आरके श्रीवास्तव,राैतहट,जेठ १४ गते ।

बाढि ,डुवान र कटानकाे उच्च जाेखिममा रहेका राैतहटमा सामुदायिक विपत प्रतिकार्य तालिम अभ्यास मनसुन-३ शुरु भएको छ ।नेपाली सेना विरदल गणको आयोजनामा तालिम शुरु भएको हो । विरदलगण गाैरका गणपति गंगा बहादुर विष्टले प्रवचन गरि तालिमको शुभारम्भ गराए ।

नेपाल प्रहरी ,सशस्त्र प्रहरी, गाैरनगरपालिका नगर प्रहरी , रेडक्रस तथा विभिन्न समाजिक संस्थाका स्वयंसेवक गरि सय जनाको सहभागिता रहेकाे छ ।

वीर दलगण गाैरको कार्यालय पुरेनवा दरबारमा भई रहेको सो तालिम नेपाली सेनाका विपत तथा उद्वारमा खटिसकेका अनुभवीहरुले प्रशिक्षण दिई रहेका छन । सो तालिमको कार्यक्रम अनुसार १९ गते बरहवा ताल गाैरमा संयुक्त अभ्यास गरि तालिमकाे प्रमाणपत्र वितरण भई समापन हुनेछ ।

राैतहट,जेठ १४ गते

आफुमाथी लगाएको आरोप झुठा, भ्रामक गल्त,मिथ्या र कपाेकल्पित रहेको वृन्दावन नगरपालिका वडा नम्बर ७ का वडा अध्यक्ष जगरनाथ भेडिहर उर्फ मदन पालले बताएका छन् । आईतवार दिउँसो उनले आफ्नो निजि निवास धमौरामा पत्रकारहरु संग कुराकानी गर्दै आफुमाथि लगाएको आरोपमा कुनै सत्यता नरहेको वडा अध्यक्ष पालकाे भनाइ छ । यसरी गलत हल्ला फैलाई आफ्नो चरित्र हत्या गर्न खोजने त्यस्ता ब्यक्तिहरुलाई कार्यवाही गर्न उनले माग गरेका छन् ।

ती महिलाले लगाएको आराेपकाे वडा अध्यक्ष पालले खण्डन गरेका छन् । उनले भनेका छन् कुनै संस्था सँग लिएकाे ऋण कुनै पनि व्यक्तिले मिनाहा गराउने प्रावधान नै छैन् । त्यसलै उक्त आराेप गलत हाे । रह्यो मुद्दा मिलाई दिने । मेराे जानकारीमा ती महिलामाथि कुनै मुद्दा नै छैन् । जब मुद्दा नै छैन् भने त्याे कसरी मिलाई दिने हाे । याे आराेप पनि गलत हाे ।

ऋण मिनहा र प्रहरीमा परेको मुद्दा मिलाइ दिन्छु भन्दै धमाैराकी एक महिलालाई वडा अध्यक्ष पालले यौंन प्रस्ताव गर्ने गरेको ती महिलाको आरोप मिथ्या र गलत रहेको र षड्यन्त्र रचि आफुलाई बदनाम गराउन खोजेको वडा अध्यक्ष पालले बताए ।

उनले भने महिलाले आफुमाथि अनैतिक कामको आरोप लगाएको सरासर गलत रहेको छ । मेराे बुझाईमा ती महिला कसै द्वारा सञ्चालित रहेकी छिन् । राजनीतिक व्यक्तिकाे आडमा संचालित रहेको वडा अध्यक्ष पालको अरोप रहेको छ । घटनाकाे बारेमा वडा अध्यक्ष पालले सत्य,तथ्य छानबिन गरि दाेषीलाई कार्यवाही गर्न माग गरेका छन् ।

उनले भनेका छन् मलाई जुन कलंकित पार्ने काम भएको छ । त्याे एकदमै गलत हाे । यस्ताे कसैसँग हुनु हुँदैन । वडाअध्यक्ष पालले साना किसान कृषि सहकारी संस्थाबाट निकालेको ऋण र प्रहरीमा परेको मुद्दा मिलाइ दिन्छु भन्दै धमाैराकी एकल महिला लाई यौंन प्रस्ताव गर्ने गरेको ती महिलाले आरोप लगाएकी हुन् । जुन भिडियो सामाजिक संजालमा सार्वजनिक भएको छ ।

