रौतहट, ६ माघ ।
रौतहटका वृन्दावन नगरपालिकाको अधिकांश सामुदायिक विद्यालयमा दिवा खाजा कार्यक्रम बन्द भएको छ ।
सो पालिकामा विगत लामो समयदेखि कार्यकारी प्रमुख नहुँदा दिवा खाजा कार्यक्रम प्रभावित बनेको एकजना शिक्षकको भनाइ रहेको छ ।
दिवा खाजा प्रभावित बनेपछि सो पालिकाका सामुदायिक विद्यालयमा छ । विगत छ महिनादेखि उधारोमा खाजा खुवाइरहेको तर, भुक्तानी पाउन नसकेपछि उधारो दिने पसलहरुले पनि उधारो बन्द गरेपछि सो पालिकाका अधिकांश विद्यालयको दिवा खाजा कार्यक्रम प्रभावित बनेको छ ।
बालबालिकाको स्वास्थ्य अध्ययन अध्यापन गर्ने बालबालिकाको संख्या समेत घट्न थालेको शिक्षकहरूको भनाइ रहेको र पोषणलाई मध्यनजर गर्दै सरकारले प्रत्येक सामुदायिक विद्यालयमा दिवा खाजा कार्यक्रम लागु गरेको छ । बालबालिका कुषोषणको सिकार नहुन र विद्यालयमा नियमित उपस्थित गराउने उद्देश्यले दिवा खाजा संचालन गरेपनि वृन्दावनका समुदायिक विद्यालयमा भने, यो सेवा प्रभावकारी हुन सकेको छैन ।
वृन्दावनका एक प्रधानाध्यापकका अनुसार विगत लामो समयदेखि भुक्तानी नपाएका कारण उधारोमा खाजा खुवाउन नसकिने बताएका छन् । विगत ६ महिनामा करिब डेढ लाखको उधारो खाजा खुवाएको र सोको भुक्तानी आफ्नो खोतमा उत्पादन भएको धान बेचेर तिरेको प्रधानाध्यापकको गुनासो रहेको छ ।
उनले भने, अब कि त नगरपालिकाले उधारो मगाइदिनु पर्यो नत्र समयमै भुक्तानी दिनु पर्यो नभए हामी उधारोमा ल्याएर खाजा खुवाउन नसकिने बताए न्युजका्रखाना
काठमाडौं,माघ ६ ।
एमाले जनसंगठन नेपाल खेलकुद महासंघले पार्टी र नेताबिरुद्ध चलाइएको अफवाह चिर्न बिशेष टीम बनाएको छ ।
शुक्रवार सम्पन्न महासंघको केन्द्रीय कमिटीको दोस्रो बैठकले प्रतिक्रियावादीहरुले सुनियोजित रुपमा एमाले नेतृत्व र पार्टीमाथि आक्रमण गरेको निश्कर्षसहित रिनन पोखरेलको नेतृत्वमा ५ हजार १ सदस्यीय बिशेष समिति गठन गरेको हो ।
नेकपा एमालेका अध्यक्ष एवं पूर्वप्रधानमन्त्री केपी शर्मा ओली, महासचिव शंकर पोखरेल, जनसंगठन समन्वय संयन्त्रका प्रमुख भानुभक्त ढकाल र महासंघका इञ्चार्ज कर्ण थापाले बिशेष प्रशिक्षण दिनुभएको केन्द्रीय कमिटी बैठकमा अध्यक्ष पर्शुराम बस्नेतले पार्टी नेतृत्वबिरुद्ध भइरहेको आक्रमणको प्रतिवाद गर्न समिति गठनको प्रस्ताव गर्नुभएको थियो । अध्यक्ष बस्नेतको प्रस्तावलाई बैठकले सर्वसम्मत रुपमा पारित गरेको हो ।
‘नेकपा एमाले तथा हाम्रा पार्टी नेता तथा नेतृत्वप्रति प्रायोजित आक्रमण, हमला तथा फैलाइने अनावश्यक हल्लाहरुलाई परास्त गर्न र जनमानसमा रहेका भ्रमहरु चिर्न कमिटीले बिषेश योजनासहित काम अघि बढाउने छ,’ अध्यक्ष बस्नेतले भन्नुभयो, ‘कमिटी अब नेकपा एमालेविरुद्धका समाजमा छरिएका हुन् या सामाजिक सन्जालमा गरिएका किन नहुन्, अनावश्यक प्रायोजित हल्ला तथा भ्रमहरुलाई चिर्न डटेर लाग्नेछ, नेकपा एमालेको प्रतिरोधी दस्ता हुनेछ ।’
