राैतहट,१४ गते मंसिर ।
राैतहटकाे गढिमाइ नगरपालिका वडा नम्बर ९ मलाहीटाेलमा
नि:शुल्क आँखा शिविर सम्पन्न भएको छ । पूर्व विद्यार्थी समाज श्री सरस्वती मावि मलाहिटोलको पहलमा गरीब, दलित, महिला, मुस्लिम समुदायलाइ लक्षित गरी आयाेजन गरिएको निःशुल्क आँखा शिविर सो विद्यालयको प्रांगनमा १ दिने मिति २०८१ मंसिर १४ गते शुक्रवार सम्पन्न भएको छ । आँखा शिविरमा पहिचान गरिएका मोतियाविन्दुका विरामीहरुलाइ शल्यक्रिया समेत निःशुल्क हुने भएको छ । विहान ९ वजे देखी सञ्चालन भएको शिविरमा २२४ महिला र २०१ पुरुष गरी जम्मा ४२५ जना सेवाग्राही लाभान्वित भएका छन । जसमध्ये १२६ जनालाइ मगलवार, बुधवार र विहिरवार गौर आँखा अस्पताल पुरेनवामा निःशुल्क शल्यक्रिया हुनेछ । यो कार्यक्रम डेक फाउन्डेसनको आर्थिक सहयोग, नेपाल नेत्र ज्योति संघ,गौर आँखा अस्पतालको आयोजना, र स्थानीय आयोजक गरुडा आँखा अस्पताल, श्री सरस्वती मावि मलाहीटोलको पूर्व विद्यार्थी समाजको नेतृत्वमा सम्पन्न भएको छ ।
शिविरमा आएका सेवाग्राहीलाइ आयोजक संस्थाहरुले निःशुल्क रुपमा मेडिसिन ४५ जनालाइ, चश्मा १२८ जनालाइ र लेनस सहितको आँखाको निःशुल्क शल्यक्रिया १२६ जना तथा सहभागि सम्पुर्णलाइ परामर्श समेत दिएको थियो ।
सो कार्यक्रममा गौर आँखा अस्पताल पुरेनवाका डा शिव कुमार यादव, लालवावु साह, अमित दास, सुशिल पासवान लगायत ९ जनाको प्राविधिक टोली, नेपाल नेत्र ज्योति संघ, गौर आँखा अस्पताल पुरेनवाको कार्यक्रम संयोजक सतेन्द्र पाण्डे, पुर्व विद्यार्थी समाजका इन्द्रजीत सहनी, शिवचन्द्र प्रसाद साह, अम्विका सहनी, साहेव सहनी, अमरुल आलम, विश्वन्नदन सहनी, विवेक सहनी, मुकेश शाह, जितेन्द्र सहनी, बालकृष्ण सहनी, लगायत दर्जनौ स्वयसेवकहरुले कार्यक्रममा सहजीकरण गरेका थिए ।साथै शल्यक्रिया गर्न सकिने सेवाग्राहीलाइ गौर आँखा अस्पतालसम्म जाने आउने यातायातको सुविधा निःशुल्क रहने आयोजकले वताएका छन ।
ओम प्रकाश यादव
मङसिर १३ गते, रौतहट
रौतहटको माधवनारायण नगरपालिका -६ माधोपुरमा यस वर्ष पाँच वर्षपछि पञ्चवर्षीय गढीमाई मेला लाग्दै छ।
माधोपुर गाउँभन्दा पश्चिम मिठुअवा जाने बाटोमा रहेको गढीमाई मन्दिरको प्राङ्गणमा यही मङ्सिर २० गतेदेखि तेस्रो गढिमाई मेला लाग्दै छ।
यहाँ विगत १५ वर्षदेखि प्रत्येक पाँच वर्षमा गढीमाईको भव्य मेला लाग्ने गर्दछ। पाँच वर्षपछि यस वर्ष लाग्न थालेको माधोपुरको गढिमाई मेला तेस्रो मेला हो ।
मङसिर २० गतेदेखि सुरु भई मङसिर २५ गतेसम्म लाग्ने गढीमाई मेलाको तयारी अहिले तिव्र गतिमा भइरहेको माधोपुरका वडा अध्यक्ष रामनरेश रायले जानकारी दिएका छन्।
