काठमाडौं, ८ जेठ । नेपाल क्रिकेट संघ (क्यान)ले विश्वकप छनोटका लागि २२ सदस्यीय प्रारम्भिक टिमको घोषणा गरेको छ ।
जिम्बावेमा आगामी १८ जुनदेखि १९ जुलाईसम्म हुने छनोट प्रतियोगिताका लागि क्यानले प्रारम्भिक टिमको घोषणा गरेको हो । टिममा कुशल भुर्तेल, आसिफ शेख, ज्ञानेन्द्र मल्ल, रोहित पौडेल (कप्तान), कुशल मल्ल, आरिफ शेख, दिपेन्द्रसिंह ऐरी, गुल्सन झा, सोमपाल कामी, करण केसी, सन्दीप लामिछाने, भीम सार्की, प्रतिश जिसी, ललित राजवंशी, अर्जुन साउद, सन्दीप जोरा, देव खनाल, किशोर महतो, सूर्य तामाङ, कमलसिंह ऐरी, श्याम (मौसम) ढकाल र अभिनास बोहरा रहेका छन् ।
नेपालले गत चैतमा सम्पन्न लिग २ श्रृंखनाको शीर्ष तीनमा रहँदै सोझै विश्वकप छनोटमा स्थान बनाएको थियो । जिम्बाबेमा हुने छनोट प्रतियोगिता नेपालसहित ८ टिमको सहभागिता रहनेछ ।
काठमाडौं, ८ जेठ
प्रहरीले नक्कली भुटानी शरणार्थी प्रकरणमा ३३ जनाविरुद्ध मुद्दा चलाउन सरकारी वकिललाई राय दिएको छ ।
प्रहरीले जिल्ला सरकारी वकिल कार्यालय काठमाडौंलाई नेपाली नागरिकलाई भुटानी शरणार्थी बनाएर अमेरिका पठाउने नाममा ठगी गरेको आरोपमा पक्राउ परेकाहरूलाई संगठित ठगी र राज्यविरुद्धको कसूर मुद्दा चलाउन राय दिएको बताइएको छ ।
जिल्ला सरकारी वकिल कार्यालय काठमाडौंका प्रमुख अच्युतमणि न्यौपानेका अनुसार मुद्दामा प्रहरीले अनुसन्धान सकेर रायसहितको प्रतिवेदन सरकारी वकिल कार्यालय, काठमाडौंलाई बुझाएको हो ।
मुद्दा चलाउन राय दिइएका ३३ जनामध्ये ३० जनाको नामथर र ठेगाना खुलेको छ भने एक जनाको नाम खुलेको छ । अरु दुई जनाको भने नामथर र ठेगानासमेत खुलेको छैन ।
अभियुक्तहरुबाट २७ करोड ८४ लाख ५० हजार ५०० रुपैयाँ विगो माग दाबी गर्न राय दिइएको प्रहरीको भनाइ छ ।
आरके श्रीवास्तव, रौतहट, जेठ ८ गते ।
रौतहटको गरुडा नगरपालिका वडा नम्बर ५ स्थित रहेको प्रसिद्ध धार्मिक स्थल शिवनगर धाम महादेव मन्दिरमा स्नान घर र शौचालय निर्माण हुने भएको छ । सो मन्दिरमा दर्शानार्थीहरुका लागि ब्यवस्थित चेन्जिङ्ग रूम (स्नान घर) र शौचालय निर्माणका लागि आज (सोमबार) को एक कार्यक्रमका बीच गरुडा नगरपालिकाका नगरप्रमुख कन्थमनीप्रसाद जयसवाल र वडा नम्बर ५ का वडा अध्यक्ष रामबिनोद साहले संयुक्त रूपमा शिलान्यास गरेका छन् ।
सो मन्दिरमा श्रद्धालुहरुको घुँइचो हुँदै आएको तथा देश विदेशबाट भक्त जनहरु दर्शन गर्न शिवनगर मन्दिरमा आउने गरेका छन् । तर मन्दिरामा व्यवस्थित शौचालय नरहेको मध्यनजर गर्दै आज स्नान घर र शौचालय भवनको शिलान्यास गरेको गरुडा नगरपालिकाका नगर प्रमुख जयसवालले बताएका छन् ।
