आरके श्रीवास्तव,रौतहट,जेठ २८ गते
रौतहटको फतुवा बिजयपुरमा स्थानिय तहमा स्वास्थ्य योजना तथा बजेट तर्जुमा सम्बन्धि २ दिने गोष्ठी सम्पन्न भएको छ । अभियान नेपालको आयोजना तथा वन हर्ट वल्र्ड वाइडको सहयोग र फतुवा बिजयपुर नगरपालिकाको नेतृत्वमा सो गोष्ठी भएको हो । फतुवा बिजयपुरको बिजयपुर बजारमा नगरपालिकाको स्वास्थ्य क्षेत्रको योजना तथा बजेट तर्जुमा गोष्ठी आज आईतवार सम्पन्न भएको छ ।
कार्यवाहक नगर प्रमुख अम्बेया खातुनको अध्यक्षतामा बिजयपुर स्थित श्री मावि बिजयपुरमा उक्त गोष्ठीको आयोजना गरिएको थियो । गोष्ठीमा नगरपालिका अन्तर्गत रहेको स्वास्थ्य चौकीहरुको समस्या र तीनका समाधान बारे छलफल गरिएको थियो । स्वास्थ्य संस्थाहरुमा देखेका,भोगेका अनुभव तथा अवलोकन गरिएका समस्या र त्यसको प्राथमिकीकरण औषधी अभाव,कर्मचारीहरुको अभाव बारे साझा गरिएको थियो ।
गोष्ठी लाइ सम्बोधन गर्दै फतुवा बिजयपुर नगरपालिकाका स्वास्थ्य शाखा प्रमुख प्रमोद गुप्ताले जिल्लामा फतुवा बिजयपुर नगरपालिका स्वास्थ्य क्षेत्रमा पछाडी परेको भन्दै यस तर्फ सहभागी जनप्रतिनिधीहरुलाइ ध्यानाकर्षण गराउनु भएको थियो ।
त्यस्तै जनप्रतिनीधीहरुको तर्फ बाट सम्बोधन गर्दै वडा नम्बर ९ का वडा अध्यक्ष राकेश कुमार यादव उर्फ पप्पुले नगरपालिका भित्र रहेका स्वास्थ्य संस्थाहरुको समस्या समाधान तर्फ अहिले निर्वाचित यूवा वडा अध्यक्षहरुले कम्मर कसेर लाग्नु पर्नेमा जोड दिएका थिए । आगामी बजेटमा नगरपालिकाको स्वास्थ्यको अवस्थामा सुधार हुने उनको दाबी रहेको थियो ।
कार्यक्रमलाइ समापन गर्ने क्रममा फतुवा बिजयपुर नगरपालिकाकी कार्यवाहक नगर प्रमुख खातुनले गोष्ठीमा उठेका समस्याहरुलाइ आगामी बजेटमा सम्बोधन गर्ने प्रतिबद्धता जनाउनु भयो ।
गोष्ठीमा परियोजना संयोजक अमित मिश्र र बित संयोजक जितेन्द्र कुशवाहाले फतुवा बिजयपुर नगरपालिकाको स्वास्थ्य योजना तथा बजेट तर्जुमा सम्बन्धी सहजीकरण गर्नु भएको थियो । सो गोष्ठीमा सबै वडाका वडा अध्यक्षहरु,कार्यपालिका सखस्यहरु,स्वास्थ्य चौकीका इन्चार्जहरु लगायत दर्जनौं व्यक्तीहरुको सहभागिता रहेको थियो ।
आरके श्रीवास्तव,ब.स. फतुवा बिजयपुर,२८ गते जेठ
फतुवा बिजयपुर नगरपालिकाको एक सामुदायिक बिधालयका विद्यार्थीलाई आज झोला वितरण गरिएको छ । सो नगरपालिकाको वडा नम्बर ८ मा रहेको श्री माबि बिजयपुरमा अध्यनरक्त कक्षा १ देखि ५ सम्मका छात्रछात्राहरुलाइ स्कूल ब्याग वितरण गरिएको हो ।
सो नगरपालिकाकी कार्यवाहक नगर प्रमुख अम्बेया खातुनले आइतवार सामुदायिक विद्यालयका विद्यार्थीहरुलाई झोला वितरण गरेकी छिन् । श्री मावि बिजयपुरका १ सय ९९ विद्यार्थीहरुलाई झोला वितरण गरिएको प्रधानाध्यापक शंकर यादवले जानकारी गराउनु भयो ।
