रौतहट – २३ कार्तिक २०८१।
रौतहट जिल्लाको वृन्दावन नगरपालिका वडा नं.८ आँकडपाथरमा सांस्कृतिक कार्यक्रम ’ सम्पन्न भएको छ । वृन्दावन नगरपालिका वडा नं.८ र ९ को युवाहरुले संयुक्त रुपले सो कार्यक्रमको आयोजना गरेका थिए। रिबन काटेर सो सांस्कृतिक कार्यक्रमको उद्धघाटन गर्दै नगर प्रमुख विनोद प्रसाद कुर्मीले आफू युवाहरुको भविष्य उजागर गर्नका निम्ति कुनै पनि कसर न छोड्ने बताउनु भयो । नगर प्रमुख कुर्मीले आफु स्थानीय सरकारको प्रमुख भए पश्चात् चौतर्फी रुपले विकास निर्माण को कार्य गर्दै आएको र बाँकी कार्यकालमा पनि गर्दै जाने बताउनु भयो ।
कार्यक्रमको प्रमुख अथितिको रुपमा बोल्दै नगर प्रमुख कुर्मीले वडा नं.८ र ९ मा विगतका जनप्रतिनिधिले विगत पाँच वर्षमा गर्न न सकेको हरेक कार्यलाई आफुले २.५ वर्षकै कार्यकालमा पुरा गरेर देखाएको ध्यानाकर्षण समेत गराउनु भयो ।
नगरपालिकाभित्र रहेका सांस्कृतिक बाजा,स्थानीय कलाकारहरु, कवि, संस्कृतिविद्, विभिन्न विद्यालयका विद्यार्थीहरु, सामाजिक, राजनीतिक, उद्योग, व्यवसाय, खेलकुद, स्वास्थ्य, पर्यटन, संचार माध्यम,नाटक तथा रंगमञ्च लगायत सम्पूर्ण विधा तथा क्षेत्रहरुलाई समेट्दै अगाडि बढिरहेको बताउनु भयो। उनले फिल्म खेलिरहेका कलाकारहरु पनि विगत तथा बाल्यकालमा यस्तै नाटक र सांस्कृतिक कार्यक्रममा भाग लिएर सिक्दा सिक्दै अहिले ठुलो कलाकार बन्न पुगेको दर्साउदै आफ्ना पालिका भित्रका सांस्कृतिक क्षेत्रमा रुचि राख्ने युवाहरुलाई पनि यस्तै सांस्कृतिक कार्यक्रमको आयोजना गरि आफुभित्र लुकेको प्रतिभाई उजागर गर्न संदेश दिदै आफुले सो कार्यमा आफु सकेसम्मको सहयोग गर्दै जाने प्रतिबद्धता समेत जाहेर गर्नुभयो।
कार्यक्रममा स्वागत मन्तव्य त्यहाँका स्थानीय शिक्षक अच्छेलाल पटेलले गरेका थिए भने सो कार्यक्रमको अध्यक्षता सो सांस्कृतिक कार्यक्रम समितिको अध्यक्ष अरबिन्द पटेलले गरेका थिए। त्यसैगरी कार्यक्रमको प्रमुख अथितिको रुपमा वृन्दावन नगरपालिकाका नगर प्रमुख विनोद प्रसाद कुर्मी,विशिष्ट अथितिमा मुस्लिम इतेहाद संगठन नेपाल मधेस प्रदेशका अध्यक्ष सलामोदिन दर्जी,वडा नं.८ का वडा अध्यक्ष रवीन्द्र प्रसाद साह र वडा नं.९ का वडा अध्यक्ष प्रवेज आलम रहेका थिएभने अथितिमा वृन्दावन नगरपालिकाका नगर कार्यपालिका सदस्य राजेश पासवान(निर्माणी),युवा समाजसेवी नेता धिरेन्द्र पटेल,दशरथ राम र राजिन्द्र पटेल रहेका थिए भने कार्यक्रम सञ्चालन श्याम पटेलले गरेका थिए।
