राैतहट,जेठ २२ गते
राैतहटकाे चन्द्रपुरमा विश्व वातावरण दिवस मनाईएकाे छ । समुदाय प्रहरी कार्यक्रम अनुरूप आज डिभिजन वन कार्यालय चन्द्रनिगाहपुर रौतहट तथा सामुदायिक बन र ईलाका प्रहरी कार्यालय चन्द्रपुर समेतको सहकार्यमा साे
दिवस मनाईएकाे छ। विश्व बातावरण दिवशको उपलक्ष्यमा प्लाष्टिक जन्य प्रदुशन निर्मुल पारौ,वातावरण मैत्री बिकल्पको उपयोग गरौं भन्ने जनचेतना मूलक कार्यक्रम गरिएको ईप्रका चन्द्रपुरले जनाएको छ ।
आरके श्रीवास्तव,रौतहट,जेठ २२ गते
रौतहटको गरूडा नगरपालिकामा रहेको एक बिधालयमा कक्षा थप गरिएको छ । सो नगरपालिकाको वडा नम्बर ७ मा रहेको श्री प्राथमिक बिधालय भिमडाबरमा कक्षा थपिएको प्रधानाध्यापक रिंकु यादवले जानकारी गराएकि हुन् । बर्षाैंदेखि कक्षा ४ सम्म मात्र पढाई हुने सो बिधालयमा कक्षा थप भएसँगै अबदेखि कक्षा ५ सम्मको पढाइ हुने भएको छ ।
बि.स.२०६६ सालमा स्थापना भएको सो बिधालयमा कक्षा ४ सम्म मात्र पढाइ हुँदै आएको थियो । पछिल्लो स्थानीय सरकारले पनि कक्षा थप गर्न सकेको थिएन् ।
नगर प्रमुखमा कन्थमनी जयसवाल निर्वाचित भएपछि उनले सो बिधालयमा कक्षा थप सञ्चालनको लागि अनुमती प्रदान गर्दै आज उद्वघाटन गरि कक्षा सञ्चालनमा ल्याएका हुन् । मेयर जयसवालले आफनो नगरभरि शिक्षा क्षेत्रलाई प्राथमिकतामा राखेर काम गरिरहेका छन् ।
उनले यस अघि पनि केही बिधालय लाई यसरी नै कक्षा थपको लागि अनुमति प्रदान गर्दै सञ्चालनमा ल्याईसकेका हुन् । ती बिधालयहरूमा थप कक्षाको व्यवस्था भए सँगै ५ कक्षा पढनको लागी अन्य बिधालयमा जानु पर्ने बाध्यता हटेको छ ।
यसरी कक्षा थप गरि सञ्चालन गर्न सहयोग गरिदिनु भएकोमा नगरप्रमुख जयसवाललाई बिधालयका अभिभावक,बिधार्थी र बिधालय परिवारले धन्यवाद ज्ञापन गरेका हुन् । सो अवसरमा मेयर जयसवाल सँगै शिक्षा सह संयोजक शेख चाँद अलि लगायतका व्यक्तिहरूको सहभागीता रहेको थियो ।
राैतहट,जेठ २२ गते
नेपाल मेडिकल काउन्सिलको लाइसेन्स परीक्षा पास गरेसँगै रौतहटका रामजी राम डाक्टर बनेका छन्। उनले आफूले लाइसेन्स परीक्षामा पास भएको जानकारी शुक्रबार सामाजिक सञ्जालमार्फत् दिएका हुन्। परीक्षा पास गरेसँगै उनले आफूलाई सघाउनेहरूलाई धन्यवाद दिएका छन्।
‘परीक्षाको बेला आफ्नो खल्ती रित्याएर मलाई अध्ययन गर्न सघाउनुहुने सम्पुर्ण दाताहरू, दृश्य अदृश्य रूपमा मलाई सिकाउनुहुने हाम्रा सम्पूर्ण गुरूहरू, बिरामीहरू, सम्पूर्णलाई यो सर्टिफिकेट चढाउँछु,’ उनले लेखेका छन्।
