काठमाडौं, ८ माघ ।
उच्च अदालत पाटनले पशुपति क्षेत्र विकास कोषकी कार्यकारी निर्देशक लक्ष्मी पुनलाई कामकाज गर्न रोक लगाएको छ ।
उनको नियुक्ति बदरको माग राखेर भरत मरासिनीले दायर गरेको रिटमाथि सुनुवाइ गर्दै उच्च अदालत पाटनका न्यायाधीशद्वय ऋषिराम दवाडी र श्यामकुमार भट्टराईको इजलासले पुनलाई तत्काल कार्यकारी निर्देशकका रूपमा कामकाज नगर्न अन्तरिम आदेश जारी गरेको हो ।
गत ४ पुसमा पुनलाई कोषको कार्यकारी निर्देशकमा नियुक्त गरेपछि योग्यतामा प्रश्न उठाउँदै मरासिनीले रिट दायर गरेका थिए । न्युजका्रखाना
काठमाडौं, ८ माघ ।
राप्रपा नेपालको पुर्बान्चल क्षेत्र स्तरिय प्रशिक्षण कार्यक्रम आगामी माघ २४ गते सुनसरीको इटहरीमा आयोजना गरिने भएको छ ।
यस अघि मुलुकको विभिन्न ६ ठाउँमा पार्टीले यस्तै खाले भेला र प्रशिक्षण सम्पन्न गरेको पार्टीका महामन्त्री राजाराम बर्तौलाले जानकारी दिए । उनका अनुसार सात स्थानमा क्षेत्रीय स्तरको भेला प्रशिक्षण सम्पन्न भए पछि जिल्ला तहमा सघन रुपमा प्रशिक्षण संचालन गरिनेछ।
यस अघि मध्यमाञ्चलको काठमाडौं, तराई–मधेशको महोत्तरी, लुम्बिनिको रुपन्देही, कर्णालीको सुर्खेत, सुदुरपश्चिमान्चलको कंचनपुर, पश्चिमान्चलको पोखरामा प्रशिक्षण सम्पन्न भएका थिए ।
पुर्बान्चलको कार्यक्रमको निमित्त सुनसरी जिल्ला समितिको बैठक बसि तयारी शुरु भैसकेको र जिम्मेवारी बिभाजन गरि विभिन्न समितिहरु समेत निर्माण गर्ने काम गरिएको सह–महामन्त्री प्रेम प्रसाद भट्टराईले जानकारी दिए। आन्दोलन र संगठन निर्माणलाई पार्टीले सङ्गै लैजाने नीति अनुरुप काम भैरहेको पार्टीले जनाएको छ ।न्युजका्रखाना
जनकपुरधाम, ८ माघ ।
करिब ५ सय वर्षको संर्घष पछि भारतको अयोध्यामा भगवान रामको जन्म भुमि भारतको अयोध्यामा भव्य राम मन्दिरको निर्माण गरिएको छ ।
अयोध्यामा बालरुपी रामको प्रतिमाको पुजापाठ गरेर प्राण प्रतिष्ठा गरिदै छ भने भगवान रामको ससुराली अर्थात जनकपुरमा उल्लासको वातावरण रहेको छ ।
अयोध्यामा भगवान राम आफनो जन्म स्थानमा निर्माण गरिएको मन्दिरमा प्रवेश गर्दै छन, जसको उल्लास सारा सनातनीहरुलाई हुनु स्वभाविक नै रहेको छ । जनकपुर सीताको जन्म भुमि र भगवान रामको सुराली भएको कारणले जनकपुरको मठमन्दिरहरुलाई समेत भव्य रुपमा सजाइएको छ । जनकपुरको चौक चौकहरुमा ध्वजा फहराइएको छ भने समाजिक संजालमा जय श्रीरामले छाएको छ । अहिले चौक चौकमा राम मन्दिरकै चर्चा रहेको छ ।
जानकी मन्दिरका महन्थ राम तपेश्वर दास र सहायक महन्थ राम रोशन दासलाई अयोध्याको प्राण प्रतिष्ठामा सहभागिताको लागि आमन्त्रण गरिएपछि उहाहरु अयोध्या पुगेका छन भने स्थानिय युवाहरुको सहभागितामा जानकी मन्दिरलाई भव्य रुपमा सजाइएको छ । हिजो दिउसो नगर क्षेत्रमा हिन्दु संगठनका युवाहरुको सहयोगमा शोभा यात्रा समेत प्रदर्शन गरिएको थियो ।
