बज्जिकाञ्चल संवाददाता,राैतहट,०५ गते पुस २०८१ ।
राैतहटकाे गरूडा नगरपालिकाका मेयर कन्थमनी जयसवालले कम्बल बितरण अभियानलाई तेस्रो दिन पनि निरन्तरता दिएका छन् । गरुडा नगरपालिकाले चिसोको मौसममा गरिब तथा बिपन्न नागरिकको सहायताका लागीलाई कम्बल वितरण गरिरहेकाे छ ।
मेयर जयसवालले जाडोमा स्थानीयहरुलाई न्यानो लुगा उपलब्ध गराईरहेका छन् । मेयर जयसवालले तीन दिनदेखि आफ्नो नगरको अति गरिब बिपन्न समुदायका नागरिकहरुलाई चिसोबाट बच्नका लागि आवश्यक फाईबर कम्बल वितरण गरिरहेका छन् ।
अभियानको तेर्सो देखि गरुडा नगरपालिकाको वडा नम्बर ७ भिमडावरमा १ सय १० जना अति गरिब बिपन्न बर्गका परिवारहरुलाई कम्बल वितरण गर्नु भएको छ ।
प्रेमचन्द्र झा,राैतहट,०५ गते पुस २०८१ ।
राैतहट । जनता समाजवादी पार्टीका नेता शेख नुरुल होदाले नेपाललाई हिन्दु राष्ट्रघाेषणा गराउन जोड दिएका छन् । गाैरमा पत्रकारहरुसँग शुक्रवार दिउँसो कुरा गर्दै नेता होदाले कब्रिस्तान , श्मशान र भसानको लागि आपसमा नलडेर देशको पहिचानको लागि सबै पक्षलाई मिलेर लडाई लडन् आग्रह गरेका हुन् ।
नेपालका शिर्ष नेताका केही कमीकमजोरीका कारण देस धर्म निरपेक्ष घाेषणा भएकाले देशको पहिचान समाप्त हुन गएकोमा दुख व्यक्त गर्दै नेता होदाले देशलाई पुन: हिन्दु राष्ट्र कायम गराउन माग गरेका छन् ।
देशका सबै हिन्दु तथा मुस्लिम समुदायका जनतालाई गुमेको राष्ट्रिय पहिचानका लागि आ आफनो स्थानबाट जोड दिन उनले आग्रह गरेका छन । देशलाई धर्म निरपेक्ष राष्ट्र बनाउने कुराको कुनै पनि मुस्लिम ले माग गरेको थिएन तर सरकारले घाेषणा गरे थिए ।
जसका कारण नेपालले आफ्नो असली पहिचान गुमाउन पुगेका छन । गुमेको पहिचान जोगाउन देशलाई पुनः हिन्दु राष्ट्र घाेषणा गराई संसारमा चिनाउनु पर्नेमा नेता होदाले जोड दिएका छन । नेपालमा गेरुवा बस्त्र धारण गरि कट्टर हिन्दुवादी छु भनेर घाटी सुक्ने गरि बोल्ने नेतालाई हिन्दुराष्टका लागि सडकमा आन्दोलन गर्न उनले सुझाव दिएका छन । हिन्दु राष्ट्र घाेषणा गराउन जाे काेही सडकमा आए आफ्नो साथ सहयोग रहने प्रतिवद्वता गर्दै नेता होदाले कब्रिस्तान , श्मशान र भसानको लागि आपसमा नलडेर देशको पहिचानको लागि सबै पक्षलाई मिलेर लडाई लडन नेता होदाले अनुराेध गरेका हुन ।
Gaur, Rautahat, December 19:
Campaign Nepal, in collaboration with One Heart Worldwide (OHW), has stepped in to support some of the most vulnerable flood-affected families in Rautahat as winter tightens its grip. Between November 25 and December 18, the organization distributed essential relief materials to 611 households in Paroha and Dewahi Gonahi municipalities, with a specific focus on 457 pregnant women and 154 new mothers.
The September 2024 floods caused widespread destruction across Rautahat, displacing hundreds of families and leaving them in dire need of resources. As temperatures plummet, the situation has become even more precarious, particularly for pregnant women and new mothers who face heightened health risks.
In response, Campaign Nepal delivered warm winter clothing for mothers and their infants, flour supplements to combat nutritional deficiencies, and hygiene kits to prevent illnesses. The initiative, which cost NPR 2.27 million, was part of the Strengthening Maternal Neonatal Health Services (SMNHS) program, funded by OHW.