आरके श्रीवास्तव,राैतहट,२३ गते कार्तिक
तराई मधेसकाे लोकआस्थाको पर्व छठकाे आज उदाउँदो सूर्यलाई अर्घ दिई छठ पर्व समापन भएको छ ।
मंगलबार देखि श्रद्धा र निष्ठापूर्वक मनाइने पर्व छठ व्रत शुरु भएको थियोे । व्रत विधिअनुसार मंगलबार पहिलो दिन बर्तालुले ‘नहाय–खाय’ विधि सम्पन्न गरेका थिए ।
कात्तिक शुक्ल चतुर्थी (चौथी) देखि सप्तमीसम्म चार दिन विभिन्न विधिसाथ सम्पन्न गरिने छठपर्व यसपालि मंगलबार देखि शुरु भएको थियो । सूर्यदेवको उपासना गरिने यो पर्वमा पहिलो अर्थात् चौथी तिथिका दिन बर्तालुले हातगोडाका नङ काटेर पवित्र स्नान गर्दै चोखोनितो खाएर व्रत सङ्कल्प गर्दछन् । यसलाई मधेसमा ‘नहाय–खाय’ भनिन्छ ।
त्यसैगरी दोस्रो दिन पञ्चमी तिथिका दिन बर्तालुले दिनभरि निराहार व्रत उपासना गरेर राति सक्खर हालेर पकाइएको अरवा चामलको खिरमात्र इष्टदेवलाई चढाएर परिवारजनसहित प्रसादस्वरुप खानेछन् । दोस्रो दिनको यो विधिलाई मधेसमा ‘खरना’ भनिन्छ । पर्वको मुख्य दिन षष्ठी तिथिका दिन बर्तालुले निराहार व्रत बसेर साँझपख पवित्र जलाशयमा बनाइएको घाटमा स्नान गर्दै सूर्यदेवलाई अर्घ दिएका थिए ।
यसक्रममा ठेकुवा,कसार अन्य मिष्ठान्न परिकार, केरा, दहीसहितका सामग्री सूर्यलाई देखाइन्छ । यो विधिलाई ‘सझिया अरख’ भनिन्छ । षष्ठीको रात सूर्यदेव र षष्ठीमाता को आराधना गर्दै घाटमै रात बिताउने चलन छ ।
पर्वको अन्तिम अर्थात् आज सप्तमी तिथिका दिन पानीमा खडा भएर सूर्यदेवलाई चाँडै देखिन पुकारा गर्दै बर्तालुले गीत गाएका थिए । सूर्य देखिनासाथ अघिल्लो साँझ अर्घ देखाइएका सामग्री उदाउँदाे सूर्यलाई देखाउँदै दोस्रो अर्घ दिएपछि पर्व विधिवत सम्पन्न भएको छ । मधेसमा आज अन्तिम दिनको विधिलाई ‘भोरवा अरख’ वा ‘पारन’ भनिन्छ । याे सँगै छठ पर्व समापन भएको छ ।
आरके श्रीवास्तव,राैतहट,२२ गते कार्तिक
तराई मधेसकाे लोकआस्थाको पर्व छठकाे आज मुख्य दिन अस्तउँदाे सूर्यलाई अर्घ दिई छठ पर्व मनाइदैछ ।
मंगलबार देखि श्रद्धा र निष्ठापूर्वक मनाइने पर्व छठ व्रत शुरु भएको थियोे । व्रत विधिअनुसार मंगलबार पहिलो दिन बर्तालुले ‘नहाय–खाय’ विधि सम्पन्न गरेका थिए ।
कात्तिक शुक्ल चतुर्थी (चौथी) देखि सप्तमीसम्म चार दिन विभिन्न विधिसाथ सम्पन्न गरिने छठपर्व यसपालि मंगलबार देखि शुरु भएको थियो । सूर्यदेवको उपासना गरिने यो पर्वमा पहिलो अर्थात् चौथी तिथिका दिन बर्तालुले हातगोडाका नङ काटेर पवित्र स्नान गर्दै चोखोनितो खाएर व्रत सङ्कल्प गर्दछन् । यसलाई मधेसमा ‘नहाय–खाय’ भनिन्छ ।