यस्तै आफूले चिकित्सा शास्त्रको अभ्यास आधिकारिक रूपमा गर्न पाउने अनुमति पाएसँगै बिरामीका दु:खहरूले लिने परीक्षामा पनि पास हुन पाऊँ भनेका छन्। रौतहटका रामजी रामले डाक्टर बन्न थुप्रै संघर्ष गरे। पैसाको अभावले उनले परीक्षा दिने अन्तिम समयसम्म पनि संघर्ष गर्नुपरेको थियो।
उनले वीरगन्जस्थित नेसनल मेडिकल कलेजबाट एमबिबिएस पास गरेका हुन्। उनी चमार समुदायबाट डाक्टर हुने जिल्लाकै पहिलो व्यक्ति हुन्। एमबिबिएसको परीक्षा दिन गएका बेला कलेजले उनलाई शुल्क नतिरेको भन्दै पटकपटक परीक्षा हलबाट निकालेको थियो। कलेजले उनीहरूलाई परीक्षा दिनबाट रोक लगाएपछि त्यसको सर्वत्र आलोचना भएको थियो। २०७२ सालमा सरकारले वादी, डोम, मुसहर र चमार गरी चार वटा जातिलाई पैसा तिरेर पढाउने भनेपछि उनी पनि सोही कार्यक्रम अन्तर्गत नेसनल कलेजमा भर्ना भएका थिए।
रौतहट,जेठ २२ गते
रौतहट ,फतुवा बिजयपुर नगरपालिकामा सडक कालेपत्रको लागि ठेक्का प्रक्रिया सम्पन्न भएको छ । सो नगरपालिकाको वडा नम्बर २ अन्तर्गत मर्यादपुर देखि शितलपुर हुँदै अरुवा खोला सम्मको सडक कालोपत्र कार्य गर्नका लागि बोलपत्र खोल्ने कार्य सम्पन्न भएको छ ।
कार्यवाहक नगर प्रमुख अम्बेया खातुनको अध्यक्षतामा आज बसेको बैठकले ठेक्का प्रक्रिया सम्पन्न भएको छ । सो सडक खण्ड कालेपत्र गर्नका लागि तीन वटा निर्माण सेवा कम्पनीले बोलपत्र दर्ता गराएका थिए । बोलपत्र दर्ता गराउने निर्माण सेवा कम्पनीहरुमा प्रिन्स कन्सट्रक्सनले १ करोड ३४ लाख २० हजार ७ सय ,आराध्या निर्माण सेवाले १ करोड ३४ लाख ४० शजार ६ सय र यूनाइटेड कन्सट्रक्सन झुनखुनवाले १ करोड ३८ लाख ५५ हजार ३ सयमा सो कालेपत्र गर्नका लागि बोलपत्रमा रकम उल्लेख गरेका थिए ।
जसमध्ये प्रिन्स कन्सट्रक्सनले कम रकम उल्लेख गरेकाले सो सडक खण्ड कालेपत्र गर्ने जिम्मा उसैले पाएको हो । यसै आ.व.२०७९।८० को असाढ मसान्त सम्म निर्माण कार्य सम्म गर्ने गरी ठेक्का सकार गरिएको नि.प्रमुख प्रशासकिय अधिकृत शम्भु कुमार यादवले जानकारी गराउनु भयो ।
उनले दिएको जानकारी अनुसार सो सडक खण्डमा करिब १४ सय मिटर असफालट कन्क्रीट चौडाइ ५.५ मिटर हुने भएको बताए । सो अवसरमा सशस्त्र बेश क्याम्प बिजयपुरका इन्चार्ज राजेश आचार्य,इप्रका बिजयपुरका प्रहरी सहायक निरिक्षक जोगिन्द्र चौधरी,इन्जिनियर धर्मेन्द्र यादव,लेखापाल नविन यादव,प्रशासन शाखा प्रमुख उपेन्द्र सुाह,
