आरके श्रीवास्तव,चन्द्रपुर समाचारदाता,३१ गते जेठ ।
चन्द्रपुर । रौतहटको चन्द्रपुरमा चोरीको घटनामा बृद्धि भएपछि स्थानियवासी हैरान भएका छन् । चन्द्रनिगाहपुर आसपासको बस्तिमा चोरीका घटना बढ्दै जान थालेको स्थानियहरुले बताएका छन् ।
रातीको समयमा घर घरबाट मोवाईल लगायत सरसमान चोरी हुन थालेको छ । चोरी गर्ने गिरोह सक्रिय रहेको स्थानियहरुको भनाइ छ ।
गर्मीको बेला घरको झ्याल खोलेर सुत्ने भएपछि त्यसको फाईदा उठाउदै चोरहरुले लौरोको सहायतामा मोवाईल चोर्ने गरेको स्थानियको गुनासो छ ।
गएको सोमबार राती स्थानीयवासी विसाल तिवारीको सुतिरहेको बेला मोवाईल चोरी भएको थियो ।
स्थानीयहरुले ईलाका प्रहरी कार्यालय चन्द्रनिगाहपुरले रातीको समयमा मोवाईल गस्ति लाई कडा पार्न माग गरेका छन् ।
इप्रका चन्द्रनिगाहपुरका डिएपी एकनारायण कोईरालाले साना तिना चोरीका घटनामा संलग्न चोरहरुलाइ प्रहरीले चाडै नियन्त्रणमा लिने बताएका छन् । यस भेगमा पछिल्लो समय मोटरसाईकल र मोवाईल चोरीका घटनामा बृद्धि भएपछि स्थानियवासी त्रसित छन् ।
आरके श्रीवास्तव,चन्द्रपुर समाचारदाता,३१ गते जेठ
प्रभु साह निकट आइटि आर्मीले चन्द्रपुर सहितको जिल्लाको अधिकांश स्थानीय तहमा ज्ञापन पत्र बुझाएको छ । आज विभिन्न स्थानीय तहहरुलाई आम जनताको दैनिक जनजीवनका कठिनाई एवं समस्याहरुको सहज समाधान गर्न तथा पालिका र पब्लिक बिच परस्पर सुखद एवं सुमधुर सम्बन्ध स्थापित गर्ने गराउने उदेश्यका साथ विभिन्न माग एवं ध्यानाकर्षण सहितको ज्ञापन पत्र पेश गरेको छ ।
जिल्लाको चन्द्रपुर,गरुडा,कटहरिया सहित करिब १३ वटा पलिकाहरुमा सम्बन्धीत नगर कमिटिले ज्ञापन पत्र बुझाएको आईटी आर्मीका मधेश प्रदेश अध्यक्ष नरेश साह तुरहाले जानकारी गराउनु भयो ।
ज्ञापन पत्रमा बजेटको भागबन्डा बन्द गर, पानी बिजुली फ्री गर,गरीब दलितलाई आवासको व्यवस्था गर,किसानलाइ पेन्सन देउ,आमजनता जिन्दावाद,घुस कमिसन बन्द गर,दलतन्त्र मुर्दाबाद ,आम जनताको लोकतन्त्र ,भगौडा दलाल मुर्दावाद नाराहरू लगाउँदै पालिकामा ज्ञापन पत्र बुझाएका छन् ।
यस्तो छ ज्ञापन पत्र
उपरोक्त सम्बन्धमा, अहिले देशमा आर्थिक मन्दीका कारण आम जनताको जनजिवन कष्टकर बन्दै गएको कुरा तपाई हामी सबैलाई सर्वविदित नै छ । यस आर्थिक संकटबाट सबै भन्दा बढी हाम्रो नगरपालिका प्रभावित भएकोछ ।
यस नगरपालिकामा आर्थिक उत्पादनको श्रोत साधन सिमित रहेको, परम्परागत खेतीप्रणालीमा आश्रित कृषि रहेको, व्यापार ब्यवसाय सुक्दै गएको, बेरोजगार गुणात्मक ढंगले बढÞिरहेको तथा मजदूरहरु बाध्यभएर कष्टकर बैदेशिक रोजÞगारीबाट जिवनयापन गर्नु परेको अवस्था छ । यस्तो संकटपूर्ण अवस्थामा जनता माथी अनावश्यक करको भार थुपार्ने र जनताको खुन पसिनाबाट निर्माण भएको सरकारी बजेटलाई केही मुठ्ठीभर निर्वाचित जनप्रतिनिधीहरु आफु खुशी भागवण्डा गरि चाटने कार्यले नगरको बिकास सम्भव छैन ।