त्यसैगरी दोस्रो दिन पञ्चमी तिथिका दिन बर्तालुले दिनभरि निराहार व्रत उपासना गरेर राति सक्खर हालेर पकाइएको अरवा चामलको खिरमात्र इष्टदेवलाई चढाएर परिवारजनसहित प्रसादस्वरुप खानेछन् । दोस्रो दिनको यो विधिलाई मधेसमा ‘खरना’ भनिन्छ । पर्वको मुख्य दिन आज षष्ठी तिथिका दिन बर्तालुले निराहार व्रत बसेर साँझपख पवित्र जलाशयमा बनाइएको घाटमा स्नान गर्दै सूर्यदेवलाई अर्घ दिदैछन् ।
यसक्रममा ठेकुवा,कसार अन्य मिष्ठान्न परिकार, केरा, दहीसहितका सामग्री सूर्यलाई देखाइन्छ । यो विधिलाई ‘सझिया अरख’ भनिन्छ । षष्ठीको रात सूर्यदेव र षष्ठीमाता को आराधना गर्दै घाटमै रात बिताउने चलन छ ।
पर्वको अन्तिम अर्थात् सप्तमी तिथिका दिन पानीमा खडा भएर सूर्यदेवलाई चाँडै देखिन पुकारा गर्दै बर्तालुले गीत गाउँछन् । सूर्य देखिनासाथ अघिल्लो साँझ अर्घ देखाइएका सामग्री उदाउँदाे सूर्यलाई देखाउँदै दोस्रो अर्घ दिएपछि पर्व विधिवत सम्पन्न गरिन्छ । मधेसमा अन्तिम दिनको विधिलाई ‘भोरवा अरख’ वा ‘पारन’ भनिन्छ । याे सँगै छठ पर्व समापन हुन्छ ।
सञ्जय साह मित्र,२२ गते कार्तिक ।
पहिले साठी धानको बिना कोही छठको कल्पना गर्दैनथे तर अहिले यो आलंकारिक हुन थालेको छ । यद्यपि ग्रामीण क्षेत्रमा भने साठी धानको खोजी अझै पनि गरिन्छ । पहिले साठी धानप्रति मानिसमा छठसँग जोडिएर नै श्रद्धा उम्रेको देखिन्थ्यो ।
सुथनी र अरुवा हराइ नै सके । कसैले खोजी गरेको पाइँदैन । करिब पाँच दशक पहिलेसम्म छठ पबनीमा अनिवार्य आवश्यकता थिए यिनीहरु । हेर्दाहेर्दै गागलनिमो÷गागरनिमो वा भोगटेको चलन लोप नै भइसक्यो । अझै निबुआको उपयोग छठ पबनीमा भइरहेको छ ।
छठको एउटा विशाल सुन्दरता थियो घाटमा दन्ड दिनुपर्ने । सायदै कोही युवा हुन्थे जो दन्ड दिँदैनथे । आजभोलि यो पनि आलंकारिक मात्र हुन गएको छ । अत्यन्त कम मानिसले यो गरेको देखिन्छ ।
याद गर्नुभएको होला, पहिले पाँचओटा दतिवन (दतुवन) बाँड्ने चलन थियो । विशेष गरी बालक तथा किशोरहरुले आँपको दतुवन व्रतालुहरुकहाँ बाँड्ने गर्दथे । अहिले यो चलन छ कि हरायो ?
गुन्डी अर्थात् चंगा कतै उडाइन्छ होला तर यो छठ पर्वको एउटा बालसुलभ सौन्दर्य थियो । बालबालिकाहरुले हाथमा गुन्डी लिएर छठघाटमा उडाएको रमाइलो आज पूर्णतः एन्ड्रोइड मोबाइलमा परिवर्तन भइसकेको छ । कसरी नयाँले पुरानोलाई विस्थापित गर्दो रहेछ त ?