प्रदेश सांसद प्रत्यासी मो.शेराज,वडा नमबर १ का वडा अध्यक्ष बिजय यादव,वडा नम्बर ९ का वडा अध्यक्ष राकेश कुमार यादव,वडा नम्बर ८ का वडा अध्यक्ष नितेश चौधरी,स्वास्थय शाखा प्रमुख प्रमाेद गुप्ता ,जिन्सी शाखा प्रमुख हिरालाल महतो नपा कर्मचारी पत्रकार सहितको व्यक्तीहरुको रोहबरमा ठेक्का प्रक्रिया सम्पन्न भएको छ ।
रन्धिर साह, रौतहट, जेठ २२ गते ।
रौतहटको किसानहरु चर्को घामका कारण अहिले चिन्तित भएका छन् । केहिँ दिनदेखि देखा पर्दै आएको अधिक तापक्रमका कारण किसानी पेशामा आवद्व रहेका किसानहरु समस्यामा परेका छन् । चर्को घामले चौतर्फी रुपमा प्रभाव पारेको छ । सो कारणले जनजीवन कष्टकर बन्दै गएको हो ।
पानी नपर्ने तर चर्को घाम गर्मी त्यसमा दिउँसो हावा पनि ताँतो चलेपछि जनजीवन कष्टकर बन्दै गएको देवाही गोनाही नगरपालिका वडा नम्बर ६ निवासी गुलाम महतोले बताएका छन् । उनी सानैदेखि किसानी पेशामै आवद्व भएर आफ्नो जिवीकाेपार्ज गर्दै आएका छन् ।
उनी भन्छन् हाम्रो देशमा तीन तहका सरकार रहेकाे छ । तर, किसानका लागि गर्ने सरकार नै छैन् । सबैले आफ्नो आफ्नो पेट भर्ने काम गर्दै आएको आरोप लगाएका छन् । हाम्रो लागि हाम्रो सरकार भनेको स्थानीय तहका सरकार हो । तर, खै किसानको समस्या बुझेको ।
प्रत्येक वर्षको बजेट भाषणमा किसानका लागि बजेट छुट्याईएको हुन्छ । तर, छुट्याइएको बजेट खोइ ? किसानकाे समस्या ज्यूकाे त्यू रहेकाे छ । देवाही गोनाही नगरपालिकाले आफ्नो नगरसभा छैठौ बजेट अधिवेशन गत वर्ष २०७९।०८० को बजेटमा भनिएको थियो कि नगरपालिका भित्र गरिने कृषि पेशालाई बैज्ञानिक ढंगबाट व्यवस्थापन गरी व्यवसायीकरण गरी बजेट विनियोजन गरिेने, आधुनीक र व्यवसायीक फर्म संचालन गर्न कृषकलाई प्रोत्साहन गर्ने निति निर्माण गरिने, सिँचाई व्यवस्थापनका साथ भौतिक पुर्वाधार निर्माण गर्ने जस्ता तपाईको योजनाहरु खोइत ? मेयर साब वहाँले प्रश्न गर्नु भयाे ।
यस्तै सोहि वडाका अनुपा महतो भन्छन् सरकारले भनेको जस्तो काम गरेको भए हामी सबै कुरामा परिपक्व हुन्थ्याैं । आज भोली सिचाईको अभावले हामीलाई तरकारी तथा फलफुल बाली विरुवाहरू सुक्न थालेको छ। जलजन्तु र स्थलजन्तु तथा पशु चौपायाहरु बढी प्रभावित भईरहेकाे देखिएको छ ।
पानी नपर्दा धानको बीउ खसाल्न नसक्दा किसानहरु चिन्तित देखिएका छन् । यस्तै अवस्था रहिरहे र तिनै तहको सरकारले ध्यान दिएन भने सर्वसाधारणलाई आर्थिक संकटकाे भयावह अवस्थाको सामना गर्नु पर्ने स्थिति आउन सक्ने उनले बताए ।