उनका अनुसार नगर स्तरिय योजनाबाट २० लाखको लागतमा शौचालय र चेन्जिङ्ग घर निर्माण हुन लागेको उपभोक्त्ता समितिका अध्यक्ष रामाकान्त राउतले जानकारी गराएका हुन् । शिलान्यास कार्यक्रममा वडा नम्बर २ का वडा अध्यक्ष कृष्णनन्दन सहनी , वडा सदस्यहरु, स्थानीय बुद्धिजीवी डा.नन्दकिशोर झा, एमाले नेता करिमुल्लाह, शिव मन्दिरको महन्त कृष्णदेव गिरि, कार्यपालिका सदस्य द्रुव गिरि, भुपु.मुखिया रामाकान्त राउत, कार्यपालिका सदस्य ध्रुव साह, वडा नम्बर ६ का अध्यक्ष रामबाबु चौधरी तथा स्थानीयहरु लगायतको उपस्थिति रहेको थियो ।
काठमाडौ, ८ जेष्ठ ।
रावा इनर्जी डेभलपमेन्ट कम्पनीले जेठ १८ गतेदेखि सर्वसाधारणका लागि आइपीओ बिक्री खुला गर्ने भएको छ ।
कम्पनीले ८ करोड ४० लाख रुपैयाँ बराबरको ८ लाख ४० कित्ता आइपीओ जारी गर्न लागेको हो । यो मध्य ५६ लाख कित्ता वैदेशिक रोजगारीमा रहेका नेपालीका लागि निष्कासन गरिसकेको छ ।
साथै, आयोजना प्रभावित क्षेत्रका स्थानीय बासिन्दालाई ८७ हजार ६७० कित्ता सेयर बाँडफाँट गरेको थियो । उक्त समयमा स्थानीय बासिन्दाले खरिद नगरेको १ लाख ९३ हजार कित्ता थप गरी सर्वसाधारणको लागि ६ लाख ९६ हजार ३३० कित्ता सेयर जारी गर्न लागेको हो । यसमध्ये कर्मचारीलाई १५ हजार ४७ कित्ता र सामूहिक लगानी कोषका लागि ३७ हजार ६१६ कित्ता सेयर छुट्याइएको छ । बाँकी ६ लाख ४३ हजार ६६७ कित्ताका लागि सर्वसाधारणले आवेदन दिन सक्नेछन् ।
यसमा जेठ २२ गतेसम्म आवेदन दिन सकिनेछ । सो अवधिमा सबै सेयर बिक्री नभएमा जेठ ३२ गतेसम्म आवेदन दिन सक्ने कम्पनीले जनाएको छ ।
लगानीकर्ताले यसमा न्यूनतम १० कित्तादेखि अधिकतम १० हजार कित्ताको लागि आवेदन दिन सक्नेछन् । सी–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सकिने छ । यो आइपीओमा प्रभु क्यापिटल बिक्री प्रबन्धक रहेको छ । रेटिङ एजेन्सी केयर नेपालले रावाको आइपीओलाई केयर एनपी इस्यूअर रेटिङ डबल बी रेटिङ प्रदान गरेको छ ।
काठमाडौ, ८ जेष्ठ ।
नेपाल राष्ट्र बैंकले आजको बिनिमय दर सार्वजनिक गरेको छ।
जसअनुुसार आज अमेरिकी डलर एकको खरिद दर १३१.९६ रुपैयाँ रहेको छ भने बिक्री दर १३२.५६ रुपैयाँ रहेको छ ।
त्यस्तै युरोपियन युरो एकको खरिद दर १४२.५७ रुपैयाँ रहेको छ भने बिक्री दर १४३.२२ रुपैयाँ रहेको छ ।
यता बेलायती पाउन्ड स्टर्लिङ एकको खरिद दर १६४.२४ रुपैयाँ रहेको छ भने बिक्री दर १६४.९८ रुपैयाँ रहेको छ ।
अस्ट्रेलियन डलर एकको खरिद दर ८७.७७ रुपैयाँ रहेको छ भने बिक्री दर ८८.१७ रुपैयाँ रहेको छ ।