जनताको पिरमार्कामा राज्यको विभिन्न निकाय र तहहरुद्वारा सहयोग गर्नुको सट्टा आज कर आतंक खड़ा गरिएकोछ । जनताको आमदानीमा कर लिने तर उत्पादन नोक्सन हुदा वा घाटामा पर्दा हेर्न समेत नआउने उल्टै समयमा कर नतिर्दा सजायको भागीदार बनाउने जस्ता जनबिरोधी कार्य खुलेआम भईरहेकोछ ।
यो नगरपालिकाले समेत जन्मिदा देखि मर्दा सम्म अर्थात जन्मदर्ता देखि मृत्युदर्ता सम्म समेत कर लगाउने, कर संकलन तथा सदुपयोग नगर्ने , आन्तरिक राजस्वलाई समेत पारदर्शी न बनाउने जस्ता कार्य गरिरहेकोछ ।
यस्ता गलत कार्यहरु पुनः हुन न दिन र जनताका अधारभूत समस्या समयमा समाधानका गर्न तथा यस नगरपालिका प्रति आम जनताको विश्वसनियता अभिवृद्धि गर्न निम्न मागहरु सहित यो ज्ञापन पत्र पेश गर्दछौ ।
आरके श्रीवास्तव,गरुडा समाचारदाता,३१ गते जेठ
चन्द्रपुरःरौतहटको उक्तरी भेग चन्द्रपुरमा खानेपानी पाइपलाईन बिस्तार र अवरुद्ध पानी सुचारु गर्न खाडल खन्ने काम सुरु गरिएको छ । आज (बुधबार) बाट देउराली चौक बाट दक्षिण पूर्व अवरुद्ध पानी सूचारु गर्न खाडल खन्ने सुरु गरिएको हो ।
नेपाली काङ्ग्रेसका चन्द्रपुर नगर सभापती मुकेश गिरिको पहल र चन्द्रपुर नगरपालिका प्रमुख संजय कुमार काफ्लेले पाईप उपल्बध गराउने प्रतिबद्धता गरे संगै पाईप हाल्न खाडल खन्न सुरु गरीएको चन्द्रनिगाहपुर खानेपानी तथा सरसफाइ उपभोक्ता संस्थाका सचिव अवदेशहरी भटृराईले जानकारी दिए ।
आज खाडल तयार भए संगै भोलि नै पाईप हाल्ने कार्य हुने सचिव भटृराईको भनाइ छ । त्यस्तै पैसा नतिरेका उपभोक्ताहरु लाइ महसुल बुझाउन अनुरोध गरिएको छ । चन्द्रनिगाहपुर खानेपानी तथा सरसफाइ उपभोक्ता संस्थाका नव निर्वाचित पदाधिकारी सहित टोलिले सो काम सुचारु गराएका हुन् ।
बिगत ३ महिना देखि पुर्व टोलका लगायत अन्य ठाउँका उपभोत्ताले शुद्ध खानेपानी बाट बञ्चित भएका बिषयलाई मध्य नजर गर्दै सो माम सुचारु गरिएको चन्द्रनिगाहपुर खानेपानी तथा सरसफाइ उपभोक्ता संस्थाका अध्यक्ष किशोर प्रसाद उपाध्यायले बताए । कोही पनि उपभोक्ता खानेपानी बाट बञ्चित हुनु हुँदैन् उनको भनाइ रहेको छ ।
यस्तै चन्द्रपुर नगरपालिकाका प्रमुख संजय कुमार काफ्लेले आफुले प्रतिबद्धता गरे अनुसार पाईप सहयोग गरेको बताएका छन् ।
काठमाडौं, ३१ जेठ
सभामुख देवराज घिमिरेसँग आज दक्षिण कोरियाका नवनियुक्त राजदूत पार्क तइयोङले शिष्टाचार भेट गरेका छन् ।
सिंहदरबारस्थित सभामुखको कार्यकक्षमा भएको भेटमा दुई देशबीचको सम्बन्ध, संसदीय अनुभव आदान-प्रदान, आर्थिक विकासलगायतका विषयमा कुराकानी भएको छ ।