काठमाडौँ, जेठ २२ गते ।
गाइड, गेसपेपर, ओल्ड इज गोल्ड वा बजारमा पाइने सहयोगी सामग्रीबाट परीक्षाको तयारी गर्ने सोच राखेका स्कुले विद्यार्थीले अब चाहिँ धोका पाउने छन् । कक्षा ८, १० र १२ का विद्यार्थीले यस्ता सामग्री खरिदमा खर्च नगर्दा हुन्छ । राष्ट्रिय परीक्षा बोर्डले स्तरीकृत परीक्षा प्रणाली अवलम्बन गरेको छ । यो प्रणालीका कारण वार्षिक परीक्षामा एक पटक सोधिएका प्रश्न कम्तीमा पाँच वर्षसम्म सोधिने छैन । हाल परीक्षामा बर्सेनि जस्तो प्रश्न दोहोरिने गरेका छन् ।
बोर्डका अध्यक्ष डा महाश्रम शर्माले बजारमा पाइने पुराना प्रश्नपत्रको सँगालो सङ्कलन गर्ने र त्यसका आधारमा अभ्यास गरी कण्ठ गर्ने प्रवृत्तिलाई अन्त्य गर्न खोजिएको बताउनुभयो । “एक पटक सोधिएको प्रश्नपत्र कम्तीमा पाँच वर्षसम्म दोहोरिने छैन,” उहाँले भन्नुभयो, “स्तरीकृत परीक्षा प्रणालीका कारण सिकाइ र बुझाइका आधारमा उत्तर लेख्नुपर्ने हुन्छ । घोकेर उत्तर दिने परम्परागत पद्धति अब काम लाग्दैन ।”
बोर्डले पहिलो चरणमा यस वर्षदेखि कक्षा १० (एसईई) को गणित, विज्ञान र अङ्ग्रेजीमा यो प्रणाली लागु गरेको छ । आगामी वर्ष अन्य कक्षामा लागु गरिने छ । बोर्डले यसका लागि प्रश्नपत्रका हजारौँ सेट तयार गरिरहेको छ । देशका सयौँ शिक्षकबाट ती प्रश्नपत्र तयार गरिएका हुन् । प्रश्नपत्रको परीक्षणसमेत गरिएको छ । तिनै सेटबाट पालिकादेखि बोर्डसम्मले प्रश्नपत्र तयार गर्नेछन् । प्रश्नपत्रको पहुँच सीमित व्यक्तिमा मात्र हुने हुँदा गोपनीयता कायम रहने दाबी बोर्डको छ ।
उहाँले परीक्षार्थीहरू नियमित रूपमा कक्षाकोठामा पढेर रचनात्मक क्षमता विकास गर्नेभन्दा पनि परीक्षामुखी मात्रै बन्न थालेपछि स्तरीकृत परीक्षा प्रणाली लागु गरिएको बताउनुभयो । बोर्डका अध्यक्ष डा शर्माले पाठ्यक्रमको मर्म अनुसार विद्यार्थीमा सिकाइ सक्षमता विकास हुने र विभिन्न कक्षा उत्तीर्ण गरेपछि परीक्षार्थीले के के सिके भन्ने जान्न यो परीक्षा प्रणालीले सहयोग पु-याउने अपेक्षा गरिएको बताउनुभयो ।
“शिक्षकले पाठ्यपुस्तकका कुरा होइन, पाठ्यक्रममा आधारित भएर अध्यापन गर्नुपर्छ,” उहाँले भन्नुभयो, “पाठ्यपुस्तकमा मात्र भर पर्दा विद्यार्थीको सिकाइ र बुझाइ कमजोर भएको छ ।”