Local representatives lauded the effort, highlighting its life-saving impact. Mahesh Singh, Ward Chairperson of Paroha Municipality-3, remarked: “The September floods devastated our communities, and the harsh winter has made survival even harder for pregnant women and new mothers. This aid has brought immense relief, ensuring their safety and well-being during these tough times. We are grateful to Campaign Nepal and OHW for this timely intervention.”
Similarly, Dewahi Gonahi Municipality Health Coordinator, Jagga Ram, emphasized the program’s role in promoting maternal health: “Flood-affected families face greater health risks during winter. This support not only helps them recover but also encourages pregnant women and mothers to access healthcare services, improving maternal and neonatal outcomes.”
For many beneficiaries, the relief arrived as a lifeline. Nazni Khatun, a new mother from Dewahi Gonahi-4, shared: “The floods destroyed everything we had, and the winter made things even harder. The warm clothes and flour are a blessing for me and my baby. It feels good to know someone cares.”
Campaign Nepal’s Executive Director, Shatrudhan Singh, expressed gratitude to all stakeholders, stating: “This relief effort demonstrates the power of collaboration in addressing immediate needs and long-term challenges. Together with OHW, we are committed to improving the lives of mothers and children.”
OHW Manager, Babita Bindu, further explained the initiative’s importance: “Flood-affected families are already vulnerable, and winter brings additional risks, especially for pregnant women and newborns. Our goal is to ensure they have the resources needed to survive and rebuild in these difficult times.”
बज्जिकाञ्चल संवाददाता,राैतहट,०५ गते पुस २०८१ ।
रौतहट जिल्लाको वृन्दावन नगरपालिका वडा नम्बर ८ आँकडपाथर स्थित एक घरमा लाखौंको चोरी भएको छ । वृन्दावन नगरपालिकाकी नगर कार्यपालिका सदस्य लालपरि देवि तथा हरूवा चरुवा अधिकार मञ्च रौतहटका अध्यक्ष दशरथ रामको घरम शुक्रबार (आज) करिब दिउँसो १२ बजेको समयमा चोरी भएको हो।
रामको ससुराली बारा जिल्ला स्थित कुनै आफन्तको मृत्यु भएको कारणले राम सम्पूर्ण परिवार सहित बारा जिल्ला गएको मौका छोपेर घरको पछाडि पटिको ढोका खोली घर भित्र रहेको ट्रंक,अल्मारीको ताल्चा तोरेर नगद १ लाख,करिब ६ लाख ५० हजार बराबरको सुन,चाँदीका गहनाहरु र केही लत्ताकपडा लगायत जम्मा ८ लाख बराबरको चोरी भएको पिडितका भतिज गोपाल महराले जानकारी गराए ।
गोपालले आफन्तको निधन भएको कारण घरको सबै सदस्य बाहिर गरेको र आफुचाहिँ खेतमा गएको जानकारी गराउदै । आफू चोरी भएको केही समय पछि घरमा आउदा ट्रंक तथा आल्मारीको ताल्चा टुटेको र लताकपडाहरु पनि भुइमा फालेको देखेर हल्ला गरेपछि नजिकका छिमेकीहरुआइ प्रहरीलाई जानकारी गराएको बताए।
