मुकेशकुमार यादब,सिरहा, ८ भदौ।

सिरहा प्रहरीले करिब पाँच केजी चाँदीको गरगहनासहित एक भारतीय नागरिकलाई पक्राउ गरेको छ। जिल्लाको पूर्वीनाका नेपाल–भारत सीमाक्षेत्र भगवानपुर गाउँपालिका ४ ठाडी बसपार्कबाट ५ केजी चाँदीको गरगहनासहित भारतबाट नेपाल तर्फ आईरहेका पैदल यात्री जिल्ला मधुबनी बरहमपुरा ३ का ५२ वर्षिय विश्वनाथ साहलाई पक्राउ गरेको हो।

विषेश सुचनाको आधारमा प्रहरीले चेकजाचँ गर्ने क्रममा कपडाको धोक्रोमाहाली नाइटोभन्दा मुनी कमरमा बाँधेको अवस्थामा पाँच लाख मूल्य बराबरको पाँच केजी चाँदीसहित साहलाई नियन्त्रणमा लिएको जिल्ला प्रहरी कार्यालय सिरहाका सूचना अधिकारी डीसपी रविन्द्र पाण्डेले जनाएको छ।

पक्राउ परेका भारतीय नागरिक साहलाई आवश्यक अनुसन्धानको लागि चाँदीसहित इलाका प्रहरी कार्यालय लहान पठाइएको डीसपी  पाण्डेले जनाए।

बज्जिकाञ्चल,रौतहट,भदौ ०६ गते ।
भारतको पन्जाबमा रोजगारको सिलसिलामा पुगेका रौहतट एक नेपालीको मृत्यु भएको छ । आफन्तका अनुसार ट्रेनको ठक्करबाट कटहरिया नगरपालिका वडा नम्बर ८ पिप्रा पोखरिया निवासी १८ वर्षीय देवकी राम कामको मृत्यु भएको हो ।
यस घटना प्रति रौतहट क्षेत्र नम्बर ३ का सांसद प्रभु साहले भावपूर्ण श्रद्धाञ्जली सहित गहिरो समवेदनार भारतीय सरकारको गम्भीर ध्यानाकर्षण गराउनु भएको छ । उनले ट्रेनको ठक्करबाट मृत्यु भएको खबरले स्तब्ध भएको छु । दिवंगत आत्माप्रति हार्दिक श्रद्धाञ्जली सहित शोक सन्तप्त परिवारजनमा गहिरो समवेदना व्यक्त गर्दछु । साथै उक्त घटनाको छानबिन गरि पिडित परिवारलाइ उचित क्षतिपूर्तिको ब्यवस्था गर्न भारतीय सरकारको ध्यानाकर्षन गराउदछु भन्दै सामाजिक संजालमा स्टेटस् लेखेका छन् ।

बज्जिकाञ्चल,रौतहट,भदौ ०६ गते ।
रौतहट जिल्लाको फतुवा बिजयपुरमा रहेको ईलाका प्रहरी कार्यालय बिजयपुरमा आज परित्यात्मक कार्यक्रम सम्पन्न भएको छ । नयाँ कार्यालय प्रमुखको रुपमा आउनु भएका बिजय कार्कीको अध्यक्षतामा सो कार्यक्रम गरिएको थियो ।
उनले इप्रकाको जिम्मेवारी सम्हाले पछि परिचयपात्र गर्न र सल्लाह सुझाव लिनको लागि कार्यक्रम आयोजन गरेका थिए । सो कार्यक्रममा बोल्दै उनले आफनो क्षेत्रभित्रको शान्ति सुरक्षा कायम गर्न दिनरात खट्ने प्रतिबद्धता जनाउनु भयो ।
कार्यक्रममा सहभागीहरुले आआफनो तर्फ अमूल्य सल्लाह सुझाव समेत दिएका थिए । सो अवसरमा इप्रका बिजयपुर एरिया अन्तर्गतका सरकारी,गैरसरकारी संघ संस्थाका प्रमुख,स्थानिय,भद्रभलादमी,राजनितीकर्मी,स्थानिय सर्वसाधारण लगायतका व्यक्तीहरुको उपस्थिती रहेको थियो ।