यस क्रममा बोर्डले सजिला, मध्यम र कठिन प्रश्नपत्र तयार गरेको थियो । विद्यार्थीमा परीक्षण गराउँदा कमजोर विद्यार्थीलाई कठिन प्रश्न उपयुक्त नभएको र अब्बल विद्यार्थीलाई सजिलो प्रश्न उपयुक्त नभएको देखिएपछि मध्यम प्रश्नपत्र तयार गरिएको छ । विद्यालय तहको परीक्षामा एउटै उत्तरपुस्तिकालाई फरक फरक परीक्षकले परीक्षण गर्दा दिने अङ्कमा निकै तलमाथि रहेको पाइएको छ । यो अन्तर घटाउन पनि स्तरीकृत परीक्षा प्रणाली उपयुक्त रहेको ठम्याइ बोर्डको छ ।
“एउटै उत्तरपुस्तिका परीक्षण गर्दा शिक्षकहरूले २० अङ्कसम्म पनि अन्तर रहेको पाइयो । उही शिक्षकले आज दिने अङ्क र केही दिनपछि त्यसैलाई दिने अङ्क नै फरक हुने पनि देखियो,” बोर्डका परीक्षा नियन्त्रक (कक्षा १०) विष्णुनारायण श्रेष्ठले भन्नुभयो, “यो अन्तरले गर्दा विद्यार्थी मर्कामा पर्छन् । उनीहरूमाथि अन्याय हुन्छ । यसलाई कम गर्न स्तरीकृत परीक्षा प्रणाली उपयुक्त हुने देखिएको छ ।”
स्तरीकृत परीक्षा प्रणाली विज्ञ प्राडा प्रकाशमान श्रेष्ठले यो प्रणाली परीक्षा सञ्चालन तथा उत्तरपुस्तिका परीक्षण गर्ने परम्परागत शैलीको तुलनामा निकै प्रभावकारी हुने तर प्रणाली लागु गर्नुअघि प्रशस्त अध्ययन हुनुपर्ने बताउनुभयो । “धेरै सङ्ख्यामा नमुना प्रश्नपत्र तयार गरी तिनको परीक्षण विद्यार्थीमाथि गरिनुपर्छ । यसको विश्लेषणपछि उपयुक्त प्रश्नपत्र तयार गर्न सकिन्छ,” उहाँले भन्नुभयो ।
काठमाडौँ । हाल देशमा पश्चिमी वायुका साथै स्थानीय वायुको आंशिक प्रभाव रहेको छ। देशको तराईका केही भू-भागहरुमा तातो हावा र लू चलिरहेको छ तथा देशभरको अधिकतम र न्यूनतम तापक्रम खासै नघट्ने देखिन्छ।
सोमबार सुदूरपश्चिम प्रदेश र लुम्बिनी प्रदेश लगायत देशका पहाडी भू-भागमा आंशिकदेखि सामान्य बदली रही बाँकी भू-भागमा मौसम सामान्यतया सफा रहनेछ । कोशी, गण्डकी र कर्णाली प्रदेशका पहाडी भू-भागका थोरै स्थानहरूमा तथा देशका बाँकी पहाडी भू-भागका एक-दुई स्थानमा मेघ-गर्जन र चट्याङसहित क्षणिक वा हल्का वर्षाको सम्भावना रहेको छ ।
भोलि मंगलबार देशका पहाडी भू-भागमा आंशिकदेखि सामान्य बदली रही बाँकी भू-भागमा मौसम सामान्यतया सफा रहनेछ ।देशका पहाडी भू-भागका थोरै स्थानहरूमा मेघ-गर्जन र चट्याङ्ग सहित क्षणिक वा हल्का वर्षाको सम्भावना रहेको छ ।
जेठ २२ गते
तराईका केही भू–भागहरूमा तातो हावा (Heat Wave) चलिरहेकोले देशभरको अधिकतम र न्यूनतम तापक्रम खासै नघट्ने देखिएकाे जल तथा माैसम विज्ञान विभाग, माैसम पूर्वानुमान महाशाखाले जनाएकाे छ ।
तसर्थ अत्याधिक गर्मी तथा हावाहुरीबाट हुन सक्ने जोखिम वा क्षतिबाट बच्न आवश्यक सतर्कता अपनाउन माैसमविद्ले आग्रह गरेका छन् ।