गोपालले दिन दहाडै चोरीगर्ने चोरहरु अन्त तथा टाढाको नभइ छिमेकीहरु मध्येकै कोही हुनसक्ने आशांका गरेका छन् भने सो घटनाको कडा अनुसंधान गरि दोषीलाई समातेर कडा कारबाही गर्नका लागि प्रहरी प्रशासन संग जोडदार माग गरेका छन् ।
उता ईलाका प्रहरी कार्यालय गरुडाबाट घटना सथलमा पुगेका प्रहरीले पनि फरार चोरहरुको खोजतलास गर्नुको साथै यस सम्बन्धमा प्रहरीले आवश्यक अनुसन्धान गरिरहेको जनाएको छ ।
बज्जिकाञ्चल संवाददाता,राैतहट,०२ गते पुस ।
पूर्व मन्त्री प्रभु साह नेतृत्वको आम जनता पार्टी (आजपा) देवाही गोनाहि नगरपालिकाका प्रत्येक वडामा पार्टीका विभिन्न भातृ संगठनहरु गठन गर्ने निर्णय गरेकाे छ ।
देवाहीगोनाही नगरपालिकाको नगर कमिटि अध्यक्ष महेश प्रसाद यादवको अध्यक्षतामा र आजपा जिल्ला अध्यक्ष नरेश तुरहाको विशिष्ट आतिथ्यतामा बसेकाे बैठकले बिधार्थीको अनुपातमा शिक्षक दरबन्दीको लागी जारी आन्दोलनलाई थप सशक्त बनाउन तथा दलितहरुको आवास निर्माण गराउन सशक्त संघर्षको कार्यक्रम अगाड़ी बढ़ाउन, वैदेशिक रोजगारीमा ठगहरु विरोधका निमित कडा प्रतिकार गर्ने निर्णय गरिएको छ ।
साथै आईटी आर्मी, आम महिला मोर्चा, आम दलित मोर्चा, विद्यार्थी मोर्चा पार्टीका भातृ संगठन निर्माण गरिने आजपाको स्थायी कमिटि सदस्य अनिल झा बताए।
सो अवसरमा आम जन्ता पार्टीको स्थाई कमिटि सदस्य बिरबल महतो, जगरनाथ राय यादव , संजय महतो, लालबाबू राय यादव , नरेश प्रसाद साह, लालबाबू साह, सतन प्रसाद पटेल, संजय चौरसिया, मौजेलाल राय यादव , दसै साह, बच्चेलाल प्रसाद यादव,राजेश राय यादव लगातको उपस्थिति रहेको थियो ।
बज्जिकाञ्चल संवाददाता,काठमाडौं,०२ गते पुस ।
काठमाडौं : गायक दिपेश बिष्टको नयाँ गीत कोइली बनैमा सार्वजनिक भएको छ ।
डम्बर विश्वकर्माको रचनामा तयार भएको गीतमा दिपेश बिष्ट र शान्ति श्री परियारको सुमधुर आवाज रहेको छ भने यस गीतलाई लय युस्कल छिनालले गरेका छन ।त्यसैगरी संगीत संयोजन राजेन्द्र बाजुरालीले गरेकाछन ।
मायाप्रेममा आधारित यस गीतमा विशेषगरी गाउँघरमा केटाकेटी विच बसेको मायाप्रेमलाई मुख्य कथावस्तु बनाइएको छ । गीतमा केटाले आफुले मनपराएको केटीलाई तिम्रो मनमा म भएपनि नभएपनि तिमि भने मेरो मनमा सधै भरी रहिरहनेछौ भन्ने कुरा देखाउन खोजिएको छ ।
त्यसैगरी केटिले म कति माया गर्छु भन्ने कुरा देखाउन मिल्दैन त्यो त मेरो मनलाई थाहा छ भन्ने जस्ता कुरा गीतका शब्द मार्फत देखाउन खोजिएको छ ।
लामो समय नेपाली गीतसंगीतमा लागेका गायक दिपेश बिष्ट भन्छन आफुले गरेका सबै गीत उतीकै राम्रा लाग्छन अझ यो गीतमा मैले मात्र हैन हाम्रो सम्पूर्ण टिमले नै धेरै मेहनत गरेर तयार पारेका छौ त्यसैले पनि यो गीत हाम्रो तर्फबाट उत्कृष्ट लागेका छ । युटयुवमा हालेदेखीनै यस गीतलाई धेरैले मन पराईदिनुभएको छ । मलाई कस्तो लाग्ने भन्दा पनि दर्शकले कस्तो मान्नुहुन्छ तेसले भर पार्ने हो गीत राम्रो नराम्रो भन्ने सबै जिम्मा अब हामीले दर्शकको हातमा छोडिदिएकाछौं उहाहरुको प्रतिक्रिया अहिले सम्म राम्रो आएको छ ।