यस मेलामा नेपालका विभिन्न जिल्लाका साथै भारतबाट पनि लाखौं भक्तजन गढीमाईको दर्शन गर्न र आशीर्वाद लिन आउने गरेको वडा अध्यक्ष रामनरेश रायले बताए ।
मेलामा मङसिर २० गतेदेखि नाचको पनि व्यवस्था मिलाइएको उनले बताए।
माधोपुरको एतिहासिक गढीमाई मेलामा देशभित्रका लाखौं पुग्छन्, यति मात्र नभइ यस मेलामा भारतको बिहारबाट समेत भाकल पूरा गर्न भक्तहरूको त ओइरो नै लाग्ने गरेको माधव नारायण नगर प्रमुख बैजनाथ प्रसाद यादवले बताए।
मेलालाई सभ्य, भव्य र व्यवस्थित बनाउने उदेश्यका साथ अहिले बाहिरबाट आउने आगन्तुकका लागि शौचालय निर्माण, पण्डाल बनाउने लगाएत कार्य भइरहेको नगर प्रमुख यादवले बताए।
यहाँ सयौं राँगा र अन्य जनावर हाँस, कुखुरा, बोकाको बलि दिइने गरिन्छ ।
राैतहट,१३ गते मंसिर ।
राैतहटकाे गुजरा नगरपालिकामा उपभोक्ता समिति बिना नै ढलान गरिएको पाइएको छ । साे नगरपालिकाकाे वडा नम्बर ४ जंगलसैयामा उपमेयर रत्ना लामाकाे बजेट बाट उपभोक्ता समिति नबन्दै विकास निर्माणकाे काम सम्पन्न भएपछि स्थानीयहरूले त्यसकाे विराेध गरेका छन् ।
आर्थिक वर्ष २०८१/०८२ मा कालाेपत्र हुँदै चमार टाेल सम्म बाटाे ढलान कार्य अन्दाजी करिब १ सय ७५ मिटर गरिएको छ । साे वडाका कार्यवाहक वडा अध्यक्ष शेख जफिरका अनुसार आफूले गत मंसिर ०६ गते उपभोक्ता समिति गठनका लागि सूचना निकालेको बताए ।
कार्यवाहक वडा अध्यक्ष जफिरले सुचनामा मंसिर १३ गते उपभोक्ता समिति गठनका लागि उल्लेख भएपनि गुजरा नगरपालिकाकि उपमेयर लामाका श्रीमानले मनलाग्दी तरिकाले ढलान कार्य सम्पन्न गराएकाे आराेप लगाएका छन् ।
यता स्थानीय चुनचुन जयसवालले नगरपालिकाकाे न्यायीक समितिका संयाेजक भएर नियम संगत काम नगरि कानुनको धज्जी उडाउनु लज्जास्पद रहेको बताएका छन् ।
यस्तो कार्य उपमेयर जस्तो व्यक्ति बाट हुनु नपर्ने भएपनि वहाँ बाट यस्तो कार्य हुनु गलत रहेकाे जयसवालकाे भनाइ छ ।
यस विषयमा उपमेयर रत्ना लामाले वडा अध्यक्षले समयमा उपभोक्ता समिति गठन गरेर नदिएकाे कारण यस्तो हुन गएकाे बताएकी छिन् ।
आज बिहीबार उपभोक्ता समिति गठन गर्न बैठक बसेपनि सहमति हुन नसकेकाे स्राेतले जनाएको छ ।
बज्जिकाञ्चल संवाददाता,राैतहट,०९ गते मंसिर ।
नगरवासीको सुविधालाई मध्य नजर गर्दै माधव नारायण नगर प्रमुख बैजनाथ प्रसाद यादवले आजदेखि नगरपालिकामा नयाँ सुविधा सम्पन्न एम्बुलेन्स सञ्चालनमा ल्याएका छन् ।
आज बिहान माधव नारायण नगरपालिका -६ माधोपुर स्थित रहेको गढीमाई मन्दिरको प्राङ्गणमा विधिवत रूपमा पूजाआजा गरी मेयर यादवले उक्त एम्बुलेन्सको उद्घाटन गरेका हुन् ।
