काठमाडौंँ, ७ माघ ।
आइसीसी यू–१९ विश्वकपमा भारतीय टोलीले विजयी सुरुवात गरेको थियो । पहिलो खेलमा भारतले बंगलादेशलाई ८४ रनले पराजित गरेको छ । टस जितेर पहिले ब्याटिङ गरेको भारतले निर्धारित ५० ओभरमा ७ विकेट गुमाउँदै २५१ रन बनाएको थियो । जवाफमा बंगलादेश ४५.५ ओभरमा अलआउट हुँदै १६७ रनमा समेटियो ।
भारतका लागि आदर्श सिंहले सर्वाधिक ७६ रन बनाए । कप्तान उदय सहारनले ६४ रनको योगदान दिए । सचिन दासले २६ तथा प्रियांशु र अविनिशले २३–२३ रनको योगदान दिए ।
बलिङतर्फ बंगलादेशका मारुफ मिट्टीले ५ विकेट लिए । मोहम्मद रिजवान र रहमान रेड्डीले समान १–१ विकेट लिए ।
बंगलादेशका लागि मोहम्मद सिहाब जेम्सले सर्वाधिक ५४ रन बनाए । त्यस्तै अरिफुल इस्लामले ४१ रन बनाए । यी दुईबाहेक तीन ब्याट्सम्यानले मात्र दोहरो अंक छुन सके । शेख पेवेज जिबोन १५ रनमा अविजित रहे । त्यस्तै इशिकुर रहमान सिब्ली र जिशान आलमले समान १४–१४ रनको योगदान दिए ।
भारतका लागि सौम्या पाण्डेले ४ विकेट लिए । मुशीर खानले २ विकेट लिए । त्यस्तै राज लिम्बानी, अर्शिन कुलकर्णी र प्रियांशु मोलियाले समान १–१ विकेट लिए ।न्युजका्रखाना
काठमाडौं, ७ माघ ।
जारी आइसीसी यू- १९ विश्वकप अन्तर्गत आज नेपालले आफ्नो पहिलो खेल खेल्दैछ ।
समुह डी मा रहेको नेपालले आज आफ्नो पहिलो खेलमा न्यूजील्याण्डसँग खेल्दै छ । यो खेल नेपाली समय अनुसार अपराहन्न १स् ४५ बजेदेखि शुरु हुदै छ ।
दक्षिण अफ्रिकामा हुने यस विश्वकपमा नेपालसहित १६ देशले भाग लिदै छन् । यस विश्वकपमा नेपाल समूह डी मा रहेको छ । यस समूहमा नेपालसँगै पाकिस्तान, अफगानिस्तान र न्युजिल्यान्ड रहेका छन् । नेपालले विश्वकपमा पहिलो खेल जनवरी २१ मा न्युजिल्यान्डसँग खेल्नेछ । यस्तै जनवरी २४ मा पाकिस्तानसँग र जनवरी २६ मा अफगानिस्तानसँग खेल्ने तालिका रहेको छ ।
विश्वकप खेल्ने नेपाली टिमः
देव खनाल (कप्तान), अर्जुन कुमाल, आकाश त्रिपाठी, दिपक प्रसाद डुम्रे,दुर्गेश गुप्ता,गुलशन कुमार झा, दिपेश प्रसाद कँडेल, विशाल विक्रम केसी, सुभाष भण्डारी, दीपक बोहरा ए, दिपक बोहरा बी, उत्तम थापा मगर, विपिन रावल, तिलकराज भण्डारी र आकाश चन्द ।
यस विश्वकपमा १६ देशलाई चार समुहमा बिभाजन गरिएको छ । समुह चरणमा एक अर्कासंग खेलेपछि हरेक समुहबाट शिर्ष तीन टिम अर्को चरणमा प्रवेश गर्ने छन् । अर्को चरणमा पुग्ने १२ देशलाई दुई समुहमा विभाजन गरेर सुपर सिक्सका खेल खेल्ने छन् । सुपर सिक्समा एक टिमले केवल दुई खेल खेल्ने छ । अन्त्यमा दुवै समुहका शिर्ष दुई टिम सेमिफाइनलमा पुग्ने छन् ।