आफनो नगर स्तरीय व्यक्तीगत बजेट बाट मेयर खातुनले झोला वितरण गर्नु भएको हो । फतुवा बिजयपुरको अन्य सामुदायिक बिधालयमा पनि झोला वितरण गर्ने योजना रहेको उनले बताइन् । शिक्षाको स्तर उकास्न र बिधार्थीहरुलाइ बिधालयमा नियमित गराउने उदेश्यले झोला वितरण गर्न लागेको कार्यवाहक मेयर खातुनको भनाइ छ ।
सामुदायिक विद्यालयका गरीब विद्यार्थीले स्कुल ब्याग अभावमा कापी किताब बोक्न समस्या भएकाले ब्याग वितरण गरिएको उनले जानकारी दिइन् । सो अवसरमा प्रदेश सांसद प्रत्यासी मो.शेराज, कार्यपालिका सदस्य उमाशंकर जयसवाल,समाजसेवी राजा हुसेन,परमेश्वर यादव ,पत्रकारहरु,बिधालयका शिक्षक,शिक्षिका बिधार्थीहरुको उपस्थिती रहेको थियो ।
मँजय राम कटहरिया,आजको पात्रो जेष्ठ २०८०/०२/२८ गते
भलभल अष्टमी, देवपाटनमा त्रिशूलजात्रा , गोरखकाली पूजा
आज बिहान सूर्योदय ०५ः०८ मा हुनेछ भने सूर्यास्त ७ : ०० मा हुनेछ । तिथि,अष्टमी १५स्३८ बजेसम्म, त्यसपछी नवमी
नक्षत्र,पूर्वभाद्रपदा १८स्१५ बजेसम्म, त्यसपछी उत्तरभाद्रपदा,योग,प्रीति १४स्११ बजेसम्म, त्यसपछी आयुष्मान् ,
करण,कौलव १५स्३८ बजेसम्म, त्यसपछी तैतिल ०२स्३५ बजेसम्म, त्यसपछी गर
मेष ( ARIES) चु, चे, चो, ला, लि, लु, ले, लो, अ
प्रयत्न गर्दा व्यापार, साझेदारी र सट्टापट्टामा लाभ मिल्नेछ। श्रमको उचित मूल्य पाइनेछ। आम्दानी बढ्नेछ। रोकिएको काम बन्नेछ र जिम्मेवारी पनि बढ्नेछ। दिउँसोदेखि अवसरका लागि केही दौडधुप गर्नुपर्ला। व्यवसायमा थप लगानी आवश्यक पर्नेछ। भैपरी आउने समस्यामा समय बित्नेछ। आफ्नो लाभांशमाथि अरूले दाबी गर्न सक्छन्। उठेको रकम खर्च हुनेछ।
वृष (TAURUS ) इ, उ, ए, ओ, बा, बि, बु, बे, बो
योजनाअनुसार सजिलै लक्ष्यमा पुग्न सकिनेछ। विभिन्न अवसरले पछ्याउनेछन् भने भविष्यका लागि दिगो काममा जग बसाउने मौका छ। मिहिनेतले नाम, दाम र इनाम दिलाउन सक्छ। मध्याह्नदेखि आम्दानीका नयाँ स्रोत फेला पर्नेछन्। पहिलेका कामबाट प्रशस्त लाभ हुनेछ। उठ्नुपर्ने रकम हातलागी हुनेछ। व्यापार बढ्नेछ र पेसा–व्यवसायमा पनि मनग्य लाभ हुनेछ।
मिथुन ( GEMINI) का, कि, कु, घ, ङ, छ, के, को, ह
शुभचिन्तकहरूको सुझाव नमान्दा दुःख पाइनेछ। समस्या सुल्झाउँदै अघि बढ्नुपर्ने समय छ। साथीभाइ टाढिनेछन्। काम रोकिनाले दोहोर्याएर प्रयत्न गर्नुपर्ला। दिउँसोदेखि गुमेको स्थान प्राप्त हुनाले आफ्नो वर्चस्व बढ्नेछ। आयआर्जनका नयाँ स्रोत फेला पर्नेछन्। पुरानो समस्या सुल्झानाले विभिन्न अवसर प्राप्त हुनेछन्। मिहिनेतले नाम, दाम र इनाम दिलाउन सक्छ।
कर्कट ( CANCER ) हि, हु, हे, हो, डा, डि, डु, डे, डो