अहिले बिहान देशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहेको छ । आज दिउँसो सुदूरपश्चिम र लुम्बिनी प्रदेशलगायत देशका पहाडी भू–भागमा आंशिकदेखि सामान्य बदली रही बाँकी भू–भागमा मौसम सामान्यतया सफा रहने छ ।
कोशी, गण्डकी र कर्णाली प्रदेशका पहाडी भू–भागका थोरै स्थानहरूमा तथा देशका बाँकी पहाडी भू–भागका एक–दुई स्थानमा मेघगर्जन र चट्याङसहित क्षणिक वा हल्का वर्षाको सम्भावना रहेको छ । लुम्बिनी प्रदेशकाे तराईका केही स्थानहरूमा हावाहुरीको समेत सम्भावना रहेको छ ।
आज राति पनि दिउँसाेकाे जस्तै माैसमी प्रणाली रहने महाशाखाले जनाएकाे छ ।
तातो हावा तथा लूबाट हुने सम्भावित असर
थकाइ लाग्ने
कमजोरी हुने
बढी तिर्खा लाग्ने
टाउको दुःख्ने
खुट्टा बाउँडिने
चक्कर आउने
बेहोस हुने
मांसपेशी दुख्ने
बान्ता हुने
के गर्ने ?
तातो हावा तथा लूबाट बच्न बढी गर्मीको समयमा घरभित्र अर्थात् चिसो स्थानमा रहने
बाहिरी वातावरणमा बढी नजाने
घाममा हल्का लुगा लगाउने, सुती कपडा लगाउने
बाहिर निस्कँदा टाउको छोप्ने, टोपी लगाउने
नियमित पानी तथा झोल पदार्थ प्रशस्त मात्रामा पिउने
स्वास्थ्यमा समस्या आएमा स्वास्थ्यकर्मीसँग नियमित सम्पर्कमा रही सल्लाह सुझाव लिने
संयुक्त राष्ट्रसंघको मूल नारालाई स्थानीयकरण गर्दै नेपालमा यस वर्ष ‘प्लाष्टिकजन्य प्रदूषण निर्मूल पारौं, वातावरणमैत्री विकल्पको उपयोग गरौं’ भन्ने नाराका साथ वातावरण दिवस मनाइँदैछ ।
संयुक्त राष्ट्रसंघको महासभाले गरेको घोषणा तथा संयुक्त राष्ट्रसंघीय वातावरण कार्यक्रमको अग्रसरतामा सन् १९७३ देखि प्रत्येक वर्ष जुन ५ का दिन विश्वभर विश्व वातावरण दिवस मनाइन्छ ।
नेपालले पनि प्रत्येक वर्ष यस दिनमा विश्व वातावरण दिवस मनाउने गरेको छ । वन तथा वातावरण मन्त्रालयअन्तर्गतको वातावरण विभागले यस अवसरमा वातावरण संरक्षण र प्रवद्र्धनसम्बन्धी विविध कार्यक्रम गर्दै आ–आफ्नो स्थानबाट यस दिवस भव्य र सभ्य रूपमा मनाउनका लागि सबै स्थानीय तह, प्रदेश सरकार, संघीय सरकार एवं सरकारी तथा गैरसरकारी निकाय, सम्बन्धित सरोकारवाला र आमसर्वसाधारणमा अनुरोध गरेको छ ।
रौतहट ,आजको पात्रो । २२ जेठ २०८०, सोमबार ।
जुन महिनाको ०५ तारिक सन् २०२३ । असार कृष्ण प्रतिपदा पूर्णिमा तिथि, आज विश्व वातावरण दिवस ।
आज बिहान सूर्योदय ५ः०९ मा हुनेछ भने सूर्यास्त ६ : ५७ मा हुनेछ ।
मेष ( चु, चे, चो, ला, लि, लु, ले, लो, अ )
