काठमाडौं, २० साउन ।
प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्डले पार्टीको केन्द्रीय कमिटी बैठकबाट पार्टी एक ढिक्का भयो भन्ने सबैलाई महसुस बताएका छन्।
जारी केन्द्रीय कमिटी बैठकबाट बाहिरिने क्रममा शनिबार सञ्चारकर्मीलाई संक्षिप्त प्रतिक्रिया दिँदै प्रचण्डले वाद विवाद र संवादमा बैठक टुंगिने र अहिलेसम्मको छलफलले पार्टी एक ढिक्का भएको महसुस भएको बताएका हुन्।
‘यो बैठकपछि पार्टी एक ढिक्का भयो भन्ने महसुस सबैलाई भएको छ। वाद, विवाद र संवादमा यो बैठक टुंगिँदै छ,’ उनले भने।
केन्द्रीय कमिटीमा पार्टी नेतृत्व र प्रचण्डले अत्यधिक परिवारमोह देखाएको भन्दै आलोचनासमेत भएको थियो।
यद्यपि, शनिबारसम्म आइपुग्दा नेताहरूले आफूहरू प्रचण्डको नेतृत्व स्वीकारेर उनलाई सहयोग गर्न तयार रहेको बताएका थिए।
विशाल बस्नेत,महोत्तरी, २० साउन ।
एकीकृत समाजवादी पाटीका सर्लाहीबाट झण्डै १५० जना भन्दा बढी नेकपा एमाले फर्किएका छन् ।
प्रदेशसभाका पूर्वसंसद डिल्ली उप्रेतीसहित ठूलो संख्यामा एमाले फर्किएका एमाले मधेश प्रदेशका प्रचारप्रसार विभाग प्रमुख सोमप्रसाद शर्माले जानकारी दिए।
नेकपा एसका केन्द्रीय सदस्यसमेत रहेका डिल्ली उप्रेतीले व्यक्तिगत इगोलाइ लिएर विभाजित हुँदा गलत विषयले पश्रय पाएको र एसमा समेत गलत पवृत्ति बढेकाले आफ्नै घर फर्किएको बताए।
नेकपा एमाले सर्लाहीले आयोजना गरेको पुनर्मिलन कार्यक्रममा जिल्लास्तरिय नेतासमेत फर्किएका छन् । नेकपा एसवाट ११३ जना र वाकि माओवादी केन्द्र, काङ्ग्रेसबाट प्रवेश गरेका नेकपा एमालेले जनाएको छ।
सचिव योगेश भट्टराईले एमाले फर्किएका उक्त नेकपा एस, माओवादी र काङ्ग्रेसका नेता, कार्यकर्ताहरुलाइ स्वागत गर्दै कम्युनिष्ट आन्दोलन अभियानमा जोडिएकोमा खुसी ब्यक्त गरे।
देशैभरीबाट एमालेमा जोडिनेको संख्या ह्वात्तै बढेको वताउदै आज नै सिन्धुपाल्चोकवाट पनि १४७ जना भन्दा बढी नेताहरु फर्किएका सचिव भट्टराईले बताए। न्युज कारखाना
आरके श्रीवास्तव,रौतहट,साउन २० गते ।
स्थानिय सरकार आफूलाइ स्थापित गर्नमा सफल भएको राजपुर नगरपालिकाका नगरप्रमुख मो.डा.राजिक आलमले बताउनु भएको छ । श्री मावि बैरियाको बिधालय नव निर्मित भवनको समुद्धघाटन गर्ने क्रमममा वहाँले यस्तो बताउनु भएको हो । देशमा संघ,प्रदेश र स्थानिय गरी तीन तहको सरकार छ । कुरा सब सरकारको आउँछ,तपाइहरुले देख्न सक्नु हुन्छ एक स्थानिय सरकारले कति काम चलिरहेको छ ।
प्रदेश सरकारले त्यती काम गरेको देखिदैन् । एउटा पालिकाले टेण्डर गरेर करोडौंको विकास निर्माण गरिरहेको छ । तर प्रदेश सरकारको कुनै ठूलो योजना देखिएको छैन् । अहिले प्रदेश सरकारको अहिले अवस्था पुरानो जिविस जस्तो भएको आरोप लगाउनु भयो । सानो सानो विकास निर्माण गर्छ,१० लाखको ढलान गर्छ त कतै गेट बनाउँछ ।