मेयर बैजनाथ प्रसाद यादवले पूजाआजा गरेपछि एम्बुलेन्स आजदेखि सञ्चालनमा आएको छ। नयाँ एम्बुलेन्स सञ्चालन भएपछि अब माधव नारायण नगरपालिकावासीलाई निकै सहज भएको छ।
बज्जिकाञ्चल संवाददाता,राैतहट,०९ गते मंसिर ।
रौतहटको इशनाथ नगरपालिकामा अधिकृत आठौं नन्द किशोर गुप्ता प्रमुख प्रशासकिय अधिकृतको रुपमा आए देखि बिकास , सुशासन , पारदर्शिताले फडको मारेको छ । बर्षौ देखि अस्तब्यस्त शिक्षा , स्वास्थ्य प्रमुख प्रशासकिय अधिकृत गुप्ताको कडा एक्सनका कारण सुधारोन्मुख अवस्थामा छ ।
प्रमुख प्रशासकिय अधिकृतहरु पालिकामा कुर्सिमै बसि राख्ने प्रवृतिका कारण शिक्षा , स्वास्थ्य धरासाही हुँदै गएको अवस्था थियो तर प्रमुख प्रशासकिय अधिकृत गुप्ता हाजिर भए देखि वडा कार्यालय अनुगमन , स्वास्थ्य संस्था अनुगमन , बिद्यालयहरु अनुगमनमा तिव्रता दिएका छन । वडा नम्बर ०७ मा वडा अध्यक्षको निर्वाचन रहेको कारण सो वडा बाहेक अन्य सवै वडामा योजनाहरु अगाडि बढी सकेको भन्दै प्रमुख प्रशासकिय अधिकृत गुप्ताले पारदर्शिता तथा कामको गुणस्तरीयतामा कुनै कन्जुस्याइँ सहय नहुने बताउनु भएको छ ।
हरेक योजनाको होडिङ बोर्ड राख्नु पर्ने , निर्माण सामग्री गुणस्तरीय हुनु पर्ने , निर्माण कार्य गर्दा स्थानीयको प्रत्यक्ष रेखदेख हुनु पर्ने कुरामा प्रमुख प्रशासकिय अधिकृत गुप्ताले विशेष प्राथमिकतामा राखेर काम अगाडि बढाउनु भएको छ ।
स्थानीय सरकार जनताको प्रत्यक्ष सरकार रहेकोले त्यसको पुर्ण अनुभूति गराउन आफु कुनै कसर बाकी नराख्ने प्रमुख प्रशासकिय अधिकृत गुप्ता बताउनु हुन्छ ।-राैतहट अनलाइन
बज्जिकाञ्चल संवाददाता,बारा,०८ गते मंसिर ।
बारा जिल्लाको महागढीमाई नगरपालिका १ बरियारपुरमा मंसिर ०१ गते देखि सुरु भएको विश्व प्रसिद्ध गढीमाई मेलाको अहिले अवलोकन तथा निरीक्षण गर्ने क्रम जारी नै रहेको छ ।शनिवार नेपाल सरकारको कानुन न्याय तथा संसदीय मामिला मन्त्री अजय चौरसियाले विश्व प्रसिद्ध गढीमाई मेलाको अवलोकन तथा निरीक्षण गर्नु भएको छ ।
गढीमाई मन्दिर पुगेर मन्त्री अजय चौरसियाले गढीमाईको दर्शन गर्नुको साथ साथै मेलाको अवलोकन गर्नुभएको प्रचारप्रसार उपसमितिले जनाएको छ ।गढीमाई मेलाको अवलोकन तथा निरीक्षण गर्दै मन्त्री चौरसियाले सनातन काल देखि प्रत्येक पाँच बर्षमा गढीमाईको मेला लाग्दै आएको र गढीमाईमा आए पछि सबैको मनोकामना पूरा हुने गरेको बताउनु भयो ।हिन्दूहरुको ठूलो आस्थाको केन्द्रको रुपमा रहेको गढीमाई मेलामा नेपाल सरकारको पूर्ण साथ र समर्थन रहेको मन्त्री चौरसियाले बताउनु भयो ।नेपाल सरकार पर्यटन मन्त्रालयलाई आफू काठमाडौं गएर गढीमाई मेलाको बारेमा जानकारी दिने र पर्यटन मन्त्री समेत मेला अवलोकन तथा निरीक्षण गर्न आउनेमा आफू बिश्वस्त रहेको उहाँले बताउनु भयो ।