अस्वस्थताले काममा बाधा पुग्न सक्छ। खर्च र चुनौतीको समय रहेको हुँदा अलि सजग रहनुपर्ला। अवसरवादीहरूले आफ्ना कमजोरीको फाइदा उठाउन सक्छन्। अपिरिचित व्यक्तिको विश्वास गर्दा धोका हुन सक्छ। दिउँसोदेखि आंशिक फाइदा भए पनि काम पूरा गर्न समय लाग्नेछ। अरूका लागि केही रकम र बुद्धिसमेत खर्चनुपर्ला। बाध्यात्मक परिस्थितिले काम रोकिनेछ।
सिंह (LEO ) मा, मि, मु, मे, मो, टा, टि, टु, टे
प्रियजनसँग रमाइलो भेटघाट हुनेछ। खानपान एवं मनोरञ्जनमा रमाउने समय छ। प्रेम र मित्रताको बन्धन कसिलो हुनेछ। व्यापार–व्यवसायमा मनग्य आम्दानी बढ्नेछ। दिउँसोदेखि काम बिग्रने भयले सताउनेछ भने न्यून उपलब्धिमा चित्त बुझाउनुपर्ला। समयमा सजग नहुँदा कर्मफल अरूले हत्याउने चेष्टा गर्नेछन्। स्वास्थ्य कमजोर रहनेछ, आहारविहारमा ध्यान पुर्याउनुहोला।
कन्या ( VIRGO ) टो, प, पि, पु, ष, ण, ठ, पे, पो
स्रोतसाधन जुट्नाले दिगो काम प्रारम्भ हुनेछ। मिहिनेतले प्रतिस्पर्धीहरूलाई पछि पार्न सकिनेछ। हिम्मत गर्दा जटिल काम समेत सजिलै सम्पादन हुनेछ। मध्याह्नदेखि घुमफिर तथा मनोरञ्जनमा समय बित्नेछ। सुन्दर पहिरनले व्यक्तित्वमा निखारता आउनेछ। विशेष उपहार प्राप्त हुन सक्छ। मित्रता र प्रेमको बन्धन कसिनेछ भने अतिथिको रूपमा सत्कार पनि प्राप्त हुने समय छ।
तुला (LIBRA ) र, रि, रु, रे, रो, ता, ति, तु, ते
कामको मेसो नमिल्दा केही अलमल हुनेछ। समयमा गम्भीर नबन्दा पनि दुस्ख पाइनेछ। स्वास्थ्यका लागि व्यायाम तथा आहारविहारमा ध्यान पुर्याउनुहोला। दिउँसोदेखि चुनौती पन्छाएर काम बनाउन सकिनेछ। प्रतिस्पर्धामा उत्रनुपरे पनि बुद्धिको उपयोगले प्रतिष्ठा दिलाउनेछ। स्रोतसाधन जुट्नाले जटिल काम समेत सम्पादन गर्न सकिनेछ। प्रतीक्षित नतिजाले उत्साह जगाउनेछ।
वृश्चिक (SCORPIO) तो, ना, नि, नु, ने, नो, या, यि, यु
काममा बाधा पुर्याउनेहरू देखा पर्नेछन्। बेसुरमा वचन दिने बानीले समस्या निम्त्याउनेछ। साझेदारीमा असमझदारी बढ्नेछ। रोकिएका काममा दोहोर्याएर प्रयत्न गर्नुपर्ला। अरूको सुझावमा भर नपर्नुहोला। परिवारजनको सहयोग लिँदा राम्रो हुनेछ। तर महत्त्वाकांक्षी योजना तत्काल सार्वजनिक नगर्नुहोला। श्रम परे पनि मेहनत गर्दा पछिलाई फाइदा हुनेछ। हतारमा निर्णय नलिनुहोला।
धनु ( SAGITTARIUS ) ये, यो, भ, भि, भु, ध, फा, ढ, भे
स्रोत(साधन जुट्नेछन् भने कर्मको उचित प्रतिफल प्राप्त हुनेछ। पहिलेको सफलताले हौसला जगाउनेछ भने पछिका लागि विशेष काममा जग बसाउने मौका छ। तर जिम्मेवारी बढे पनि दिउँसोदेखि काम बिग्रने भयले सताउन सक्छ। सहयोगी र आफन्तहरू अलि टाढिन सक्छन्। पहिले दिएको वचनले अप्ठ्यारो पार्न सक्छ। साथीभाइसँग सन्तुलित व्यवहार गर्नुहोला।