यस विश्वकपको समुह ए मा अमेरिका, बंगलादेश, भारत र आयरल्याण्ड छन् भने समुह बी मा स्कटल्याण्ड, दक्षिण अफ्रिका, वेस्टइन्डिज र इङल्याण्ड रहेका छन् ।
त्यस्तै समुह सी मा जिम्बाबे, नामिबिया, अस्ट्रेलिया र श्रीलंका रहेका छन् भने समुह डी मा पाकिस्तान, अफगानिस्तान, न्यूजील्याण्ड र नेपाल रहेका छन् । न्युजका्रखाना
काठमाडौं, ७ माघ ।
जारी प्रधानमन्त्री कप राष्ट्रिय क्रिकेट प्रतियोगितामा आज दुइ खेल हुदै छन् । आज भैरहवा क्रिकेट मैदानमा नेपाल पुलिस क्लब र त्रिभुवन आर्मी क्लबबीच खेल हुदै छ भने अर्को खेल मुलपानी क्रिकेट मैदानमा गण्डकी प्रदेश र कोशी प्रदेशबीच हुदैँछ ।
अहिलेसम्म पीएम कपको अंकतालिकामा सुदूरपश्चिम प्रदेश र नेपाल पुलिस क्लब मात्र अपराजित रहेका छन् । सुदूरपश्चिमले आफ्ना तिनै खेल जितेर ६ अंकसहित शिर्ष स्थानमा रहेको छ । त्यस्तै नेपाल पुलिस क्लबले आफ्ना दुवै खेल जितेर ४ अंकसहित अंक तालिकामा चौथो स्थानमा रहेको छ ।
त्यस्तै बागमती प्रदेशले ५ खेलमा ३ खेल जितेर ६ अंकसहित दोस्रो स्थानमा छ भने मधेश प्रदेशले ५ खेलमा ३ जितसहित ६ अंक हासिल गरेर तेस्रो स्थानमा छ ।
त्यस्तै त्रिभुवन आर्मी क्लब र एपीएफ क्लबले आफ्ना ३(३ खेलमा २(२ खेल जितेर ४(४ अंकसहित पाँचौ र छैटौं स्थानमा रहेका छन् ।
त्यस्तै कर्णाली प्रदेश ४ अंकसहित सातौं स्थानमा छ भने लुम्बिनी प्रदेशले आफ्ना ३ खेलमा एक जित र २ हार बेहोरेको छ र आठौ स्थानमा छ भने । त्यसैगरी गण्डकी र कोशी प्रदेशले अहिलेसम्म जित हासिल गर्न सकेका छैनन् ।
गण्डकीले अहिलेसम्म खेलेका आफ्ना तिनै खेलमा हार बेहोरेको छ भने कोशी प्रदेशले खेलेका पाँचै खेलमा हार बेहोरेको छ ।न्युजका्रखाना
काठमाडौं, ७ माघ ।
हाल नेपालमा पश्चिमी वायुको आंशिक प्रभाव रहेको छ।
जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशको पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहेको छ। साथै, देशको तराईका धेरै स्थानहरुमा हुस्सु र केहि स्थानहरुमा कुहिरो लागेको छ।
दिउँसो देशको पहाडी भू-भागमा आंशिक देखि साधारणतया बदली रही बाँकी भू-भागमा आंशिक बदली देखि मौसम मुख्यतया सफा रहनेछ। कोशी, गण्डकी र कर्णाली प्रदेशका उच्च पहाडी तथा हिमाली भू-भागका एक दुई स्थानमा हल्का हिमपातको सम्भावना रहेको छ।
