काठमाडौं, २३ वैशाख
संघीय संसद्को बजेट अधिवेशन भोलिदेखि सुरु हुने भएको छ । संसद्का दुवै सदनको बैठक आइतबार अपराह्न ४ बजे बस्ने गरी बोलाइएको हो ।
राष्ट्रियसभाको १४औं अधिवेशनको पहिलो बैठक बस्न लागेको हो । प्रतिनिधिसभाको भने यो दोस्रो अधिवेशनको पहिलो बैठक हो । नयाँ बानेश्वरस्थित संघीय संसद् भवनमा बैठक बस्नेछ ।
संसद्को यो अधिवेशनबाट सरकारका नीति तथा कार्यक्रम र नयाँ बजेट पारितलगायत कार्य गरिनेछ ।
आइतबारको बैठकका लागि विभिन्न कार्यसूची तय गरिएको छ । प्रतिनिधिसभा बैठकको सुरुआतमा सभामुख देवराज घिमिरेले राष्ट्रपति रामचन्द्र पौडेलबाट प्राप्त अधिवेशन आह्वानसम्बन्धी पत्रको व्यहोरा पढेर सुनाउनेछन् ।
सभामुखले नै राष्ट्रपतिको कार्यालयबाट प्राप्त मन्त्री पदमा नियुक्तिसम्बन्धी पत्रहरूको व्यहोरा पढेर सुनाउनेछन् ।
त्यसपछि सभामुखले सभामुखको अनुपस्थितमा बैठकको अध्यक्षता गर्न सदस्यहरूको मनोनयन गर्ने सम्भावित कार्यसूची छ ।
यस्तै, कानुन, न्याय संसदीय मामिलामन्त्री धनराज गुरुङले ‘मुलुकी संहितासम्बन्धी केही नेपाल ऐनलाई संशोधन गर्ने अध्यादेश, २०८०’ पेस गर्नेछन् ।
अर्थमन्त्री डा. प्रकाशशरण महतले ‘आ.व. २०८०/०८१ को लागि विनियोजन विधेयकका सिद्धान्त र प्राथमिकता सम्बन्धमा (कर प्रस्तावबाहेक)माथि छलफल गरियोस्’ भनी प्रस्ताव प्रस्तुत गर्ने सम्भावित कार्यसूची रहेको संसद् सचिवालयले जनाएको छ ।
पोखरा ।
पोखरामा शनिबार हिमालयन एक्स्ट्रिम ट्रायथलन भएकाे छ।
दोस्रो संस्करणको सो ट्रायथलनमा २२ देशका ३६ खेलाडीले सहभागिता जनाउँदै छन् ।
हिमालयन एक्स्ट्राई नेपालको आयोजना तथा नेपाल ट्रायथलन संघको प्राविधिक सहयोगमा सो प्रतियोगिता सुरु भएकाे हाे ।
हिमालयन एक्स्ट्राई निर्देशक रिक्की योन्जनका अनुसार सो प्रतियोगितामा अमेरिका, रसिया, अस्ट्रेलिया, नेदरल्याण्ड, बेलायत, ग्रिस, चेक रिपब्लिक र भारत लगायतका मुलुकका ५ महिलासहित ३१ जना पुरुष खेलाडीले सहभागिता जनाउने छन् ।
आयोजकका अनुसार शनिबार फेवातालमा ३ ८ किमी लामो पौडीबाट सो प्रतियोगिता सुरु हुनेछ भने लगतै १७५ किमि साइकल दौड सुरु हुनेछ।
पोखरा लेकसाईडबाट सुरु हुने सो साइकल दौड सराङकोट–पर्वतको कुस्मा–बागलुङ कालिका हुँदै पुन: फर्किएर कास्कीको काँडेमा पुगेर सम्पन्न हुने जनाईएको छ ।
सो साइकल दौड प्रतियोगिता पछि ४३ किमी लामो दौड सुरु हुनेछ। काँडे हुँदै ४ हजार मिटरको मर्दी हिमाल भ्यू पोइन्टलाई छुँदै माछापुच्छ्रे गाउँपालिकाको ल्वाङमा पुगेर सम्पन्न हुनेछ ।