राजेश पासवान।जेठ १३ गते।रौतहट ।

रौतहटमा दुसाध समाजको क्षेत्रीय भेला-२०८० कार्यक्रम भव्यताका साथ सम्पन्न भएको छ। जिल्लाको गरुडा नगरपालिका वडा नम्बर ८ बिर्ता चौक स्थित रहेको श्री हिमाल एकेडेमी बिर्ताको प्राङगणमा दुसाध जातिलाई एकीकरण गर्ने उदेश्यले सो कार्यक्रमको आयोजना गरिएको थियो । शनिबार सम्पन्न भेलाले रौतहट निर्वाचन क्षेत्र नं.४ को लागि रामबिश्वास पासवानको अध्यक्षतामा ११ सदस्यीय क्षेत्रीय समिति गठन गरिएको हो।समितिको उपाध्यक्षमा रामलाल पासवान, सचिवमा हरेन्द्र पासवान,स.सचिवमा अकलेश पासवान र कोषाध्यक्षमा रामबृक्ष पासवान रहेका छन्।भने सो समितिको सदस्यहरुमा रिमा पासवान,मानकुमारी पासवान,खुश्बु पासवान र किश्मतिया देवी पासवान लगायत अन्य दुई जना सदस्यहरु पनि रहेका छन्। त्यसैगरी सो समितिको युवा कमिटीमा अकलु पासवानको अध्यक्ष्तामा ९ सदस्यीय समिति गठन गरिएको छ।

समितिको उपाध्यक्षमा सुनिल पासवान,सचिवमा सुरत पासवान,कोषाध्यक्ष मा,विजय पासवान र सदस्यमा रिंकु पासवान लगायत अन्य ३ जना सदस्यहरु पनि रहेको छ। कार्यक्रममा दुसाध जाति भित्र रहेेेको कमिकम्जोरी,शिक्षामा सुधार राजनीतिमा पहुँच र दुसादरध जाति माथि भईरहेको अन्याय र अत्यार बाट कसरी सामना गर्ने बिषयमा गहन छलफल भएको थियो। कार्यक्रमको प्रमुख अथितिको रुपमा बोल्दै दुसाध जाति का अगुवा तथा दलित अगुवा धर्मेन्द्र पासवान ले ,सबै संगठनलाई अगाडि बढाएर एउटा ऐतिहासिक कार्य गरिरहेको र प्रदेश नं.२ मा दिन–प्रतिदिन जातीय विभेद तथा छुवाछुत का घटनाहरु घटनुको साटो अझ बढ्दै जानुको मुल कारण दुसाध जाति संगठित न हुनु नै हो। सबै जातको संठन भइसके पनि दुसाध जातिको नयाँ संगठन निर्माण न भएकोले आफुहरु यस्ता दुख पिडाहरु भोगिरहेको र हिंसाको शिकार भएको भन्दै उनले घोर निन्दा गरे ।

यसरी आफनो समुदायका माथि तराईमा रहेको कु संस्कार कु प्रथाले सबै दुसाध जाति नै हिसांको सिकार हुदै आएको पासवान ले बताए । त्यस्तै एक जना अर्को दुसाध जातिका अगुवा सागर पासवानले भन्नुभयो अब दुसाध जाति व्यक्तिहरु अन्य कुनै लोभ प्रलोभनमा न परी आफ्नै संगठनमा लागेर दुसाध जातिलाई अगाडि बढाउन तन मनले साथ दिन आग्रह गर्दै ,उक्त संगठन मात्रै रौतहटमा न भई देश रको २१ वटा जिल्लामा सो संगठनको समिति निर्माण हुने जानकारी गराउदै,आफुहरु समाजको ठुलाबडा को कुरामा परेर युज मात्रै हुँदै आएकोले अब देखि आफ्नो जातिको हक हित, अधिकार र एकताको लागि तत्पर रहने बताउनुभयो। त्यसैगरी संचारकर्मी समेत रहिसकेका वृन्दावन नगरपालिकाका नगर कार्यपालिका सदस्य राजेश पासवानले आफुहरु संगठित न भएर नै समाजका कथित ठुला बडाले आफुहरुलाई युज गर्दै आएको र रौतहट मा दुसाद जातिको बाहुल्यता हुदाहुँदै पनि आफुहरुको ठोस् संगठन न भएको कारण,आफुहरुको नाममा आएको सरकारी बजेट तथा गैर सरकारीहरुको बजेट समेत वडाका वडा अध्यक्ष,वडा सचिव देखि लिएर स्थानिय निकायका राजनैतिक दल तथा पदाधिकारीहरुले नै खाने गरेको बताउदै आरोप समेत लगाए।