राती भने कोशी,,बाग्मती, मधेश, गण्डकी र लुम्बिनी प्रदेशमा आंशिक देखि साधारणतया बदली रही बाँकी भू-भागमा मौसम मुख्यतया सफा रहनेछ। कोशी र गण्डकी प्रदेशका उच्च पहाडी तथा हिमाली भू-भागका एक दुई स्थानमा हल्का हिमपातको सम्भावना रहेको छ।
कोशी, गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भू-भागका एक दुई स्थानमा हल्का हिमपातको सम्भावना रहेको छ। साथै, तराईका अधिकांश स्थानहरूमा हुस्सु र कुहिरो लाग्ने हुँदा दैनिक जनजीवन, स्वास्थ्य, यातायात तथा हवाई यातायातमा प्रभाव पर्न सक्ने भएकोले त्यसबाट हुन सक्ने असरका साथै चिसोबाट समेत बच्न आवश्यक उपायहरू तथा सतर्कता अपनाउन महाशाखाले अनुरोध गरेकाे छ । न्युजका्रखाना
आजमिति २०८० साल माघ ७ गते तदअनुसार जनवरी २१, सन् २०२४ आईतवार, शुक्लपक्षको एकादशी तिथि, मृगशिरा नक्षत्र, शुक्ल योग, वृष राशिमा चन्द्रमा, यो योगमा जनहित तथा शुभकार्यका लागि राम्रो मानिन्छ। आज झगडा आदि निर्दयी कार्य बाहेक सम्पुर्ण कार्य गर्न शुभ छ ।
आजको वैदिक राशिफल
• मेष
तपाईंको राशिफल अति शुभ छ। तपाईंको स्वास्थ्य राम्रो रहनेछ। तपाईंले आफ्नो काममा उत्कृष्ट प्रदर्शन गर्नेछौं। तपाईंको परिवार र प्रेमी सँग राम्रो सम्बन्ध रहनेछ। तपाईंको शुभ रंग रातो र शुभ अंक ९ हो।
• वृषभ
तपाईंको राशिफल मध्यम छ। तपाईंको स्वास्थ्यमा ध्यान दिनुपर्नेछ। तपाईंले आफ्नो काममा ठूलो चुनौती सामना गर्नुपर्नेछ। तपाईंको परिवार र प्रेमी सँग धेरै कुरा गर्नुहोस्। तपाईंको शुभ रंग नीलो र शुभ अंक ६ हो।
• मिथुन
तपाईंको राशिफल शुभ छ। तपाईंको स्वास्थ्य उत्तम रहनेछ। तपाईंले आफ्नो काममा नयाँ अवसर पाउनेछौं। तपाईंको परिवार र प्रेमी सँग खुशी रहनेछौं। तपाईंको शुभ रंग पहेंलो र शुभ अंक ३ हो।
• कर्क
तपाईंको राशिफल अशुभ छ। तपाईंको स्वास्थ्यमा समस्या आउन सक्छ। तपाईंले आफ्नो काममा निराशा अनुभव गर्नुपर्नेछ। तपाईंको परिवार र प्रेमी सँग झगडा हुन सक्छ। तपाईंको शुभ रंग हरियो र शुभ अंक २ हो।
• सिंह
तपाईंको राशिफल शुभ छ। तपाईंको स्वास्थ्य राम्रो रहनेछ। तपाईंले आफ्नो काममा नैतिक सहयोग पाउनेछौं। तपाईंको परिवार र प्रेमी सँग आत्मीयता रहनेछ। तपाईंको शुभ रंग सुनहरा र शुभ अंक १ हो।
• कन्या
तपाईंको राशिफल मध्यम छ। तपाईंको स्वास्थ्यमा थोरै दुखाइ आउन सक्छ। तपाईंले आफ्नो काममा बुद्धिमानी लागाउनुपर्नेछ। तपाईंको परिवार र प्रेमी सँग विश्वास राख्नुहोस्। तपाईंको शुभ रंग चाँदी र शुभ अंक ५ हो।
• तुला