मकर ( CAPRICORN ) भो, ज, जि, खि, खु, खे, खो, गा, गि
अवसर प्राप्त भए पनि आत्मविश्वासको कमीले पछि परिनेछ। फजुल खर्च बढ्नेछ। शुभचिन्तकहरूको भावनालाई बेवास्ता गर्दा दुस्ख पाइनेछ। वादविवादमा अघि नसर्नुहोला। दिउँसोदेखि नयाँ योजनातर्फ अग्रसर भइनेछ। साहसी काम गरेर अरूको मन जित्न सकिनेछ। मिहिनेतले व्यावसायिक काममा राम्रै फड्को मार्न सकिनेछ। नाम, दाम र इनाम प्राप्त हुने समय छ।
कुम्भ ( AQUARIUS) गु, गे, गो, सा, सि, सु, से, सो, द
लगनशीलताले उपलब्धिको स्रोत प्राप्त हुनेछ। आफन्तसँग भेटघाट हुनुका साथै स्वादिष्ट भोजनको आनन्द पनि प्राप्त हुनेछ। स्वास्थ्यका लागि आहारविहारमा ध्यान पुर्याउनुहोला। दिउँसोदेखि हातमा आएको रकम अरूका लागि खर्चनुपर्नेछ। हतारमा निर्णय लिँदा काम दोहोर्याउनुपर्ला। शुभचिन्तकहरूको सुझाव नमान्दा दुःख पाइनेछ। धेरै बोल्दा समस्या आउन सक्छ।
मीन ( PISCES ) दि, दु, थ, झ, ञ, दे, दो, च, चि
अवसरको खोजीमा केही दौडधुप गर्नुपर्ला। आकस्मिक खर्च बढ्नेछ भने आम्दानी कम हुनेछ। व्यवसायमा लगानी बढाउनुपर्ने स्थिति आउन सक्छ। काममा दोहोर्याएर प्रयत्न गर्नुपर्ला। दिउँसोदेखि साथीभाइको आगमनले दिन मनोरञ्जनपूर्ण हुनेछ। तर, आगन्तुकले व्यर्थैमा अलमल्याउन सक्छन्। समयमा सजग नहुँदा फाइदा लिने अवसर पछिलाई धकेलिन सक्छ।
काठमाडौं, २७ जेठ
उच्च अदालत वीरगन्जमा कार्यरत अधिकृत नारायण प्याकुरेल बलात्कार आरोपमा पक्राउ परेका छन् ।
२२ वर्षीय किशोरीलाई जबरजस्ती करणी प्रयास गरेको आरोपमा विराटनगरबाट अधिकृत प्याकुरेललाई पक्राउ गरिएको मोरङ प्रहरीले जनाएको छ ।
राति किशोरीको घरमा नै गएर जबरजस्ती करणीको प्रयास गरेको जाहेरीका आधारमा अधिकृत प्याकुरेललाई पक्राउ गरेको प्रहरीको भनाइ छ । प्याकुरेलविरुद्ध जबरजस्ती करणी उद्योगमा जाहेरी दर्ता भएको छ।
रन्धिर साह, रौतहट, जेठ २७ ।
रौतहटको फतुवा विजयपुर नगरपालिकामा जनप्रतिनिधिहरुले शुक्रबार रातिदेखि धर्नामा बसेका छन् । हिजो करिब ५ वजे बेलुकादेखि फतुवा विजयपुर नगरपालिकाका वडा नम्बर १ देखि ११ सम्मका वडा अध्यक्षहरु तथा वोड सदस्यहरु लगायतले धर्ना दिएका छन्। सो धर्ना आज ९शनिबार० छलफल गरि समापन्न भएको हो ।
गुजरामाई नगरपालिका र फतुवाविजयपुर नगरपालिकाका सिमान जोडिएको लाल बकैया नदिमा फतुवा विजयपुर नगरपालिकालाई थाहनै नदिई गुजरामाई नगरपालिकाले लालबैया नदिमा मापदण्ड विपरीत अवैध तरिकाले नदि उत्खलन गरे पछि फतुवाविजयपुर नगरपालिकामा १ देखि ११ सम्मका वडा अध्यक्षद्धारा सो उत्खलन कार्यलाई रोका गरि धर्नामा उत्रिएका थियो ।