प्रदेश सरकार सँग कुनै भिजन र उदेश्य नरहेको बताउनु भयो । स्थानिय तहको सरकारको २०७२ सालको संविधानमा जुन परिकल्पना गरिएको थियो । स्थानिय सरकार आफूलाइ स्थापित गर्नमा सफल भएको बताउनु भयो । स्थानिय सरकार जति मजबुत भयो त्यती नै हरघरमा सिंह दरबार आएको महसुस हुनेमा ठोकुवा गर्नु भयो ।
राजपुर नगरपालिका विकास निर्माणको क्रममा बिधालय भवनको निर्माण हुनु १२ कक्षा सञ्चालनको लागि सहज हुनु रहेको बताउनु भयो । सामुदायिक बिधालयको शिक्षाको अवस्था सुधार गर्न आफूले बिधार्थीसँग मेयर कार्यक्रम सञ्चालमा पनि ल्याएको जानकारी गराउनु भयो । यसलाइ निरन्तरता दिने प्रतिबद्धता जनाउनु भयो ।
साथै उनले एसइइमा राम्रो अंक ल्याउने बिधार्थीहरुको प्रोत्साहन गर्नको लागि छात्रवृतिको व्यवस्थापन गर्ने जानकारी गराउनु भयो । नगरपालिकामा टेक्निकल इन्सटीच्यूटको स्थापना गर्ने प्रतिबद्धता जनाउनु भयो । यस वर्ष कृषि क्षेत्रलाइ विशेष प्राथमितामा राखेर काम गर्ने बताउनु भयो । कृषि क्षेत्रमा बिगत वर्षमा केही काम मात्रै भएको बताउँदै यसपाली मूल उदेश्य सिंचाइको व्यवस्थापन गर्ने रहेको बताउनु भयो । कृषि पोलतार विस्तार गर्ने वहाँको प्रतिबद्धता रहेको थियो ।
इस्लामबाद, २० साउन ।
पूर्वप्रधानमन्त्री इमरान खानको कठिनाइ बढेको छ ।
इमरान खानलाई जिल्ला सत्र अदालतले तोशाखाना मुद्दामा दोषी ठहर गरे पछि उनको कठिनाई बढेको हो । यस मुद्दामा उनलाई तीन वर्षको जेल सजाय सुनाइएको छ । सजायको घोषणा लगत्तै इस्लामावाद प्रहरीले इमरानलाई लाहोरबाट पक्राउ गरेको बताइएको छ ।
के हो तोशाखाना प्रकरण ?
वास्तवमा, पाकिस्तानको कानून अनुसार, विदेशी राज्यका गणमान्य व्यक्तिहरूबाट प्राप्त कुनै पनि उपहार राज्य डिपोजिटरी अर्थात् तोशाखानामा राख्नुपर्छ। यदि राष्ट्र प्रमुखले उपहार राख्न चाहन्छ भने, उसले यसको मूल्य बराबर रकम तिर्नुपर्नेछ। यो लिलामी प्रक्रिया मार्फत निर्णय गरिन्छ। यी उपहारहरू कि त तोषाखानामा जम्मा हुन्छन् वा लिलामी गर्न सकिन्छ र यसबाट कमाएको पैसा राष्ट्रिय कोषमा जम्मा हुन्छ।
पाकिस्तान तहरीक(ए(इन्साफ ९पीटीआई० पार्टीका प्रमुख खानलाई राज्य भण्डार, तोशाखानाबाट सहुलियत मूल्यमा प्राप्त भएको महँगो ग्राफ रिस्ट घडीलगायत उपहारहरू किनेको र उनी प्रधानमन्त्री हुँदा नाफामा बेचेको आरोप लगाइएको छ। इमरान खानले आफ्नो आधिकारिक भ्रमणका क्रममा करिब १४ करोड रुपैयाँ बराबरको ५८ उपहार पाएका थिए । यी महँगो उपहारहरू तोशाखानामा जम्मा गरिएका थिए। पछि इमरान खानले सस्तो मूल्यमा तोशाखानाबाट किनेर बजारमा महँगो मूल्यमा बेचेका थिए । उनले यो सम्पूर्ण प्रक्रियाका लागि सरकारी कानुनमा पनि परिवर्तन गरेका छन् ।