पासवानले समाजमा भईरहेको जातिय विभेद अन्त्य गरि पासवान तथा अन्य जातिलाइ पनि मानव सरहको बाच्न पाउने अधिकार का लागि अब सबै जना एकजुट भई संगठनमा लागेर र दुसाद जातिलाई अगाडि बढाउन दुसाद समुदायका नागरिकहरु संग आग्रह समेत गरे। कार्यक्रमको अध्यक्षता दलित अगुवा रामविनय पासवानले गर्नुभएको थियो भने कार्यक्रमको प्रमुख अथितीकोरुपमा दुसाध जातिको हक हितका लागि तत्पर रहने दुसादका जातिका अगुवा धर्मेन्द्र पासवानले र ,विशिस्ट अथितिमा अधिवक्ता सोनेलाल पासवान र सुरेन्द्र पासवान,अथितीहरुमा राजेश पासवमन, पासवान शिवजी पासवान र सुब्बा साहेब पासवान रहेका थिए। कार्यक्रममा जिल्ला भरीको विभिन्न ठाउँबाट आएका दुसाध जातिहरुको पनि सहभागीता रहेको थियो।भने कार्यक्रमको संचालन शिक्षक रामअधार पासवानले गरेका थिए।

प्रदीप कुमार दास, रौतहट । ज्येष्ठ १४ गते

रौतहटको माधवनारायण नगरपालिकामा अवस्थित श्री माध्यमिक विद्यालय बिशुनपूर्वा मानपुरको प्राङ्गणमा वर्ल्ड भिजन इन्टरनेसनल नेपाल , आर्डिसी नेपाल , श्रृजना रूपान्तरण समुह माधवनारायण नगरपालिका र माधवनारायण नगरपालिकाको सहकार्यमा आयोजना गरिएको नगर स्तरीय “बाल विवाह अन्तर विद्यालय स्तरीय वक्तृत्वकला तथा कविता प्रतियोगिता ” मा विभिन्न विद्यालयका विद्यार्थीहरूको सहभागितामा भव्य रूपमा सम्पन्न भएको छ । उक्त नगर स्तरीय वक्तृत्वकला तथा कविता प्रतियोगिता श्रृजना रूपान्तरण समुह माधवनारायण नगरपालिकाकी अध्यक्ष अनिशा कुमारी शर्माको अध्यक्षतामा सञ्चालन गरिएको प्रतिस्पर्धा कार्यक्रममा माधवनारायण नगरपालिका भरिकै १२ वटा विद्यालयका छात्र छात्राहरु सहभागी भएका थिए ।

प्रतियोगिता ३ तहमा अध्ययनरत विद्यार्थीहरुको लागि छुटा छुट्टै समुह बनाई गराइएको थियो , प्राथमिक तह ,आधारभूत तह र माध्यमिक तह गरी ३ समुह बनाई बेग्ला बेग्लै प्रतिस्पर्धीहरू प्रतियोगितमा सहभागी भएका थिए । वक्तृत्वकलामा बाल विवाहको अन्तय र सभ्य समाजको निर्माण शीर्षकमा उत्कृषठ वक्तव्य वाचन गर्दै श्री माध्यमिक विद्यालय माधोपुर र कविता प्रतियोगितामा श्री माध्यमिक विद्यालय विशुनपुर्वा, मानपुरले प्रथम स्थान हासिल गर्न सफल भएको हो भने बालविकास केन्द्र मानपुर र कविता तर्फ श्री आधारभूत विद्यालय भेल्हीले द्वितीय स्थान हासिल गर्न सफल भएको हो भने सहिद सुरेश प्राथमिक विद्यालय खेश्रहिया र कविता तर्फ श्री राम जानकी प्राथमिक विद्यालय दिपहीले तृतीय स्थान हासिल गर्न सफल भएको हो ।