फतुवाविजयपुर घाटमा रहेको लालबकैया खोलामा मापदण्ड विपरीत अवैध रुपमा नदीजन्य पद्धार्थ उत्खनन भएको भन्दै रोक लगाइएको सो सोही पालिकाका वडा नम्बर ९ का वडा अध्यक्ष राकेश यादव ९पप्पु० ले बताए । हामीलाई जानकारी नै नगराई गुजरामाइ नगरपालिकाले नदीजन्य पदार्थ उत्खन्न गरे पछि हामीहरुले रोका गरि धर्नामा उत्रिएका थियौँ । सोही अनुसार आ गुजरामाइ नगरपालिकाका वडा नम्ब्र अशोक चौधरी र वडा नम्बर ४ का वडा अध्यक्ष कुमार ९झमक० चौलागाई तथा सह इन्जिनीयर प्रविणकुमार साहले छलफल गरि उत्खनको काम पुन सुरु गराएको हो ।
सो छलफलमा लालबकैया नदिको बहाव यता फतुवाविजयपुर र उता गुजरामाइ नगरपालिकाले ५ दिनका लागि काम गर्न सकिने गुजरामाई नगरपालिकाका सह इनजिनीयर साहले बताए । सबैले सो प्रस्तावलाई स्ववीकार गर्दै धर्ना समापन्न गरेको फतुवाविजयपुरका वडा नम्बर ९ का वडा अध्यक्ष नितेश चौधरीले बताए ।
फतुवाविजयपुर नगरपालिकाका वडा नम्बर १ का वडा अध्यक्ष विजयकुमार यादव, २ का वडा अध्यक्ष अनुरुद राय यादव, ३ का वडा अध्यक्ष रामेश्वर राय यादव, ४ का वडा अध्यक्ष सतिशकुमार यादव, ५ का वडा अध्यक्ष शेख एजाज अहम्द, ६ का वडा अध्यक्ष राम एकवाल राय यादव, ७ का वडा अध्यक्ष राम विश्वास राय यादव, ८ का वडा अध्यक्ष नितेश चौधरी,
९ का वडा अध्यक्ष पप्पुकुमार यादव, १० का वडा अध्यक्ष मंजय चौधरी र ११ का वडा अध्यक्ष ज्ञानेन्द्र चौधरी तथा वोड सदस्य जयराम साह सहितले धर्ना दिएको थियो । सो पालिकाले लालबकैया नदिको उत्खन्न सम्बन्धमा केही दिन भित्र टेन्डर गरीने जनाएको छ ।
रन्धिर साह, रौतहट, जेठ २६ ।
जिल्ला स्वास्थ्य कार्यलय रौतहटको आयोजनामा जिल्ला स्तरीय बार्षिक समिक्षा एवम योजना तर्जुमा गोष्ठि शुरु भएको छ । आर्थिक बर्ष ०७८।०७९ को समिक्षा र आर्थिक बर्ष ०७९।०८० को योजना तर्जुमा गर्ने गरि २ दिने गोष्ठि शुरु भएको स्वास्थ्य कार्यलय रौतहटका प्रमुख सुरेश यादवले बताएका छन् ।
समिक्षा गोष्ठिमा तीन वटा पालिका स्वास्थ्य सह संयोजक, गैर सरकारी संस्थाका प्रमुख लगायतको सहभागिता रहेको छ । जिल्ला स्वास्थ्य कार्यालय गौरका कार्यालय प्रमुख सुरेश यादको अध्यक्षतामा दुई दिनसम्म चल्ने गोष्ठि आजबाट सुरु भएको हो । सो कार्यक्रममा बौधिमाई नगरपालिका, दुर्गा भगवती गाउँपालिका र मौलापुर नगरपालिका गरि तीन वटा पालिकाहरुको स्वास्थ्य सह संयोजकको सहभागिता रहेको थियो ।
सो कार्यक्रममा शुभकामना मन्तब्य दिने प्रमुख अतिथि लगायतले गोष्ठिको सफलताको शुभकामना ब्यक्त गरेका थिए । साथै स्वास्थ्य क्षेत्रको मसिनो तरिकाले योजना बनाएर कार्यान्वयन गर्न समेत सुझाब दिएका थिए ।
