वीरगन्ज, ८ साउन । वीरगन्ज महागरपालिका–१६ भानुचोकस्थित सडक खण्डमा प्रहरीले एक भारतीय नागरिकलाई १९ राउन्ड गोलीसहित पक्राउ गरेको छ । पक्राउ पर्नेc भारत बिहार पश्चिमी चम्पारण बेतिया लगुनाहा निवासी २२ वर्षीय मुरारी कुशवाहा रहेका छन्।

आइतबार राति साढे ९ बजे प्रहरी चौकी बसपार्कको टोलीले नियमित जाँचको क्रममा एक जना अपरिचित व्यक्ति शंकास्पद रुपमा हातमा झोला बोकेर बसपार्कतर्फ आउँदै गरेको अवस्थामा खानतलासी गर्दा सटगनको गोली बरामद भएको पर्सा प्रहरीले जनाएको छ।

खानतलासी गर्दा १२ शक्तिमान १२ एक्सप्रेस लेखिएको १५ राउन्ड, केएफ १२ लेखिएको ३ राउन्ड र १२ केएफ १२९६ लेखिएको १ राउन्ड गरी १९ राउन्ड सर्टगनको गोली फेला परेको प्रहरीले जनाएको हो।

कुशवाहालाई नियन्त्रणमा लिई हातहतियार तथा खरखजानासम्बन्धी कसुरमा थप अनुसन्धान भइरहेको प्रहरीको भनाइ छ।

जनकपुर,साउन ८ गते।

मधेस प्रदेशको शिक्षा तथा समाज कल्याण मन्त्रालयका सचिव लक्ष्मीप्रसाद भट्टराईले दलितका लागि छुट्याएको बजेटसमेत उनीहरूका लागि खर्च नसक्नु आफूहरूकै नालायकी भएको स्वीकार गरेका छन् । मधेस प्रदेशको दलित विकास समिति गठन गर्दा उपाध्यक्षको सेवा÷सुविधा तोकियो तर ४ जना सदस्यको तोकिएन भन्दै उनले अन्य यस्तै समितिको तुलनामा दलित समितिलाई भने अन्याय भएको पनि बताए । सचिव भट्टराईले हामी सबै पूर्वी अफ्रिकाको पुच्छर नभएको बाँदरका पुर्खा भएकाले को दलित को नदलित, सबै एकै हौँ भन्दै उनले हाम्रो भाषा परिवारसमेत एउटै भएकाले छूत र अछूत भन्ने कुरा शासक वर्गले सिर्जना गरेका भ्रममात्र भएको पनि उल्लेख गरे र यसलाई चिर्न सबै लाग्नुपर्ने धारणा पनि व्यक्त गरे ।

दलित अधिकार मञ्च, नेपालले जनकपुरमा आयोजना गरेको ’दलित अधिकार सबैको सरोकार’ विषयमा केन्द्रित भइ विभिन्न विषयमा चलाइएको ३ दिने कार्यक्रमको अन्तिम दिन आयोजित ‘मधेस प्रदेशमा दलित शिक्षा दलित सशक्तीकरण ऐन २०७६ कार्यान्वयनको चुनौती र अबको रणनीति’ विषयक सत्रमा उनले यस्तो धारणा राखेका हुन् । राष्ट्रिय दलित आयोगका अध्यक्ष देवराज विश्वकर्माले ऐन बनाउँदैमा त्यसैले काम गर्ने हैन भन्दै त्यसलाई प्रभावकारी तुल्याउन हाम्रै भूमिका सक्रिय हुनुपर्ने बताएका थिए ।