मिडिया रिपोर्टका अनुसार इमरानले ती उपहारहरू तोशाखानाबाट २।१५ करोडमा किनेका थिए र बेचेर ५।८ करोड रुपैयाँ नाफा कमाए। यी उपहारहरूमा एउटा ग्राफ घडी, एक जोडी कफलिङ्क, एउटा महँगो कलम, एउटा औंठी र चारवटा रोलेक्स घडीहरू थिए। गत वर्ष अक्टोबरमा पाकिस्तानको निर्वाचन आयोग ९भ्ऋए० ले बिक्रीको विवरण साझा नगरेकोमा उनलाई अयोग्य घोषित गरेको थियो।
काठमाडौं, २० साउन ।
गौर हत्याकाण्डका पीडित संघर्ष समितिले प्रधानमन्त्री पुष्पकमल दाहाल प्रचण्डसँग भेट गरेका छन् ।
आज बिहान प्रधानमन्त्री निवास बालुवाटारमा पीडितहरुसँग प्रधानमन्त्री दाहालको भेटवार्ता भएको हो ।
उक्त भेटका क्रममा संघर्ष समितिले अमानवीय गौर नरसहार दोषीहरूलाई कारबाहीको दायरामा ल्याउन माग गरेका थिए । त्यसका साथै उनीहरूले पीडितहरूले दोषीमाथि कारबाहीको माग गर्दै जारी राखेको आन्दोलनका बारेमा पनि जानकारी गराएका छन् ।
पीडित संघर्ष समितिको माग सम्बोधन गर्न आफू तयार रहेको जनाउँदै प्रधानमन्त्री दाहालले संघर्ष समितिसँग वार्ताका लागि छिटै नै गृह सचिवको नेतृत्वमा वार्ता टोली गठन गर्ने प्रतिबद्दतासमेत जनाएका छन् ।
यसैबीच गौर हत्याकाण्डका पीडितहरूले आज आठौँ दिन पनि धर्ना जारी राखेका छन् । रौतहटको चन्द्रपुरमा पीडित परिवारले सुरु गरेको धर्ना आठौँ दिन पनि जारी राखिएको छ ।
वासिंगटन, २० साउन ।
अमेरिकी पूर्व राष्ट्रपति डोनाल्ड ट्रम्पले आफूविरुद्ध दायर मुद्दा खारेज गर्दै यो जो बाइडेनको निराशा भएको बताएका छन् ।
ट्रम्प शुक्रबार दक्षिणपन्थी मानिने अलाबामाको भ्रमणमा थिए। ट्रम्पलाई अलाबामामा ठूलो समर्थन प्राप्त भयो। ट्रम्पलाई सन् २०२० को चुनावी नतिजा उल्ट्याएको आरोप लगाइएको छ । यद्यपि ट्रम्पले यो आरोपलाई मूर्खतापूर्ण भनेका छन् ।
आफ्नो विरुद्धमा मुद्दामा जनतालाई सम्बोधन गर्दै ट्रम्पले भने, यो केवल बाइडेन र उनका कट्टरपन्थी वामपन्थीहरूको हताशा हो, उनीहरू सत्तामा आफ्नो पकड कायम रहोस् भन्ने चाहन्छन् । रिपब्लिकन पार्टीबाट राष्ट्रपतिको उम्मेदवारीका लागि समर्थन जुटाउन डोनाल्ड ट्रम्प विभिन्न राज्यको भ्रमण गरिरहेका छन् । यसै अन्तर्गत उनी शुक्रबार अलाबामा पुगेका थिए, जहाँ उनको भीडले न्यानो स्वागत गरेको थियो ।
अलाबामा डोनाल्ड ट्रम्पको राजनीतिको गढ रहेको छ। यही कारणले गर्दा २०१६ र २०२० को राष्ट्रपतीय चुनावमा ट्रम्पको पार्टी रिपब्लिकनले मात्र यहाँ जित हासिल गरेको थियो । अलाबामाका सबै ६ रिपब्लिकन सांसदले ट्रम्पको राष्ट्रपतिको उम्मेदवारीलाई समर्थन गरेका छन् । यी बाहेक अलबामाका वरिष्ठ सिनेटर, लेफ्टिनेन्ट गभर्नर र कृषि आयुक्तको पनि समर्थन प्राप्त भएको छ ।