आरके श्रीवास्तव,रौतहट,भदौ ०६ गते ।
मौलपुर नगरपालिकाले ल्याएको स्थानिय पाठ्यपुस्तक “हाम्रो मौलापुर” मधेश प्रदेशकै सम्भवतः पहिलो रहेको शिक्षा संयोजक राजेन्द्र प्रसाह साहले दाबी गर्नु भएको छ । पत्रकारहरु सँग कुराकानी गर्नु हुँदै वहाँले यस्तो बताउनु भएको छ । यस पाठ्यपुस्तकले मौलापुर नगरपालिकाको विविध विषयहरुलाइ समेटेको उनको भनाइ छ । हाम्रो यहाँको रितिरिवाज,धर्मसंस्कृती,रहनसहन,विभिन्न सम्पदाको बारेमा र गौरवका विषयका जुन चिजहरु छन् । ती सहित सम्पूर्ण चिजहरुको बारेमा हामीले जानकारी गराउने प्रयास गरेका छौं ।
बाल्यकाल देखि नै बालबालिकाहरु लाइ स्थानिय स्तरको विषयवस्तु बारे जानकारी गराउने यो पुस्तकको उदेश्य रहेको वहाँले बताउनु भएको छ । हाम्रो समाज बाट धेरै कुराहरु हराइ पनि सके र हराइ रहेका पनि छन् । ती सबै कुराहरुलाइ जगेर्ना गर्नका निमित यो पुस्तक ल्याइएको उनको भनाइ छ । पुस्तकमा मौलापुर नगरपालिकामा रहेको राम्रा राम्रा कुराहरुको बारे जानकारी गराउने प्रयास गरिएको छ । यहाँ रहेका कुरितीहरु बारे जानकारी गराउने उदेश्यले पनि पुस्तकले समेटने प्रयास गरेको छ ।
यो पाठ्यपुस्तक समग्र विषयवस्तु समेटिएको छ । यसमा हामी केही गौरवका विषयवस्तुलाइ पनि समेटेका छौ । जस्तै यहाँ रहेको पुरातात्वीक महादेव मन्दिर जसलाइ मौलापुर नगरपालिकाले विश्व सम्पदा सूचीमा राख्ने प्रयास गरि राखेको छ । र त्यो राख्ने योग्य पनि हो । हाम्रै नगरभित्रका ,हाम्रै समाजमा हुने साना कुराहरुलाइ पुस्तक मार्फ बुझाउने प्रयास हामीले गरेका छौं ।
केन्द्रिय ऐन कानुनमा स्थानिय तहले १०० पूर्णङ्गक कक्षा १ देखि ८ सम्म स्थानिय तहले पठ्यपुस्तक तयार गर्न सक्ने प्रावधान छ । त्यही अनुरुप हामीले पाठ्यक्रम तयार गरी सुरुमा कक्षा १ देखि ३ सम्म छपाइ गरि वितरण गरेका छौ । यसै आर्थिक वर्ष देखि बाँकी कक्षाका पुस्तकहरु छपाइको सकिनेछ । र अर्को शैक्षिक सत्र देखि सुरुमै कक्षा ८ सम्मकै हरे बालबालिकाको हातहातमा हाम्रो मौलापुर पाठ्य पुस्तक बाँडी सक्ने छौं । माथिल्लो कक्षाहरुको राष्ट्रिय स्तरका कुराहरलाइ पनि समेटने छौं ।
उनले भने सबै बच्चाहरुलाइ पुस्तक पुग्ने हिसाबसे छपाइ गरेका हौ । नपुग भएको खण्डमा हामीले अझै व्यवस्थापन गरी वितरण गर्ने बताउनु भयो । पुस्तकमा परिमार्जित गर्ने लैजाने पनि बताउनु भयो । हरेक अभिभावक र यस नपा बाहिरको व्यक्तीहरुलाइ पनि पुस्तक एकचोटी अध्ययन गर्न अनुरोध गर्नु भयो । यस बाट अन्य पालिकाले केही कुरा सिकेर अभिप्रेरित हुनेमा विश्वास व्यक्त गर्नु भयो ।