गीतको म्यूजिक भिडियोलाई निर्देशक विनोद भण्डारीले गरेका छन भने गीतको मुख्य भूमिकामा पनि भण्डारी आफै रहेकाछन साथमा उनलाई जुना विश्वकर्माले साथ दिएकीछन ।
मालाश्री स्टुडियोमा रेकडिङ गरिएको यस गीतको म्यूजिक भिडियोको सम्पादन भने मनोज कार्कीले गरेकाछन ।
यो गीत दिपेश बिष्ट अफिसियल युट्युव च्यानलमार्फत सार्वजनिक भएको छ ।
केही दिनअघि भारतीय प्रधानमन्त्रीका एकजना पूर्व निजी सुरक्षा अधिकारी लक्की बिष्टले नेपाल सरकार एक महिनाभित्रै ढल्ने दाबी गरे ।
पूर्व ‘रअ एजेन्ट’ बिष्टले नवभारत टाइम्ससँगको अन्तर्वार्तामा आफुसँग नेपालको सरकार ढल्ने सूचना रहेको दाबी गर्दै भनेका छन्, ‘केही दिनपछि एउटा अर्काे समाचार सुन्नुहुनेछ, नेपाल सरकार ढल्नेवाला छ । १० दिन १५ दिन भित्र खबर आउनेवाला छ कि फेरि सरकार ढल्दैछ । जुन दुई महिनाअघि बनेको थियो ।’
त्यसो त नेपाल सरकारका वर्तमान नेतृत्व अर्थात् प्रधानमन्त्री केपी शर्मा ओली केही हप्ताअघि चीन भ्रमणमा गएर फर्किए लगत्तै सरकार ढल्छ भनेर निकै चर्चा हुन्थ्यो । ओली नेतृत्वको टोली चीन पुगे, फर्किए । फर्किएको पनि हप्तादिन बढि भइसक्यो । उनी चीन जाने तयारी गर्दागर्दै र नफर्किएसम्म ओली आउने वित्तिकै सरकार ढल्छ भनेर दाबी गर्नेहरु केही दिन यता चुपचाप थिए ।
तर, फेरि बिष्टको अन्तरवार्ता सार्वजनिक भएसँगै पुनः सरकार ढल्दैछ भन्दै सामाजिक संजाल भर होहल्ला मच्चाई रहेका छन् । त्यो होहल्ला मच्चाउने को हुन ? राजनीतिक दलका नेता कार्यकर्ता ? नेताका आडमा सरकारलाई ‘मौरिको चाका’ जसरी निचोरेर स्वार्थसिद्धि गर्न पल्किएकाहरु ? सत्ताधारी विचौलीया ?
अन्यथा, देशमा आफ्नो भविष्य सुनिश्चित नदेखेर बिदेश पलायन हुनकै लागि पासपोर्ट बोकेर दलाललाई पैसा बुझाउन दौडिरहेका नेपालीलाई सरकार ढल्दा के चिन्ता ? संघर्षले थाकेर सडकका पेटिमा भोकभोकै दौडधुप गरिरहेका नेपालीलाई सरकार ढल्दा के को दुख ? गरिबीकै कारण उपचार नपाएर मृत्युको पर्खाईमा बसेका नेपालीलाई सरकार ढल्दा के को पिडा ? अन्यायमा परेर न्याय माग्न जाँदा सत्ताको बतासबाट थप पिडित बनेपछि आँसु बगाउँदै हिँडेका नेपालीलाई सरकार ढल्दा के को ढाढस ? गरिब, असहाय, निमुखा अनि चाकडी गर्न नजान्ने नेपालीलाई सरकार ढल्दा अनि फेरिँदा के को खुसी ?
चर्काे राजनीतिक अस्थिरता र उथलपुथलबाट पिल्सिएर सरकार प्रति अपनत्व भाव गुमाएका नेपालीलाई लागि सक्यो, ‘जुन जोगी आए पनि कानै चिरेको ।’
खैर, आफुलाई पुर्व ‘रअ एजेन्ट’ बताउने बिष्टले २ महिना अघि बनेको नेपाल सरकार फेरि ढल्दैछ भनेका थिए । बिष्टकै कुरालाई लिएर सामाजिक संजालमा होहल्ला मच्चाउने उनीहरु यस्ता छन्, कसैले ‘कागले कान लग्यो’ भन्दियो भने त्यो कागको पछाडि दौडिएर आफु ‘खाल्डो’मा पर्दासम्म कान समाउँदैनन् ।
सायद उनीहरुलाई थाहा नहुन सक्छ ! नेपालमा २ महिना अघि कुनै सरकार बनेको छैन । वर्तमान नेपाल सरकार बनेको मंसिर ३० गतेबाट ठ्याक्कै ६ मिहना पूरा भयो । नेपाली कांग्रेसको समर्थनमा एमालेका अध्यक्ष ओली गत असार ३० गते प्रधानमन्त्रीमा नियुक्त भएका थिए । र, निरन्तर सरकारको प्रधानमन्त्रीकै रुपमा छन् ।
अब सोच्नुस्, ती बिष्टको भनाई अनुसार २ महिना अघि मात्रै बनेको र महिना दिन भित्रै ढल्नेवाला नेपाल सरकार कुन हो ?