भेटमा सभामुख घिमिरेले आगामी वर्ष नेपाल र कोरियाको कूटनीतिक सम्बन्ध स्थापना भएको पचासौँ वार्षिकोत्सवलाई विशेष महत्वका जनस्तरमा पनि सञ्चालन गर्नुपर्नेमा जोड दिए ।
सभामुख घिमिरेले दक्षिण कोरियामा ८५ हजारभन्दा बढी नेपाली श्रमिक कार्यरत रहेको बताउँदै नेपालको आर्थिक विकासमा कोरियाको सहयोग उल्लेखनीय रहेको बताए ।
सभामुखले सामसुङले नेपालमा कारखाना सुरु गरेकोमा धन्यवाद दिँदै नेपालमा थप लगानी गर्न आग्रह गरे । बौद्ध जन्मस्थल लुम्बिनीमा कोरियाबाट उल्लेख्य पर्यटकहरू आइरहेको बताउँदै सभामुखले आगामी दिनमा पर्यटन आवागमन वृद्धि हुने विश्वास व्यक्त गरे ।
उनले नेपाल–कोरिया सीधा हवाई उडानका लागि सकारात्मक तदारुकता देखाउन राजदूतमार्फत कोरिया सरकारको ध्यानाकर्षण गराए ।
राजदूत तइयोङले कोरियाको रोजगार क्षेत्रमा नेपाली कामदारको उल्लेख्य उपस्थिति रहेको बताउँदै नेपालीहरू ‘शिष्ट, मिहिनेती र अनुशासित’ रहेको टिप्पणी गरे ।
उनले नेपाल र कोरियाको कूटनीतिक सम्बन्ध स्थापना भएको स्वर्ण जयन्तीको अवसरमा आफ्नो मुलुकले विशेष कार्यक्रम गर्ने योजना बनाएको बताए ।
कोरियाको संसदमा कोरिया नेपाल मैत्री समूह गठन भएको जानकारी दिँदै राजदूत राजदूत तइयोङले नेपालको संघीय संसद्ले पनि छिट्टै मैत्री समूह गठन गर्ने विश्वास व्यक्त गरे ।
कोरियाबाट फर्केका नेपालीहरूले नेपालमा कृषिलगायतका उत्पादनशील क्षेत्रमा लगानी गरेको बताउँदै उनले घर र गाडी किनेर खर्च गर्ने प्रवृत्ति निरुत्साहित गर्नुपर्नेमा जोड दिए ।
नेपाल विश्वकै दोस्रो ठूलो जनस्रोतको देश भएको बताउँदै उनले जलविद्युतलगायतका क्षेत्रमा आफ्नो मुलुक लगानी गर्न इच्छुक रहेको जानकारी दिए ।
इलाम, ३१ जेठ
आफ्नै बाह्र वर्षीया छोरीलाई जबरजस्ती करणी गरेको आरोपमा इलामका एक व्यक्तिलाई जिल्ला अदालतले जन्मकैदको सजाय सुनाएको छ । न्यायाधीश दिलीपकुमार दाहालको इजलासले ३५ वर्षीय ती व्यक्तिलाई जन्मकैदसहित सात लाख रुपियाँ जरिवाना र एक लाख रुपियाँ क्षतिपूर्ति भराउने फैसला सुनाएको अदालतका श्रेस्तेदार फणीन्द्र भट्टराईले बताए ।
यस्तै दुई हजार आठसय रुपियाँ पीडित राहत कोषमा भराउने फैसला गरेको उनको भनाइ छ । पीडित बालिका उनका बाबुसहित हजुरआमा र काकासँग बस्दैआएकी थिइन् । परिवारका सदस्य कोही नभएको बेला बाबुले जबरजस्ती करणी गरी कसैलाई नभन्नु भन्दै धम्की दिएको पीडितका काकाले दिएको जाहेरीमा उल्लेख छ ।
जाहेरीमा पीडित बालिकाकी आमा भने मानसिक असन्तुलनका कारण भारतमा उपचाररत रहेको परिवारका सदस्यले बताएका छन् । घटना २०७९ चैत ५ गते भएको थियो । घटनालगतै पक्राउ परेका पीडक पुर्पक्षका लागि थुनामा रहेका थिए ।