यस्तै उक्त कार्यक्रमको अवसरमा माधवनारायण नगरपालिकाका नगर प्रमुख बैजनाथ प्रसाद यादव,उप प्रमुख निर्मला देवी रमन ,नगर शिक्षा संयोजक रामजी राय यादव ,शिक्षा प्रमुख जगनाथ यादव ,नगर बाल कल्याण अधिकारी रिता कुमारी यादव , आर्डिसि नेपाल रौतहटको कोषाध्यक्ष ममता झा ,महिला तथा बालबालिका सेल गरुडाका प्रमुख फुलमाया गुरौ , श्री माध्यमिक विद्यालय बिशुनपुर्वा मानपुरका प्रधानध्यापक राजेश कुमार यादव , विभिन्न मिडियाका सञ्चारकर्मी पत्रकार लगायत विभिन्न विद्यालय का शिक्षक शिक्षिका,विद्यार्थी ,वडाध्यक्ष हरुको उपस्थिति रहेको थियो । यस्तै , कार्यक्रम को उद्घोषण राकेश कुमार दासले गरेको थियो ।

प्रदीप कुमार दास, रौतहट । ज्येष्ठ १४ गते

राष्ट्रिय तत्मा समाज नेपाल महोत्तरीको जिल्ला अधिवेशन महोत्तरी गाउँपालिकामा अवस्थित मडई बजारमा भव्यताका साथ सम्पन्न भएको छ । अधिवेशन कार्यक्रम सोनेलाल दासको अध्यक्षता तथा राष्ट्रिय तत्मा समाज नेपालको केन्द्रीय अध्यक्ष रामअशिष दास तत्माको प्रमुख आतिथ्यतामा सञ्चालन गरिएको कार्यक्रममा खुल्ला सत्र सम्पन्न भई बन्द सत्रबाट ३१ सदस्यीय नयाँ कार्यसमिति गठन गरिएको हो ।

महोत्तरी जिल्लाको दोस्रो अधिवेशन सम्पन्न भई अध्यक्ष पदमा उमेश दास तत्मा , उपाध्यक्ष सरिता देवी दास ,सचिव पदमा सन्दीप दास तत्मा लगायत ३१ सदस्यीय जिल्ला कार्यसमिति चयन भएको केन्द्रीय अध्यक्ष राम आशिष दासले जानकारी गराएका हुन् । कार्यक्रममा प्रदेश भरिका केन्द्रीय प्रधिकरीहरु लगायत महोत्तरी जिल्लाको तत्मा स्वाजातिय बन्धुहरुको पनि उपस्थितिमा कार्यक्रम भव्यताका साथ सम्पन्न भएको हो ।

राष्ट्रिय तत्मा समाज नेपालको केन्द्रीय बरिष्ठ उपाध्यक्ष झगरु दास तत्मा, उपाध्यक्ष सिकीन्द्र दास , राम ईश्वर दास, राजदेव दास, महासचिव शंकर दास तत्मा, प्रवक्ता रामप्रित दास,सिराहा जिल्ला अध्यक्ष धनेश्वर दास , सदस्य बिनोद दास लगायत विभिन्न केन्द्रीय पदाधिकारीहरुको उपस्थितिमा कार्यक्रम सम्पन्न भएको हो ।

त्यसैबीच , राष्ट्रिय तत्मा समाज नेपालको हकमा प्रचार प्रसारको काम निस्वार्थ रूपले गर्दै तत्मा समाज नेपालको गरिमा बढाउँदै आएकोले शिलादीप अनलाइन खबर प्रालि रौतहटका अध्यक्ष एवं पत्रकार प्रदीप कुमार दासलाई केन्द्रीय अध्यक्ष दासले माला ,टीका र खाँदा ओढाई कदर पत्रसमेत दिई अधिवेशनकै अवसर पारेर सम्मान गरिएको महासचिव शंकर दास तत्माले बताएका हुन् ।

आरके श्रीवास्तव,रौतहट,जेठ १४ गते
रौतहट । बिभिन्न कारणले पत्रकारितामा सक्रिय नरहेका पत्रकारहरुले नेपाल पत्रकार महासंघको शुद्धीकरण अभियानलाई स्वागत गर्दै महासंघको सदस्यता परित्याग गर्ने क्रम शुरु भएको छ । रौतहटमा पनि महासंघको सदस्यता परित्याग गर्ने क्रम सुरु भएको छ ।
नेपाल पत्रकार महासंघ रौतहट शाखाका पूर्व सचिव एवम् साधारण सदस्य राजेन्द्र कुमार क्षेत्रीले महासंघको शुद्धीकरण अभियानलाई सहयोग गर्दै आफनो सदस्यता परित्याग गरेका छन् ।
क्षेत्रीले शनिबार पत्रकार महासंघ रौतहट शाखाका अध्यक्ष प्रेमचन्द्र झालाई आफूले सदस्यता परित्याग गरेको पत्र बुझाएका हुन् ।