छठमा सबैले सम्भव भएसम्म नयाँ लगाएर जान्थे तर परम्परागत पहिरन हुन्थ्यो । अहिले आधुनिक जमानाको छठ भइसक्यो । सम्भव भएसम्मको देखावटी पहिरन छठमा हुन्छ । लाग्दछ, पश्चिमा संस्कृतिको प्रभाव परिरहेको छ । सुटमा ठाँटिएकाहरु धेरै हुन्छन् ।
कामनामा पनि बदलाव आएको हो ? पहिले मुख्यतः दुई कामना हुन्थे – सन्तान प्राप्ति र चर्मरोग निवारण । अहिले अन्य कामना पनि बढेर गएको पाइएको छ । अर्थात्, छठपर्वको कामनामा पनि विस्तार भएको छ । लोकआस्थाको महापर्व हो, आस्था र कामनाको अदभुत समन्वय भएको देखिन्छ । यसको विस्तार निकै हार्दिक पक्ष हो ।
पचास वर्ष पहिले कात्तिकमा यो छठ मनाइँदा पबनइतिनभन्दा दर्शक नै बढी हुन्थे । हरेक वर्ष यो उद्भवस्थलमा पनि विस्तार भइरहेको छ । दुबोले जस्तै यसले बलियो सम्बन्ध माटोसित गाँसेको छ । सम्बन्धको बलियोपनाले यो पर्व बलियो हुँदै आजभोलि कात्तिकमा जस्तै चैतमा पनि अत्यन्त धुमधामका साथ मनाइन थालिएको छ । यद्यपि पहिले पनि चैतमा मान्नेहरु थिए तर चैतमा मान्नेहरुले मनौती अर्थात् भाकलअनुसार तोकिएको वर्ष छठ मान्ने गर्दथे तर आजभोलि यो निरन्तरताझैँ हुन गएको छ कात्तिमा जस्तै ।
साँच्चिकै छठको प्रियता निरन्तर विस्तार भइरहेको छ । हाम्रा पूर्वजहरुले यस संस्कृतिलाई परिपालन गरेर हामीलाई गर्व गर्ने बाटो विस्तार गरिदिनु भएको छ ।
गोधनको दिन संकल्प लिने, भोलिपल्ट बिराउने, तेस्रो दिन नहाखाएके, चौथो दिन खरना, पाँचौ दिन सँझियाघाटे र छैटौँ दिन पारन हुने छठ पबनी हाम्रो यथार्थमा लोकसंस्कृति हो । दश दिनको दशैँ भएजस्तै छ दिनको यो छठ हो ।
आरके श्रीवास्तव,बारा,१९ गते कार्तिक ।
बाराको पचरौता नगरपालिकामा परम्परादेखि लाग्दै आएको महाबिरी झन्डा मेलाको विवाद चर्कदैँ गएको छ । पचरौता नगरपालिका ७ बेनौली गाउँमा परम्परादेखि लाग्दै आएको महाबिरी झन्डाको लागि तिन ओटा मेला समिति गठन भएपछि मेलापूर्व नै विवाद चर्केको हो ।
पचरौता नगर प्रमुख जलन्धर सिंह जैसवारले मेला लगाउने नाममा विभिन्न समूहहरुले बलजफ्ती चन्दा उठाउने काम गरिरहेकाले तत्काल रोक्न र चन्दा उठाउनेमाथि कारबाहीको लागि माग गरेका छन् ।
हरेक वर्ष छठ पर्वको समापनसँगै सुरु हुने मेलामा गत वर्ष निकै विवाद भएको थियो । प्रहरीले दर्जनौँ राउन्ड गोली चलाउनु परेको थियो । विगतदेखि मेला लाग्दै आएको भए पनि केही वर्षदेखि मेलामा विवाद हुँदै आएको छ । मेलामा हुने विवादलाई रोक्न वडा कार्यालयको पहलमा नगरपालिकाले मेला समिति निर्माण गरेपछि झन् विवाद चर्किएको हो ।
मेलाको लागि नगरपालिकाको नगरसभा तथा बोर्ड बैठकले पाँच लाख रुपैया छुट्याएर मेला लगाउनको लागि समितिलाई कार्यादेश दिइसकेको छ । केही मानिसले आफ्नो स्वार्थ पूरा नहुने देखेपछि अदालतबाट मेला लगाउन नै रोक लगाउनु पर्ने माग गर्दै मुद्दा दायर गरेका थिए । अदालतले तत्कालको लागि मेला लगाउन रोक लगाउन मिल्ने कारण नदेखिएको आदेश दिइसकेको छ ।