बैठकले आगामी निर्वाचनमा एमालेको एकल बहुमतको सरकार बनाउने अभियानलाई सफल बनाउनका लागि पार्टी अध्यक्ष केपी शर्मा ओलीलाई नै रोलमोडल बनाउनु पर्ने ठहर गर्दै सिंगो पार्टी पंक्तिलाई यसतर्फ बिशेष ध्यानाकर्षण गरेको छ । ‘आफ्नै पार्टीको नेतालाई रोलमोडल बनायौं भने मात्रै मिशन ८४ सफल हुन्छ । केपी ओलीलाई रोलमोडल बनाएर सिंगो पार्टी पंक्ति मिशन ०८४ मा होमिनुपर्छ,’ महासंघका अध्यक्ष बस्नेतले भन्नुभयो ।
अध्यक्ष बस्नेतका अनुसार बैठकले संगठन बिस्तारको बिशेष योजना पनि पारित गरेको छ । जसअनुसार आगामी ३ बर्षभित्र डेढ लाख नयाँ सदस्यता बितरण गरिने छ । यस्तै बैठकले एक कमिटी एक खेलकुद गतिबिधि सञ्चालन र एक सदस्य दुई नयाँ सदस्य बितरण अभियान अघि बढाउने निर्णय गरेको छ ।
अव महासंघका हरेक कमिटीले एउटा खेलकुद कार्यक्रम सञ्चालन गर्ने र प्रत्येक सदस्यले दुई जना नयाँ सदस्य बनाउने निर्णय बैठकले गरेको हो,’ अध्यक्ष बस्नेतले भन्नुभयो ।
उहाँले केन्द्रीय कमिटीको बैठकको निर्णयअनुसार नेपाल खेलकुद महासंघ अब सशक्त रुपमा संगठन सुदृढीकरण, शुद्धिकरण तथा विस्तारमा लाग्ने जानकारी पनि दिनुभयो ।न्युजका्रखाना
रौतहट, ६ माघ ।
करिब ६ लाख नेपाली रुपैयाँ सहित रौतहटमा एक जना मानिस पक्राउ परेका छन् ।
सशस्त्र प्रहरीको गस्ती टोलीले हुण्डी कारोबार गरेको आशंकामा एकजना मानिस लाई पक्राउ गरेको हो।
सशस्त्र प्रहरी बोर्डर आउट पोष्ट बंकुलका प्रमुख सशस्त्र प्रहरी निरीक्षक नरेन्द्र कुमार पाटामगर नेतृत्वको टोलीले शनिवार पाँचलाख ९४ हजार रुपैयाँ सहित परोहा नगरपालिका ८ का दिनेश प्रसाद कुष्वाहालाई पक्राउ गरेको छ।
सीमावर्ती बौधीमाई नगरपालिका–७ छोटी बंकुल हुँदै भारत तर्फ गई रहेको बागतमी प्रदेश ०२–०३८ प.–५८६७ नम्बरको मोटरसाइकल चेकजाँच गर्दा एक हजार दरको ३४२ र पाँच सय दरका ५०४ थानगरी कुल पाँच लाख ९४ हजार रुपैयाँ सहित कुशवाहा पक्राउ भएको इन्स्पेक्टर पाटा मगरले बताएका छन।
बरामद रुपैया, मोटरसाईकल सहित ४५ वर्षीय कुशवाहालाई आवश्यक कारवाहीको लागि जिल्ला भन्सार कार्यालय गौरमा बुझाइएको सशस्त्र प्रहरी हेक्वा रौतहटले जनाएको छ।
सप्तरी, ६ माघ ।
चार पार्टीका प्रमुखले मुलुकलाई बन्धक बनाएको जनमत पार्टीको राष्ट्रिय अध्यक्ष प्रतिनिधि सभा सदस्य डा. सिके राउतले बताएका छन्।