मधेस प्रदेश सरकारले दलित सशक्तीकरण ऐन र त्यसअन्तर्गत दलित विकास समिति बनाउनु ऐतिहासिक काम भएको भन्दै अध्यक्ष विश्वकर्माले समितिको काम भने प्रभावकारी हुन नसकेको गुनासो पनि गरे । राष्ट्रिय दलित आयोग देशभर क्रियाशील छ, उसको बजेट मात्र ३ करोड छ तर ८ जिल्ला मात्र कार्यक्षेत्र भएको मधेस प्रदेशको दलित विकास समितिको बजेट १२ करोड हुनु ठूलो उपलब्धि भएको तर यसअनुसार काम भने हुनै नसकेकामा उनले चिन्ता व्यक्त गरे । मधेस प्रदेशको दलित विकास समितिका उपाध्यक्ष रामप्रवेश बैठाले दलित सशक्तीकरण ऐन प्रदेशको प्रशंसनीय काम हो तर यसलाई हात्तीको देखाउने र खाने दाँत बनाइयो भन्दै समितिलाई केही अधिकारै नदिइएको गुनासो गरे । मैले समितिले केही गर्नै सकेन भनेर धेरै आलोचना खेपेँ तर बजेट विनियोजनबारे समेत मलाई एक शब्द सोधिन्न भन्दै उनले थपे– ‘सदस्यसचिवको मनोमानीका कारण समिति सक्रिय हुन सकेन ।

यसपालि मात्र समितिको ३ करोड रकमान्तर भयो जबकि पहिलेदेखि नै कार्यान्वयन गर्न भनेको तर मान्दै मान्दैन ।आफूसँग टिप्पणी सदर गर्ने अधिकारसमेत नभएको भन्दै उनले यो निरीह समितिबारे दरिलो आवाज उठाउन सहभागीसँग अनुरोध पनि गरे। कार्यक्रमको आयोजक संस्था दलित सरोकार मञ्च, नेपालका अध्यक्ष भोला पासवानले संविधान जतिसुकै प्रगतिशील बनाए पनि कार्यान्वयन कर्ता गतिलो भएन भने त्यसले काम नगर्ने बताए। दलित सशक्तीकरण ऐन पनि गतिलो भएको तर कार्यान्वयनकर्तामा समस्या रहेको उनले उल्लेख गरे ।

अध्यक्ष पासवानले दलित विकास समितिमा केही समस्या रहे पनि यहाँका क्रियाशील दलित भातृ सङ्गठनका पदाधिकारीसँग र दलित अधिकारका लागि कार्यरत संघ संस्थासँग समन्वयमा भने कमजोरी देखिएको बताउनु भयो। पासवानले मधेस प्रदेशमा गठन भएको दलित विकास समितिले दलितमाथि भएको अत्याचारविरुद्ध एउटा विज्ञप्ति निकाल्नसमेत न सकिरहेकोले उक्त समितिको कुनै काम नरहेको समेत बताउनु भयो। त्यस्तै समाजवादी मुक्ति सङ्गठनका अध्यक्ष रामु महराले दलित सशक्तीकरण ऐन मधेस सरकारको सबै भन्दा महत्वपूर्ण काममध्ये पर्ने भन्दै बजेट पनि कर्मचारीतन्त्रको लापरबाहीका कारण खर्च हुन नसकेको बताए ।

उनका अनुसार दलित विकास समितिका नेताहरूलाई निरीह बनाइएको छ, मन्त्री फेरबदल भइरहने भएकाले पनि समस्या बढ्दै गएको बताए। यसैगरी दलित कार्यपालिका सदस्यहरूको सञ्जाल पर्साकी अध्यक्ष सजिना बिकले आफ्नो अग्रसरतामा जातीय विभेद अनुगमन समिति बनाएको र यो जिल्लामै पहिलो भएको उल्लेख गरिन् । तर यसको काम, कर्तव्य र अधिकारबारे अझै पनि प्रष्टता नभएको उनको भनाइ थियो । समाजवादी प्रेस सङ्गठनका वृजलाल पासवानले कानुनको पालना एकदमै फितलो भएकाले पनि दलित समुदायका समस्या समाधान हुन अप्ठेरो भएको बताए । उनको भनाइ थियो– निरन्तर र आपसी छलफल, अन्तरक्रिया बढाउँदा समस्या समाधानका लागि सहज हुन्छ ।