हुनसक्छ बिष्टले अन्तरवार्ताका क्रममा वर्तमान नेपाल सरकार कहिले बनेको थियो ? त्यो मिती बिर्सिएका हुन् । अनि यो पनि हुनसक्छ, ओली नेतृत्वको सरकार महिना भित्रै ढल्दैछ । जे सुकै होस् । आम सर्वसाधरण नेपालीहरुका निम्ती भने यो खबर ‘कागलाई बेल पाक्यो, हर्ष न विस्मात्’ भने जस्तै हो ।
यद्यपी, यस्तो भन्दै गर्दा देश र जनताले राजनीतिक स्थिरता खोजिरहेका छन् । त्यसको जगमा दिगो बिकास खोजेका छन् । धार्मिक, ऐतिहासिक र प्राकृतिक विविधताले विश्वकै नमुना देशको समुन्नत सम्बृद्धि खोजेका छन् । शान्ति अनि सुशासनको सुनिश्चितता खोजेका छन् । राष्ट्रप्रेमी, देशभक्ति र स्वाभिमानी ‘भिजनरी’ नेतृत्व खोजेका छन् । जनताप्रति जिम्मेवार, उत्तरदायी, जवाफदेही र पारदर्शी ‘सरकार’ खोजेका छन् ।
तर, नेपालीहरुका यि चाहाना ‘आकाशको फल आँखा तरी मर’ भनेजस्तै भएको छ । जनजिब्रोमा आउने गर्छ, ‘एउटा राजा हटाएर सयौँ राजा ल्यायौँ ।’ आज नियाल्ने हो भने नेपाल र नेपालीका ऐतिहासिक, परम्परागत मुल्य-मान्यता, धर्म-संस्कृती, धराशायी बनाइँदैछ । देशको नक्सामा समेटिएको भूभागमा बस्ने नेपालीले खुलेर म नेपाली हुँ भन्न सक्ने अबस्था छैन । विज्ञान र नयाँ सम्यतासँगै आएका प्रविधीको दासत्व प्रवृत्तिका कारण समाजमा विकृत्रि, विसंगति सँगै नयाँ थुप्रै चुनौतीहरु देखा परेका छन् । पुराना पुस्ता सरकारको कार्यशैली देखेर वाक्कदिक्क छन् । नयाँ पुस्तालाई भरोसा नै छैन । राज्य, सत्ता र नेतृत्वप्रत्ति वितृष्णा बढ्दो छ । अन्याय, अत्याचार, भ्रष्ट्रचारको जालो मौलाउँदै छ ।
समाज, देश, सत्ता र सरकारको नेतृत्व गर्नेहरु विधी, पद्धति, नियम, कानुन र मार्यादाको उल्लंघन गर्दै हिँडिरहेका छन् । जसका कारण ‘सानालाई ऐन, ठूलालाई चैन’ भन्ने भाष्य स्थापित हुँदैछ । सर्वसाधरणले समान अधिकारको प्रत्याभुति गर्न पाएका छैनन् । जताततै नातावाद, कृपावाद र चाकडीप्रथाले नराम्रोसँग जरा गाडेको छ । अनुत्पादक क्षेत्रमा देशको लगानी बढि छ । टुक्रे योजनाले प्राथमिकता पाउँदैछ । सामाजिक हितका निम्ती हैन्, सत्ताको नेतृत्व र तीनका आसेपासेका स्वार्थसिद्धिका लागि योजना विनियोजन गरिन्छ । त्यसको उचित कार्वान्वयन हुँदैन । बिकासे योजनामा गुणस्तरीयता भन्दा बढि कमिसनको हिसावकिताब चेकजाँच गरिन्छ ।
एकातर्फ, देशमा स्वदेशी तथा विदेशी लगानी ल्याउने तर्फ सरकारको ध्यान छैन । देशमा भएका उद्योग, कलकारखानाले नियमित पारदर्शी हिसावले राजश्व बुझाउँदैनन् । उपयोग गरेको बिजुली तथा पानीको महशुल तिर्दैनन् । कम्पनी घाटामा देखाउँदै अकुत सम्पती थुपारिरहेका छन् ।
अर्काेतर्फ, नव उद्यमीहरुका निम्ती सरकारले सुरक्षाको ग्यारेन्टी दिन सकेको छैन । सोझासाझा जनताले जेनतेन गरेर चलाउन सुरु गरेका कम्पनी र उद्योग कलकारखानाहरु राज्यको चर्काे कर असुली धन्दाका कारण खण्डहर बन्दैछन् । सरकारले लगानीको ग्यारेन्टी दिने कुनै कार्यक्रम ल्याउँदैन् । अनुदान, सहुलियत पूर्ण कर्जा सामान्य नागरिकले पाउँदैनन् ।