जनकपुरधाम उप महानगरपालिकाले आज नगर क्षेत्र भित्र होटल र पसलहरुमा मासुजन्य पदार्थ र मदिरा बिक्री तथा सेवनमा रोक लगाएको छ । भारतमा भईरहेको प्राण प्रतिष्ठाको कारणले अहिले सारा हन्दुमा उत्साहको अवस्था रहेको छ जसले जनकपुरधाम मदिराजन्य कारोवारमा रोक लगाइएको जनकपुरधाम उपमहानगरपालिकाका मेयर मनोजकुमार साहले जनाकारी दिए ।
उनले जनकपुर भगवानको ससुराली भएको कारणले गर्दा समेत यहाको सर्वसधारणमा मन्दिर निर्माण र प्राण प्रतिष्ठालाई लिएर उत्साहको अवस्था छ । साझ जनकपुरवासीलाई दिपावली मनाउनको लागि आब्हानसमेत नगरपालिका र उद्योग वाणिज्य संघले गरेको छ । जनकपुर उद्योग वाणिज्य संघका अध्यक्ष जितेन्द्र महासेठले साँझ व्यापारी र स्थानियवासीहरुलाई आ आफनो घरमा दिपावली मनाउनको लागि आग्रह गरिएको बताए ।
जानकी मन्दिरमा विभिन्न हिन्दु संगठनहरुले सवा लाख दियो वाल्ने छ । यसको लागि आवश्यक दियो र तेलको प्रबन्ध स्थानियवासीहरुको सहयोगमा गरिएको छ ।
जनकपुर नगर क्षेत्रलाई गेरुवा रंगको झण्डाले नगर सजाइएको छ भने हिजो राति देखि नै रंगिचंगी बत्तिले नगर क्षेत्रलाई झकी झकाउ पारिएको छ । राजा जनकको दरवार मानिएको जानकी मन्दिरलाई बहुरंगी बत्तीले सजाइएको छ । यस अघि जनकपुरवाट दैनिक खाद्यन्न सहित सुनचांदी सहित सौगात समेत अयोध्याय पठाइएको थियो ।
त्यसैगरी, मन्दिर निर्माणको लागि आवश्यक विभिन्न खालको मुर्ति निर्माणको लागि काली गण्डकीबाट शालिग्रामका शिला समेत अयोध्या पठाइएको थियो । १५औँ शताब्दीमा, मुगल सम्राट बाबरले राम जन्मभूमिमाथि बाबरी मस्जिद निर्माण गरेका थिए ।
हिन्दु धर्मावलम्बीको अनुसार सो मस्जिदको निर्माण एउटा हिन्दु मन्दिरलाई खण्डित गरेर गरिएको थियो । हिन्दुहरुले यो स्थान भगवान श्रीरामको जन्मभुमि रहेको भन्दै त्यहाँबाट मस्जीदलाई हटाउनु पर्ने माँग गर्दै आएको थियो भने मुस्लिमहरुले त्यो मस्जिद रहेको भन्दै विवाद हुदै आएको थियो । सन् १८५० को दशकमा यो विवादले हिंसात्मक रूप लिएको थियो ।
त्यसपछि मस्जिदको ठाउमा मन्दिर निर्माण हुनु पर्छ भन्दै हिन्दुपक्षहर संघ संठनहरुले आन्दोलन गर्दै आएका थिए । विवादको हिंसक रूप सन् १९९२ डिसेम्बरमा उग्र रूप लिएको थियो जब बाबरी मस्जिद विध्वंस गरिएको थियो । विभिन्न मुद्दा मामिला र कानूनी विवाद र समाधानको बाटो खोजिएको थियो, जस्तै अयोध्या अध्यादेश, १९९३ जसअनुसार निश्चित क्षेत्रलाई अधिग्रहण गर्ने मार्ग दिइएको थियो । सन् २०१९ मा अयोध्या विवादमाथि सर्वोच्च अदालतले विवादित भूमिमा सरकारद्वारा एउटा ट्रस्ट गठन गरी मन्दिर निर्माण कार्य गराउन आदेश दिएको थियो ।