बज्जिकाञ्चल,रौतहट,भदौ ०७ गते ।
केही दिनदेखी जग्गाको विषयलाइ लिएर आफनो विरुद्ध राजनितीकरण गरी अफवाह फैलाउने काम गरिरहेको कटहरिया वडा नम्बर १ का वडा अध्यक्ष भूपेन्द्र महतो कोइरीले आरोप लगाएका छन् । पत्रकारहरु सँग कुराकानी गर्नु हुँदै उनले भने,मुख्य कुरा के हो भने? २०८० जेठ २६ गते का दिन गुजरा नगरपालिकाको कनपुर निवासी शेख मेराजुल भन्ने व्यक्तीले नगरपालिका बाट मालपोत रसिद तिरी लगेको ल्याएर वडामा निवेदन पेश गर्यो की यसको चारकिला प्रमाणीत हामीलाइ चाहियो । दुइ दिन अघि जेठ २४ गते निवेदन पेश गरेकोमा आफूले जेठ २६ गते मात्रै आफूले सिफारिस गरेको बताए ।
बिचमा केही मानिसहरु सँग आफूले जग्गाको बारेमा सोधेको बताए । उनले मैले पता लगाउँदा त्यो नदीको बगरमा रहेको बुझिन आयो । केही वृद्ध मानिसहरु सँग आफूले सोध्दा धेरै वर्ष अघि त्यो ठाउँमा गाउँ थियो । अहिले त्यो ठाउँ बाट बस्ती सरेर अन्य ठाउँमा बसी सकेको छ । यो सब कुरा थाहा पाएपछि मैले जिल्ला प्रशासन कार्यालयमा प्रमुख जिल्ला अधिकारी सँग सम्पर्क गर्न खोजे । वहाँ सँग सम्पर्क भएन । पछि मैले त्यहाँको कर्मचारी सुब्बा रामनरेश साह सँग सोधे कि यस्तो कुरा छ । यसमा मलाइ चार किला प्रमाणित गर्न मिल्छ कि मिल्दैन् ?
वहाँले भन्नु भयो की जब तपाइ लाइ जब सम्बन्धित व्यक्तीले मालपोत रसिद छ,कागजातहरु पेश गरेका छन् भने प्रमाणित गर्न मिल्छ । त्यो आधारमा मैले केही व्यक्तीहरु सँग पता लगाइ सिफारिस गरि दिए । सिफारिस गरेपनि सम्बन्धित व्यक्तीहरुलाइ त्यो जमिन बारे पता लगाउन जानकारी पनि गराए ।
चार दिन अघि यस विषयमा वडामा बैठक बसेको थियो । त्यसमा म सँग यस विषमा सोधियो मैले विस्तृत रुपमा जानकारी गराए । वहाँहरुले नक्कसाको सिफारि गरि दिन कुरो गर्न भयो । मैले त्यो पनि गरि दिए कि तपाइहरु गएर उसको लालपुर्जा सहि हो कि के हो? पता लगाउनुस् । केही व्यक्तीहरुले आफूले जग्गा बिक्री गरेको भनि आरोप पनि लगाए ।
यस विषयमा आज बिहान गाउँमा पञ्चायती बसेको थियो । आफू सँग कागजात माग गरियो । त्यसपछि मैले कर्मचारी पठाइ आफूले त्यो जग्गा सम्बन्धि कागजात देखाउन खोज्दा रामअज्ञा भन्ने व्यक्तीले हात बाट कागजात खोसी च्याती दिए । तत्पश्चात हल्ला बबाल भयो प्रहरी प्रशासनको आग्रह पति म त्यहाँ बाट निस्कीहाले ।
त्यतीकै केही व्यक्तीस्हरुलाइ बोलाइ वडा कार्यालयमा तालाबन्दी गरिदिएको जानकारी गराए । मैले प्रमाणित गरेको जग्गा नदीको डैम भित्र रहेको बताए । यदी मैले बसोबास या नमरीमा सिफारिस गरेको छु भने म माथी प्रश्न उठथ्यो । मैले त्यसो गरेकै छैन् ।
मेरो भूमाफिया सँग कुनै किसिमको सम्बन्ध नरहेको प्रष्ट पारे । मैलै ऐलानी जग्गाहरुलाइ बेच्ने खेलमा लागेको छैन् । यसमा मेरो कुनै किसिमको संल्गनता छैन् । मैले कसैलाइ उठिवास लगाएको छैन् । बरु आफनो वडामा भएका सुकुम्वासीहरुलाइ निस्सा प्रमाणपत्र पनि गरेको छु । अव्यवस्थित भएका व्यत्तीहरुलाइ निस्सा वितरण गर्ने पक्षमा हामी छौं । फाइल पनि तयारी छ । ऐलानी जग्गाहरु लाइ नै वितरण गरिनेछ । यदी त्यस्तो खेलमा लागेको भएको भए सुकुम्वासीहरुलाइ जग्गा कहाँ बाट उपलब्ध गराउने भन्दै प्रश्न गरे ।
यो घटना राजनितीक माहौल खडा वडा अध्यक्षलाइ विवादमा तान्ने खेल भएको वडा अध्यक्ष महतोको भनाइ छ । यो विपक्षीहरुको षडयन्त्र रहेको उनको भनाइ छ । यस विषयमा मेरो भनाइ यो छ की जुन मानिसले जग्गा खिचोला गरेको छ । जाली रजिष्ट्री गराएको छ भने त्यसको छानबिन गरी त्यसलाइ कानुनी दायरामा ल्याउनु पर्दछ । त्यसमा आफूले पनि साथ दिन तयार रहेको उनको भनाइ छ । वडा बाट हुन सक्ने सहयोग आफू स्वंयम् सहयोग गर्न तयार रहेको बताउनु भयो ।