सो प्रतियोगिता पुरा गर्न करिब १८ देखि २२ घन्टा लाग्न सक्ने आयोजकले अनुमान गरेका छन भने प्रतियोगितामा करिब १ करोड खर्च हुुने अनुमान आयोजकको रहेको छ ।
काठमाडौं, २३ बैशाख ।
संघीय संसद अन्तर्गतका दुवै सदनक बैठक भोली आइतबार देखी सुरु हुदैँछ ।
पुष्पकमल दाहाल प्रचण्डको मन्त्रीपरिषदको सिफारिसमा राष्ट्रपति रामचन्द्र पौडेलले दुवै सदनको बैठक आब्हान गरेका हुन ।
प्रतिनिधिसभा र राष्ट्रिय सभाको बैठक दिउँसो ४ बजे बस्ने संघीय संसद सचिवालयमा महासचिव भरतराज गौतमले जानकारी दिएका छन् ।
आगामी जेठ १५ गते आउने आर्थिक बर्ष २०८०/२१ को बार्षिक बजेट तथा सो अघि आउने नीति तथा कार्यक्रमका बारेमा दुवै सदनका बैठकमा प्रारम्भिक छलफल हुनेछ ।
काठमाडौं, २३ बैशााख ।
मिटर ब्याँज पीडित एक महिना देखी धर्नामा बसेका छन् ।
गत चैत २९ देखी काठमाडौं रत्नपार्कस्थित खुल्ला स्थानमा धर्नामा बसेका मिटरब्याज पीडितलाई भने सरकारले अझै सम्बोधन गर्न सकेको छैन् ।
पटक पटक बार्ता भए पनि मिटर ब्याज पीडितले धर्नालाई भने जारी राखेका छन । सरकारले मिटरब्याजी पीडितको पक्षमा छानविन गर्न जाँचबुझ आयोग समेत बनाएको भए पनि आयोग बनाएर मात्रै न्याय नहुने भन्दै तत्काल कारबाही प्रक्रिया अघि बढाउनु पर्ने माग राख्दै मिटरब्याज पीडितले धर्ना जारी राखेका हुन् ।
जाली तमसुक च्यात्नु पर्ने तथा पिडकलाई तत्कालै कारबाही गर्नुपर्नेलगायतका माग राखेर उनीहरुले धर्नालाई निरन्तरता दिएका हुन । सरकारले हालै अध्यादेशमार्फत मिटर ब्याँजमा संलग्नहरुलाई ७ बर्षसम्म जेल सजाय दिने निर्णय भने लिईसकेको छ ।
मिटर ब्याँज पीडितहरुले आफुहरुलाई सरकारले वेवास्ता गरेको गुनासो नेपाल समाजवादी पार्टीका अध्यक्ष बाबुराम भट्टराईसमक्ष राखे पछि उनले सो बिषयलाई राजनीतिक रुपमा सम्बोधन गनुपर्ने जनाएका थिए ।
काठमाडौं, २३ बैशाख ।
हाल देशमा पश्चिमी वायुको साथै स्थानीय वायुको प्रभाव रहेको छ।
जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशभर सामान्य बदली रहेको छ ।
दिउँसो सुदूरपश्चिम प्रदेश र कर्णाली प्रदेश लगायत अन्य प्रदेशका पहाडी भू-भागमा आंशिक देखि सामान्य बदली रही देशका बाँकी भू-भागमा आंशिक बदली देखि मौसम सामान्यतया सफा रहने छ।
कोशी, बागमती र गण्डकी प्रदेशका पहाडी भू-भागका एक दुई स्थानमा मेघ गर्जनरचट्याङ्ग सहित क्षणिक वा हल्का वर्षाको सम्भावना रहेको छ।
रातीː सुदूरपश्चिम प्रदेश र कर्णाली प्रदेश लगायत अन्य प्रदेशका पहाडी भू–भागमा आंशिक देखि सामान्य बदली रही देशका बाँकी भू-भागमा आंशिक बदली देखि मौसम सामान्यतया सफा रहने छ।