रिपब्लिकन राष्ट्रपतिको उम्मेदवारीको दौडमा डोनाल्ड ट्रम्प आफ्ना निकटतम प्रतिद्वन्द्वी फ्लोरिडाका गभर्नर रोन डिसेन्टिसभन्दा ३९ अंकले अगाडि छन्। अलाबामाका ८० भन्दा बढी सांसद र जनप्रतिनिधिको समर्थन प्राप्त भएको छ । अर्कोतर्फ, रोन डिसेन्टिसले अहिलेसम्म अलाबामाबाट मात्र पाँच प्रतिनिधिको समर्थन पाएका छन्।
अलाबामाका जनताले पनि उनीहरूविरुद्ध दायर मुद्दा राजनीतिक रूपमा प्रेरित भएको विश्वास गर्छन्। तपाईलाई बताउन दिनुहोस् कि डोनाल्ड ट्रम्प तीन फरक मामिलामा ७८ वटा आरोपको सामना गरिरहेका छन्। एडल्ट स्टारलाई पैसा दिएको मामिलामा उनीविरुद्ध अर्को वर्ष मार्चमा सुनुवाइ सुरु हुनेछ । मे महिनामा गोप्य कागजातसम्बन्धी मुद्दाको सुनुवाइ सुरु हुनेछ।
आरके श्रीवास्तव,राैतहट,साउन २० गते
श्री माध्यमिक बिधालय बैरियाकाे नव निर्मित भवन भब्य समारोहका विच उद्घाटन गरिएको छ । साे नगरपालिकाकाे वडा नम्बर ९ काे नव निर्मित भवनको शनिबार एक भब्य समारोहका बिच उद्घाटन भएको छ । बिधालयका प्रधानाध्यापक हृदयनारायण साहकाे अध्यक्षतामा भएको कार्यक्रमकाे प्रमुख अतिथिकाे रूपमा नगरप्रमुख माे.डा.राजिक आलम रह्नु भएको थियाे । नगरपालिकाको बैरिया टोलमा रहेको बिधालयमा नयाँ भवन निर्माण पश्चात उदघाटन गरिएको हो । आज एक कार्यक्रमका बिच नगर प्रमुख माे. डा.राजिक आलमले समुदघाटन गर्नु भएको थियो ।
राजपुर नगरपालिकाकाे आर्थिक सहयोग बाट करिब २ कराेड ३० लाखको लागतमा १२ कोठे भवन निर्माण भएको राजपुर नगरपालिकाका नि.प्रमुख प्रशासकीय अधिकृत बैजु ठाकुरले जानकारी गराउनु भयो । सो नगरपालिकाको आर्थिक वर्ष २०७९/८० को बजेठ बाट उक्त भवन निर्माण भएको हो । कराेडाैंकाे लागतमा निर्माण सम्पन्न भएको साे भवन तीन तल्ले १२ काेठे भवन रहेकाे छ ।
शिक्षाको उज्यालो घामबाट काेही बालबालिका बञ्चित नहाेस् भन्ने उदेश्यका साथ भवन निर्माण गरिएको राजपुर नगरपालिकाका नगरप्रमुख माे.डा.राजिक आलमले बताउनु भयाे ।
शिक्षालाई विशेष प्राथमिकता राखेर काम गरि रहेको र आगामी वर्ष कृषि विशेष प्राथमिकतामा राखेर काम गर्ने प्रतिबद्धता जनाउनु भयाे । कार्यक्रमलाई सम्बाेधन गर्दै अधिकृत ठाकुरले यति छिटाे नगरकाे विकासकाे लागि सबैले हातेमालो गरि सहयोग गरेर निर्माण कार्य सफल बनाउनु भएकोमा हृदयदेखि धन्यवाद ज्ञापन गर्नु भयाे ।
साे बिधालयमा बालविकास देखि कक्षा १० सम्म बिधार्थी संख्या १३ सय ६५ रहेकाे शिक्षा संयाेजक खुर्सैद आलमले बताउनु भयाे । साे अवसरमा वडा नम्बर ३ हसिन अख्तर ,वडा नम्बर ४ शेख अन्सारूल ,वडा नम्बर ९ का वडा अध्यक्ष नसरूल हक,वडा नम्बर ५ वडा अध्यक्ष कृष्नन्दन राम ,