त्यस्तै कार्यक्रममा बोल्ने क्रममा जनस्वास्थ्य अधिकृत हरेन्द्र प्रसाद गुप्ताले ५ वर्ष मुनीका बालबालिकाहरुलाई अउचार गर्ने नयाँ प्रोटोकल २०७८ अनुसार शिपको विकास, बाल मृत्युदर, शिशु मृत्युदर र नवजात शिशुमृत्युदर कम गर्ने, रेकोडिंन र रिपोर्टिका क्षमता अभिवृद्धिका लागि, स्वास्थ्य कर्मीले समिक्षा तथा योजना गर्न सक्षमहुनका लागि सो कार्यक्रमको आयोजना गरिएको उनले बताए ।
उनले भने यसपालि हामीले तीनवटा पालिकाहरुलाई मात्र समावेश गर्न सक्यौँ, अब अगामीदिनमा यो तीनओटा पालिकाबाहेकका पालिकाहरुलाई समावेश गरिने बताए । सो कार्यक्रममा सह स्वास्थ्य कर्मीहरु, जनस्वास्थ्य संयोजक रामजनम प्रसाद यादव, सह सहयोजक राकेशकुमार यादव लगायतको उपस्थिति रहेको थियो ।
आरके श्रीवास्तव,चन्द्रपुर समाचारदाता,२६ गते जेठ
रौतहटको उतरी भेग चन्द्रपुर नगरपालिकाको चन्द्रनिगाहपुर स्थित रहेको खानेपानी संस्थाको आज चुनाव हुने भएको छ । चन्द्रनिगाहपुर खानेपानी संस्थाको आज जेठ २७ गते शनिबार हुने निर्वाचनको लागि सबै तयारी पुरा भएको जानकारी गराईएकाे छ । खानेपानी संस्थाको नेतृत्व चयनको लागि दुई प्यानल चुनावी प्रतिस्पर्धामा उत्रिएका छन् । किशोर प्रसाद उपाध्याय नेतृत्वको समूह हाँस चुनाव चिन्ह लिएर चुनावी मैदानमा उत्रिएका छन् ।
भने लेखनाथ कोइरालाको नेतृत्वमा जेब्रा चुनाव चिन्ह लिएर चुनावी मैदानमा उत्रिएका छन् । दुबै जना बिच कडा प्रतिस्पर्धा हुने देखिएको छ । किशोर प्रसाद उपाध्यायको प्यानल बिहीबार वडा नम्बर ६ का उपभोक्ता समक्ष भेटघाट तथा घरदैलो गरेका छन् । अर्का उम्मेदवार लेखनाथ कोइरालाको प्यानल बाट पनि उपभोक्ता समक्ष भेटघाट तथा घरदैलो गरेका छन् ।
चन्द्रनिगाहपुर खानेपानी संस्थाको निर्वाचन समितिका संयोजक कृति सुवेदीले दिएको जानकारी अनुसार उम्मेदवारहरुले शुक्रवार सम्म प्रचार प्रसार गर्न पाएका थिए । आज शनिवार बिहान ८ बजे देखि ५ बजे सम्म मतदान हुने उनले जानकारी गराए हुन् ।
चन्द्रनिगाहपुर खानेपानी संस्थाको निर्वाचनमा लेखनाथ कोइराला प्यानलको तर्फ बाट उपाध्यक्षमा विश्वजित बन्जरा,सचिवमा रन्जन कुमार काफ्ले,कोषाध्यक्षमा मरछिया देवी,त्यस्तै सदस्यहरुमा कुल प्रसाद अधिकारी,खड्ग बहादुर न्यौपाने,मुना श्रेष्ठ गौतम,रामचन्द्र सिवाकोटी,नेहरुन नेसा,सत्भामा अधिकारी,त्यसैगरी महिला सदस्यहरुमा जुनकिरी बि.क.,यशोदा भट्टराइ रहेका छन् ।
यता किशोर प्रसाद उपाध्याय प्यानलको तर्फ बाट उपाध्यक्षमा डोलबहादुर ठाडा मगर,सचिवमा अबधेश हरि भट्टराइ,कोषध्यक्षमा बिनिता बखेल,सदस्यहरुमा बृजेश प्रसाद सािह,प्रह्लाद मैनाली,दुर्गा प्रसाद हुमागाइ,रामप्रसाद साह,बलराम सापकोटा,भरत प्रसाद अधिकारी रहेका छन् । त्यस्तै महलिा सदस्यहरुमा रत्ना कुमारी खड्का,कल्पना दाहाल,जानुका तिमिल्सिना रहेका छन् ।
बज्जिकाञ्चल,२६ गते जेठ रौतहट ।