कोशी प्रदेश, गण्डकी प्रदेश कर्णाली प्रदेश र सुदूरपश्चिम प्रदेशका पहाडी भू–भागका एक दुई स्थानमा मेघ गर्जन र चट्याङ्ग सहित क्षणिक वा हल्का वर्षाको सम्भावना रहेको छ।
बज्जिकाञ्चल,गरुडा,वैशाख २२ गते
रौतहटको गरुडा नगर उद्योग वाणिज्य संघको साधारण सभा र नव निर्मित भवनको उदघाटन कार्य स्थगीत भएको छ । आज हुने भनिएको साधारण सभा र उदघाटन कार्यक्रम संघको केही सदस्यहरुको विरोधका कारण शान्ति सुरक्षाको ख्याल राखि सो कार्यक्रम अर्को सूचना प्रकाशन नहुनजेल सम्मका लागि स्थगित गरिएको अध्यक्ष हरेन्द्र प्रसाद चौधरीले जानकारी गराएका हुन् ।
गरुडा नगर उद्योग वाणिज्य संघको साधारण सभा आगामी वैशाख २२ गते हुने भनिएको थियो । धेरैदिन देखि साधारणसभा बोलाउन माग गरिदै आएको थियो । तर सधारणसभा बोलाइएको थिएन् । वर्तमान अध्यक्ष हरेन्द्र चौधरीको कार्यकाल समाप्त भएको १ वर्षभन्दा बढी समय बित्दा पनि साधारण सभा नबोलाइएपछि व्यापारीहरु आक्रोशित बनेका थिए । उनीहरुले साधारणसभा बोलाउन बारम्बार माग गर्दै आएका थिए । गरुडा नगर उद्योग वाणिज्य संघका अध्यक्ष चौधरीले पत्रकारहरुसँग कुराकानी गर्दै आउँदो वैशाख २२ गते शुक्रवार संघको नव निर्मित भवनको उद्धघाटन र साधारणसभा एकै दिन बोलाइएको जानकारी गराएका थिए ।
संघको विधान अनुसार कार्यकाल समाप्त भइसकेपछि नयाँ कार्यसमिति चयनका लागि बन्दसत्र बोलाउने प्रावधान छ । सहमती नभएको खण्डमा चुनावी प्रक्रियाले नयाँ समिति चयन गर्ने गरिन्छ । समयमै नयाँ नेतृत्व चयन भए व्यापारीहरुको हकहितका लागि राम्रो हुने व्यापारीहरुको भनाइ छ । बारम्बार साधारण सभा बोलाउन माग गरेपनि आफूहरुले कुनै ठोस् जवाफ नपाएको उनीहरुले गुणासो गर्दै आएका थिए । साधारण सभा बोलाउँदा व्यापारीहरु द्धारा नै विरोध हुन थालेपछि अन्ततः स्थगित गरिएको छ ।
बज्जिकाञ्चल,गरुडा,बैशाख २२
रौतहटको गरुडा नगरपालिकाको नगर प्रमुख कन्थमनि प्रसाद जयसवालले बाँदरले किसानलाई हैरान पारेको ठाउँलाई निरिक्षण गर्नु भएको छ । जिल्लाको गरुडा नगरपालिकाको वडा नम्बर ३,४,८ र ९ नम्बर गरि ४ वटा वार्डहरुको नगर प्रमुख जयसवाल सहित जिल्ला बन कार्यालयका प्रमुखको टोली समेतले निरिक्षण गरेको छ ।
उक्त नगरपालिकाको चार वटा गाउँमा जङ्गलबाट आएका जङ्गली बाँदरको हुँलले किसानले लगाएको बालीनालीलाई खाएर नष्ट गरेको हुँदा उक्त कार्यलाई रोक्न मलाहीटोल ,गरुडा ,जिगडिया र गम्हरीया गाउँमा लगाएको बालिनालीहरुलाई खाएको कुराहरु रेखदेख समेत गर्नु भएको थियो ।