तपाईंको राशिफल शुभ छ। तपाईंको स्वास्थ्य बलियो रहनेछ। तपाईंले आफ्नो काममा नयाँ योजना बनाउनेछौं। तपाईंको परिवार र प्रेमी सँग रोमान्स रहनेछ। तपाईंको शुभ रंग गुलाबी र शुभ अंक ७ हो।
• वृश्चिक
तपाईंको राशिफल अशुभ छ। तपाईंको स्वास्थ्यमा बिरामी हुन सक्छ। तपाईंले आफ्नो काममा असफलता भोग्नुपर्नेछ। तपाईंको परिवार र प्रेमी सँग अनबन हुन सक्छ। तपाईंको शुभ रंग कालो र शुभ अंक ८ हो।
• धनु
तपाईंको राशिफल शुभ छ। तपाईंको स्वास्थ्य निकै राम्रो रहनेछ। तपाईंले आफ्नो काममा उच्च लाभ हासिल गर्नेछौं। तपाईंको परिवार र प्रेमी सँग आनन्द रहनेछौं। तपाईंको शुभ रंग बैंगनी र शुभ अंक ९ हो।
• मकर
तपाईंको राशिफल मध्यम छ। तपाईंको स्वास्थ्यमा थोरै अस्वस्थता आउन सक्छ। तपाईंले आफ्नो काममा दृढ निर्णय लिनुपर्नेछ। तपाईंको परिवार र प्रेमी सँग समझदारी राख्नुहोस्। तपाईंको शुभ रंग भूरा र शुभ अंक ४ हो।
• कुम्भ
तपाईंको राशिफल शुभ छ। तपाईंको स्वास्थ्य नयाँ ऊर्जा भरिएको रहनेछ। तपाईंले आफ्नो काममा रचनात्मकता देखाउनेछौं। तपाईंको परिवार र प्रेमी सँग मित्रता रहनेछ। तपाईंको शुभ रंग सेतो र शुभ अंक ११ हो।
• मीन
तपाईंको राशिफल अशुभ छ। तपाईंको स्वास्थ्यमा तनाव आउन सक्छ। तपाईंले आफ्नो काममा गल्ती गर्नुपर्नेछ। तपाईंको परिवार र प्रेमी सँग दुरी हुन सक्छ। तपाईंको शुभ रंग नारिवल र शुभ अंक १२ हो।
राशिफलमा राम्रो नराम्रो जे लेखेको भएका पनि तपाई आफ्नो नियमित कार्यबाट विचलित नहुनुहोला । राशिफल भनेको तपाईँको जन्मकुण्डलीमा रहेको चन्द्रमाको राशिलाई लिएर हाल भएका ग्रहहरूको अबस्थालाई हेरेर तयार गरीएको हुन्छ । जन्मकुण्डलीको अन्य आठ ग्रहको अवस्था युती, दृष्टि, भाव, उच्च, नीच, आदि कुराहरूले फरक पर्न सक्छ । निर्णय गर्दा तपाईंको आफ्नै अन्तर्ज्ञान र निर्णय प्रयोग गर्न सधैं महत्त्वपूर्ण छ।
राशिफल लेखक युवा ज्योतिष जनक खड्का, वैदिक ज्योतिषका विज्ञ मानिन्छन् उनि ज्योतिष परामर्श केन्द्रको सञ्चालक समेत हुन्।न्युजका्रखाना
काठमाडौं, ६ माघ ।
प्रसंसा समूहले प्रसंसा बुद्धिजीवि समाजको नयाँ कार्यसमिति चयन गरेको छ।
आज सम्पन्न अधिवेशनबाट टिकाराम भट्टको अध्यक्षतामा नयाँ कार्यसमिति चयन भएको हो।
समितिको उपाध्यक्षमा रामप्रसाद मिश्र, सचिवमा नेत्रबहादुर शाही, सहसचिवमा सरला खड्का, कोषाध्यक्षमा तिलक प्रसाद भट्ट निर्वाचित भएका छन्।
यस्तै सदस्यमा चन्द्रकान्त पण्डित, डा. आनन्दसिंह भाट, सुनिता श्रेष्ठ, राज बहादुर गिरी, कृष्णबहादुर ऐर, डा. कुष्माकर भट्ट, डा. डम्बरराज पाण्डे, डा. पुष्करराज भट्ट र भीमबहादुर बोगटी चयन भएका छन्।न्युजका्रखाना