बज्जिकाञ्चल,रौतहट,भदौ ०६ गते ।
रौतहटको कटहरिया नगरपालिकाको एक वार्डमा तालाबन्दी गरिएको छ । सो नगपालिकाको वडा नम्बर १ को कार्यालयमा स्थानीयले तालाबन्दी गरेका छन् । वडा अध्यक्ष महतोले भूमाफियासँग मिलेर एलानी जग्गाको नक्कली कागजातको आधारमा चार किल्ला प्रमाणित गरेको आरोप लगाउँदै स्थानीयले तालाबन्दी गरेका हुन् ।
सो वडाको विभिन्न ४ कितामा रहेका नौ विगहा दश कठ्ठा जग्गाको नक्कली लालपूर्जाको आधारमा चारकिला प्रमाणित गरेको भन्दै उनीहरुले तालाबन्दी गरेका हुन् ।
वड कार्यालयमा तालाबन्दी हुँदा सेवाग्राहीहरु मर्कामा परेका छन् । उनीहरु सेवा पाउन बाट बञ्चित भएका छन् । वडा अध्यक्ष भूपेन्द्र महतो कोइरीले नगरपालिकामा मालपोत तिरेको रसिद ल्याएपछि आफुले चार किला प्रमाणित गरेको बताए ।

खड्क सुनार/न्युज कारखाना ,मुगु, ७ भदौ ।

विश्वका चार धाममध्ये छायानाथ धामको तीर्थयात्रा बिहीबारबाट शुभारम्भ भएको छ। बिहीबार छायानाथ रारा नगरपालिका–२ चैन गाउँमा रहको छायानाथ मन्दिरमा रहेका भगवान शिवजीको मूर्ती पुजारीका साथ बाजागाजा र सुरक्षाकर्मीसहित छायानाथ लगेपछि आजबाट तीर्थयात्रा सुरु भएको हो।  मुगुमकामरोङ गाउँपालिका डोल्फुमा रहेको छायानाथ मन्दिरमा लगेपछि छायानाथ धाम तीर्थयात्रा आजबाट प्रारम्भ भएको यहाँका पुजारीले बताएका छन्।