क्षेत्रीले आफू पत्रकार महासंघ रौतहट शाखाको साधारण सदस्य रहेपनि वर्तमान अवस्थामा पत्रकारितामा समय दिन नकेको हुनाले महासंघको सदयस्ता शुद्धीकरण अभियानलाई सफल बनाउन सहयोग गर्दै आजकै मितिदेखि लागूहुने गरी सदस्यता परित्याग गरेको पत्रमा उल्लेख गरेका छन् ।
उनले पत्रमा लेखेका छन् महासंघको स्थापना कालदेखि सदस्यता रहँदै विभिन्न वि.स.२०६४ सालमा जिल्ला सचिव समेत भइ नेपाल पत्रकार महासंघको हितमा र श्रमजीवी पत्रकारहरुको हकहितमा आवाज उठाउँदै नेपाल पत्रकार महासंघ रौतहट शाखाको भवन निर्माणमा सफल भूमिका खेलेको कुरा पनि उल्लेख गरेका छन् ।

सदस्यता परित्याग गरेका क्षेत्रीलाई महासंघले सम्मान सहित बिदाई गर्ने महासंघ रौतहटका अध्यक्ष झाले बताउनु भएको छ । उनले भनेका छन् महासंघका पूर्व सचिव क्षेत्रीको यो कदम सराहनिय छ । यसको पति प्रशंसा गरेपनि कमै हुन्छ । यस्तै किसिमले अन्य पेशामा लागेकाहरुले पनि स्वस्फूर्त तरिकाले महासंघको शुद्धीकरण अभियानलाई सहयोग गरिदिए सहज हुने थियो ।

अझै थुप्रै दोहोरो भूमिकामा रहेकाहरूलाई स्वयं इमान्दारिताका साथ मार्ग प्रसस्त गरिदिन महासंघ रौतहट अध्यक्ष झाले आग्रह गरेका छन् ।

अध्यक्ष झाले सरकारी जागिरमा रहेका, विभिन्न संघसंस्थामा आबद्ध भएका, राजनीतिक दलको कार्यकर्ता भएर बसेकाहरूलाई महासंघको यस शुद्धीकरण अभियानलाई सहयोग गर्न विनम्रतापूवैक आग्रहसमेत गरेका छन् ।

यता पूर्व सचिव क्षेत्रीले राजिनामा दिएको कुरालाई रौतहटका सञ्चारकर्मीहरु बिच चर्चाको विषय बनेको छ । उनको राजिनामाले रौतहटमा सदस्यता शुदीकरण सफल हुने सवैले विश्वास व्यक्त गरेका छन् । पत्रकार महासंघको सदस्य रहेका तर पत्रकारिता नगरिरहेकालाई राजिनामा गर्न प्रेरित समेत गरेको एक पत्रकारले वताएका छन् ।
पूर्व सचिव क्षेत्रीको राजिनामाको विषयमा महासंघ रौतहटका पूर्व अध्यक्ष रविन्द्र साहले भनेका छन्,“ स्वागतयोग्य मित्र ,तिमी सदाको लागि एक उदाहरणीय ब्याक्तित्वको रूपमा अमर रहिरहने छौ । ”
महासंघ रौतहटका अर्का पूर्व अध्यक्ष शैलेन्द्र गुप्ताले राजिनामा दिएर राम्रो काम गरेको भन्दै सराहना गरेका छन् । बरिष्ठ पत्रकार प्रभात झाले क्षेत्रिको राजिनामालाइ स्वागतयोग्य कदम भनेका छन् ।
प्रेस मञ्च रौतहटका अधयक्ष किशोरी यादवले,“ नेपाल पत्रकार महासंघ रौतहट लाई लामो दिन सम्म सेवा दिनू भएको वापत सम्मान गर्नू पर्यो” भनेका छन् । समाजवादी प्रेस संगठन रौतहटका अध्यक्ष दिनेश यादवले पनि क्षेत्रीको राजिनामालाइ सराहना गरेका छन् ।
पूर्व सचिव क्षेत्रीको राजिनामाको विषयमा सञ्चारकर्मी अखिलेश कुमार यादवले भनेका छन्,“यस्तै पत्रकारिता पेशामा सक्रिय न भएको र अरु पेशामा लागेकाहरुले सदस्यता त्याग गर्यो भने कति राम्रो हुन्थ्यो । ”