गठित ट्रस्ट श्री राम जन्मभूमि तीर्थक्षेत्र थियो । सन् २०२० फेब्रअरी ५ मा मोदी मन्त्रिमण्डलले मन्दिर निर्माणको एउटा योजना स्वीकार गरेको भारतीय संसदमा घोषणा गरेको थियो । सो योजना अनुसार मन्दिर निर्माण भई मन्दिरमा भगवानको प्राण प्रतिष्ठा हुन लागेको छ । न्युजका्रखाना
अयोध्या, ८ माघ ।
अयोध्याको राम मन्दिरको गर्भगृहमा प्राण प्रतिष्ठा हुने रामललाको मुर्ति पाँच बर्ष उमेर झल्काउने रहेको छ ।
जुन ५१ इन्च अग्लो मूर्ति हुनेछ र कालो रंगको हुनेछ । श्रीराम पाँच वर्षको बालकको रूपमा कमलमा विराजमान हुनेछन्। कमल फूलसहितको मूर्तिको उचाइ ८ फिट हुनेछ ।
तर, अब यहाँ स्वाभाविक प्रश्न उठ्छ कि ५ वर्ष उमेर झल्किने रामलल्लाको मुर्ति किन स्थापना गरिँदैछ ? योभन्दा ठुलो उमेर झल्किने श्रीरामको मुर्ति किन बनाइएन र यसको उचाइ ५१ इन्च मात्र किन राखियो ? अब यसबारेमा हामी बताउने छौं ।
खासमा राम मन्दिरमा रामको बाल्यकालको मूर्ति स्थापना भइरहेको छ र यसको उमेर ५ वर्षको रामलालाको हो। यो समयको रामको मुर्ति यही उमेरमा देखाएर किन स्थापना गरिँदैछ भन्ने कौतुहलता हुने स्वभाविकै हो । हिन्दू धर्ममा बाल्यकाललाई सामान्यतया ५ वर्षको उमेरसम्म मानिन्छ । यसपछि बच्चालाई समझदार मानिन्छ।
५ वर्षको बच्चालाई के मानिन्छ
चाणक्य र अन्य विद्वानहरूले स्पष्ट रूपमा भनेका छन् कि पाँच वर्षको उमेरसम्म बच्चाको हरेक गल्ती माफ हुन्छ किनभने उनीहरू निर्दोष हुन्छन्। त्यो उमेरसम्म उसलाई पढाउने काम मात्रै गरिन्छ । चाणक्य नीतिमा यी बालबालिकाको निर्दोषता र बौद्धिकताको बारेमा यसरी चर्चा गरिएको छ।
पांच वर्ष लौं लालिये, दस सौं ताड़न देइ। सुतहीं सोलह बरस में, मित्र सरसि गनि लेइ।।
महाकाल लोकका महन्त प्रणव पुरी भन्छन्, ‘हाम्रा शास्त्रहरूमा पनि पाँच वर्षको उमेरसम्म भगवान र परमात्माको बाल्यकालको मनोरञ्जन बढी भएको पाइन्छ । पाँच वर्षको उमेरमा रामको मूर्ति स्थापना गर्ने सम्बन्धमा काकभुशुण्डीका श्लोकहरू एकदमै समयसापेक्ष र सही देखिन्छन्।
तब तब अवधपुरी मैं जाऊं। बालचरित बिलोकि हरषाऊं॥
जन्म महोत्सव देखउं जाई। बरष पांच तहं रहउं लोभाई॥
तात्पर्य यो हो कि म अयोध्यापुरी जान्छु। छोराछोरीको खेल देखेर खुसी लाग्छ। म त्यहाँ गएर जन्मोत्सव हेर्छु र भगवानको शिशुलीलाको लोभमा ५ वर्षसम्म त्यहाँ बस्छु।
ककभुषुण्डीले उनको बालरूप र अन्य कुराका बारेमा धेरै भनेका छन् । त्यसपछि उनले रामलल्लाको बालस्वरूप बाहिर ल्याएका छन । जसका कारण उनको बाल्यकालको मूर्ति अयोध्याको राम मन्दिरमा स्थापना गर्नु उपयुक्त हुने उल्लेख गरिएको छ ।
इष्टदेव मम बालक रामा। सोभा बपुष कोटि सत कामा॥
निज प्रभु बदन निहारि निहारी। लोचन सुफल करउं उरगारी॥
अर्थात् बालकको रुपमा श्री रामचन्द्रजी मेरा प्रिय देवता हुनुहुन्छ, जसको शरीरमा करोडौं कामदेवहरूको सौन्दर्य छ। ओह, श्री गरुड, प्रभुको मुहार देखेर म मेरो नेत्र सफल बनाउँछु।
काकभुशुण्डी को थिए ?