काठमाडौं, ३१ जेठ ।
सरकारलाई जिल्ला निर्वाचन कार्यालय खारेज गर्ने निर्णय पुनरावलोकन गर्न निर्देशन दिइएको छ । सिंहदरबारमा बुधबार बसेको राष्ट्रिय सरोकार तथा समन्वय समितिले सरकारलाई उक्त निर्णय पुनरावलोकन गर्न निर्देशन दिएको हो ।
यही १५ जेठमा संघीय संसदको दुवै सदनको संयुक्त बैठकमा अर्थमन्त्री डा. प्रकाशशरण महतले आर्थिक वर्ष २०८०/०८१ को बजेटमा जिल्ला निर्वाचन कार्यालय खारेज गर्ने विषय समावेश गरिएको भन्दै सदनदेखि सडकसम्मबाट सरकारको आलोचना भइरहेको छ । प्रधानमन्त्री पुष्पकमल दाहाल प्रचण्ड र अर्थमन्त्री डा. महतले जिल्ला निर्वाचन कार्यालय खारेज नगरिने बताउँदै आएका छन् ।
यही बेला बुधबार बसेको समिति बैठकले जिल्ला निर्वाचन कार्यालय खारेज गर्ने निर्णय पुनरावलोकन गर्न सरकारलाई निर्देशन दिइएको हो ।
काठमाडौं, ३१ जेठ ।
चीनको औपचारिक भ्रमणमा रहेका राष्ट्रिय सभाका अध्यक्ष गणेशप्रसाद तिमिल्सिना र चीनको सांघाई म्युनिसिपल पिपुल्स कंग्रेस स्थायी समितिका अध्यक्ष डोङ युन्हुबीच शिष्टाचार भेटवार्ता भएको छ ।
पिपुल्स बिल्डिङमा भएको भेटमा अध्यक्ष तिमिल्सिनाले चीनको औधोगिक सहर सांघाईको विकासबाट नेपालले धेरै कुरा सिक्न सक्ने बताउँदै सांघाईबाट काठमाडौं र पोखरा सिधा उडान भए सांघाईको औद्योगिक र व्यापारिक क्षेत्रको नेपालले लाभ लिनसक्ने बताए ।
सांघाईबाट काठमाडौं र पोखरा सिधा हवाइ उडान हुँदा नेपाली व्यापारीहरू पनि सोझै चीन आउन सक्छन् र यहाँबाट पनि धार्मिक पर्यटकहरू लुम्बिनी जान सक्ने र अन्य पर्यटकहरु पोखरा जान सक्छन्,’ भेटमा अध्यक्ष तिमिल्सिनाले भने ।
अध्यक्ष तिमिल्सिनाले पोखरा महानगरले सांघाई शहरसँग भगिनी सम्बन्ध राख्ने चाहना व्यक्त गरेको त्यहाँका अधिकारीहरुलाई जानकारी गराएका अध्यक्ष तिमिल्सिनाको सचिवालयले जानकारी दिएको छ ।
सांघाई म्युनिसिपल पिपुल्स कंग्रेस स्थायी समितिका अध्यक्ष डोङ युन्हुले सांघाई सबैभन्दा ठूलो आर्थिक केन्द्र शहर भएको र यसले चीन र नेपालबीचको अन्तर सम्बन्ध बढाउने, अर्थतन्त्र, संस्कृति, पर्यटन र जनजीविकाका क्षेत्रमा दुई स्थानबीचको सहयोगको प्रवाहलाई अझ प्रगाढ बनाउने र दुई देशका जनतालाई फाइदा पु¥याउन मैत्रीपूर्ण आदानप्रदानलाई निरन्तर विस्तार गर्ने बताए ।
भेटमा नेपालको संसदीय प्रतिनिधि मण्डलका सदस्य साथै चीनको सांघाईका नेसनल पिपुल्स कंग्रेसको स्थायी समितिका सदस्य, राष्ट्रिय जनकांग्रेसको विदेश मामिला समितिका उपाध्यक्ष तथा राष्ट्रिय जनकांग्रेसको चीन–नेपाल मैत्री समूहका उपप्रमुख वाङ के र सांघाई म्युनिसिपल पिपुल्स कंग्रेसको स्थायी समितिका महासचिव सी जियाङगाङ लगायत सहभागी थिए ।