हरेक वर्ष श्रावण शुक्लपक्ष, अष्टमी तिथीका दिन जिल्लाको प्रसिद्ध देवता रुपमा छायानाथ ठाकुरको मूर्ति पवित्र धाम छायानाथमा नुहाउन लगिएसँगै छायानाथ धाम तीर्थयात्र शुरु भएको मानिन्छ। बिहीबार लगिएको शिवजीको मूर्ति जनैपूर्णीमासम्म छायानाथ मन्दिरमा रहने र दर्शनको लागि मुगुसहित कर्णालीका जिल्ला जुम्ला, हुम्ला, कालीकोट, डोल्पा, दैलेख, जाजरकोटसँगै सुदूरपश्चिम प्रदेशका बाजुरा, अछाम, डोटी लगायत जिल्लाबाट तीर्थालु दर्शन गर्न छायानाथ धाममा पुग्ने गरेका छन्।

जनैपूर्णीमामा छायानाथमा ५ दिनसम्म पूजापाठ, होम व्रत हुने गर्दछ भने त्यसमा बरदान माग्न १५ जिल्लाबाट तीर्थालु आउने गरेको छायानाथ मन्दिरका पूजारी सनत हमालले बताए। विष्णु शक्तिले झिंगा उत्पादन गरी महादेवले बोकेकी सत्यदेवीको सम्पूर्ण अंग छायानाथमा पतन भएको हुँदा त्यस ठाउँलाई छायानाथ तीर्थस्थलका रूपमा पुज्न थालिएको पुजारीको भनाइ छ।

छायानाथ मन्दिरमा जाने तीर्थालुहरूले श्राद्ध, होम, व्रतबन्ध, र आफूले चिताएको वरदान मागेर फिर्ता हुने गरेका छन्। बिहीबार प्रस्थान गरेको टोली अबको ९ दिन पछाडि अथवा परेउ पूर्णिमाको दिनमा फर्किने गर्दछ।

विशाल बस्नेत,महोत्तरी, ७ भदौ ।

कानुनलाई छल्दै जनप्रतिनिधिको रुपमा निर्वाचित भएपछि सजाय समेत नहुने आशामा चुनावी मैदानमा होमिएका लक्ष्मी महतो कोइरीले अपेक्षाकृत परिणाम नै हासिल गरे । निर्वाचनको अघिल्लो रात नेकपा एमाले प्रवेश गरेर महोत्तरी क्षेत्र नम्बर १ बाट  प्रतिनिधिसभा सदस्य चुनावमा होमिएका कोइरीले माओवादी केन्द्रका उपमहासचिव गिरिराजमणि पोखरेललाई पराजित गर्दै संसद बने । तर, उनको यो खुसी धेरै दिन टिक्न नै पाएन ।

१९ मंसिर २०७७ मा जनकपुर उच्च अदालतले ज्यान मारेको अभियोगमा उनै कोइरीलाई पुर्पक्षको लागि थुनामा राख्ने आदेश दियो । अदालतको आदेशबमोजिम कोइरी न तारेखमा गए न त थुनामा नै बसे, प्रहरीले कोइरीलाई फरार सूचीमा राख्यो ।

कानुनी छिद्राबाट संसद त बने, तर संसदीय यात्रामा भने सहभागी हुन पाएनन् । अन्ततः १९ वैसाख २०८० मा उनकै पार्टी एमालेबाट सभामुख बनेका देवराज घिमिरेले संसद पदवाट नै  निलम्बन गरे । मनोनयन समेत वारेसनामा मार्फत् दर्ता गराएका कोइरीले निर्वाचित भएको प्रमाणपत्र समेत आफूले लिन पाएनन।