नेपाल पत्रकार महासंघ सप्तरीमा शनिबार पत्रकार सम्मेलनको आयोजना गरि राउतले यस्तो बताएका छन् । उनले भने,´ नेकपा एमाले,नेपाली कांग्रेस,नेकपा माअोवादी तथा एकीकत समाजवादीका मुख्य ब्यक्तिलेमुलुकमा जे गर्छ त्यही हुन्छ अन्य कसैले केही गर्न सक्दैन ।’
खास गरेर जहिले पनि पेवाको रूपमा मुलुकमा नेतृत्वमा रहदै आएकाहरूले मधेसमा भ्रष्टाचार हुन्छ र मधेसी नेता भ्रष्ट हुन्छ भन्ने अपवाह फैलाएर मधेसलाई थप पछाडि धकेल्दै आएको उनले आरोप लगाए । उनले भने,´ अरबौ भष्टाचार गर्ने ब्यक्तिले उल्टो मधेसी नेतालाई भ्रष्टको आरोप लगाएर मधेर र मधेसीको विकासको बाधक नेतृत्व पक्ष नै बनेको छ ।’ आफु उर्जाका साथ संसदमा प्रतिनिधित्व गरेपनि त्यहाँको व्यवस्था हेरेर निराशावादी भएको उनको भनाइ थियो ।
उनले थपे,´ अहिलेको संसदमा केही बोल्न छुट छैन । विप जारी हुन्छ । बोल्यो भने कार्वाही हुन्छ दुईचार जनाले जे गर्छ त्यहीँ नै हुन्छ । यो सरकार र गठबन्धनबाट केही गराउन नसकिने उनको धारणा रहेको थियोे । डिसिजन मेकरमा हाम्रो कुनै भुमिका नरहेकोले नयाँ परियोजनाको विषयमा सुन्न चाहदैनन् ।५२/५३ प्रतिशत जनता मधेसमा भएपनि हामीले दिनेमा हुनपर्थ्यो तर उल्टो उनीहरूसंग माग्नुपर्ने बाध्यता छ ।
मधेसले विकास र अधिकार चाहेको छ । अधिकार प्राप्तिको लागि आन्दोलन गर्न जहिले पनि तयार रहनुपर्छ ।आन्दोलनको विकल्प नरहेको राउतको भनाई थियो । अहिलेको अवस्था मधेस,जनजाति,अल्पसंख्यक, तथा पछाडि परेका समूदायका लागि नभएको राउतको भनाई थियो न्युजका्रखाना
मुम्बइ, ६ माघ ।
रणवीर कपूर र रश्मिका मन्डनाको फिल्म एनिमलले बक्स अफिसमा धमाका मच्चाएको छ । यो फिल्म सुपरहिट साबित भएको छ ।
फिल्ममा रश्मिका मन्डन्नाले रणवीर कपूरकी पत्नीको भूमिका निभाएकी छिन् । यस फिल्ममा रश्मिकाले श्रीमानलाई थप्पड हानेको दृश्य छ । रश्मिकाले भर्खरै एक अन्तर्वार्तामा यस दृश्यको आफ्नो अनुभव साझा गरेकी छिन्। उनले रणवीरलाई थप्पड हाने पछि रोएको बताएकी छिन् ।
फिल्ममा रणवीरले आफ्नी श्रीमती रश्मिकालाई धोका दिन्छन् र जब उनले यो कुरा उनलाई सुनाए, रश्मिकाले उनलाई कडा थप्पड हानेकी छन्। रश्मिकाले पिंकभिलालाई दिएको अन्तर्वार्तामा यो दृश्य एकै पटक खिचिएको बताइन् ।
रश्मिकाले भनिन्– ‘यो दृश्यमा धेरै घुमफिर भएको थियो, त्यसैले एउटा दृश्यमा छायांकन गरिएको हो । मलाई थाहा थिएन म के गर्न गइरहेको छु। सन्दीपले मलाई महसुस गराए कि यदि कुनै व्यक्ति यस्तो अवस्थामा छ भने उसको प्रतिक्रिया कस्तो हुन्छ। यति मात्र सम्झन्छु। मलाई एक्शन र कट बीचको केहि याद छैन। म सम्झन सक्दिन। मेरो मन खाली थियो ।’ यो दृश्यमा रश्मिकाले रणवीरलाई थप्पड हानेकी थिइन् ।