वडा नम्बर ७ का वडा अध्यक्ष शेख ईन्ताज,माे.ईसलाम कन्स्ट्रक्सनका सञ्चालक माे.जियाउल हक र शेख मसिर लगायत शिक्षक,शिक्षिका,बिधालय व्यवस्थापन समितिका पदाधिकारीहरू,जग्गादाताहरू शेख सताउल रहमान,शेख सहवान मास्टर,शेख निसार अहम,शेख समसुदिन,शेख सफिर अहमद,रामविलास राय यादव लगायत स्थानीय भद्रभलादमीहरूकाे उपस्थिति रहेको नगरपालिकाका राजस्व शाखा प्रमुख हरेन्द्र साहले जानकारी गराउनु भयाे ।
काठमाडौं, २० साउन ।
नेकपा माओवादी केन्द्रको केन्द्रिय समिति बैठक आज पनि जारी रहने छ ।
गत बुधवार देखी सुरु भएको केन्द्रिय समिति बैठकमा हालसम्म झन्डै १ सय ४१ जना नेताले आ आफनो धारणा राखिसकेका छन् ।
मंसिरमा गर्ने भनिएको विधान सम्मेलन, समसामयिक राजनीतिक बिषय, पार्टी नेतृत्वको सरकारले गरेका काम कारबाहीका बारेमा मुख्य गरी बैठकमा छलफल भइरहेका छन ।
सो बैठकमा ३८५ जना केन्द्रीय समिति सदस्य, १९८ जना वैकल्पिक सदस्य, केन्द्रीय आयोगका ७५ जना र प्रदेश पदाधिकारीबाट १०० जना गरी जम्मा ७५८ सहभागी भइरहेको माओवादी केन्द्रिय कार्यालयले जनाएको छ ।
काठमाडौं, १८ साउन ।
नेकपा माओवादी केन्द्रको जारी केन्द्रीय समितिको चौथो पूर्ण बैठकको तेस्रो दिन आज ६८ केन्द्रीय सदस्यले धारणा राखेका छन्।
कमलादीस्थित नेपाल प्रज्ञा प्रतिष्ठानमा जारी बैठकमा पार्टी अध्यक्ष एवं प्रधानमन्त्री पुष्पकमल दाहालले पेस गरेको ‘वर्तमान परिस्थिति र पार्टीका प्रमुख कार्यभारहरू’ शीर्षकको राजनीतिक एवं संगठनात्मक प्रस्तावमाथि केन्द्रीय सदस्यले धारणा राखेको प्रवक्ता कृष्णबहादुर महराले बताए।
अध्यक्ष पुष्पकमल दाहाल ‘प्रचण्ड’ ले प्रस्तुत गरेको प्रस्तावको मूल मर्मभित्रै रहेर सदस्यहरूले धारणा राखेको प्रवक्ता महराले बताए। अधिकांश सदस्यले पार्टी रुपान्तरण, जनतालाई पार्टीसँग जोड्नुपर्नेमा नेतृत्वको ध्यानाकर्षण गराएका थिए।
केन्द्रीय सदस्यले पार्टी जनताको माझमा जानुपर्ने, प्रतिबद्धताअनुसार काम गर्नुपर्ने, पार्टी निर्माण र विस्तार गर्नुपर्छ भन्नेमा जोड दिएका थिए।
बुधबारदेखि सुरु भएको बैठकमा बिहीबारसम्म ७४ जनाले अध्यक्षको प्रस्तावमाथि धारणा राखेका थिए। बैठकमा बोल्नका लागि प्रत्येक केन्द्रीय सदस्यका लागि पाँच मिनेटको समय प्रदान गरिएको छ। बैठकमा तीन सय ८७ पूर्ण र एक सय ९६ वैकल्पिक केन्द्रीय सदस्य, अनुशासन, लेखा र निर्वाचन आयोगका ४१ सदस्य तथा सात भौगोलिक र तीन गैरभौगोलिक गरी १० प्रदेशका ९० पदाधिकारीको सहभागिता रहेको छ।
बैठक भोलि बिहान ११ बजे पुनः बस्नेछ।
काठमाडौं, १९ साउन ।
नेकपा एकीकृत समाजवादीले केन्द्रीय कमिटीका सदस्य तथा सिन्धुपाल्चोकका इन्चार्ज सुवास कर्माचार्य पार्टीबाट निष्कासन गरेको छ ।
शुक्रबार बसेको पार्टीको केन्द्रीय सचिवालयको बैठकले उनलाई निष्कासन गरेको हो ।
पार्टीको नीति कार्यक्रम, संगठनात्मक पद्धति तथा निष्ठाविरुद्ध क्रियाकलाप गरेको र पटक–पटक सम्झाउँदा पनि नमानेको भन्दै उनलाई पार्टीबाट निष्कासन गरेको हो ।