…त्यसपछि फरार भए लक्ष्मी महतो कोइरी

मधेस आन्दोलन हुँदै गर्दा २५ भदौ २०७२ मा मधेसी मोर्चाका कार्यकर्ताले असई थमन विकलाई नियन्त्रणमा लिएर लाठी, लात्ती र मुक्काले कुटपिट गरी गम्भीर घाइते बनाएका थिए ।उपचारका लागि लैजाँदै गर्दा घाइते विकलाई एम्बुलेन्सबाट थुतेर धान खेतमा लगेर विभत्स हत्या गरेको आरोप कोइरीमाथ लागेको थियो । यही प्रकरणअन्तर्गत जनकपुर उच्च अदालतले कोइरीलाई पुर्पक्षका लागि थुनामा राख्ने आदेश सुनाएको हो । तर, उनी आदेश सुनाएको २०७७ देखि नै फरार छन् । सांसद बनिसकेपछी पनि पक्राउ पर्ने डरले उनी भूमिगत अवस्थामा छन् । न उनलाइ सुरक्षाकर्मीले  प्रक्राउ गर्न सकेको छ, न त पक्राउ गर्न राज्यले चासो देखाएको छ ।

जनप्रतिनिधिविहीन महोत्तरी–१

माओवादी केन्द्रका उपमहासचिव गिरिराजमणि पोखरेललाई १०३० मतले पराजित गर्दै लक्ष्मी महतो कोइरीले प्रतिनिधिसभा सदस्यमा निर्वाचित भएका थिए । निर्वाचित भएपछि एमाले अध्यक्ष केपी शर्मा ओलीको आडमा पुष्पकमल दाहाल प्रचण्डलाई विश्वासको मत दिन नयाँबानेश्वरस्थित संसद भवन पुगेका कोइरीको बाक्लै आलोचना भएपछि उनी संसद बैठकमा सहभागी नै भएनन् । फरार अभियुक्त कोइरीलाई पक्राउ गरि कारबाहीको दायरामा ल्याउनुपर्ने दवाव बढेपछी एमालेको सिफारिसमा सभामुख घिमिरेले उनको सांसद पद निलम्बन गरेका थिए । त्यसयता महोत्तरी क्षेत्र नम्बर १ सांसदविहीन बनेको छ । यो क्षेत्रबाट संसदीय नेतृत्व नै नभएपछि विकास निर्माणका कामहरु समेत चलायमान हुन नसकेको स्थानीय बताउँछन् ।

यसरी बने कोइरी एमालेको हतियार

माओवादी केन्द्रको आधार इलाका मानिने महोत्तरी क्षेत्र नम्बर १ लाई पहिलेदेखि नेकपा एमाले तोड्न चहान्थ्यो । यसका लागि उपयुक्त उम्मेदवारको खोजीमा रहेको एमालेले लक्ष्मी महतो कोइरीलाई फेला पा¥यो । उनै कोइरी  २०७४ को संघीय निर्वाचनमा पनि गिरिराजमणि पोखरेलसँग भिडेका थिए । २०७४ को निर्वाचनमा गिरिराजमणि पोखरेलले २३ हजार ७ ७६ मत ल्याउँदा लक्ष्मी महतो कोइरीले १९ हजार ४९२ मत ल्याएर पराजित भएका थिए ।

संगठनिक संरचना नै नभएको संघीय समाजवादी फोरमबाट चुनावी मैदानमा होमिएका कोइरीले यति धेरै मत ल्याएपछि नै नेकपा एमालेले उनलाई उम्मेदवार बनाएको थियो । निर्वाचनको अघिल्लो रात नेकपा एमाले प्रवेश गरेर वारेसनामा मार्फत् मनोनय दर्ता गराएको भए पनि एमालेले भने १ वर्षदेखि गृहकार्य गरेको एमालेका युवा नेता गुरु भट्टराई बताउँछन् । माओवादी हराउने अभियानअन्तर्गत कोइरीवाहेक बलियो अस्त्र नेकपा एमालेले अरुलाइ नदेखेपछि उनलाई उम्मेदवार बनाएको हो ।

किन अझै फरार छन् कोइरी ?