अध्यक्ष तिमिल्सिना नेतृत्वको प्रतिनिधि मण्डलले सांघाईमा साईयाक भोल्क्स्वाजेन न्यु इनर्जी उद्योग, सांघाई ग्रामिण योजना प्रर्दशनी केन्द्र, चिनियाँ कम्युनिष्ट पार्टीको पहिलो सम्मेलन केन्द्र, लगायतका स्थलहरुको अवलोकन भ्रमण गर्ने कार्यक्रम रहेको छ ।
अध्यक्ष तिमिल्सिनाले यसअघि भ्रमणका क्रममा बेइजिङमा जनवादी गणतन्त्र चीनको राष्ट्रिय जनकांग्रेसको स्थायी समितिका अध्यक्ष चाओ लिजी, चिनियाँ जन राजनीतिक परामर्शदातृ सम्मेलनका अध्यक्ष वाङ हुनिङसँग भेट र द्विपक्षीय वार्ता गरेका थिए ।
वार्ताका क्रममा चीनको छेन्दुबाट पोखरासम्म सिधा हवाइ उडान सुरु गर्ने बिषय प्रमुखता पाएको थियो । अध्यक्ष तिमिल्सिनासहितको ९ सदस्यीय नेपाली प्रतिनिधि मण्डल बिहीबार तिब्बततर्फ प्रस्थान गर्ने कार्यक्रम रहेको छ ।
रन्धिर साह, रौतहट, जेठ ३१ ।
पछिल्लो समयदेखिनै रौतहट जिल्लाको गौर भन्सार चर्चा परिचर्चामा आउदै गरेको छ । कहिले भन्सार छली ल्यायएको समान तथा कहिले भन्सारको मिलोमतोमा सामान भित्रियाएको बारेमा त कहिले दुर्व व्यववाहारका कारण । रौतहटमा यी एउटा मात्र भन्सार हो जहाँ अवैध धनधा तथा ठुलो मात्रामा सामान निर्यात हुँने गर्छ । यसोत यी जिल्लामा रहेका हरेक सिमाना भारतको सिमानासंग जोडीएको छ ।
सोाही कारण हो कि यहाँ अव्यवस्थित तरिकाले सामान नेपाल भित्रियाउने कार्य तथा सोचेको जस्तो राजश्व संकलन हुँन सकेको छैन् । रौतहट जिल्लाको मुख्य नाकाको रूपमा रहेको गौर भन्सार कार्यालयकै सेटिङका ठूला तस्करी हुने गरेको बेला बेलामा आलोचना हुनेनै गर्छ । यस्तै हिजो मंगलबार एकासि भन्सारको बोड बन्द गरेर शस्त्र प्रहरीले भारतबाट सामान ल्याएको सर्वसधारनलाई रोकी चेक चाज गर्दै गर्दा एक जना महिलालाई एक जना महिला शस्त्र प्रहरी र तिन जना पुरुष शस्त्र प्रहरीले समातेर कार्यालय भित्र लगेको थियो ।
सोही कारणले केही समयका लागि त्यहाँका माहोल नै विग्रीएको र सो घाटना बारे जानकारी लिन खोजदा शस्त्र प्रहरी प्रमुख देखि जवान समेतले हामीले केही भन्न नमिले भन्दै यता उता भागि रहे । बास्तामा त्याहाँ के भइ रहेको छ रु हरेक क्रियाकलापमा सर्वसधारनले नै किन सास्ती हुँने गर्छ यिति आदिको विषमा सैचारकर्मीहरुले सोध खोज गर्दा डिवटीमा खटिएका सुशक्षाकर्मीहरु यता उता भागनुका साथै सो सदंर्भमा हामिले केही भन्न नमिले बताए । ठुलोलाई चयन र सानोलाई एन भएको पिडित एक महिलाले बताए ।
उनको अनुसार भन्सारबाट सामान लैजानका लागि पैसादिएमा सबै ठिक नदिएमा नियम कानून। यो कानून ठुला तथा बढि सामान निर्यात गर्नेहरुमा किन लागु हुँदैन् रु हामी सर्व सधारन गरिबलाई नै किन रु हामीनै हरेक क्रियाकलामा दुख भोगनु परेको गुनोसो गरे ।