उक्त गाउँमा बर्षौ देखी किसानले लगाएको बाली बाँदरको हुल आएर खाइदिने, दुःख दिएर हैरान बनाएको गुनासो सुनिएपछी केहि समय अगाडि हामीले डिभिजन बन कार्यालय रौतहटमा पुगी यसको लागी आवश्यक समन्वय गर्न आग्रह गरेका थियौं नगर प्रमुख जैसवालले भन्नु भयो । सोहि अनुरुप डिभिजन बन कार्यलय रौतहटका प्रमुख सुनिल कुमार कर्ण र जिल्ला समन्वय समितिको सभापति रामअयोध्या राय यादवले अनुगमन÷निरिक्षण गर्नु भएको छ ।
सोहि अनुगमनको क्रममा नगर प्रमुख जैसवालले भने कि नेपाल कृषि प्रधान देश हो तर यहाँ मलबिउ लगायत सिचाई समयमा नपाउदा किसान यसरी नै हैरान हुनु पर्ने अवस्था छ तर पनि जेनतेन गरि खाद र बिउको उपाय गरि उब्जाउने गर्छ तर जङ्गलबाट आएका बाँदरका हुलले किसानको सम्पुर्ण बालिनाली खाएर नष्ट गरिदिनेको कारण झन हैरान र दुख दिने गरेको बताउनु भयो ।
त्यस कारण यस ठाउँहरुमा रहेका बाँदरहरुलाई नियन्त्रणमा लिई समस्यालाई समाधान गर्न आग्रह गर्नु भएको थियो । निरिक्षणका क्रममा रहनु भएका डिभिजन कार्यालयका प्रमुख सुनिल कर्णले हामि चाडैँ नै बाँदरलाई नियन्त्रणमा लिई समस्याबाट छुट्टकारा दिलाउने प्रतिबद्धता जनाउनु भयो । कर्णले भने अहिले समयमा सिकारीहरु लगायत सुख्खा मौसममा बन लागेको डढेलोको कारण जङ्गली जनावरहरु जङ्गललाई छोडेर राजमार्गको छेछाउँमा तथा गाउँहरुमा पस्ने गरेको कारण यस्तो अवस्था आएको समेत बताउनु भयो ।
बज्जिकाञ्चल,बैशाख २२ गते
रौतहटमा नेपाल रेडक्रस जुनियर युवाको मधेस प्रदेश स्तरीय दुई दिने शिविर गौरमा सुरु भएको छ । शिविरको उदघाटन सभामा गौर नगरपालिकाका नगर प्रमुख शम्भु साहले दुःखमा रेडक्रस भने नारा अनुसारको काम कसरी गर्न सकिन्छ युवालाई प्रेरित गरेका छन् ।
रक्तदान गर्न अभियान वनाएर जनसमुदायलाई जागरुक बनाउन आग्रह गरेका छन् । बागमती प्रदेशका सभापति भोला रुपाखेतीले अग्रजले ठाउँ नदिए सम्म युवा नेतृत्व आउँन नसक्ने । युवालाई नेतृत्वमा ल्यान वर्षौ देखि नेतृत्वमा रहनु भएका लाई छोडनु पर्ने बताए ।
नेपाल रेडक्रस सोसाईटी मधेस प्रदेसका सभापति फुल महमदको अध्यक्षतामा भएको शिविरमा जिल्ला अघ्यक्ष राजकिशोर यादव, सभापति फुलबाबु मिया,सप्तरीका जगदीश प्रसाद अर्याल ,नेपाल रेडक्रस सोसाईटी रौतहटका अध्यक्ष राजकिशोर यादव ,पुर्व अध्यक्ष डा.नन्दकिशोर झा, शिक्षक धिरजय कुमार मिश्र सहितले मन्तव्य दिएका थिए ।
आरके श्रीवास्तव,रौतहट,वैशाख २२ गते
रौतहट,नेपाल बार एसोसिएसनले वैशाख १७ गतेदेखि एक हप्ताका लागि दबाबमूलक अभियान सुरु गरेको छ । सो अभियान अन्तर्गत आज जिल्ला सदरमुकाम गौरमा दबाबमूलक अभियान सञ्चालन भएको छ । नेपाल बार एसोसिएसन गौर रौतहटको आयोजनामा प्रधानन्यायाधीश नियुक्ति लगायतका विषयमा नेपाल वार एसोसिएसन केन्द्र को आह्वानमा भईरहेको आन्दोलनमा रौतहटका कानुन व्यवसायीहरूले समर्थन जनाउँदै आन्दोलन गरेका छन् । एसोसिएसनले एक हप्ते अभियानका आठवटा नारा समेत तय गरेको छ ।