यसैगरी, साउदी रियाल एकको खरिद दर ३५.१९ रुपैयाँ रहेको छ भने बिक्री दर ३५.३५ रुपैयाँ रहेको छ ।
मलेसियन रिंगिट एकको खरिद दर २९.०८ रुपैयाँ रहेको छ भने बिक्री दर २९.२१ रुपैयाँ रहेको छ ।
यस्तै, साउदी रियाल १ को खरिददर ३५ रुपैयाँ १९ पैसा छ, बिक्री दर ३५ रुपैयाँ ३५ पैसा छ भने मलेसियन रिङ्गिट १ को खरिददर २९ रुपैयाँ ०८ पैसा छ भने बिक्री दर २९ रुपैयाँ २१ पैसा छ।
साउथ कोरियन वन १०० को खरिददर ९ रुपैयाँ ९५ पैसा छ भने बिक्री दर ९० रुपैयाँ रहेको राष्ट्र बैंकले जनाएको छ।
अशोक पहाडी,रौतहट,७ जेठ ।
ढुंगा मुनी लुकाएर लादै गरेको अवस्थामा सशस्त्र प्रहरीले सालको गोलिया बरामद गरेको छ । चन्द्रपुर नगरपालिका वडानं ३ को गैडाटारबाट लोड गरेर चन्द्रपुर १० स्थित बालचनपुरको एक चिरान मिलमा लाँदै गरेको अवस्थामा ट्रेक्टर बरामद भएको हो ।
बालचनपुरमा चिरान मिल संचालन गरेर बसेका मुकेश साहले पाँच थान सालको गोलिया ट्रेक्टर लोड गरेर त्यस माथि ढुंगा राखेर लाँदै गरेको सुराकीका आधारमा सन्तपुर स्थित सशस्त्र बेसका प्रहरी सहायक निरीक्षक हवल्दार साह कानुको नेतृत्वको टोलीले ना ४ त ८३६६ नम्बरको काठ लोड ट्रेक्टर बरामद गरेर डिभिजन वन कार्यालय चन्द्रनिगाहपुरमा बुझाएको हो ।
ट्रेक्टर चालक चन्द्रपुर १० का २३ बर्षका फिरोज मन्सुरी पक्राउ परेपनि ट्रेक्टर धनी तथा चिरान मिल संचालक मुकेश साह भने सशस्त्र प्रहरीलाई देख्ना साथ भागेका थिए । वन कर्मचारी र बाटोमा पर्ने सन्तपुर प्रहरी चौकी
,डुमरिया प्रहरी चौकीलाई मिलाएर साहले यस भन्दा पहिला पनि ढुंगाले छोपेर सालको गोलिया चोरी गर्ने गरेको स्थानीयको भई रहेको छ । बरामद भएको ५० क्युफिट काठ ट्रेक्टर र चालक माथि आवश्यक अनुसन्धान भईरहेको डिभिजन वन कार्यालय चन्द्रनिगाहपुरमा सशस्त्र वन रक्षक तथा जम्दार बिनोद श्रेष्ठले बताए ।
तराई एक्सप्रेस
प्रेमचन्द्र झा,राैतहट,जेठ ०७ गते
गाैर भन्सार कार्यालयमा स्थानियको सिन्डिकेट बाट चल्ने गरेको स्थानिय कर्मचारीहरुले आरोप लगाएका छन । गाैर भन्सार कार्यालयको एजेन्टका रुपमा रहेका केही एजेन्टले नै दादागिरी चलाएका हुन। एक कर्मचारीले भने “दादा” ले नचाहदैमा गाैर वडा नम्बर १ का केही परिवार वाहेक न लिलाम सकार गर्न पाउंछ ।
लिलामी सकार गरि सकेका समान समेत उठाउन सक्दैन्न। हामी सुचना टांस गरि रहेका हुन्छाै तर भन्सार एजेन्ट रुपी दादाको दहसतले गाैर बाहिर मानिसको सहज आवागमन नै छैन । भित्र आएर पनि के गर्ने समान लिन सकदैन । लिए पनि बाहिर लैजान सकदैन उनले भने । भन्सार विभागले दिएको राजश्व उठाउने लक्ष्य समेत यसै कारणले पूरा भईरहेको छैन ।कमि कमजोरीले ताेकेको राजश्व नउठनु देशकै आर्थिक नोक्सानी भईरहेका छन ।