निर्वाचित भएको ९ महिना बितिसक्दा पनि लक्ष्मी महतो कोइरी अझै फरार अवस्थामा छन् । पुर्पक्षको लाििग अदालतले जेल चलान गर्ने आदेश जारी गरेसँगै फरार रहेका कोइरी किन अनुसन्धान प्रक्रियामा आउन चाहेका छैनन् भन्ने गम्भीर प्रश्न बनेको छ ।

कतिपयले नेकपा एमालेको निर्देशनमा नै फरार रहेको आंकलन गरेका छन् । तर, कानुन व्यवसायीहरुले भने उनी भूमिगत हुनुले घटनाका दोषी हुन् भन्ने विषयलाई आफैले प्रमाणित गरिरहेको टिप्पणी गर्छन् । यता एमालेका जिम्मेवार नेताहरूले कोइरीका शुभचिन्तक र परिवारजनलाई यो अवस्थाबाट उन्मुक्ति दिलाएर संसदको भूमिकामा नै फर्काउने आश्वासन दिँदै आएका छन् ।

केन्द्रीय सदस्य जुली कुमारी महतोले  कोइरीको गृह गाउँ पुगेर एक कार्यक्रममा उनलाई उन्मुक्ति दिलाएर नै छाड्ने बताइन् । ‘हामी लागिपरेका छौँ, जसरी पनि उन्मुक्ति दिलाएर नै छाड्छौँ,’ उनले भनिन् ।
उनको अभिव्यक्तिलाई हेर्ने हो भने पनि कोइरी एमालेको निर्देशनमा नै भ्रमिगत बनेको आरोप लागेको छ । संसदमा समेत एमालेका रघुवीर महासेठले कोइरी निर्दोष रहेको अभिव्यक्ति दिएका थिए ।

के भन्छ प्रहरी ?

उनी कहाँ छन् भन्ने विषयमा आफूहरुले निगरानी गरिरहेको प्रहरीको दावी छ । जिल्ला प्रहरी कार्यालय महोत्तरीका सूचना अधिकारी दिलीप गिरीका अनुसार कोइरीको मोबाइलसमेत ट्रयाक भइरहेको छ । कतिपयले कोइरी गृह ठाउँ निगौलमा नै रहेको बताए पनि त्यसमा कुनै सत्यता नभएको प्रहरीको भनाइ छ । ‘हामी खोजीरहेका छौँ । भेट्नासाथ पक्रन्छौँ,’ गिरीले भने, ‘तर, मोबाइलको लोकेसनअनुसार वहाँ नेपालमा भएको देखिँदैन ।’ उनलाई पक्राउ गर्न यसअघि गृहमन्त्रालयले ७७ वटै जिल्लामा सर्कुलर जारी समेत गरेको थियो । तर, उनी सांसद पदबाट निलम्बन भएपछि सुरक्षाकर्मीले उनलाइ पक्राउ गर्न बेवास्ता गरेको देखिन्छ ।

विराटनगर, ७ भदौ ।

कोशी प्रदेशसभाको चालु  तेस्रो अधिवेशन बिहीबारदेखि अन्त्य गरिएको छ । मुख्यमन्त्री उद्धव थापाको सिफारिसमा प्रदेश प्रमुख पर्शुराम खापुङ्गले प्रदेशसभाको चालु तेस्रो अधिवेशन अन्त्य गरेका हुन् ।

बुधबार राति बसेको प्रदेश सरकारकोे मन्त्रिपरिषद् बैठकले प्रदेशसभाको चालु अधिवेशन अन्त्य गर्न प्रदेश प्रमुसमक्ष सिफाारिस गर्ने निर्णय गरेको थियो । सोही निर्णयअनुसार प्रदेश प्रमुख खापुङ्गले बुधबार मध्यराति १२ बजेदेखि लागू हुने गरी अधिवेशन अन्त्य गरेका हुन् ।