अझैपनि कतिपय जनताले उचित गुणस्तरीय उपचार हैन्, सिटामोल मात्रै नपाएर ज्यान गुमाउनु पर्ने बाध्यता कायम नै छ । नेताको उपचारका निम्ती भने सरकारले करोडौँ रकम खर्च गर्छ । हिजो जनताको जनजीवन फेर्ने सपना देखाएर चप्पल पट्काउँदै सत्तामा पुगेकाहरुको जीवनशैली आज लोभलाग्दो छ । गुणस्तरीय आधारभुत आवश्यकता हरेक नागरिकको पहुँचमा कागजमा मात्रै सिमित हुन पुगेको छ । कानुन छ, कार्वान्वयन छैन । कार्वान्वयन हुन्छ, समानता हुन्न । समग्रमा भन्नुपर्दा देशको हालत सम्हाल्नै नसक्ने गरि बिग्रिँदैछ । यसतर्फ समयमै ध्यान पु¥याउन नसके राष्ट्रकवि लक्ष्मीप्रसाद देवकोटाले कवितामा ‘नेपाली हामी रहौँला कहाँ नेपालै नरहे’ भने जस्तै नहोला भन्न सकिन्न !
अहिलेसम्म आलोपालो प्रधानमन्त्री, मन्त्री बनेकाहरुलाई देशको यो कान्तिविजोक हुँदा मनमा के लाग्छ ? त्यो मलाई थाहा छैन् ।
तर, मलाई यत्ति थाहा छ । थुप्रै निर्मला पन्तहरुले न्याय पाउन सकेका छैनन् । तुइन तरिरहँदा नदीमा बेपत्ता भएका दार्चुलाका जयसिंह धामीहरु अझै भेटिएका छैनन् । नारायणहिटी, मदन भण्डारी जस्ता हत्याकाण्ड ‘रहस्यको गर्भ’ मै छ । देशको अर्थतन्त्र रेमिट्यान्सले नै धानिरहँदा पनि विपिन जोशीहरुका अबस्था बेखबर छन् । अन्ततः अर्काको देशमा आफ्नो रगत, पसिना अनि स्वाभिमान वेचेर धन अनि खुसी किन्न परदेश गएकाहरु ‘कफनमा’ फर्किन बाध्य छन् । उनीहरुका असह्य पीडा, रोदन, चित्कार अनि अन्तिम श्वास फेर्दा नेपालप्रतिको भावना सरकारले महसुश गर्न सकेको छैन ।
मलाई यो पनि थाहा छ । आफू व्यवसायका कारण आर्थिक रूपमा डुबेका र त्यसका लागि सरकारी नीतिहरू दोषी रहेको भन्दै संसद भवन अगाडी आफैँलाई आगो लगाएर जलाएका प्रेम आचार्यहरुको गुनासो बुझ्न सकेको छैन । न त देशमा आफ्नो भविष्य नदेखेर जतिसक्दो छिटो स्वदेश छाड्न पाउँ भन्दै बालकुमारीमा प्रदर्शन गर्दागर्दाै सरकारी गोली खाएर मृत्युवरण गरेका अछामका वीरेन्द्र शाह र दैलेखका सुजन रावतहरुको मनोकांक्षा सुन्न सकेको छैन ।
यति लेख्दै गर्दा त्यसोभए देशमा बिकास नै भएको छैन त ? भन्ने प्रश्न उब्जिन सक्छ । हो, बिकास भएको छ । तर, त्यति मात्रै जति समयमापन विकासक्रम अनुसार न्युनतम नभई नहुने थियो ।
समयसँगै देशमा थुप्रै राजनीतिक परिवर्तन भए । तन्त्र फेरियो । दल फेरिए । नेता फेरिए । सरकार ढल्यो । नयाँ सरकार बन्यो । प्रत्रानमन्त्री फेरिए । मन्त्री फेरिए । तर, के देशमा कति तीनै राजनीतिक दलले देशमा ‘तन्त्र’ फेर्ने बेला देखाएका सपना जस्तै मुलुकको अबस्था फेरियो त ? चुनावअघि जनतासँग प्रतिबद्धता गरेजस्तै जितेपछि पटकपटक मन्त्री प्रधानमन्त्री अनि जनप्रतिनिधी बनेकाहरुले भनेजस्तै नयाँ व्यवस्थामा जनताको अबस्था फेरियो त ?