रश्मिकाले भनिन्, ‘यो दृश्यपछि म साँच्चै रोएँ किनकी मैले रणवीरलाई साँच्चै थप्पड हाने र म चिच्याएँ ।’
रश्मिकाले थप भनिन्, ‘सीन सकिएपछि म रणवीरकहाँ गएँ र उनलाई सोधेँ कि ठीक छ ? तिमी सन्चै छौ ? हामीले यो क्रम आधा दिनमा पूरा गर्यौं। मलाई यो मन पर्यो र त्यो क्षण मैले सोचेको थिएँ कि यो एक अभिनेता हुनुको उच्च स्तर हो। मानिसहरू हरेक पटक यस प्रकारको क्रम लेख्दैनन्। यो फिल्म गरेकोमा म निकै खुसी छु । म आफै छक्क परें ।’
एनिमलमा रश्मिका र रणवीरका साथ अनिल कपुर, बबी देओल र तृप्ती डिमरी महत्वपूर्ण भूमिकामा देखिएका छन् । फिल्मलाई सन्दीप वाङ्गले निर्देशन गरेका हुन् ।न्युजका्रखाना
टोकियो, ६ माघ ।
जापानको चन्द्रयान चन्द्रमामा सफलतापूर्वक अवतरण भएको छ ।
जुन सफलता पछि अमेरिका, रुस, चीन र भारतपछि जापान चन्द्रमामा अवतरण गर्ने पाँचौं देश बनेको छ ।
जापानको अन्तरिक्ष एजेन्सीले आफ्नो स्मार्ट ल्यान्डर फर इन्भेस्टिगेटिङ मुन (स्लिम) ले चन्द्रमाको सतहमा सफ्ट ल्यान्डिङ गरेको जनाएको हो ।
जापान एरोस्पेस एक्सप्लोरेसन एजेन्सीले मुन स्निपर नामक प्रोबलाई लक्ष्यको १०० मिटर (३२८ फिट) भित्र अवतरण गर्ने प्रयास गरेको छ।
जापानको अन्तरिक्ष एजेन्सी स्लिमले आफ्नो सही लक्ष्य हासिल गरेको छ कि छैन भनेर प्रमाणित गर्न एक महिना लाग्ने बताएको छ।
बिविसीका अनुसार जापानको अन्तरिक्ष एजेन्सीले ‘मून स्नाइपर’ भनेर चिनिने आफ्नो अन्तरिक्ष यान चन्द्रमामा अवतरण गरेको जनाएको उल्लेख गरेको छ। न्युजका्रखाना
काठमाडौं, ४ माघ ।
म्यानचेस्टर सिटी विश्वको सबैभन्दा मुल्यवान टिम बनेको छ ।
फुटबल बेन्चमार्कले सार्बजनिक गरेको युरोपियन फुटबल क्लबहरुको बार्षिक रिपोर्ट अनुसार म्यानचेस्टर सिटीको अहिलेको टिम विश्वको सबैभन्दा बढी मुल्यको रहेको हो ।
यस रिपोर्टमा २०२३ मा युरोपका टप पाँच लिगमा क्लबहरुले खेलाडी ट्रान्सफरमा १.१ बिलियन युरो खर्च गरेका छन् । म्यानचेस्टर सिटीको टिमको अहिलेको बजार मुल्य १४१४ मिलियन युरो रहेको छ । जुन अघिल्लो बर्षको भन्दा ९ प्रतिशतले बढी हो ।
त्यस्तै यस सूचीमा दोस्रो स्थानमा फ्रेन्च च्याम्पियन पिएसजी रहेको छ । पिएसजीको टिमको बजार मुल्य ११५२ मिलियन युरो गरेको छ, जुन अघिल्लो बर्षको तुलनामा १५ प्रतिशतले बढी हो ।
त्यसैगरी यस सूचीमा तेस्रो स्थानमा रियल म्याड्रिड रहेको छ । रियल म्याड्रिडको टिमको बजार मुल्य ११५२ मिलियन युरो रहेको छ, जुन अघिल्लो बर्षको तुलनामा २१ प्रतिशतले बढी हो ।
त्यसैगरी जर्मनी क्लब बायर्न म्युनिख यस सूचीमा चौथो स्थानमा रहेको छ । बायर्नको टिमको बजार मुल्य १०२३ मिलियन युरो रहेको छ । बायर्नको बजार मुल्य अघिल्लो बर्षको तुलनामा २ प्रतिशतले घटेको छ ।