आज मिहिनेत आफूले गर्नुपर्ने तर जस अर्कैले पाउने कमजोर दिन छ । आर्थिक क्षेत्रमा सङ्कट आउला । मुद्दा मामिला लाग्न पनि सक्छ ।
वृष ( इ, उ, ए, ओ, वा, वि, वु, वे, वो )
छोटो दुरीको लाभदायक यात्रा रहला । प्रेमसम्बन्ध र प्रणयप्रसङ्गका लागि श्रेष्ठ समय रहेको छ । धनार्जन हुनेछ । वैदेशिक कार्य अघि बढ्नेछ ।
मिथुन ( का, कि, कु, घ, ङ, छ, के, को, हा )
नसोचेको ठाउँबाट धन हात पर्नेछ । धार्मिक तथा समाजसेवामा मन लाग्नेछ । परिश्रम गर्दा धनार्जन हुनेछ । नयाँ काम वा रोजगार पाइनेछ ।
कर्कट ( हि, हु, हे, हो, डा, डि, डु, डे, डो )
महिला वा मित्रबाट विशेष सहयोग मिल्नेछ । शैक्षिक क्षेत्रमा सफलता मिल्नेछ । पठनपाठनमा प्रगति हुनेछ । रमणीय र सुखद् यात्राको योग छ ।
सिंह ( मा, मि, मु, मे, मो, टा, टि, टु, टे )
प्रेममा मनमुटावका साथै मन कमजोर रहनेछ । मानसिक चिन्ता बढ्नेछ । यात्रामा मालसामान हराउन सक्छ । घरायसी झमेलामा परिएला ।
कन्या ( टो, पा, पि, पु, ष, ण, ठ, पे, पो )
आज सामाजिक तथा धार्मिक कार्यमा रुचि बढ्नेछ । कार्य क्षेत्र या व्यावसायिक काममा सुधार आउनेछ । विद्या र बुद्धिको विकास हुनेछ ।
तुला ( रा, रि, रु, रे, रो, ता, ति, तु, ते )
विद्या र बुद्धिको विकास हुनेछ । नयाँनयाँ ज्ञान सिक्ने मौका मिल्नेछ । कार्यसिद्धि हुने अवसर मिल्नेछ । राजनैतिक कार्यमा सफलता मिल्नेछ ।
वृश्चिक ( तो, ना, नि, नु, ने, नो, या, यि, यु )
आज भाग्योदय हुनेछ । आयआर्जन बढ्नुका साथै दिगो फाइदा हुने काम प्रारम्भ गर्न सकिनेछ । धर्मकर्म तथा समाज सेवामा मन लाग्नेछ ।
धनु ( ये, यो, भा, भि, भु, धा, फा, ढा, भे )
आज कलहको योग रहेको छ । खर्च हुने, विवाद पनि बढ्नेछ तर, दिउँसोबाट विद्या र बुद्धिले गरेको कामबाट राम्रो लाभ मिल्ने समय छ ।
मकर ( भो,जा,जि,जु,जे,जो,ख,खि,खु,खे,खो,गा,गि )
मित्र वा आफन्तको सहयोग मिल्नेछ । बौद्धिकताको विकास हुनेछ । मिष्ठान्न भोजन प्राप्ति होला । साथी भाइको भेटघाटले मन प्रफुल्ल रहला ।
कुम्भ ( गु, गे, गो, सा, सि, सु, से, सो, दा )
घरमा अतिथिको आगमन हुनेछ । नजिकको व्यक्तिको सहयोगबाट कार्य पुरा हुनेछ । लाभदायक यात्रा र नयाँ कार्यको थालनी पनि होला ।
मीन ( दि, दु, थ, झ, ञ, दे, दो, चा, चि )
आफ्नै दक्षतामा विभिन्न कार्यहरू सम्पन्न हुनेछन् । नयाँ क्षेत्रमा लगानीको अवसर मिल्नेछ । शेयर बजारमा गरेको लगानीले राम्रो प्रतिफल देला ।
राशिफल जे जस्तो भएपनि तपाईंको दिन मङ्गलमय रहोस् ।
सभार : हाम्रो पात्रो