बारा, १३ जेठ
बचतकर्ताको झण्डै दुई करोड रकम हिनामिना गरेको आरोपमा प्रहरीले जिल्ला हुलाक कार्यालय बाराका प्रमुख बलिराम प्रसाद कुर्मीलाई नियन्त्रणमा लिएको छ ।
हुलाक बचत बैंकबाट एक करोड ९५ लाख ३४ हजार नौ सय ६६ रुपैयाँ हिनामिना गरेको आरोपमा प्रहरीले ५० वर्षीय कुर्मीलाई पक्राउ गरेको हो ।
पर्सा बहादुरमाई गाउँपालिका २ का कुर्मीविरुद्ध जिल्ला प्रहरी कार्यालयमा उजुरी परेको थियो ।
बचतकर्ताले दिएको उजुरीका आधारमा कुर्मीलाई नियन्त्रणमा लिएको प्रहरीले जनाएकाे छ ।
पक्राउ परेका कुर्मीलाई जिल्ला अदालतबाट म्याद थप गरी अनुसन्धान थालिएको प्रवक्ता पाण्डेले बताए।

आरके श्रीवास्तव,रौतहट,जेठ १२ गते

रौतहट , गौर नगरपालिकामा नगर प्रमुख शम्भु साहले कार्यभार सम्हाल्नुभएको एक वर्षको प्रगति विवरण सार्वजनिक गर्नुभएको छ । २०७९ वैशाख ३० गते भएको स्थानीय तहको निर्वाचनमा नेकपा एकिकृत समाजवादीका शम्भु साह प्रमुखमा निर्वाचित हुनुभएको थियो ।

नगर प्रमुख शाहले शुक्रबार प्रगति विवरण सार्वजनिक गर्दै नगरपालिकाबाट सञ्चालित क्षेत्रगत योजनाहरु भौतिक पूर्वाधार तर्फ एक वर्ष देखि अलपत्र रहेके गौर नपा २ अन्तर्गत पर्ने शिवराज मुखियाको घरदेखि शान्ता चलचित्र मन्दिरसम्मको सडक तथा नाला निर्माण गरिएको,

कृषि विकास बैंकदेखि शिवालय मन्दिरसम्म सडक तथा नाला निर्माण, गौर न.पा. वडान ४ मा वर्षौंदेखि अतिक्रमण गरी राखेको लाल बकैया नदी टतबन्धको अधिकार क्षेत्रको जग्गा अतिक्रमण मुक्त गराई गौर न. पा. वडान २ को महादेव स्थानदेखि गौर न.पा. बडान ४ को सावणांमाई मन्दिरसम्म वैकल्पिक बाटोको रुपमा निर्माण कार्य गराईएको ,टि.भी. एस.यू. ÷

हेल्भिटासबाट ब्लैक लिस्टेड योजनाको रूपमा रहेको गौर बरहवा खोलामा फेब्रिकेटेड झलुङ्गे पुलको यसै आर्थिक वर्षमा काम सुचारु गर्न लगाई निर्माण सम्पन्न पश्चात उद्घाटन गरी समुदायलाई हस्तान्तरण गरिएकी ६. गौर न. पा.

वडान २ वानेश्वरनाथ मन्दिर नजिक लाल बकैया नदीमा रु ४ करोड २९ लाखको लागतमा झुलुड़े पुलको निर्माणको लागि बोलपत्रका माध्यमबाट ठेक्का सम्झौता तथा शिलान्यासको काम सम्पन्न भई निर्माण कार्य सञ्चालन हुन लागेको, गौर न.पा वडान २ मा विवाह मण्डप सहितको सामुदायिक भवन निर्माणको कार्य अगाडि बढाईएको प्रगति प्रतिवेदनमा उल्लेख छ ।

त्यसैगरी हिंसा पिडित महिलाहरुको व्यवस्थापनका लागि गौर न.पा. वडानं. १ मा आश्रय स्थल निर्माण कार्य अगाडि बढाईएको,गौर न.पा. वडानं. ८ र ९ जोड्ने तथा कृषी क्षेत्रमा समेत टेवा पुग्ने उदेश्य राखी काली मन्दिरदेखि सेना क्याम्पसम्म सडक ढलानको कार्य सम्पन्न गरी समुदायलाई हस्तान्तरण गरिएको,