त्यस्तै स्पेनिस क्लब बार्सिलोना यस सूचीमा पाँचौं स्थानमा रहेको छ । बार्सिलोनाको टिमको अहिलेको बजार मुल्य अघिल्लो बर्षको तुलनामा एक प्रतिशतले कम १००५ मिलियन युरो रहेको छ ।
यस सूचीमा प्रिमियर लिग क्लब म्यानचेस्टर युनाइटेड छैटौं स्थानमा छ र यसको टिमको बजार मुल्य ९६६ मिलियन युरो रहेको छ, जुन अघिल्लो बर्षको तुलनामा ११ प्रतिशतले बढी हो ।
त्यसैगरी यस सूचीमा इटालियन क्लब नापोली सातौं स्थानमा रहेको छ । नापोलीको टिमको बजार मुल्य ६८२ मिलियन युरो रहेको छ, जुन अघिल्लो बर्षको तुलनामा ९ प्रतिशतले बढी हो ।
त्यसैगरी यस सूचीमा आठौँ स्थानमा जर्मनी क्लब बोरुसिया डोर्टमण्ड रहेको छ । डोर्टमण्डको टिमको बजार मुल्य ६०९ मिलियन रहेको छ, जुन अघिल्लो बर्षको तुलनामा ३ प्रतिशत कम हो ।
त्यस्तै यस सूचीमा नवौं स्थानमा इटालियन क्लब युभेन्टस रहेको छ । युभेन्टसको अहिलेको टिमको बजार मुल्य ४६५ मिलियन युरो रहेको छ, जुन अघिल्लो बर्षको तुलनामा ११ प्रतिशतले कम हो ।
त्यस्तै यस सूचीमा दशौँ स्थानमा पोर्चुगलको क्लब बेनिफिका रहेको छ । बेनिफिकाको अहिलेको टिमको बजार मुल्य ४१७ मिलियन युरो रहेको छ जुन अघिल्लो बर्षको तुलनामा ११ प्रतिशतले बढी हो ।न्युजका्रखाना
नयाँदिल्ली, ६ माघ ।
आगामी २२ जनवरीमा अयोध्यामा राम मन्दिरको मूर्तिलाई अभिषेक गरिदैँछ, मुख्यतः संसार भरीका हिन्दु धर्मालम्बीहरु लामो समयदेखि यो दिनको प्रतिक्षामा रहेका छन ।
यस्तो अवस्थामा यससँग सम्बन्धित एउटा समाचार आइरहेको छ कि भारतमा गर्भवती महिलाहरु यो दिन आफ्नो बच्चालाई जन्म दिन चाहन्छन् र यसका लागि उनीहरुले डाक्टरलाई विशेष अनुरोध पनि गरिरहेका छन् ।
देशका विभिन्न राज्यका डाक्टरहरूले भनेका छन् कि हामीलाई यस्ता धेरै अनुरोधहरू प्राप्त भएका छन्, जसमा महिलाहरूले जनवरी २२ मा सी सेक्शन मार्फत बच्चा जन्माउन चाहन्छन्। तर हामी यस प्रकारको डेलिभरीलाई उपयुक्त ठानिदैन । ‘कतिपय व्यक्तिहरू छन्, जो एक विशेष समयमा मात्र बच्चा जन्माउन चाहन्छन्। तर हामी डाक्टर हौं र चिकित्सा विज्ञान अनुसार काम गर्छौं। बच्चा र आमाको अवस्था हेरेर मात्र डेलिभर गर्नेछौं,’ मुम्बईका स्त्री रोग विशेषज्ञ निरञ्जन चव्हाण, डा चेरी शाहले भनिन ।
उनका अनुसार देशका विभिन्न कुनाबाट डाक्टरहरुलाई यस्तो अनुरोध आएको छ । जसमा गर्भवती महिलाको परिवार २२ जनवरीमा मात्र बच्चा जन्मेको हेर्न चाहन्छ । दिल्लीका वरिष्ठ डाक्टर रुची टण्डनका अनुसार डाक्टरका लागि सबैभन्दा महत्त्वपूर्ण कुरा स्वस्थ प्रसूति हो, जसमा आमा र बच्चा दुवै सुरक्षित रहन्छन्।