अब हामी तपाईलाई काकभुशुण्डीको बारेमा बताउने छौं, जसलाई भुशुण्डी पनि भनिन्छ। उनलाई राम भक्तको रूपमा चित्रण गरिएको छ, जसले गरुडलाई कागको रूपमा रामायणको कथा सुनाउँछन्। चिरन्जीवी मानिन्छन् । यो पृथ्वीमा अझै जीवित छ भन्ने विश्वास गरिन्छ।
काकभुशुण्डी मूलतः अयोध्याको शूद्र वर्गका सदस्य थिए। एक पटक शिव क्रोधित भए र उनलाई सर्प बन्ने श्राप दिए । पछि बिन्ती गरेपछि शिवले सजाय घटाए र धेरै जन्म पछी काकभुशुण्डी भएर ब्राह्मण भएर जन्मिने बताइदिए । पछि उनी रामको भक्त बन्छन तर पछि फेरि श्रापले काग बनेका थिए ।
रामको बाल्यकालको लिला
भनिन्छ, कभुशुण्डीले रामलाई बालरूपमा अयोध्यामा निरन्तर देखे र यसबारे धेरै कुरा भने । यद्यपि भगवान रामले आफ्नो जीवनमा धेरै कम चमत्कारी कार्यहरू देखाएका छन् । हो, बाल्यकालमा एक पटक उनले पनि माता कौशल्यालाई आफ्नो मुखभित्रको ब्रह्माण्ड देखाएका थिए। यसपछि उनको दोस्रो असाधारण कर्म सीता स्वयंवरमा शिवको धनुष तोड्नु थियो। अन्यथा, उहाँ आफ्नो जीवन भर एक मानवको रूपमा मात्रै रहे ।
मूर्ति ५१ इन्च मात्र अग्लाे किन ?
अब हामी तपाईलाई बताउँछौं कि यो मूर्ति ठ्याक्कै ५१ इन्च अग्लो किन छ। भारतमा अहिलेको युगमा ५ वर्षको बच्चाको उचाइ ४३ देखि ४५ इन्च मानिने भए पनि जुन युगमा रामको जन्म भएको थियो, त्यतिबेला सर्वसाधारणको औसत उचाइ निकै बढी थियो । त्यसैले ५१ को शुभ अंकलाई हेर्दा उनको उचाइ ५१ मानिन्थ्यो।
कालो ढुङ्गाको नै मुर्ति किन बनाइयो ?