भन्सारमा समान उठाउन अघाेषित सिन्डिकेट ताेडन सराेकारवालाकाे गम्भीर ध्यानाकर्षण हुन जरुरी रहेकाे कार्यरत कर्मचारीले माग गरेका छन । विभिन्न मुद्दामा पक्राउ गरि लिलाम लागि थन्क्याएर राखिएको करिब २ हजार माेटर साईकलले अस्तव्यस्त भएका छन ।गाैर भन्सार क्षेत्रमा रहेको प्रहरी चाैकी मोटर साइकलले पुरिएका छन ।
२१लाखको १३ सय बोरा युरीयामल १० लाख रुपैयामा लिलाम गरे पछी गाैर भन्सार कार्यालय निकै चर्चा पाएका छन । सो घटना बारे जिल्ला प्रशासन कार्यालय राैतहटका प्रमुख जिल्ला अधिकारी धर्मेन्द्र कुमार मिश्र सहितले अनुसन्धान गरिरहेका छन ।
गाैर भन्सारको मल लिलामीमा समेत भन्सार एजेन्ट पवन साहले ठुलो चलखेल गरि हाल फरार रहेको जिल्ला प्रशासन कार्यालय राैतहट स्रोतले बताए । यसबारे भन्सार प्रमुख वादेव नेपाल संग बुझदा यहाँ दुई जना एजेन्ट छन । पवन साह र काैसल साह दुवैको कमिकमजोरी बारे सूक्ष्म तवरले अनुसन्धान हुने वताए ।
चन्द्रपुर,८ जेठ ।
जिल्लाको चन्द्रनिगाहपुरमा रहेको माछापुछ्रे बैकको शाखाबाट एक सेवाग्रहीको ९ लाख रकम गायब भएको छ । आईतबार ८ लाखको चेक साट्न गएका बृन्दावन नगरपालीका(३ का रामेश्वरराय यादबको खाताबाट रहस्यमय तरिकाले रकम ९ लाख गायब भएको हो । अघिल्लो दिन सम्म उनको खातामा १२ लाख २० हजार रकम जम्मा थियो । पुर्व वडा अध्यक्ष समेत रहेका यादवको खाताबाट एकाएक रकम गायव भएपछि दिनभर ठुलो संख्यामा आएका स्थानीय बासिन्दाले बैंक घेराउ गरेका थिए ।
बिहिबार बिहान उनले १२ लाख २० हजार रकम माछापुछ्रे बैंकमाजम्मा गर्न चेक (क्लिरियन्समा) दिएका थिए । शुक्रबार दिउसो ३ बजे उनको खाता नम्बर ७५००६५३८२८०००१४ मा पैसा जम्मा भएको मोबाईलमा म्यासेज समेत आएको थियो । आईतबार ८ लाखको चेक लिएर साट्न गएका यादबको खाताबाट ९ लाख पैसा गायब भएको बैंकका कर्मचारीले जानकारी दिए पछि उनी मुर्छित भए ।
त्यस पछि उनी बैंकको शाखा प्रमुख रामजी दासलाई भेटर खाताबाट कसरी पैसा गायब भयो भनेर सोध्न थाले । प्रमुख दासले ह्याकरले पैसा लगेको जवाफ दिए । ‘ह्याकरले यादबको खाताबाट पैसा तानेको छ,‘दासलेभने,‘यसमा हामि केही गर्न सक्दैनौ ।’ सेवाग्रहीको खाताबाट रकम गायब भएको जानकारी पाए पछि पनि प्रमुख दास जिम्मेवारीबाट पन्छिन खोजेका छन् ।