विश्व प्रसिद्ध मन्दिरको रुपमा रहेको गढीमाई मन्दिरलाई अहिलेको सरकारले विश्व सम्पदाको सुचिमा समावेश गराउनको लागि पहल गर्ने समेत मन्त्री चौरसियाले बताउनु भयो ।गढीमाईको दर्शन गर्न आउने सबैको मनोकामना पूरा हुने गरेकोले सबै हिन्दूहरु संग उहाँले मेला अवलोकन तथा गढीमाईको दर्शन गर्न आउनको लागि आग्रह समेत गर्नु भयो ।विश्व प्रसिद्ध गढीमाई मेला सुरु भए संगै अहिले केन्द्र र प्रदेशको मन्त्रीहरु मेलाको अवलोकन तथा निरीक्षण गर्ने क्रम जारिनै रहेको छ ।
यस बर्ष विश्व प्रसिद्ध गढीमाई मेलामा करिब ३ करोड दर्शनार्थी मेलाको अवलोकन गर्न आउने मेला समितिले अनुमान गरेको छ।
बज्जिकाञ्चल संवाददाता,राैतहट,०८ गते मंसिर ।
रौतहटको माधव नारायण नगरपालिका वडा नम्बर ६ माधोपूर मा रहेको गढीमाई मन्दिरमा यस वर्ष पनि पञ्चवर्षिय गढीमाई मेला लाग्दै छ ।
सो मेलालाई भब्य रुपमा बनाउन माधव नारायण नगर प्रमुख बैजनाथ प्रसाद यादव,वडा अध्यक्ष राम नरेश राय यादव लागि परेका छन् । साे मेलामा मनोरन्जनका कार्यक्रम, कुस्ती लगायतको कार्यक्रम रहेको छ । मन्दिर सफाई र रङरोगनको कार्य अगाडि बढाइएको छ ।
मन्दिरलाइ ब्यवस्थित बनाइ धार्मिक स्थलकाे रुपमा अगाडि बढाउन नगरपालिकाको सोच रहेको नगर प्रमुख यादव बताउनु हुन्छ । मन्दिर रहेको जग्गा ब्यक्तिगत रहेको तथा सो जग्गा धनि स्वेच्छाले मन्दिरको नाममा जग्गा पास गर्न तयार रहेकोले मन्दिरको नाममा जग्गा आए पछि भव्य मन्दिर बनाउने योजना रहेको नगर प्रमुख यादवकाे भनाइ छ । राैतहट अनलाइन
बज्जिकाञ्चल संवाददाता,राैतहट,०८ गते मंसिर ।
रौतहटको कटहरिया नगरपालिकामा कार्यरत लेखा अधिकृत कामेश्वर सहनिले भुक्तानी नै नगरेको बिषयलाइ लिएर सामाजिक संजालमा आफू बिरुद्ध फेक एकाउन्ट मार्फत केही गिरोह बदनाम गर्न लागि परेको बताउनु भएको छ । लेखा अधिकृतको हैसियतले कसैलाइ भुक्तानी दिने अधिकार समेत आफुलाइ नरहेको भन्नु हुँदै आर्थिक तथा प्रशासनिक दुबै अधिकार प्रमुख प्रशासकिय अधिकृतलाइ रहने गरेको बताउनु भयो ।
आफू कटहरिया नगरपालिका सम्हाले देखि कर्मचारी , शिक्षक इत्यादिको तलव खुवाउने देखि सामान्य कार्यालय संचालनका काम मात्र भएको अबस्थामा भुक्तानी नै नभएको बिषय बस्तुलाइ गलत मनसायले दुस्प्रचार गरि आफुलाइ बदनाम गरेको बिरुद्ध कानुनी कारबाहीको प्रक्रिया अगाडि बढाउने बताउनु भएको छ ।