उनले भने हामी एक महिनामा एक दिन मात्र आफ्नो घर खर्चका लागि केही सामान लैजाने गर्छु । भन्सार प्रमुखदेखि सबै कर्मचारीको सेटिङमा नेपालबाट भारततिर भारतबाट नेपालतिर ठूलो मात्रा तस्करी हुने गरेको पाइन्छ । हातमा सामान बोकेर आफ्नो घरमा प्रयोग गर्न ल्याउने गरिबहरूलाई भन्सार कर्मचारीले लछारपछार गर्ने, अपशब्द प्रयोग गर्ने र सामान खोस्ने गर्दै आएको गुनासो बारम्बार हुने गरेको छ तर भन्सार कर्मचारीहरू भने माथिको आदेशमा राजस्व छलीको काम रोक्न आफूहरू सक्रिय हुने गरेको बताउँछन्।
घरायसी प्रयोजनको लागि व्यक्तिगत किसिमले हातमा सामान बोकेर ल्याउँदा पनि सय पचास रुपैयाँ हातमा नथमाउँदा सामानलाई अवैध मान्ने गौर भन्सारका कर्मचारीहरू भने भारी परिमाणमा सामान आउँदा सरकारी राजस्वलाई छलेर खल्ती भर्ने गरेका छन् । भन्सार भएर ओहोरदोहोर गर्ने यात्रु तथा मालसामान ढुवानी गर्नेलाई जति धेरै सताउन सक्यो उति धेरै रकम अँठ्याउन सकिन्छ भन्ने मानसिकताले काम गरिरहेको आरोप रहेको छ ।
कुनै निजी प्रयोजनका लागि भन्सार कटाएर ल्याउनु पर्ने सानोतिनो सामानको भन्सार काट्न भन्दा अनेक झमेला देखाएर भन्सारका कर्मचारीहरूले नगदै हात पार्ने दाउ गर्ने गरेको नाम न लेखने सर्तमा गौरकै एक जना बेपारी बताए । ठूलो परिमाणमा सामान मगाउँदा नियमानुसार भन्सार कटाएर ल्याउन खोज्दा भन्सारका कर्मचारीहरूले झन्झटिलो, बोझिलो, धेरै दिन लाग्ने र धेरै रकम पर्ने बताउँदै बिचौलियाको सहारा लिन बाध्य बनाउने गरेका छन्।
वैधानिक रूपमा धेरै राजस्व आउने सामानलाई पनि कम परिमाणको देखाएर राजस्व छली गर्ने र बाँकी रकम कर्मचारीहरूले नै हजम पार्ने गरेका छन् । गौर भन्सारका कर्मचारीहरूले कपडा, मेसिनरी सामान र पाटपूर्जा तथा खाद्यान्न सामग्रीलाई वास्तविक तौलभन्दा साठी प्रतिशतसम्म कम तौल देखाएर भन्सार काट्ने गरेको व्यापारीहरू नै बताउँछन्। साठी प्रतिशत कमको भन्सार काटेर राजस्व तिर्नुपर्दछ र तीस प्रतिशत बराबरको रकम भन्सार कर्मचारीहरूले लिने एक व्यापारीले नाम उल्लेख नगर्ने शर्तमा बताएका छन्।विभिन्न सानातिना नाका तथा खेत र आलीको बाटो हुने गरेको तस्करीलाई सशस्त्र प्रहरी बलले नियन्त्रण गर्न कडाइ गरेपछि बिचौलियाहरूको माध्यमबाट भन्सार नाकाबाटै नयाँ तरिकाले कर्मचारीको संलग्नतामा नै तस्करी सुरु भएको छ। प्रहरी कर्मचारीको आँखामा धुलो छरेर भन्सारका कर्मचारीले राजस्व छलीमा ठूलो योगदान गरिरहेको धेरैले बुझिसकेका छन् ।