दासले खातावालाई आफै पत्ता लगाउनु भने पछि बैंकमा पिडितका आफन्तले केही बेर होहल्ला गरेका छन् । त्यस पछि बैंकमा तनाब भएको थियो । साझ सम्म पिडितका आफन्तहरु ठुलो संख्यामा बैंकमा जम्मा भएका छन् ।
ईलाका प्रहरी चन्द्रनिगाहपुरबाट प्रहरीको टोली पुगे पछि घट्ना बारे अनुसन्धान थालेको जनायो । पिडित यादबले बैंककै कर्मचारीको मिलोमतोमा पैसा गायब भएको आरोप लगाए ।
‘मेरो खाताबाट पैसा गायब भएको भनेर बिहानै जानकारी गराउदा समेत बैंक प्रमुख दासले बेवास्ता गरेका छन्,‘उनलेभने,‘खाताबाट धमाधम रकम निस्कदा बैंकले रोक्न सकेन् । यसैमा मिलोमतो छ ।’ यादबको खाताबाट पैसा निकालीएको सुचना पाए पछि प्रमुख दास चुप बसेका थिए । त्यस पछि पिडित आक्रोसित बनेका हुन् ।
उनको खाताबाट ९८६०१०१०२२, ९८०१५३३५४२, ९८२५०७४४०० र ९८२४२५५६३१ नम्बरको मोबाईल प्रयोग गरि रकम निकालेको पाइएको छ । यादबको खाताबाट निकालेको रकम सिटिजन, सानीमा बैंकमा टूान्सफर भएको प्रमुख दासले जानकारी दिए । बैंक स्टेटमेन्ट माग्दा समेत बैंकले आनाकारी गरे पछि शंकाको घेरामा राख्दै गायब भएको पैसा खोज्न दबाब दिएको हो । ईलाका प्रहरी चन्द्रनिगाहपुरका डिएसपि एकनारायण कोईरालाले यादबको खातबाट रकम गायब भएको बारे अनुसन्धान थाल्ने बताए । ‘हामि अतिनै सम्बेदनसिल भएर घट्नाको अनुसन्धान थाल्छौ,’ उनलेभने,‘यसमा जसजसको सलग्नता भेटिन्छ सबैलाई कानुनको दायरामा ल्याउछौ ।’
घट्ना बारे मधेशप्रदेशका डिआईजी जनक भटराईले समेत चासो देखाएका छन् । बृन्दावन नगरपालीकाका पूर्व मेयर रामस्नेही राय याबद एमाले नेता प्रेम शंकर यादब लगायत पिडितका आफन्तहरुले बैक प्रमुख दास जवाफदेही नभएको भन्दै माथिल्लो निकायमा जाने बताएका छन् । पिडित बै.क कर्मचारी बिच राती १० बजे सम्म पनि सहमती हुन नसकेपछि आज सहमती र अनुसन्धानको प्रक्रिया अगाडी बढाउने गरी राती कुरा मिलेको थियो ।तराई एक्सप्रेस
प्युठान, ८ जेठ ।
नमा लागेको डढेलको बस्तिमा पस्दा ११ घर जलेर नष्ट भएका छन् ।
प्यूठानको स्वर्गद्वारी नगरपालिका–२ धनवाङस्थित जंंगलमा लागेको डढेलो बस्तीमा पसे पछि सो आगलागीमा परेर ११ घर जलेर नष्ट भएका हुन ।
जिल्ला प्रहरी कार्यालयका अनुसार आइतबार साँझ नजिकको धाइरेनी सामुदायिक वनमा सल्किएको आगो नजिकको मानवीय बस्तीमा पस्दा ११ घर तथा ८ गोठ जलेर नष्ट हुन पुगेको हो ।
सामुदायिक बनमा लागेको डढेलो बस्तीमा पस्दा घर र गोठ जले पनि मानवीय क्षतिको भने कुनै जानकारी प्राप्त भईसकेको छैन । यद्धपी, स्थानीयसहित नेपाल प्रहरी र नेपाली सेनाको सहयोगमा आगलागी नियन्त्रण लिइएकाे छ । सो आगलागीवाट कति क्षति भयो ? त्यसको मुल्याङकन गर्ने कार्य भईरहेको जनाईएको छ।