परम्परादेखि लाग्दै आएको मेलाको स्थानको विषयमा पनि विवाद उठेको छ । नगरपालिकाले महाबिरी झन्डा तथा ब्रह्मबाबा पुजन कार्य मेला स्थानीय विद्यालयमा हुँदै आएकोमा नगरपालिकाले नजिकै रहेको पोखरीको ठुलो डिललाई स्थान तोकेको छ । पोखरीको डिलमा मेला सारिएपछि कतिपयले पहिले लाग्दै आएको विद्यालयमा नै मेला लाग्नुपर्ने भन्दै मेला समिति गठन गरेका छन् । विद्यालयको चौरमा मेला लगाउन उचित नहुने भन्दै अर्को समूहले विद्यालय बाहिर मेला लगाउने भन्दै तेस्रो मेला समिति पनि गठन गरेका छन् । विद्यालयभित्र र विद्यालय बाहिर मेला लगाउने भन्दै आफूखुसी मेला समिति गठन गरेका समूहहरुले स्थानीयसित चन्दा असुल गरिरहेको नगर प्रमुख जैसवारको भनाइ छ ।
मेला लगाउन, नाच, जात्रा गराउन तथा मदिराको बिक्रीका साथै जुवाबाट रकम असुल गर्न केही मानिसले महाबिरी मेलालाई बदनाम गराउन चाहेको नगर प्रमुख जैसवारको भनाइ छ ।
नगर प्रमुख जैसवारले सोमवार पत्रकार सम्मेलन गरी मेलालाई सभ्य र भव्यतापूर्वक लगाउन स्थानीयलाई सहयोगको लागि आग्रह गरेका छन् । मेलामा कुनै किसिमको विकृति हुन नदिनको लागि र नगरपालिकाले तोकेको ठाउँसँगै अन्यत्र सोही मितिमा मेला लगाउन दिँदा झैँझगडा हुने भएकोले अन्यत्र मेला लाग्न नदिन नगर प्रमुखले माग गरेका छन् ।
नगर प्रमुख जैसवारले शान्ति सुरक्षाको लागि जिल्ला प्रशासन कार्यालय बारा र जिल्ला प्रहरी कार्यालय बारासित तिन सय प्रहरीको माग गरिएको बताउँदै नगर प्रहरी तथा स्वयंसेवकहरु पनि मेलाको व्यवस्थापन तथा शान्ति सुरक्षाको लागि परिचालन गरिने बताएका छन् ।
नगरपालिकाले तोकेको ठाउँभन्दा अन्यत्र मेला लाग्न नहुने र सम्बन्धित निकायले पनि ध्यान दिनुपर्ने जैसवारको तर्क रहेको छ ।
यता साेही नगरपालिका वडा नम्बर ४ का वडा अध्यक्ष एवम् नगर प्रवक्ता लक्ष्मी यादवले पनि ई सबै कुराहरूलाई गराउँदै प्रेस रिलिज पढेर सुनाएका थिए । उनले पनि वडाकाे विना अनुमती कुनै किसिमको मेला,नाटक, झाँकी,नाच गर्न नहुनेमा जाेड दिए । साे अवसरमा मेला आयाेजन भईरहेकाे वडा नम्बर ७ का वडा अध्यक्ष बनारसी बिन,शिक्षा सहायक प्रमुख मुकेश कुमार सिंह,भैयाराम यादवकाे पनि उपस्थिति रहेको थियो ।
उत्तम कुमार उपाध्याय ,रौतहट १६ कार्तिक।
फैसला कार्वान्यन गर्ने अभियान अन्तर्गत रौतहट प्रहरीले लामो समय देखि फरार रहेका ११ जना प्रतिवादीलाई पक्राउ गरेको छ भने अबैध कपडा सहीत एकजना तस्कर पक्राउ परेका छन्।
जिल्ला अदालत, जिल्ला प्रशासन कार्यालय सहितको निकायबाट दण्ड जरिबाना रोकिएर फरार रहेका ११ जना प्रतिवादी लाई प्रहरीले पक्राउ गरेको हो। पक्राउ पर्नेमा आगजनी मुद्दामा संलग्न कटहरिया नगरपालिका ५ का प्रभु साह कलवार लगायत बिभिन्न मुद्दाका ११ जना फरार प्रतिवादी पक्राउ परेका हुन्।