गलत तरिकाले भुक्तानी लिन खोज्नेको मनसाय कहिल्यै सफल नहुने भन्दै सत्य तथ्यमा आधारित रहेर कुनै कुरा सामाजिक सन्जालमा राख्न सम्बन्धित सवैलाइ लेखा अधिकृत सहनिले आग्रह गर्नु भएको छ ।
सामाजिक सन्जालमा आए जस्तो एउटा मिडिया कम्पनिलाइ त्यस्तो कुनै भुक्तानी नभएकोमा बिश्वस्त हुन लेखा अधिकृत सहनीले बताउनु भएको छ । साथै गलत अफवाह फैलाउने त्यस्ता ब्यक्तिलाइ पहिचान गरि कारबाहिको लागि सम्बन्धित पक्ष सङ जोडदार माग गर्नु भएको छ ।
बज्जिकाञ्चल संवाददाता,राैतहट,०८ गते मंसिर ।
राैतहट । राष्ट्रिय मातृभूमि पार्टीका केन्द्रीय बरिस्ठ उपाध्यक्ष राेमलाल गिरीले नेपालमा रहेका प्रमुख राजनैतिक दलका नेताहरुले देशमा गरिबी बढाएको आराेप लगाएका छन् । राैतहटको गढिमाई नगरपालिकाको वडा नम्बर ८ स्थित बिरनगरामा आयोजित सभामा बोल्दै बरिस्ठ उपाध्यक्ष गिरीले देशमा बैदेशिक ऋुण थप्दै गएको तर प्रमुख राजनैतिक दलका नेताहरुको दरिद्र मानसिकताका कारणले दिन प्रतिदिन जनता झन गरिब हुदै गएको बताए ।
नेपालको यो भुमि धर्तिको स्वर्ग भएर पनि यहाँ गरिबी र अशिक्षा छ अहिले सम्मकाे राजनीतिकाे उपज हो । देव भुमि,प्राण भुमि र मृतसंजिवनी भुमिकाे रुपमा रहेकाे सुन्दर देश नबन्नुमा प्रमुख राजनैतिक दलका नेताले लिनु पर्दछ ।
पुराना दलका नेताहरुका कारण देशका माटोमा जनताले गरि खाने बातावरण बनाउन नसकेको आरोप लगाउदै नेता गिरीले पुराना पार्टी संग जनतालाई सचेत रहन अनुराेध गरे । उनले सभालाई सम्बाेधन गर्ने क्रममा हाम्रेा पार्टी देशमा सुशासन र समृद्वीका लागि काम गरि रहेको दाबी गर्दै विना उपचारको जनता मरि रहने तथा भोक रोगबाट जनतालाई जाेगाउने कार्यलाई आफुहरुले अभियानका रुपमा आगाडी बढाउने प्रतिवद्वता समे गरेका छन । मानवता- मानवियता तथा शुद्ववायु -शुद्व खानेपानीको समुचित व्यवस्थापन गरि जनताको भोक रोग मेटाउने अभियानमा बरिस्ठ उपाध्यक्ष गिरीले साथ दिन अनुराेध गर्दै नेपालमा जन्मिएका सबै नागरिकलाई समान अधिकार दिनु पर्नेमा जाेड दिएका छन । नागरिकको अधिकार प्राप्तिको पहिलाे ईकाईको रुपमा रहेको वडामा खास गरेर गढिमाई नपाको वडा नम्बर ८ को बच्चा काखमा राखेकी आमा चुनाव चिन्ह धारक उमेदवार साहेबलाल कुर्मी निर्वाचित भए यो वडा देश कै नमुना वडा बनाउने उनले घाेषणा समेत गरेका छन । पार्टीका जिल्ला अध्यक्ष रन्जित पटेलकाे अध्यक्षतामा भएको साे कार्यक्रममा केन्द्रीय महासचिव गाेविन्द गिरी , कोषाध्यक्ष