जीएसवीएम मेडिकल कलेज, कानपुर अन्तर्गत मातृ शिशु अस्पतालकी डाक्टर सीमा द्विवेदीले भनिन, ‘गर्भवती महिला जसको निर्धारित मिति जनवरी महिना हो र त्यसमा पनि २२ जनवरी हो, उनीहरुले मात्रै २२ जनवरीमा डेलिभरी गर्नुपर्छ ।’ उनका अनुसार हालसम्म १३ देखि १४ महिलाले यस्तो आग्रह गरेका छन् ।
डा. सीमा द्विवेदीले यसअघि पनि महिलाले विशेष समयका लागि सन्तान जन्माउन अनुरोध गर्ने गरेको बताउँदै सुत्केरी हुने समय स्थायी नभए पनि २२ जनवरीमा गर्भवती महिलामा निकै उत्साह रहेको बताइन् । उनका अनुसार यस अनुरोधलाई मध्यनजर गर्दै सम्भवः भएसम्म २२ जनवरीमा नै बच्चा जन्माइने छ । तर, गर्भवती महिलाको स्वास्थ्य र बच्चाको स्वास्थ्यलाई ध्यानमा राखी निर्णय गरिनेछ। यो विशेष दिनमा डेलिभरीको मागलाई ध्यानमा राखेर तयारी पनि गरिएको छ ।न्युजका्रखाना
काठमाडौं, ६ माघ ।
हाल नेपालमा पश्चिमी वायुको आंशिक प्रभाव रहेको छ।
जल तथा मौसम विज्ञान विभाग, मौसम पूर्वानुमान महाशाखाका अनुसार हाल कोशी, बागमती र गण्डकी प्रदेशको पहाडी भू-भागमा आंशिक देखि साधारणतया बदली रही बाँकी भू-भागमा आंशिक बदली देखि मुख्यतया सफा रहेको छ। साथै, देशको पश्चिम तराईका थोरै स्थानहरुमा हुस्सु र कुहिरो लागेको छ।
दिउँसो देशको पहाडी भू-भागमा आंशिक देखि साधारणतया बदली रही बाँकी भू-भागमा मौसम मुख्यतया सफा रहनेछ। कोशी, गण्डकी, कर्णाली र सुदुरपश्चिम प्रदेशका उच्च पहाडी तथा हिमाली भू-भागका एक दुई स्थानमा हल्का हिमपातको सम्भावना रहेको छ।
राती भने देशका पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहने छ। कोशी, गण्डकी, कर्णाली र सुदुरपश्चिम प्रदेशका उच्च पहाडी तथा हिमाली भू-भागका एक दुई स्थानमा हल्का हिमपातको सम्भावना रहेको छ।
कोशी, बागमती र गण्डकी प्रदेशका उच्च पहाडी तथा हिमाली भू-भागका एक दुई स्थानमा हल्का हिमपातको सम्भावना रहेको छ। साथै तराईका अधिकांश स्थानहरूमा हुस्सु र कुहिरो लाग्ने हुँदा दैनिक जनजीवन, स्वास्थ्य, यातायात तथा हवाई यातायातमा प्रभाव पर्न सक्ने भएकोले त्यसबाट हुन सक्ने असरका साथै चिसोबाट समेत बच्न आवश्यक उपायहरू तथा सतर्कता अपनाउन महाशाखाले अनुरोध गरेकाे छ। न्युजका्रखाना
आजमिति २०८० साल माघ ६ गते तदअनुसार जनवरी २०, २०२४ शनिवार, शुक्लपक्षको दशमी तिथि, रोहिणी नक्षत्र, शुभ योग, मेष राशिमा चन्द्रमा, यो योगमा जनहित तथा सम्पुर्ण शुभकार्यका लागि राम्रो मानिन्छ। शनिबार परेको हुनाले कानुनी तथा औषधिको सूरू कार्य गर्न त्यति राम्रो मानिँदैन
• अभिजित् मुहूर्त: बिहान ११:५४ देखि १२:३६ सम्म,
• काठमाण्डौंमा सुर्योदय: बिहान ०६:५६