वर्षौदेखि कच्ची सडककै रुपमा रहेको तथा नालाको अभावमा वर्षातमा दुबान जस्तै हुने गौर न.पा. वडानं. ५ को कोईरी टोल अन्तर्गत पर्ने ब्रह्मदेव महतोको घरदेखि सिकिन्द्र कुशवाहाको घर हुँदै शोभाकान्त ठाकुरको घरसम्म रु ४६ लाख ७१ हजारको लागतमा सडक ढलान तथा नाला निर्माण गरिएको ,संघ, प्रदेश तथा स्थानीय सरकारबाट वेवास्ता गरिदै आएको गौर न.पा. वडानं ४ गढवा टोलको चित्रगुप्त नगरदेखि गढ़वा उतरी सीमाना सम्म सडक ढलान र नाला निर्माणको कार्य प्रारम्भ गरी अन्तिम चरणको अवस्थामा रहेको ।

१२. ऐतिहासिक महत्व बोकेको देशकै पुरानो कलाकुञ्ज पुस्तकालयको अधुरो भवन निर्माणको काम अगाडि बढाईएको । १३. गौर नगरपालिका तथा राजदेवी नगरपालिका जोड्न गौर बरहवा खोलामा पुल कल्भर्ट निर्माणको काम अगाडि बढाईएको उल्लेख छ ।

त्यस्तै आधारभुत विधालय महादेवपट्टीमा विधालय भवनको निर्माण कार्य सम्पन्न गरिएको ,गौर न.पा. वडानं. ९ मा मुस्लीम समुदायको कब्रगाह जाने पक्की बाटो निर्माण गरिएको ,गौर न.पा. वडानं. ३ मा चन्देश्वर राउतको घरदेखि पोखरिया टोला जाने सडकसम्म सडक तथा नाला निर्माणको काम सम्पन्न गराईएको ,

गौर र टिकुलिया जोड्ने पुरानो अतिक्रमित बाटोलाई अतिक्रमण मुक्त गराई सडक निर्माणको काम सम्पन्न गरिएको लगायतको विभिन्न योजनाहरुबारे उल्लेख रहेको छ । एक वर्षे कार्यकालमा नगर भरीमा ३ किलोमिटर आरसिसि सडक ढलान ,३ किलो मिटर नाला ,१ किलो मिटर सडक ग्रावेल र १ किलो मिटर नया सडक ट्रायक खोलेको बताए ।

नगरप्रमुख साहले टाउन हल, विवाह मन्डप, स्मार्ट सिटि अन्तरगत विभित्र बाटो बन्दै गरेको बताए ।झुलुङ्गे पुल , कलाकुन्ज पुस्तकालय , क्भर्ट नाला , विधुत पोल ,वानेश्वर मन्दिर राम जानकि मन्दिर, विभिन्न विधालयमा तल्ला थप समेत गराउने काम गरेको बताए ।

मधेस प्रदेशमा न्युनतम सर्त मापन कार्यमा मधेस प्रदेसको १ सय छतिसमा पहिलो भएको जानकारी समेत उनले गराए । सो अवसरमा नगर उपप्रमुख शैलदेवी , निमित प्रमुख प्रशासकीय अधिकृत सुभाष ठाकुर , नगर प्रवक्ता अर्जुन सिह सहितका वडा अध्यक्षहररुको उपस्थिति रहेको थियो ।

रन्धिर साह, रौतहट, जेठ १२ ।

कटहरियामा आज भूमिहीन र सुकुम्बासीहरुलाई लालपूर्जा वितरण गर्नको लागि निस्सा प्रदान कार्य सुरु भएको छ । दिगो समाधान चरन तीन कार्यक्रमको अन्तरगत सामुदायीक आत्म निरभर सेवा केन्द्र काठमाण्डौँ र पिपुल इन लिडको सहजिकरणमा संचालित कार्यक्रमद्धारा आज शुक्रबार रौतहटको कटहरिया नगरपालिकाको भूमिहीन सुकुम्बासीहरुलाई निस्सा प्रदान गरिएको हो ।