केशव भट्टाराई ,केन्द्रीय सदस्य सविता झा, गढिमाई नगरप्रमुख प्रत्यासी शम्भु साह ,कटहरिया नगर प्रमुख प्रत्यासी हरी विनय साह निराला सहितले वडा अध्यक्ष उमेदवार साहेबलाल राउत कुर्मीलाई विजय गराउन जनसमुदायसंग अनुराेध गरेका थिए ।
आरके श्रीवास्तव,राैतहट,०८ गते मंसिर ।
देशभर कार्यरत कायस्थ जातिका पत्रकारहरुको प्रारम्भिक राष्ट्रिय सम्मेलनले आज कायस्थ पत्रकार समाज केन्द्रीय समितिको गठन गरेको छ । ११ सदस्यीय केन्द्रीय समितिको अध्यक्षमा प्रवीणकुमार चौधरी कायस्थ चुनिएका छन् । समाजको उपाध्यक्षमा रौतहटका जितेन्द्र श्रीवास्तव, महासचिवमा सर्लाहीकी शिल्पा कर्ण, सचिवमा पर्साका अशोक श्रीवास्तव र कोषाध्यक्षमा काठमाडौँकी सुस्मिता कर्ण चयन भएका छन् ।
समितिको केन्द्रीय सदस्यमा रौतहटकी सरिताकुमारी श्रीवास्तव, बाराका अनिल कर्ण, धनुषाका संतोषलाल कर्ण, सर्लाहीका संतोष कुमार र रौतहटका राजभूषण श्रीवास्तव चयन भएका छन् ।
कायस्थ/चित्रान्शहरूकाे सामूहिक हित एवम् आपसी सदभाव बढाउने उदेश्यले देशैभरिका कायस्थहरूकाे साझा मञ्चकाे रूपमा कायस्थ पत्रकार समाज निर्माण गरिएको हाे । जसमा कायस्थ पत्रकारहरू मात्र आबद्ध छन् । राष्ट्रिय सम्मेलनमा नै कायस्थ पत्रकार समाजलाई पूर्णता दिएकाे छ ।
काठमाडौंकाे कार्निभल रेस्टुरेन्ट थापा गाउँ बिजुली बजारमा शनिबार भएको राष्ट्रिय सम्मेलनकाे अध्यक्षता पत्रकार धर्मेन्द्र कुमार कर्णले गर्नु भएको थियोे भने प्रमुख अतिथिकाे रूपमा डा.गाैरीशंकर लाल दास रहनु भएको थियो । कार्यक्रम सञ्चालन प्रवीणकुमार चौधरी कायस्थले गर्नु भएको थियोे ।
साे अवसरमा अखिल भारतीय कायस्थ महासभाका राष्ट्रिय अध्यक्ष डा.अनुप श्रीवास्तव,अखिल भारतीय कायस्थ महासभा मिसन २ के का चित्रांश अन्तर्राष्ट्रिय संयाेजक अनिल कर्ण कायस्थ,नेपाल पत्रकार महासंघ मधेस प्रदेश अध्यक्ष राजेश कर्ण,मधेस प्रदेशका मुख्यमन्त्री सतिश कुमार सिंहका प्रेस सल्लाहकार अनिल कुमार कर्ण लगायत देश विदेशका आउनु भएका कायस्थ समुदायका सयौंको संख्यामा मानिसहरूकाे सहभागिता रहेको थियोे ।
सम्मेलनमा बाट समाजकाे अवधारणा पत्र समेत पारित गरिएको नव निर्वाचित अध्यक्ष कायस्थले जानकारी गराउनु भएको हाे । साथै बिधान समिति समेत गठन गरिएको उनले जानकारी गराउनु भएको हाे ।
सम्मेलनमा वर्षाैदेखि पत्रकारिता गरिरहनु भएका पत्रकारहरू अनिल कुमार कर्ण,जितेन्द्र लाल श्रीवास्तव लगायतका पत्रकारहरू लाई पनि सम्मान गरिएको थियोे । साथै प्रमुख अतिथि डा.गाैरीशंकर लाल दासलाई पनि सम्मान गरिएको थियोे ।