बेइजिङ, ७ माघ ।
चीनको एक स्कुलमा आगलागी हुदाँ १३ बिधार्थीको मृत्यु भएको छ ।
मध्य चीनको एक बोर्डिङ स्कुलको छात्रावासमा आगलागी हुँदा १३ विद्यार्थीको मृत्यु भएको हो ।
चिनियाँ सञ्चारमाध्यमका अनुसार हेनान प्रान्तको यान्सानपु गाउँको यिङकाई विद्यालयमा आगलागी हुँदा एक विद्यार्थी घाइते भएको छन ।
घाइते हुनेमा प्राथमिक विद्यालय तेस्रो कक्षाका विद्यार्थी रहेको बताइएको छ । ती सबै नौ र १० वर्षका एउटै कक्षामा अध्ययनरत बिधार्थी रहेको हेबेई डेलीले जनाएको छ ।
फायर फाइटरहरूले आगोलाई तुरुन्तै निभाउन सफल भएका छन, जुन शुक्रबार राति ११ बजे सुरू भएको थियो । अधिकारीहरूले सो आगलागीको कारणको अनुसन्धान गरिरहेको र विद्यालयका प्रमुखलाई हिरासतमा लिइएको छ ।
चाइना नेशनल रेडियोले विद्यालयको छात्रावासको भवनका केही झ्यालहरू भाँचिएको र प्रहरीले नजिकैको इलाकालाई घेराबन्दी गरेको देखाएको तस्बिरहरू प्रकाशित गरेको बताएको छ।
करिब एक करोड जनसंख्या भएको सहर नान्याङको बाहिरी भागमा रहेको यान्सापु गाउँमा यो घटना भएको हो ।न्युजका्रखाना
भरतपुर ६ माघः
कार्यवाहक प्रधानमन्त्री तथा रक्षामन्त्री पूर्णबहादुर खड्काले नेपाली सेनाको नयाँ सबुज गणको निरीक्षण गरेका छन ।
सो अवसरमा मध्य पृतना हेडक्वार्टर नं ७ वाहिनी अड्डा अन्तर्गत रही तैनाथ यस गणले भरतपुर विमानस्थल सुरक्षाका साथै जल उद्धार, सडक दुर्घटना, विपद्जन्य परिस्थितिबाट सिर्जित सडक अवरोध हटाउने कार्यमा खेलेको भूमिका सराहनीय भएको उनले बताए ।
‘भरतपुर विमानस्थल विस्तारका लागि सेनाको स्वामित्वमा रहेको ७० बिगाहा आठ कठ्ठा चार धुर जग्गामध्ये करिब १९ बिगाहा चार कठ्ठा चार धुर जग्गा विमानस्थलको धावनमार्ग विस्तार र वैकल्पिक सडक निर्माणका लागि उपलब्ध गराउनुपर्ने देखिन्छ,’, उनले भने, ‘नेपाली सेनाबाट निर्मित केही भौतिक संरचनाहरु समेत स्थानान्तरण गर्नु पर्ने हुँदा यस सम्बन्धमा विभिन्न सरोकारवाला निकायहरूबीच आवश्यक समन्वय र सहकार्य गर्दै अघि बढ्न आवश्यक रहेको छ ।’
यस प्रक्रियामा रक्षा मन्त्रालय र नेपाली सेनाको तर्फबाट सम्बन्धित सरोकारवाला निकायहरूसँग छलफल र परामर्श भइरहेको र सबैको सहयोगले यो विषय चाँडै निष्कर्षमा पुग्ने उनको भनाइ थियो ।