यो मूर्ति किन कालो ढुङ्गाबाट बनेको हो भन्ने अर्को प्रश्न हुन सक्छ। वास्तवमा रामलालाको मूर्ति शालिग्राम ढुङ्गाबाट बनेको हो, जसबाट हिन्दू धर्मका देवीदेवताको मूर्ति बनाइन्छ। यो एक पवित्र पत्थर मानिन्छ। शालिग्राम कालो रंगको चिल्लो, अंडाकार ढुङ्गा हो। धार्मिक ग्रन्थका अनुसार शालिग्राम भगवान विष्णुको मूर्ति स्वरूप हो । यो एक प्रकारको जीवाश्मा पत्थर हो। शालिग्राम सामान्यतया पवित्र नदीको तल वा किनारबाट संकलन गरिन्छ।
७४ वर्षअघि कति ठूलो मूर्ति राखिएको थियो
७४ वर्षअघि बाबरी संरचनामा रामलल्लाको मूर्ति राख्दा ९ इन्च अग्लो र अष्टधातुको बनाइएको थियो । यो सन् १९४९ को कुरा हो, जब भत्काइएको बाबरी मस्जिदमा पहिलो पटक रामलालाको मूर्ति देखा परेको थियो ।न्युजका्रखाना
मुम्बइ, ८ माघ ।
तपाईंले सद्गुरु जग्गी वासुदेवलाई धेरै बलिउड स्टारहरूसँग अन्तर्वार्ता लिइरहेको देख्नु भएको होला।
तर, अब जग्गी वासुदेव हलिउड सुपरस्टार जेनिफर लोपेजको फिल्म ‘दिस इज मी नाउः अ लभ स्टोरी’ मा देखिने भएका छन् । जेनिफर लोपेजले आफ्नो फिल्मको ट्रेलर सार्वजनिक गर्दा कलाकारको नाममा सदगुरूको नाम पनि समावेश गरेकी छिन् ।
यो फिल्मको ट्रेलरपछि सद्गुरु जग्गी वासुदेवको नाम पनि स्टार कास्टमा रहेको देखिन्छ । यो फिल्म १६ फेब्रुअरीमा प्राइम भिडियोमा रिलिज हुँदैछ । जेनिफर लोपेजले आफ्नो इन्स्टाग्राममा यस फिल्मको ट्रेलर पोस्ट गर्दै भावुक नोट लेखेकी छिन् ।
जसमा जेनिफर लोपेजले लेखेकी छिन्, ‘मैले यसअघि कहिल्यै यति नर्भस, उत्साहित र डराएको महसुस गरेको थिइनँ। यो फिल्मको एउटा अद्भुत र यादगार यात्रा रह्यो । मेरो फिल्म दिस इज मी नाउ १६ फेब्रुअरीमा प्राइम भिडियोमा रिलिज हुँदैछ । यो परियोजना अहिलेसम्मकै सबैभन्दा व्यक्तिगत हो। यसको ट्रेलर हेर्नुहोस् र मजा लिनुहोस्।’
निफर लोपेजको यो फिल्मको कास्टमा हलिउड स्टारहरुको नाम देखिएको थियो । यससँगै भारतीय फ्यानका लागि पनि यसमा एउटा आश्चर्य लुकेको छ । यस फिल्मको स्टार कास्टमा सद्गुरु जग्गी वासुदेवको नाम पनि देख्न सकिन्छ । यसले यो फिल्ममा जग्गी वासुदेव पनि देखिने पक्का भएको छ ।
यससँगै फिल्मको स्टार कास्टमा ‘बेन एफ्लेक’, ‘ट्रेभर नोआ’, ‘सोफिया भर्गारा’, ‘केके पाल्मर’, ‘निल डे ग्रेस टायसन’, ‘नील डी ग्रास टायसन र ‘पोस्ट मेलोन’ रहेको देख्न सकिन्छ।
चलचित्रको ट्रेलर सार्वजनिक भए पनि त्यसमा सद्गुरु भने देखिँदैनन् । यस्तो अवस्थामा भारतीय फ्यानका लागि फिल्ममा केही महत्वपूर्ण सरप्राइज हुने विश्वास गरिएको भारतीय सञ्चारमाध्यमले जनाएका छन ।न्युजका्रखाना
मुम्बइ, ८ माघ ।
प्रशान्त वर्माको सुपरहिरो फिल्म हनुमान १२ जनवरीमा रिलिज भएको थियो ।
तेजा सज्जा, वरलक्ष्मी सरथकुमार, अमृता अय्यर र विनय राई अभिनित यो फिल्मले विश्वभर बक्स अफिसमा राम्रो व्यापार गरिरहेको छ । निर्माताहरूले अयोध्याको राम मन्दिरको लागि बिक्री हुने प्रत्येक टिकटमा ५ रुपैयाँ दिने वाचा गरेका थिए र उनीहरू अहिले त्यो पूरा गरेका छन् ।