तस्करको समान निर्बाध रुपमा छोड्ने भंसार कर्मचारीले घरायसी समान ल्याउने व्यक्तिलाई आर्थिक लाभ लिने उदेश्यले हैरानी परेशानी गर्ने गरेको गुनासो स्थानीयहरुको रहेको छ । भन्सार कार्यालय देखि उत्तर तर्फ रहेका पसलमा कारोवार गर्ने सित कर्मचारीहरु तथा त्यहाँ खटेका सुरक्षाकर्मीहरु रकम लिने गरेको बुझिएको छ । मुख्य गेटमा सिसि टिभी कैमरा जडान गरिएकोले छेउमा गएर कारोवार गर्नेहरु सित रकम लिने गरेको हो ।
मुम्बई, ३१ जेठ ।
गीतकार तथा लेखक जावेद अख्तर बलिउडमा चिनाइरहनु पर्ने नाम होइन ।
हालैमात्र उनले कैयौं फिल्मको गीत १० मिनेट भित्र लेखेको बताएका छन् ।
उनले फिल्म ‘साथ–साथ’ को गीत ‘तुमको देखा तो ये ख्याल आया’ ९ मिनेटमा लेखेर तयार पारेको खुलाएका छन् । जावेदका अनुसार उनले ८ देखि ९ पेग मदिरा पिएपछि उनले यो गीत तयार पारेका थिए ।
हालै कोलकाताको एक कार्यक्रममा पुगेका उनले गीत लेखन बारेका कुरा सुनाएका थिए । ‘मैले १० मिनेट भित्र केही गीत लेखेको छु । सिलसिला पछि यश चोपडाका सहायक मेरो नजिक आए । उनले मलाई आफ्नो फिल्मको लागि गीत लेख्न अनुरोध गरे ।
उनीसँग पैसा थिएन तर मैले प्रस्ताव स्वीकारें । मैले गीत लेखें, तर सित्तैमा काम गरिरहेकोले गीत पनि अपुरो रह्यो । उनी जहिल्यै बेलुका आउँथे र गीत माग्थे । त्यो समयमा म मदिरा पिउँथे’, उनले भनेका छन् । उनका अनुसार ती निर्देशक र जावेद जहिल्यै बेलुका मदिरा पिएर गफमा भुलिन्थे ।
‘हरेक रातीको दुई बजे भोलि गीत पुरा गर्ने सहमति हुन्थ्यो । म ढिलो गर्थे । फेरी एकपटक उसले सोध्यो । त्यो आधा रातको समय थियो । ८ देखि ९ पेग पछि मैले कागज र कलम मागें । मैले त्यो गीत तुरुन्तै पुरा गर्ने निर्णय लिएँ’, जावेद सम्झन्छन् ।
‘मलाई थाहा छ कि मैले यो गीत ९ मिनेटमा लेखें । किनकी गीत लेखाउने व्यक्तिले ९ बजेट ट्रेन समात्नुपर्ने थियो । यसकारण ऊ आफ्नो घडी हेरिरहेको थियो । मैले गीत ९ मिनेटमा पुरा गरें र उसलाई दिएँ ।
जगजीत सिंहले गीत गाए, त्यो गीत थियो, ‘तुमको देखा तो ये ख्याल आया’ । यो गीत शायद राती १२ः३० बजे लेखेको थिएँ’, जावेद भन्छन् । फिल्म ‘साथ–साथ’मा फारुख शेख, दीप्ति नवल, सतीश शाह र नीना गुप्ताको अभिनय थियो ।
काठमाडौं, ३१ जेठ ।
राष्ट्रपति रामचन्द्र पौडेल डिस्चार्ज भएका छन ।
मुटुमा समस्या देखा परे पछि हिजो मंगलवार शहीद गंगालाल राष्ट्रिय हृदय रोग केन्द्रमा भर्ना भएका राष्ट्रपति पौडेल आज डिस्चार्ज भएका हुन । अस्पतालले बुधबार जारी गरेको बिज्ञप्ति अनुसार उनको स्वास्थ्य अवस्था सामान्य रहेको छ।
हिजो बिहान नियमित स्वास्थ्य परीक्षणका क्रममा उनी अस्पताल पुगेका थिए । उनलाई चिकित्सकको सल्लाह अनुसार २४ घन्टासम्म अवलोकनमा राखिएको थियो ।
उनी आज डिस्चार्ज भएको अस्पतालका कार्यकारी निर्देशक डा.चन्द्रमणि अधिकारीले जानकारी दिए।