होटेल सिया प्यालेस गौरमा जिल्ला स्तरीय महिला जनप्रतिनिधिहरुको संजालमा संयोजकको रुपमा प्रेम कुमारी तिम्लसिना तथा सचिवमा मिना कुमारी बैठा सर्व सहम्त चयन हुनु भएको थियो । माण्डवी रौतहट तथा आईएफईएस द्धारा सँचालित शी लिडस् परियोजना अन्तर्गत महिला जनप्रतिनिधिहरले आफ्ना अनुभवहरू साझा गर्न ,
एकअर्काबाट सिक्न र उनीहरूको समुदाय र राजनीतिमा महिलाहरूलाई असर गर्ने मुद्दाहरूमा सहयोग गर्ने यो प्लेटफर्मले महिला नेतृत्वलाई प्रवर्द्धन गर्न र उनीहरूलाई उनीहरूको समुदाय र राजनीतिमा नेतृत्व भूमिका खेल्न सशक्त बनाउन पनि मदत पुग्ने उदेश्यले निर्वाचित महिला वडा सदस्यहरुको सँजाल निर्माण गरिएको हो।
सँजाल निर्माण कार्यक्रममा गौर, चन्द्रपुर, गरुडा, वृन्दावन, बौधीमाई तथा गढीमाई नगरपालिकाका २५ जना निर्वाचित महिला वडा सदस्यहरुको सहभागिता रहेको थियो । जिल्ला स्तरीय सँजालमा हाल १८ वटा नगरपालिकाहरु मध्ये हाल ६ वटा नगरपालिका मात्र समावेश गरिएको भएता पनि अगामी दिनहरुमा सँजाललाई १८ वटै पालिकाहरुमा विस्तार गर्ने लक्ष्य राखिएको माण्डवीका अनुगमन तथा मुल्याँकन अधिकृत सुविन्द्र कुमार दासले जानकारी गराउनु भएको थियो ।
यस सँजाल गठनको विशिष्ठ उदेश्य महिलाहरुको नेतृत्व विकास र महिला राजनीतिक मुद्दाहरूको लागि सामूहिक वकालतको लागि पालिका, जिल्ला र प्रदेश स्तरका सँजाल गठन हुने र निर्वाचित महिला वडा सदस्यहरुलाई आफ्ना अनुभवहरू साझा गर्न,
एकअर्काबाट सिक्न, र उनीहरूको समुदायमा महिलाहरूलाई असर गर्ने मुद्दाहरूमा सहयोग गर्न प्लेटफर्म प्रदान रहेको कार्यक्रम सँचालिका तथा प्रशिक्षक पुनम ठाकुरले जानकारी गराउनु भएको थियो । सो कार्यक्रममा माण्डवीका कार्यक्रम सँयोजक मुनिलाल बैठा,अनुगमन अधिकृत सुविन्द्र कुमार दास, प्रशिक्षकद्धय पुनम ठाकुर र सँजय कुमार यादव, सुरेन्द्र राय यादव तथा ममता सिँहको सहभागिता रहेको थियो ।
काठमाडौं, २७ जेठ ।
आज निर्वाचन आयोग र राजनीतिक दल बिच छलफल हुदैँछ ।
अर्थमन्त्री प्रकाशशरण महतले आर्थिक बर्ष २०८०/८१ को बजेट बक्तब्यमार्फत जिल्ला निर्वाचन कार्यालय खारेज गरे पछिको अवस्थाका बारेमा जानकारी गराउन निर्वाचन आयोगले राजनीतिक दलका नेताहरुलाई छलफलमा बोलाएको हो ।
आयोगका प्रवक्ता शालिग्राम शर्मा पौडेलका अनुसार शुक्रबार बिहान साढे ११ बजे बैठक बस्नेगरी राजनीतिक दलहरूलाई बोलाइएको छ । उनका अनुसार सो क्रममा जिल्ला निर्वाचन कार्यालय खारेजीसँग बिभिन्न बिषयमा छलफल हुनेछ ।
आज निर्वाचन कानुनको विधेयक, स्थानीय तहसँगको सहकार्यमा मतदाता नामावली संकलन गर्ने, विदेशमा रहेका नेपाली नागरिकको मतदाता नामावली संकलन र राजनीतिक दलका लेखापरीक्षणको सम्बन्धलगायतमा छलफल हुनेछ ।