इन्दीप कोइराला,बारा, ७ भदाैं ।

बाराको जीतपुरसिमरा उपमहानगरपालिका–२२ चुरियामाईमा तीर्थयात्री बोकेको बस दुर्घटना हुँदा ७ जनाको मृत्यु भएको छ ।

काठमाडौंबाट जनकपुर जाँदै गरेको मधेस प्रदेश–०३–००१ ख ७९९४ नम्बरको बस बुधबार राति करिब २ः३० बजेको समयमा दुर्घटना भएको हो । चालकसहित २६ यात्रु सवार उक्त बस चुरियामाई मन्दिरबाट १० देखि १५ मिटर दक्षिण तर्फको खोलामा खसेको  छ । साे दुर्घटनामा १७ जना घाइते भएका छन् ।

दुर्घटनामा मृत्यु हुने चार महिला र तीन पुरुष रहेको जिल्ला प्रहरी कार्यालय बाराका प्रहरी नायब उपरिक्षक दधिराम न्यौपाने जानकारी दिए । उनका अनुसार साे बसका घाइतेलाइ हेटौंडाको चुरेहिल अस्पताल र हेटौंडा अस्पतालमा उपचार भइरहेको छ ।

दुर्घटना पछि बसका चालक र सह–चालकलाई प्रहरीले नियन्त्रणमा लिई घटनाको थप अनुसन्धान कार्य भई रहेको प्रहरीको भनाई रहेको छ ।

मृत्यू भएका व्यक्तिहरुः

– १) जि. महोत्तरी लोहार पटी बस्ने अ.बर्ष ४१ को बिजय लाल पण्डित

२) हाल नाम थर वतन नखुलेको अ.बर्ष ६५ की महिला

३) हाल नाम थर वतन नखुलेको अ.बर्ष ६५÷७० को पुरुष ब्यक्ति

४) हाल नाम थर वतन नखुलेको अ.बर्ष ५५÷६० की महिला

५) देश भारत राजस्थान बस्ने अ.बर्ष ६७ को बहादुर सिंह

६) देश भारत राजस्थान बस्ने अ.बर्ष ६५ की मिरा देबी

७) हाल नाम थर वतन नखुलेको अ.५५÷६० की महिला

घाईतेहरुः–

१) देश भारत राजस्थान बस्ने अ.४८ को घनश्याम चतुरबेदी

२) जिल्ला महोत्तरी जलेश्वर न.पा.बस्ने अ.बर्ष ३८ को बिहारी मुखीया

३) जिल्ला धनुषा मौवा गा.पा.१८ जनकपुर बस्ने अ.बर्ष ४१ को घुरन मण्डल

४) जिल्ला महोत्तरी लोहारपति न.पा.५ बस्ने अ.बर्ष २६ को जसबेन्दर पासवान

५) देश भारत राजस्थान बस्ने अ.बर्ष ५३ की माया देबी

६) ऐ.ऐ.बस्ने अ.बर्ष ३५ को अनिल कुमार

७) ऐ.ऐ.बस्ने अ.बर्ष ५० को तारा वती चतुरबेदी

८) निजकै नातिनि अ.बर्ष ९ की क्रितिका चतुरबेदी ।

९) ऐ.ऐ.बस्ने अ.बर्ष ४८ को श्याम लाल माली

१०) ऐ.ऐ.बस्ने अ.बर्ष ४७ को हरवारी माली

११) ऐ.ऐ.बस्ने अ.बर्ष ७० की चौथी देबी

१२) ऐ.ऐ.बस्ने अ.बर्ष ७२ को सुरेस चन्द्र चक्रवती

१३) ऐ.ऐ.बस्ने अ.बर्ष ७३ को राम प्रसाद

१४) देश भारत राजस्थान बस्ने अ.बर्ष ६३ को धरम सिंह

१५) ऐ.ऐ.बस्ने अ.बर्ष ६० की ईन्दु धाकद

१६) ऐ.ऐ.बस्ने अ.बर्ष १६ की गर्बिदा चतुरबेदी

१७) ऐ.ऐ.बस्ने अ.बर्ष ५४ को राम कुमार चतुरबेदी ।