राष्ट्रिय सुरक्षाको प्रमुख पहरेदारका रूपमा रहेको नेपाली सेनाले देशभित्र मात्र नभई विश्वका विभिन्न द्वन्द्वग्रस्त क्षेत्रहरूमा समेत संयुक्त राष्ट्र सङ्घको झण्डा मुनि रहेर शान्ति स्थापनामा विशेष योगदान गर्दै आएको रक्षामन्त्री खड्काले बताए ।
नेपाली सेनाको यस योगदानले नेपाल र नेपालीको शिर उँचो बनाएको भन्दै उनले सेनाको व्यावसायिक क्षमतालाई उच्च राख्न नेपाली सेनामा तालिम, प्रशिक्षण, भौतिक संरचनाको निर्माण तथा आधुनिक सैन्य उपकरणहरूको व्यवस्था गर्न राज्यले निरन्तर जोड दिँदै आएको उल्लेख गरेका छन ।
‘नेपाली सेनामा रही काम गर्ने सबै राष्ट्र सेवकहरूको मनोबल र उत्प्रेरणालाई उच्च राख्न सरकारले प्राथमकिता दिएको छ, आगामी दिनमा राज्यको क्षमता र साधन स्रोतले भ्याएसम्म नेपाली सेनाको थप सुदृढीकरणका लागि विभिन्न व्यवस्थाहरू गर्दै लगिनेछ,’ उनले भने ।
नेपाली सेनाले सीमित स्रोत, साधन र सुविधाको बाबजुद हिमाल, पहाड र तराई सबैतिर खटिएर अहोरात्र राष्ट्रको सुरक्षामा खटिएको भन्दै कार्य सम्पादनका क्रममा सेनाले भोगेका समस्या र अप्ठ्यारालाई सरकारले महसुस गरेको उनले जनाएका छन । ती समस्या तथा अप्ठ्याराहरूलाई आगामी दिनमा सरकारको क्षमताले भ्याएसम्म क्रमशः सम्बोधन गर्दै जाने दिशामा नेपाल सरकार प्रतिबद्ध रहेको उनको भनाई छ ।
‘मेरो नेपाल मेरो स्वर्ग’ भन्ने आदर्श वाक्य बोकेको श्री नयाँ सबुज गणमा खासगरी तराई÷मधेसमा बसोबास गर्ने नागरिकहरूको प्रतिनिधित्व हुने गरी नेपाली सेनाका विभिन्न विभाग, कार्यालय, महानिर्देशनालय, निर्देशनालय, पृतना, वाहिनी युनिटरसब युनिटलगायत ११७ स्थानबाट विभिन्न दर्जाका सैनिक व्यक्तिहरु सम्मिलित गराई यो नयाँ गण २०६३ साल असार २८ मा महोत्तरीको पकौलीमा स्थापना भएको हो ।
यो गण ओखलढुङ्गा, हेटौँडा, सुर्खेत लगायतका जिल्लाहरू हुँदै गत वैशाख १५ गतेदेखि चितवनको भरतपुर व्यारेकमा तैनाथ छ। तराई र मधेसमा बसोबास गर्ने समुदायको विशेष प्रतिनिधित्व र बाहुल्य भएको यस गणमा करिव ८० प्रतिशत तराई र मधेस मूलका विभिन्न दर्जाका सैनिकहरू कार्यरत रहेको भन्ने थाहा पाउँदा आफूलाई खुसी लागेको कार्यबहाक प्रधानमन्त्री खडकाले बताए ।न्युजका्रखाना
काठमाडौं, ६ माघ ।
उमेरमा नै कपाल सेतो हुनु आजको समयमा यस्तो समस्या बनेको छ कि धेरै मानिसहरु यससँग लडिरहेका छन् ।
अझै सानै उमेरमा मानिसको कपाल सेतो हुने गर्छ र यो समस्या साना बालबालिकामा पनि देखिने गरेको छ । कहिलेकाहीँ रासायनिक उत्पादनहरू र शरीरमा केही पोषक तत्वहरूको कमीको कारणले कपालको समय अगावै सेतो हुन सक्छ।