कटहरिया ५ का गुदु भन्ने रामेश्वर यादव,गौर ५ रामाकृत गुप्ता, ईशनाथ ५ का शेख तुफानी, राजदेवी ७ का हरिशंकर यादव, माधव नारायण ५ का अमरदेव यादव, गढीमाई ३ का जैबुल खातुन, वृन्दावन ८ का रामेश्वर साह, सत्य नारायण साह, साविक सखुवा धमौरा ७ का गेनालाल साह रहेको जिल्ला प्रहरी प्रवक्ता डीएसपी दीपक कुमार रायले बताएका छन्।
उनीहरू बाट जरिवाना असुल तथा कारवाहीको लागि जिल्ला अदालत गौर र जिल्ला प्रशासन कार्यालय गौरमा बिहीवार उपस्थित गराइएको जिल्ला प्रहरी कार्यालय रौतहटको सूचनामा उल्लेख गरिएको छ। पछिल्लो समय रौतहट प्रहरीले फरार प्रतिवादी पक्राउ गर्ने अभियान चलाएको छ।
रौतहट प्रहरीले भन्सार छलीको कपडा सहित एकजना मानिस लाई पक्राउ गरेको छ।
जिल्ला प्रहरी कार्यालय तथा मातहतका युनिटबाट गएको गस्ती टोलीले गौर चन्दरनिगाहपुर सडकखण्ड बमनहर चौकमा अबैध कपडा सहित गरुडा नगरपालिका ८ जिङडियाका ५० बर्षीय दिनेश साह कानु लाई बिहीवार पक्राउ गरेको हो।
भारतीय बजारबाट विआर ०५ ए एक्स २६१९ नम्बरको स्कुटरमा १ लाख २६ हजार ६०० रुपैयाँको कपडा ल्याउँदै गरेको अवस्थामा प्रहरी टोलीले कानु लाई पक्राउ गरेको जिल्ला प्रहरी प्रवक्ता डिएसपी दिपक कुमार रायले बताएका छन्। पक्राउ परेका कानु लाई बरामद कपडा र स्कुटर सहित आवश्यक कार्वाहीको लागी जिल्ला भन्सार कार्यालय गौरमा बुझाईएको प्रहरीको सूचनामा उल्लेख गरिएको छ। यसैबीच बुधवार तस्करहरुले बिभिन्न नाका हुँदै भित्र्याएको १ लाख ५५ हजार मूल्य बराबरको बिभिन्न किसिमका अबैध भारतीय सामान प्रहरीले बरामद गरी आवशयक कारवाहीको लागि जिल्ला भन्सार कार्यालय गौरमा बुझाएको थियो।
आरके श्रीवास्तव,राैतहट,१६ गते ।
रौतहट । रौतहटको गढीमाई नगरपालिका वार्ड नंं ६ सिंगारवनको आर्दश आधारभुत विद्यालयमा पहिला पटक बज्जिका भाषामा वक्कतृत्वकला प्रतियोगता सम्पन्न भएको छ । बज्जिका विकास केन्द्र नेपाल गढीमाई ६ सिंगारवनद्वारा संचालित बज्जिका एफ. एम. ९९.४ मेगाहर्ज माधावनारायण वार्ड नं. ६ माधोपुरको आयोजना सम्पन्न हाजिरी जवाफ तथा वक्कतृत्वकला प्रतियोगता भव्य रुपमा सम्पन्न भएको हो ।
सम्पन्न हाजिरी जवाफ प्रतियोगितामा अन्मोल यादवको नेतृत्वमा रहेको काली समुहका अभिषेक यादव, विभा यादव,रंजित यादव, निखिल यादल लगायतले प्रथम, सुनिल यादवको नेतृत्वमा रहेको सरस्वती समहुका अर्चना यादव, अनिश यादव, अनोज यादव र अमित यादव लगायतले दोश्रो र कृष यादवको नेतृत्वमा रहेको जग्दम्वा समहुका घनश्याम ठाकुर, मदन यादव, विजय यादव लगायतले तेश्रो स्थान प्राप्त गरेका थिए । प्रतियोगितामा गाउँका कक्षा ८ देखि १२ कक्षा सम्म अध्ययनरत बालबालिकाहरुको ६ ओटा समुह सहभागी रहेको थियो भन्ने प्रत्येक समुहमा ५ जना सहभागीहरु थिए ।