अयोध्याको राम मन्दिरका लागि २,६६,४१,०५५ भारु चन्दा दिएको फिल्म टिमले प्रेसलाई बताएको छ । फिल्मले विश्वभर १५० करोडको आँकडा पार गर्यो र सप्ताहन्तमा पनि बक्स अफिसमा ठूलो कमाई गरेको थियो। दोस्रो सप्ताहन्तमा हनुमानले देश तथा विदेशमा बढी ओगटेन्सी जितेको फिल्म टोलीले जनाएको छ ।
चलचित्रको बारेमा कुरा गर्दा हनुमान थिएटरहरूमा चलिरहेको छ र हनुमन्थु (तेजा) नामक युवकको कथामा आधारित छ । उसले आफ्नो गाउँमा पारिवारिक देवता भेटेपछि महाशक्ति प्राप्त गर्दछ। कसरी उनी आफ्नी बहिनी (वरलक्ष्मी) र प्रेमिका (अमृता) को सहयोगमा पूँजीवादी खलनायक (विनय) विरुद्ध जनताको लागि खडा हुन्छन्। यस्तो कथामा यो फिल्म बनेको छ, जसलाई हिन्दुहरुले अत्याधिक मात्रामा रुचाएका छन् ।
प्रि-रिलिज कार्यक्रममा निर्माताहरूले राम मन्दिरको लागि बिक्री हुने प्रत्येक टिकटको लागि ५ रुपैयाँ दान गर्ने कुरा उल्लेख गरेका थिए । उनले फिल्मको प्रिमियरमा बिक्री भएका २,९७,१६२ टिकटबाट उठेको मध्ये १४,८५,८१० रुपैयाँको चेक दान गरिसकेका थिए ।न्युजका्रखाना
किभ, ८ माघ ।
रुस र युक्रेनबीचको युद्ध रोकिने कुनै छाँटकाट देखिएको छैन ।
सोही क्रममा रुसको कब्जामा रहेको युक्रेनी बजारमा भएको गोलाबारीमा कम्तीमा २७ जनाको मृत्यु भएको छ भने सो घटनामा परी २५ जनाको मृत्यु भएको छ ।
समाचार अनुसार सो हमला डोनेट्स्क सहरको उपनगर तेकस्तिलशचिकमा बिहानै सो आक्रमण भएको हो। स्थानीय प्रशासनका अनुसार उक्त हमला युक्रेनी सेनाले गरेका हुन ।
डोनेस्कमा रुसले नियुक्त गरेको उच्च अधिकारी डेनिस पुशिलिनले आक्रमणमा २५ जना घाइते भएको जानकारी दिए ।
यद्यपी युक्रेनले यस विषयमा कुनै प्रतिक्रिया दिएको छैन । यसबाहेक, यी दावीहरूलाई एसोसिएटेड प्रेसद्वारा स्वतन्त्र रूपमा प्रमाणित गर्न सकिएन। घटनापछि घटनास्थलमा उद्धार कार्य जारी छ ।
रुसी नियुक्त अधिकारीले पनि आपतकालीन सेवाका कर्मचारीहरूले घटनास्थलमा उद्धार कार्य जारी रहेको जनाएका छन ।
उता, आइतबार रुसको उस्ट लुगा बन्दरगाहमा आगलागी भएको जानकारी दिएका छन् । रासायनिक ढुवानी टर्मिनलमा दुई विष्फोट भएपछि घटना भएको हो।
स्थानीय सञ्चारमाध्यमले उक्त बन्दरगाहमा युक्रेनी ड्रोनले आक्रमण गरेको जनाएको छ । ड्रोनको आक्रमणका कारण ग्यासले भरिएको ट्याङ्कीमा आगो निस्केर फैलिएको थियो ।
रुसको किंगसेप क्षेत्रको बन्दरगाह प्रमुख युरी जाप्लातस्कीले एक विज्ञप्तिमा उक्त घटनामा कुनै हताहत नभएको बताए । यो भयानक घटनापछि जिल्लालाई उच्च सतर्कतामा राखिएको छ ।न्युजका्रखाना
रौतहट, ८ माघ ।
लगातार तीन हप्तादेखिको चिसोका कारण रौतहट सहित मधेशको जनजीवन नराम्रोसँग प्रभावित भएको छ।
