाददाता,रौतहट,चैत २५ ।
रौतहट जिल्लाको कटहरिया नगरपालिका स्वास्थ्य शाखाको आयोजनामा आज कटहरिया नपा ३ बिर्तीप्रष्टोका स्वास्थ्य चौकीमा पाठेघरको क्यान्सर पहिचानसम्बन्धी विशेष शिविर सञ्चालन गरिएको छ । एचपीभी डीएनए विधिमार्फत गरिएको उक्त स्क्रिनिङ कार्यक्रममा ३० देखि ४९ वर्ष उमेर समूहका महिलाहरूको सक्रिय सहभागिता देखिएको थियो । शिविरमा कुल १५२ जना महिलाले सेवा लिएको स्वास्थ्य शाखाले जनाएको छ ।
महिलाहरूमा पाठेघरको क्यान्सर समयमै पहिचान गरी जोखिम न्यूनीकरण गर्ने उद्देश्यले आयोजना गरिएको यस कार्यक्रमले स्थानीय स्तरमा स्वास्थ्य सचेतना अभिवृद्धि गर्न महत्वपूर्ण योगदान पु¥याएको विश्वास लिइएको छ । साथै, यस्ता जनस्वास्थ्य केन्द्रित कार्यक्रमहरू आगामी दिनमा पनि निरन्तर सञ्चालन गरिने जनाइएको छ ।