• सुर्यास्त: बेलुका ०५:३३ बजे
वैदिक ज्योतिषशास्त्र अनुसारको आजको राशिफल।
मेषः आज तपाईको स्वास्थ्य सामान्य रहनेछ। अलिकति ख्याल गरेमा समस्या आउँदैन ।आर्थिक रूपमा आजको दिन राम्रो छ। केहि नयाँ किन्न मन लाग्न सक्छ। आज तपाईको परिवारमा केही विवाद हुन सक्छ। धैर्यवान हुनुहोस्।
आज तपाईको प्रेम जीवनमा केहि रोमाञ्चक घटना घट्नेछ। शुभ रंग: रातो शुभ अंक : ९
वृषः आज तपाईको स्वास्थ्य राम्रो रहनेछ। केही पुरानो रोग देखा पर्न सक्छ। आर्थिक रूपमा आजको दिन राम्रो छ। केहि नयाँ किन्न मन लाग्न सक्छ। आज तपाईको परिवारमा केही विवाद हुन सक्छ। धैर्यवान हुनुहोस्। आज तपाईको प्रेम जीवनमा केहि रोमाञ्चक घटना घट्नेछ। शुभ रंग: गुलाबी भाग्यशाली अंक : २
मिथुनः आज तपाईको स्वास्थ्य राम्रो रहनेछ। केहि नयाँ अभ्यास सुरु गर्न सक्नुहुन्छ। आर्थिक रूपमा आजको दिन राम्रो छ। नयाँ लगानी गर्न मन लाग्न सक्छ। आज तपाईको परिवारमा खुशीको वातावरण रहनेछ। धार्मिक यात्रामा जान सकिनेछ ।आज तपाईको प्रेम जीवनमा केही उतारचढाव आउन सक्छ। धैर्यताका साथ काम गर्नुहोस्। शुभ रंग: हरियो, शुभ अंक : ५
कर्कट राशिः आज तपाईको स्वास्थ्य सामान्य रहनेछ। अलिकति ख्याल गरेमा समस्या आउँदैन । आर्थिक रूपमा आजको दिन राम्रो छ। नयाँ परियोजनामा लगानी गर्न सकिनेछ ।आज तपाईको परिवारमा केही विवाद हुन सक्छ। धैर्यवान हुनुहोस्।आज तपाईको प्रेम जीवनमा केहि रोमाञ्चक घटना घट्नेछ। शुभ रंग: निलो, भाग्यशाली अंक : ३
सिंहः आज तपाईको स्वास्थ्य राम्रो रहनेछ। केहि नयाँ अभ्यास सुरु गर्न सक्नुहुन्छ। आर्थिक रूपमा आजको दिन राम्रो छ। नयाँ लगानी गर्न मन लाग्न सक्छ। आज तपाईको परिवारमा खुशीको वातावरण रहनेछ। धार्मिक यात्रामा जान सकिनेछ ।आज तपाईको प्रेम जीवनमा केही उतारचढाव आउन सक्छ। धैर्यताका साथ काम गर्नुहोस्। शुभ रंग: हरियो, शुभ अंक : ५
कन्याः आज तपाईको स्वास्थ्य राम्रो रहनेछ। अलिकति ख्याल गरेमा समस्या आउँदैन । आर्थिक रूपमा आजको दिन राम्रो छ। नयाँ परियोजनामा लगानी गर्न सकिनेछ ।आज तपाईको परिवारमा केही विवाद हुन सक्छ। धैर्यवान हुनुहोस्। आज तपाईको प्रेम जीवनमा केहि रोमाञ्चक घटना घट्नेछ। शुभ रंग: निलो, भाग्यशाली अंक : ३
तुलाः आज तपाईको स्वास्थ्य राम्रो रहनेछ। केहि नयाँ अभ्यास सुरु गर्न सक्नुहुन्छ। आर्थिक रूपमा आजको दिन राम्रो छ। नयाँ लगानी गर्न मन लाग्न सक्छ। आज तपाईको परिवारमा खुशीको वातावरण रहनेछ। धार्मिक यात्रामा जान सकिनेछ ।आज तपाईको प्रेम जीवनमा केही उतारचढाव आउन सक्छ। धैर्यताका साथ काम गर्नुहोस्। शुभ रंग: हरियो, शुभ अंक : ५