जसमा स्वतन्त्र न्यायपालिकाको रक्षा गरौं, न्यायपालिका भित्रको भ्रष्टाचार ,विकृति र विसंगति अन्तय गर,पूर्ण स्वचालित पेशी व्यवस्थापन प्रणाली लागू गर,प्रधानन्यायाधीशको नियुक्ति अविलम्ब गर,सर्वाेच्च अदालत लगायत सबै तहका अदालतमा रिक्त रहेको न्यायाधीश यथाशीघ्र नियुक्ति गर,संवैधानिक दायित्व पूरा गर,संबैधानिक परिषदको बैठक अविलम्ब बोलाउ,संसदीय सुनवाइ समिति गठन गर लगायतका माग राखी एक हप्ते अभियान जारी राखेको छ ।
एसोसिएसनको प्रांगणमा ती मांगहरू लेखिएको प्लेकार्ड र ब्यानरसहित शुक्रबार आन्दोलन गरेका छन् । सो अवसरमा बारका जिल्ला अध्यक्ष नन्दकिशोर साह,पूर्व अध्यक्ष राजाराम यादव,बरिस्ठ अधिवक्ता शाबिर हुसेन,अधिवक्ता मो.मजरूल हक,अधिवक्ता मो.आफताब आलम लगायतका जिल्लाभरि कानुन व्यवसायीहरूको सहभागीता रहेको थियो ।
मँजय राम,कटहरिया,वैशाख २२ गते
रौतहटको कटहरिया नगरपालिकाको इन्धन दुरुपयोगको खबर भ्रामक,झुठा र तथ्यहीन रहेको नगर प्रमुख अजय प्रकाश जयसवालले बताउनु भएको छ । विभिन्न मिडियामा आएको खबरमा कुनै सत्यता नरहेको उनले खुलासा गरेका छन् ।
व्यक्तीगत रिसिबी साध्नको लागी नगरपालिकालाइ बदनाम गराउने उदेश्यले यस्ता भ्रामक कुराहरु बाहिर ल्याएको उनले आरोप लगाएका छन् । कटहरियाका नगर प्रमुख अजयप्रकाश जयसवालले तेल खर्चमा पूर्व नगरप्रमुख सियाराम कुशवाहाको पालाको २० लाख बक्यौता रहेको तिरेको बताएका छन् ।
साथै जिल्लाको चर्चित बजार कटहरियामा निर्माणाधिन सडकमा धूलो नै धूलो हुन थालेपछि व्यापारीहरुकै आग्रहमा दिनहुँ सडकमा पानी छर्ने काम भइरहेकोले तेल खर्च हुनु स्वाभिक नै हो । जनतालाइ राहत दिनकै लागि पानी छर्ने काम भइरहेकोले यसलाइ अन्यथा लिन नहुने उनले बताएका छन् । पहिलाको स्थानिय सरकार हुँदाखेरि पेट्रोलियम पदार्थको मूल्य कम थियो । तर अहिले झण्डै दोब्बरले बढेको छ ।
त्यही भएर इन्धन खर्चको मूल्यमा केही वृद्धि भएको छ । यो हाम्रो कारणले भएको होइन् । नगरपालिकामा कार्यरत कार्यालय सहयोगी रामाकान्त पटेलले आफू र नगरपालिका लाई बदनाम गर्न षड्यन्त्र गरेको बताएका छन् । इन्धनमा भ्रष्टचार गरेको विषयमा उनले बोलेको भिडियोमा हुनै सत्यता नरहेको बताएका छन् । कटहरिया नगरपालिकाको इन्धन अन्य कुनै ठाउँमा दुरुपयोग भएको छैन् । यसमा नगरवासीलाइ ढुक्क रह्न उनले अनुरोध गरेका छन् । त्यसैले गलत र भ्रामक कुराहरुको पछाडी नलाग्न नगरवासीहरुलाइ मेयर जयसवालले आग्रह गरेका छन् ।