यो समस्याबाट बच्न कपालको हेरचाह गर्ने धेरै प्रकारका उत्पादनहरू बजारमा उपलब्ध भएता पनि त्यसको नतिजा कस्तो हुन्छ भन्ने पुष्टि भएको छैन। यस्तो अवस्थामा यो समस्याबाट छुटकारा पाउन प्राकृतिक उपाय अपनाउनु राम्रो हुन्छ । यदि तपाइँ तपाइँको सेतो कपाल केहि दिनमा कालो र बाक्लो हुन चाहनुहुन्छ भने तपाइँ यी प्राकृतिक उपचारको मद्दत लिन सक्नुहुन्छ।
आउनुहोस् यो समाधानको एक उपायका बारेमा कुरा गरौं ।
नरिवलको तेल धेरै वर्षदेखि छाला र कपालको हेरचाहमा प्रयोग हुँदै आएको छ। खासगरी कपालको कुरा गर्ने हो भने यसले कपाललाई गहिरो पोषण दिनुका साथै धेरै प्रकारका समस्याहरू हटाउन पनि मद्दत गर्छ। यदि तपाईंले यो तेललाई नियमित रूपमा प्रयोग गर्नुभयो भने तपाईंले छालाको धेरै प्रकारका समस्याहरू हटाउन सक्नु हुन्छ। नरिवलको तेलमा केही चीजहरू मिसाएर लगाउन सक्नुहुन्छ, जसले कपाललाई प्राकृतिक रूपमा कालो बनाउन र वृद्धि बढाउन मद्दत गर्दछ।
सेतो कपालको समस्या हटाउन नरिवलको तेलमा मेथीको दाना मिसाएर लगाउन सक्नुहुन्छ । कपाल झर्ने समस्यालाई हटाउनुका साथै यसले प्राकृतिक रूपमा कालो बनाउन पनि मद्दत गर्छ र कपाललाई मजबुत बनाउन पनि फाइदाजनक साबित हुन सक्छ।
यो तेल बनाउन मेथीको दाना राम्ररी पीस्नुहोस्। अब ३–४ चम्चा तेलमा १ चम्चा पाउडर लिनुहोस्, यसलाई राम्ररी मिलाउनुहोस् र उमाल्नुहोस्। त्यसपछि यो तेललाई एयर टाइट कन्टेनरमा राख्नुहोस् र हप्तामा कम्तिमा दुई पटक यो तेल कपालमा लगाउनुहोस्। यसबाट कपाल सेतो हुने समस्या समाधान हुन्छ ।न्युजका्रखाना
काठमाडौँ, ६ माघ ।
मधेश प्रदेशले जारी प्रधानमन्त्री कपमा कर्णाली प्रदेशलाई पराजित गरेको छ ।
शनिबार टियु मैदानमा सम्पन्न खेलमा मधेश प्रदेशले कर्णाली प्रदेशलाई ६१ रनले पराजित गरेको हो ।
मधेश प्रदेशले दिएको २३२ रनको लक्ष्य पछाएको कर्णाली प्रदेशले ४१.१ ओभरमा १७० रन बनाएर अल आउट भएको थियो । यसअघि पहिला ब्याटिंग गर्दै मधेश प्रदेशले ५० ओभरमा ९ विकेट गुमाएर २३१ रन बनाएको थियो ।
जारी प्रतियोगितामा मधेश प्रदेशको यो तेस्रो जित हो । मधेशको ५ खेलमा ६ अंकसहित तेस्रो स्थानमा उक्लिएको छ । त्यस्तै कर्णाली प्रदेशले भने दोस्रो हार बेहोरेको छ । कर्णालीको ४ खेलमा ४ अंकसहित सातौं स्थानमा रहेको छ ।
अब मधेश प्रदेशले सोमबार टियु मैदानमा सुदूरपश्चिमसँग खेल्ने छ भने कर्णाली प्रदेशले सोमबार नै मुलपानीमा बागमती प्रदेशसँग खेल्ने छ ।न्युजका्रखाना