हो मलाई थाहा छ, यो देशमा पटकपटक सरकार ढल्यो, ढालियो । अनि, फेरियो । तर, त्यो ढालेको व्यवस्था, ढालिएको सरकार अनि फेरिएका नेतृत्वले राष्ट्र, राष्ट्रियता सँगै आम नेपालीहरुका निम्ती के गरे ?
सत्य, तथ्य अनि निष्पक्ष भएर सायदै यसको जवाफ कसैले दिन सक्ला !
तर, मलाई लाग्छ । यसको जवाफ हरेक नेपाली नागरिकले माग्नुपर्छ । देशको यो दुरावस्थामा हुँदासम्मको नैतिक जिम्मेवारी सबैले लिनुपर्छ । किनकी, प्रश्न गर्नेले उत्तर पनि दिन सक्नुपर्छ । फल प्राप्तीको चाहाना राख्नेले पसिना बगाउन सक्नुपर्छ । राष्ट्रले मलाई के दियो भनेर सोध्नेले देशका निम्ती मैले यो दिएँ भन्न सक्नुपर्छ । फलानो फलानोका कारण देश बिग्रियो भनेर गाली गर्नेले राष्ट्रहितका निम्ती योगदान गर्न तयार हुनुपर्छ ।
अब आम नेपालीलाई के गुम्यो ? के बिग्रियो भनेर आरोपप्रत्यारोप मात्रै गरेर बस्ने छुट छैन । देशको दुरावस्थाका कारण निराश बनेर नेतालाई गाली गर्दैमा भाविपुस्ताको ‘सराप’ बाट उन्मुक्ति पाइँदैन् ।
त्यसैले अब समस्त नेपालीले व्यबस्थालाई दोष दिन छाड्नुपर्छ । नेतालाई गाली गरेरै खुसी भइराख्ने प्रवृत्ति त्याग्नुपर्छ । वितृष्ण र नकरात्मक दृष्टिकोणलाई तिलान्जली दिनुपर्छ । सँगै सुरु गर्नुपर्नेछ, सम्बृद्ध राष्ट्र बनाउने अभियान ! जनताप्रति उत्तरदायी, जिम्मेवार, पारदर्शी, जवाफदेही, दुरदर्शी, भिजनरी, परिपक्क, राष्ट्रप्रेमी नेतृत्व बनाउने अभियान !
सायद, त्यसपछि बन्नेछ । आम नेपाली ‘जनताको सरकार, नेपाल सरकार’ ।
जय देश ! जय नेपाल !
संजय सहनी ,रौतहट,०२ गते पुस ।
प्रादेशिक अस्पताल गौरका अध्यक्ष अनवर हासमीले पुनः एक डाक्टरलाई दुर्ववहार गरि हटाएको पोल खुलेको छ ।
अध्यक्ष हासमी र मेडिकल सुपरिटेन्डेन्ट मुरारी ठाकुरले डा. ईम्त्याज अहमदलाई एक हप्ता अगाडि दुर्ववहार गरि हटाएको पोल खुलेको हो ।
मंगलबार नेपाल पत्रकार महासंघ रौतहट शाखामा आयोजित पत्रकार सम्मेलनमा डा.ईम्त्याजले आफुलाई अध्यक्ष हासमी र मेसु ठाकुरले बिना कारण पद र कुर्सिको दुरुपयोग गरि आफुलाई हटाएको आरोप लगाएका हुन् ।
डिउटी आवर सकाई खाजा खाना गईरहेको आफूलाई अल्ट्रासाउण्डको बहाना बनाई लेखापाल जितेन्द्र यादवले बहस गरेको र सो बहस बारे कुरा नबुझि अध्यक्ष हासमीले आफुलाई निकालेको आरोप लगाएका छन् ।
बहस किन भयो ? कुरा सुन्नु पर्थ्यो ,कसको गल्ति थियो, बुझ्नु पर्थ्यो तर लेखापाल यादवको झुठो र भ्रामक कुरा सुनेर मलाई केहि नसोधि साचो बुझाएर अस्पताल छाडि जान भनियो । यसमा सरासर अध्यक्ष हासमीको दादागिरी हो डा. ईम्तियाजले आरोप लगाए ।