रमेश कुमार यादव,राैतहट,जेठ ०७ गते
रौतहट जिल्लाको गरूडा नगरपालिकाकाे बसबिट्टी जिंगडियामा रहेको नेपाल पुलिस स्कुलमा स्वागत तथा उद्धघाटन कार्यक्रम सम्पन भएको छ । जिल्लाको गरुडा नगरपालिकाको वडा नम्बर ८ बसबिट्टि जिगडिया अन्तर्गत पर्ने नेपाल प्रहरी स्कुलमा बाहिरबाट आउनु भएका अतिथिहरुलाई स्वागत तथा उद्धघाटन समेत गरिएको छ ।
स्वागत तथा उद्धघाटन कार्यक्रमको प्रमुख अतिथि बिधालयका संरक्षक तथा प्रहरी नायब महानिरिक्षक तथा मधेश प्रदेश प्रहरी कार्यालय प्रमुख जनक भट्टराई रहनु भएका थियाे भने कार्यक्रमको बिशिष्ट अतिथिकाे रूपमा नेपाल प्रहरी श्रीमति संघका अध्यक्ष श्रीमति लक्ष्मी कुँवर रहनु भएको थियो ।
कार्यक्रममा नेपाल पुलिस स्कुलका बिधार्थीहरुले फुलमाला तथा खादा ओढाएर स्वागत गरेका थिए । कार्यक्रममा प्रमुख अतिथि भट्टराईले बिधालयमा उपस्थित रहेका सम्पुर्ण बिधार्थी भाईबिहिनीहरुको उज्जवल भविष्यको लागी कामना गर्दै सफलता मिलोस भनि शुभकामना दिनु भएकाे थियाे ।
डिआईजि भट्टराईले भने बिधार्थीहरु हाम्रो देशको कर्णधार रहेको कारण आउँदो दिन यस बिधालयबाट अध्यन गरेर जाने बिधार्थीले देशको कुनै पनि क्षेत्रमा राष्ट्रको मान सम्मान बढाउन हौसला प्रदान गर्नु भएको थियो ।
त्यस्तै सोहि कार्यक्रमको बिशिष्ट अतिथि तथा नेपाल प्रहरी श्रीमति संघका अध्यक्ष कुँवरले भने नेपाल प्रहरी कल्याण कोषबाट संचालित बिधालयहरुमध्येबाट मधेश प्रदेश अन्तर्गत रहेको नेपाल पुलिस स्कुल गरुडा रौतहटको योजना अनुरुप एनपिएस स्कील हवको उद्धघाटनले बिधालयमा हुने कार्यक्रमबाट झन सहयोग मिल्ने बताउनु भयो ।
सोहि कार्यक्रम अन्तर्गत बिधालयका गतिबिधिहरुको पनि निरिक्षण समेत गरिएको थियाे । बाहिरबाट आउनु भएका अतिथिहरुलाई मैथिलकलाद्धारा तयार पारिएको बिभिन्न किसिमको तस्बिरहरुको बारेमा जानकारी दिएका थिए भने हाम्रो ठाउँमा लोप हुँदै गईरहेको नेपाली परिकारहरुको पनि बिधार्थीहरुले उजागर गराएका थिए ।
कार्यक्रम प्रमुख अतिथि तथा बिशिष्ट अतिथिले संयुत्त रुपमा एनपिएस एग्रो फार्मको उद्धघाटन गर्नुको साथै १५ प्रकारका बिरुवाहरुको बृक्षारोपन गरेका थिए । स्वागत तथा उद्धघाटन कार्यक्रममा ईलाका प्रहरी कार्यालय गरुडा प्रहरी नायब निरिक्षक ओमप्रकाश पाण्डे ,एक नरायाण काईराला ,जिल्ला प्रहरी कार्यालय रौतहटका प्रहरी प्रवक्ता उमाशंकर प्रसाद यादब ,नेपाल पुलिस स्कुलका बिधार्थीहरु लगायत पत्रकारहरुको सहभागित रहेको थियो ।