कटहरिया नगरपालिकाका नगर प्रमुख अजयप्रकास जयसवालले आज आफ्नो चुनाबी प्रतिवद्धतालाई पुरा गर्दै वडा नम्बर ५ का भूमिहीन र सुकुम्बासीहरुलाई निस्सा बितरण गरिएको हो । कटहरिया नगरपालिकाका मेयर जयसवालका अनुसार पालिकाका सबै वडामा रहेका भूमिहीन तथा सुकुम्बासीहरुलाई लालपूर्जा वितरण गर्नका लागि आज वडा नम्बर ५ बाट सुरु गरिएको तथा आइतबारदेखि वडा नम्बर १ देखि ९ सम्म निस्सा वितरण गरिने बताएका छन् ।

आज मात्र ५१ जना भूमिहीन सुकुम्बासी ५१ जनालाई निस्सा कटहरिया नगरपालिकाका प्रमुख अजयप्रकास जयसवाल र सोही पालिकाका उप प्रमुख रिता देबि यादवको संयुक्तामा निस्सा सुकुम्बासिहरुलाई वितरण गरिएको हो । हालसम्म पालिकाका सबै वडाहरुमा ४ सय २६ जना भूमिहीन दलित र ३ सय ३ जना भूमिहीन सुकुम्बासीहरु रहेका छन् ।

सबै जनाले छिटै निस्सा पाउँने भएका छन् । यस्तै कटहरिया नगरपालिकाका उप प्रमुख रिता देवी यादवले कार्यक्रमलाइ सम्बोधन गर्दै उनले दलित तथा सुकुम्बासीहरुको लालपूर्जा वितरणको काम पनि चाँडो हुने बताएकी छिन् । ‘यो जग्गा प्राप्ती होइन । जग्गा नाप्ने समयमा यही निस्सा देखाउनुपर्छ ।’ निस्सा पाएपछि तपाईंहरुको एउटा चरण पूरा भयो ।

अब थप अनुगमन गरेर जग्गा वितरणका लागि प्रक्रिया अघि बढिने छ ।’ विभिन्न कागजपत्र र तीनपुस्ते विवरण भर्न छुट भई निस्सा नपाएका लाभग्राहीहरुलाई पनि प्रक्रिया पूरा गरेर निस्सा वितरण गरिने उनको भनाइ छ। निस्सा पाएका लाभग्राहीहरुको अब थप अनुगमन गरेर जग्गा वितरणका लागि नाँपजाँच गर्ने कार्य अगाडि बढेपछि छिट्टै लालपूर्जा वितरण हुने उप प्रमुख यादवले बताए ।

निस्सा प्राप्त गर्दै गरेका वडा नम्बर ५ का सुकुम्बासी ८० वर्षीय शेख ठागा भन्छन् ‘हामी धेरै वर्षदेखि अव्यवस्थित बसोबास गर्दै आएका थियौँ, अब हामी चाँडै लालपुर्जा पाउँने आशामा बसेका छौँ । हामी लामो समयदेखि नेताहरुको भासनमा लाज पुर्जा पाउँने भाषण मात्रै सुन्दै आएका थियौँ,,’ तर अब हाम्रो मेयर अजयप्रकास जयसवालको सक्रियतामा हामीहरुले लाल पुर्जा पाउँने आशा पलाएको छ । आज हामी धेरै खुःशी छम् ।

यस्तै सोही वाडका अब साना खातुन भन्छन्, धेरै लामो समयसम्म जग्गा नपाएका हामीहरु आज निस्सा प्राप्त गरेसँगै अब लालपुर्जा पाउने बाटो खुलेको आश पलाएको छ । अब हाम्रो पनि निश्चित र व्यवस्थित घर हुन्छ । उले कटहरिया नगरपालिकाका प्रमुख तथा उप प्रमुखसहित भूमि आयोगलाइ समेत धन्यावद ज्ञापन गरेकी छिन् ।

सो कार्यक्रममा कटहरिया नगरपालिका वडा नम्बर ७ का वडा अध्यक्ष सहिद मिया धोबी, जिल्ला भूमि संस्थाका अनुप माझी, कार्यपालिका सदस्य जामुन ठाकुर, कटहरिया नगरपालिकाका भूमिहीन शखााका प्रमुख अधिकृत ओमप्रकास राम, जनप्रतिनिधि तथा वडा नम्बर ५ का सुकुम्बासीहरु लगायतको सहभागिता रहेको थियो ।