पत्रकार सम्मेलन मार्फत पीडित डाक्टर ईम्तियाजले अहिले जनताले पाउनु पर्ने सुविधा ठप्प छ । अस्पतालमा अल्ट्रासाउण्ड र आईसियु सेवा बन्द छ । यस बारे सरोकारवाला सबै गम्भिर हुनु पर्ने आग्रह समेत गर्नु भएका छन् ।
उहाँले लेखापाल यादव ,सुपरिटेन्डेन्ट ठाकुर र अध्यक्ष हासमीले भ्रष्टाचारको खेललाई बढावा दिन आफुलाई निकालेको समेत दाबी गरेका छन् ।
जनताको सेवाको मतलव छैन । लेखापाल यादवको कुरा नमाने फर्जि बिल भुक्तानी नहुने सोचेर लेखापालको गलत रिपोर्टिङको आधारमा आफुलाई आफ्नो शिकार बनाएको डाक्टर इम्तियाजको भनाई छ।
अध्यक्ष हासमिले डा. ईम्त्याजलाई मासिक ३ लाखको तलव भता तोकि अर्को व्यवस्था नहुन्जेल सम्मका लागि नियुक्त गरेका थिए । उहाँ जेनरल फिसिसियन डा.ईम्त्याजले रेडियोलोजिस्ट र आईसियु कक्ष सम्हादै आएका थिए।
डाक्टर ईम्तियाजले मलाई मात्रै होईन ,अध्यक्ष हासमीले विभिन्न लोभ लालचमा परि प्रभावकारी सेवा दिदा दिदै चिकित्सकहरु डा. अमित चौधरी, नवीन चौधरी र गोपाललाई पनि दुर्ववहार गरि निकालेको कुरा सुनाए ।
अध्यक्ष हासमि , मेडिकल सुपरिटेन्डेन्ट मुरारी ठाकुर र लेखापाल जितेन्द्र यादवले तानाशाह प्रवृतीबाट अस्पताल चलाउदै र चिकित्सकलाई दुर्ववहार गर्दै आएको डा.ईम्त्याजले अरोप लगाएका छन।
अस्पतालका अध्यक्ष अनवर हासमी र मेडिकल सुपरिटेन्डेन्ट मुरारी ठाकुरको मिलोमतोमा गोप्य टेन्डर गरी औषधी उपकरण खरिद, टाईल्स मार्बल जडान, मर्मत संहार, टिकट काउन्टरको रकम हिनामिना, भवन रङरोगन, ईन्धन, न्यानो झोला वितरण, करार कर्मचारी भर्ना देखि निजी क्लिनिक र ल्याबसंग साठगाठ गरेको विभिन्न सञ्चार माध्यममा समाचार प्रकाशन हुँदै आएको छ ।
आरके श्रीवास्तव,राैतहट,०२ गते पुस ।
लाेकतान्त्रिक समाजवादी पार्टी नेपालले ८ जनालाई केन्द्रीय सदस्यमा मनाेनित गरेको छ । पार्टी अध्यक्ष महन्थ ठाकुर द्वारा हस्ताक्षरित पत्रमा आठ जना मनाेनयनमा परेका छन् ।
मनाेनित हुने केन्द्रीय सदस्यहरूमा राैतहट बाट रामप्रवेश दास तत्मा,सप्तरी बाट श्याम सरदार,सिरहा बाट जिवक्ष प्रसाद यादव रहेका छन् ।
त्यस्तै धनुषा बाट सुनिल कुमार यादव,सर्लाही बाट जगत महरा,बारा बाट मञ्जु कार्की रहेका छन् ।
त्यसैगरी कञ्चनपुर बाट भाेगा देवी राना थारू,कास्की बाट रविन्द्र सुनार मनाेनयमा परेका छन् । उनीहरूलाई पार्टी संशाेधित विधान अनुसार कार्यक्षमताकाे उच्च मूल्यांकन गरि केन्द्रीय सदस्य बनाईएकाे लाेसपाले जनाएको छ ।
देश,मधेस एवम् पार्टीको हितमा मनाेनित केन्द्रीय सदस्यहरूले काम गर्ने र कार्यकाल उपलब्धि मूलक रहनेमा लाेसपा आशावादी रहेको छ ।