विगत एक सातादेखि परेको तुषारोका कारण रौतहटको जनजीवन नराम्रोसँग प्रभावित भएको हो। पानी परेजस्तै परेको तुषारोका कारण ग्रामीण जनजीवन नराम्रोसँग प्रभावित भएको छ।
अत्याधिक चिसोका कारण सर्वसाधारणहरू घरबाट बाहिर निस्कन सक्ने अवस्था रहेको छैन। चिसोका कारण बजारमा चहलपहल समेत घटेको व्यापारीहरूले बताएका छन्। एक सातादेखि परेको तुषारोका कारण सर्वसाधारणहरूको चहलपहल बजारमा घट्दै जान थालेको व्यापारीहरूको भनाइ रहेको छ।
जाडोका कारण रौतहटका सरकारी कार्यालयहरूमा आउने सेवाग्राहीको संख्या समेत घट्दै जान थालेको छ। पहिलेको तुलनामा जाडोका कारण सेवा लिन आउने सेवाग्राहीको संख्यामा कमी आएको रौतहट जिल्ला भूमिसुधार कार्यालयका कार्यालय प्रमुख उदयप्रसाद देवकोटाको भनाइ रहेको छ।
एक हप्तादेखिको तुसारोका कारण किसानहरूले लगाएको नगदे बाली मुसुरो तोरीमा नराम्रो क्षति पुगेको किसानहरूको भनाइ रहेको छ। जाडो बढेसँगै जाडोबाट हुने विभिन्न रोगका बिरामीहरूको सङ्ख्या समेत सरकारी अस्पतालमा बढ्दै जान थालेको छ। जाडो बढेपछि वृद्धबिरुद्धमा निमोनिया जस्ता रोगहरू देखा पर्न थालेको चन्द्रनिगापुरस्थित सरकारी अस्पतालका डाक्टर रामजी रामको भनाइ रहेको छ ।
जाडो बढेसँगै जाडोबाट लाग्ने विभिन्न रोगका रोगीहरूको अस्पतालमा भिड लाग्न थालेको डाक्टर रामले जानकारी दिएका छन्।
विगत एक सातादेखिको तुषारोका कारण दैनिक ज्याला मजदुरी गरेर जीविकोपार्जन गर्दै आएका सर्वसाधारणको दैनिकी समेत प्रभावित हुँदै जान थालेको छ । जाडोले काम गर्ने अवस्था नभएका कारण आफूहरू घरमै बस्न बाध्य भएकाले बिहान बेलुकाको छाक टार्न समस्या भएको कटहरियाका हरिकृष्ण रामले गुनासो गरे ।
विगत तीन सातादेखिको हुसु शीतलहरी र तुसारोका कारण पूर्व पश्चिम राजमार्गमा गुड्ने सवारी साधनहरूले दिउँसै लाइट बालेर हिँड्नुपर्ने अवस्था रहेको जिल्ला ट्राफिक प्रहरी कार्यालय रौतहटका ट्राफिक प्रहरी निरीक्षक सुशील आचार्यको भनाइ रहेको छ। न्युजका्रखाना
राैतहट,०८ गते माघ ।
कटहरिया-रौतहट कटहरिया बजारमा रहेको एक ग्यास पसलमा अचानक आगलागी हुँदा लाखौंकाे क्षती भएको छ । कटहरिया नगरपालिका वडा नम्बर ५ बजार स्थित रहेको शिवशक्ति जनरल स्टोर्समा आगलागी भएको ईलाका प्रहरी कार्यालय कटहरियाले जनाएको छ ।
आगलागी हुँदा पसल भित्र रहेको चुल्हो, १० थान भट्टि ८ थान, ग्यास १० थान १५० एमपिअरको टाटा ग्रीन ब्यट्री ४ थान र एक्साइड कम्पनीको ब्यट्री २ थान सहित पसल जलेर नष्ट भएको संञ्चालक मिश्रिलाल साह साेनारले बताए ।
आगलागीबाट पसल संचालकका छोरा चन्दन सोनार सहित दुई जना प्रहरी समेत घाईते भएको ईलाका प्रहरी कार्यालय कटहरियाका प्रमुख बरिस्ठ सई अरुण सिंहले जानकारी गराए ।
आगलागी कसरी भयो भने खुलन नसकेको र अनुसन्धान भइरहेको सई सिंहले बताए । उनका अनुसार आगलागीबाट करिब २ लाख ५० हजार रूपैया बराबरको क्षति भएकाे बताए । प्रहरी टोली र स्थानीयहरुकाे सहयोगले आगोलाई नियन्त्रणमा लिएको थियोे ।