त्यस्तै बज्जिका भाषाको वक्कतृत्वकला प्रतियोगितामा सहभागी १२ जानामा प्रथम अभिषेक यादव, दोश्रो अनिष यादव र काजल यादवले तेश्रो स्थान हासिल गरेको थिए ।
कार्यक्रम बज्जिका एफ.एम.का प्रवन्धक दिनेश यादव संगमको अध्यक्षता तथा आर्दश आविका प्रधानाध्यापक केदार यादव, मा वि विरनगराका प्रधानाध्यापक मुकेश यादव, आईविए स्कुल गौरका प्रधानाध्यपक संतोष पौडेलको विशेष उपस्थिति रहेको थियो भन्ने कार्यक्रमलाई संचालन उच्च मावि गरुडा तथा सिंगारवन वासी शिक्षक शिवशंकर झा, शिक्षक भाग्यनाराण यादवले गर्नु भएको थियो ।
कार्यक्रममा रौतहट टुडेका जितेन्द्र दास, पत्रकार ओमप्रकाश यादव बज्जिका एफ एमका अध्यक्ष राहुल कुमार पाण्डेय रेड टिभिका चंचन पटेल, राजन झा लगायत गाउँका रामविनय यादव, श्याम सुन्दर यादव, राजनारायण यादव लगायतका समाजसेवी आमनागरिकहरुको बाक्लो उपस्थिति रहेको थियो ।
आयोजकले विजेताहरुलाई मेडल सहित पुस्कारी वितरण गरेको हो । यस्ता कार्यक्रमले बालबालिकाहरु भित्रको प्रतिभा प्रदर्शन गर्न आत्मबलमा मदत पुग्ने सहभागीहरुको भन्नाई रहेको थियो ।
आरके श्रीवास्तव,रौतहट,०३ गते कार्तिक ।
रौतहटको कटहरिया नगरपालिका वडा नम्बर ४ मा नेकपा एमाले बाट निर्वाचित वडा अध्यक्ष चन्दन कुशवाहालाइ आज सम्मान गरिएको छ । कटहरिया नगरपालिकाको वडा नम्बर २ जमुनिया बजारमा आयोजित एक कार्यक्रममा उनलाइ सम्मान गरिएको हो ।
सामाजिक हित र कल्याणका निम्ति निस्वार्थ रुपले समर्पित भएको भन्दै सोको उच्च कदर गर्दै वडा अध्यक्ष कुशवाहालाइ सम्मान गरिएको हो । नेपाल युवा लिग डेभलपमेन्ट सेन्टरको आयोजना लायन्स क्लब अफ चन्द्रपुर , लायन्स क्लब अफ काठमाडौं मिथिला सिटीको सहकार्यमा उनलाइ सम्मान गरिएको हो ।
लायन्स क्लब चन्द्रपुरका अध्यक्ष वसीम अख्तर र नेपाल युवालिग डेभलपमेन्ट सेन्टरका अध्यक्ष रिजवान बढईले संयुक्त रूपमा वडा अध्यक्ष कुशवाहा लाई सम्मानपत्र बाट सम्मानित गरिएको हो ।
नेकपा एमालेका यूवा नेता कुशवाहा कटहरिया नगरपालिका वडा नम्बर ४ को वडा अध्यक्षको रुपमा दुइचोटी निर्वाचित भएका हुन् । २०७४ र २०७९ को स्थानीय निर्वाचनमा उनी वडा अध्यक्षको रुपमा निर्वाचित भएका थिए । निर्वाचित भएदेखि नै उनी सधै सामाजिक काममा सक्रिय रहँदै आएका हुन् । उनी जनता माझ सधैं नै पुग्ने गर्दछन् । त्यसकै मूल्यांकन गरी उनी आज सम्मानित हुन पुगेका हुन् ।
अहिले कटहरिया नगरपालिकामा जहाँ पनि आगामी चुनाव २०८४ को चर्चा हुँदा चन्दन कुशवाहाको पनि सन्दर्भ आउन थालेको स्थानीय युवाहरु बताउँछन् । उनलाइ धेरैले आगामी चुनावमा नगर प्रमुखको उम्मेदवारको रुपमा हेर्न चाहेका छन् ।