वृश्चिकः आज तपाईको स्वास्थ्य सामान्य रहनेछ। अलिकति ख्याल गरेमा समस्या आउँदैन । आर्थिक रूपमा आजको दिन राम्रो छ। नयाँ परियोजनामा लगानी गर्न सकिनेछ ।आज तपाईको परिवारमा केही विवाद हुन सक्छ। धैर्यवान हुनुहोस्। आज तपाईको प्रेम जीवनमा केहि रोमाञ्चक घटना घट्नेछ। शुभ रंग: हरियो, शुभ अंक : ५
धनुः आज तपाईको स्वास्थ्य राम्रो रहनेछ। केहि नयाँ अभ्यास सुरु गर्न सक्नुहुन्छ। आर्थिक रूपमा आजको दिन राम्रो छ। नयाँ लगानी गर्न मन लाग्न सक्छ। आज तपाईको परिवारमा खुशीको वातावरण रहनेछ। धार्मिक यात्रामा जान सकिनेछ ।आज तपाईको प्रेम जीवनमा केहि रोमाञ्चक घटना घट्नेछ। शुभ रंग: सुन्तला, भाग्यशाली अंक : ४
मकरः आज तपाईको स्वास्थ्य सामान्य रहनेछ। अलिकति ख्याल गरेमा समस्या आउँदैन ।आर्थिक रूपमा आजको दिन राम्रो छ। नयाँ परियोजनामा लगानी गर्न सकिनेछ ।आज तपाईको परिवारमा केही विवाद हुन सक्छ। धैर्यवान हुनुहोस् । आज तपाईको प्रेम जीवनमा केहि रोमाञ्चक घटना घट्नेछ। शुभ रंग: कालो, भाग्यशाली अंक : ८
कुम्भः आज तपाईको स्वास्थ्य राम्रो रहनेछ। केहि नयाँ अभ्यास सुरु गर्न सक्नुहुन्छ। आर्थिक रूपमा आजको दिन राम्रो छ। नयाँ लगानी गर्न मन लाग्न सक्छ। आज तपाईको परिवारमा खुशीको वातावरण रहनेछ। धार्मिक यात्रामा जान सकिनेछ । आज तपाईको प्रेम जीवनमा केहि रोमाञ्चक घटना घट्नेछ। शुभ रंग: निलो, भाग्यशाली अंक : ३
मीनः आज तपाईको स्वास्थ्य सामान्य रहनेछ। अलिकति ख्याल गरेमा समस्या आउँदैन ।आर्थिक रूपमा आजको दिन राम्रो छ। नयाँ परियोजनामा लगानी गर्न सकिनेछ । आज तपाईको परिवारमा केही विवाद हुन सक्छ। धैर्यवान हुनुहोस्। आज तपाईको प्रेम जीवनमा केहि रोमाञ्चक घटना घट्नेछ। शुभ रंग: हरियो, शुभ अंक : ५
सबै राशिका लागि आजको दिन सामान्य रहनेछ। केही राशिका व्यक्तिहरूले आर्थिक लाभको सम्भावना रहेको छ। केही राशिका व्यक्तिहरूले परिवारमा विवादको सामना गर्नुपर्ने हुन सक्छ। प्रेम जीवनमा केही उतारचढाव आउन सक्छ। स्वास्थ्यमा सजग रहनुहोला ।
राशिफलमा राम्रो नराम्रो जे लेखेको भएका पनि तपाई आफ्नो नियमित कार्यबाट विचलित नहुनुहोला । राशिफल भनेको तपाईँको जन्मकुण्डलीमा रहेको चन्द्रमाको राशिलाई लिएर हाल भएका ग्रहहरूको अबस्थालाई हेरेर तयार गरीएको हुन्छ । जन्मकुण्डलीको अन्य आठ ग्रहको अवस्था युती, दृष्टि, भाव, उच्च, नीच, आदि कुराहरूले फरक पर्न सक्छ । निर्णय गर्दा तपाईंको आफ्नै अन्तर्ज्ञान र निर्णय प्रयोग गर्न सधैं महत्त्वपूर्ण छ।
राशिफल लेखक युवा ज्योतिष जनक खड्का, वैदिक ज्योतिषका विज्ञ मानिन्छन् उनि ज्योतिष परामर्श केन्द्रको सञ्चालक समेत हुन्।न्युजका्रखाना