यो कार्यक्रममा अधिवक्ता रक्षाराम हरिजनले ‘निर्वाचनसम्बन्धी प्रस्तावित कानुन र मधेसी दलित’ विषयमा कार्यपत्र प्रस्तुत गरेका थिए भने भोला पासवानले जनगणनाहरू र दलितको घट्दो सङ्ख्या विषयमा प्रस्तुतीकरण गरेका थिए । सम्मेलनका अवसरमा टीकाराम विश्वकर्माको अध्यक्षतामा १९ सदस्यीय दलित कार्यपालिका सदस्यहरूको मधेस प्रदेशस्तरीय समिति गठन गरिएको छ भने दलित भातृ सङ्गठनहरूको पनि प्रदेशस्तरीय समिति रामु महराको अध्यक्षतामा गठन भएको छ । पछिल्लो समितिको अध्यक्षता ६÷६ महिनामा पालोफेरो गरिने सहमति पनि भएको छ । यी समितिले दलित अधिकारका लागि आवश्यक सबै गतिविधिको पहलकदमी लिने र दलित सशक्तीकरण ऐनले गरेको व्यवस्था कार्यान्वयनका लागि अग्रणी भूमिका निर्वाह गर्ने निर्णय गरेका छन् ।

आरके श्रीवास्तव,रौतहट,साउन ०८ गते ।
रौतहट प्रहरीले फरार प्रतिवादीलाइ पक्राउ गरेको छ । सम्मानित अदालतको फैसला कार्यान्वयन अन्तर्गत अदालतबाट कैद तथा जरिवाना सजाय भई हाल सम्म फरार रहेका प्रतिवादीहरुलाई प्रहरीले पक्रेको हो । जिल्ला प्रहरी कार्यालय तथा मातहत समेतबाट खटिएको प्रहरी गस्ती टोलीले गस्ती गर्ने क्रममा बिभिन्न मुद्दा शिर्षकका फरार प्रतिवादीहरुलाई पक्राउ गरी आवश्यक कारवाहीको लागी सम्मानि रौतहट जिल्ला अदालत गौर रौतहटमा बुझाईएको जिल्ला प्रहरी कार्यालय रौतहटले जनाएको छ ।

पक्राउ पर्नेहरुमा बृन्दाबन नगरपालिका वडा नम्बर१ रमौली बैरियाका कर्तब्य ज्यान मुद्धाका जयकरण सहनी,कटहरिया नगरपालिका वडा नम्बर १ भसेडवाका राजकिशोर तत्मा र कटहरिया नगरपालिका वडा नम्बर ५ का जबरजस्ति करणि मुद्धाका फरार प्रतिवादी असलम मिया रहेका छन् । उनीहरुलाइ सम्मानित रौतहट जिल्ला अदालतबाट म्याद थप भई अनुसन्धान कार्य भइरहेको प्रहरीले जनाएको छ ।

काठमाडौं, ७ साउन ।

प्रधानमन्त्री पुष्पकमल दाहाल प्रचण्ड इटालीको रोममा पुगेका छन् । इटालीमा साउन ८ देखि १० गतेसम्म आयोजना हुने संयुक्त राष्ट्रसङ्घीय खाद्य प्रणाली शिखर सम्मेलनमा भाग लिन प्रधानमन्त्री प्रचण्ड रोम पुगेका हुन् । शनिबार साँझ काठमाडौंंबाट प्रस्थान गरेका प्रधानमन्त्री प्रचण्ड स्थानीय समयअनुसार साढे ७ बजे रोम पुगेकोे उनको सचिवालयले जनाएको छ ।

प्रधानमन्त्री प्रचण्डलाई रोमस्थित अष्ट्रियाकाा लागि नेपाली राजदूत भरतकुमार रेग्मी तथा इटालीका परराष्ट्र मन्त्रालयका अधिकारीले स्वागत गरेका थिए ।

प्रधानमन्त्री प्रचण्डसँग कृषि तथा पशुपन्छी विकास मन्त्री डा. बेदुराम भुसाल, राष्ट्रिय योजना आयोगका सदस्य डा. जयकान्त राउत तथा प्रधानमन्त्री सचिवालय सदस्य तथा छोरी गङ्गा दाहाल पनि भ्रमण टोलीमा छन् ।

‘युनाइटेड नेसन्स फुट समिट प्लस टु स्टकटेकिङ मोमेन्ट’ नामक शिखर सम्मेलनका लागि नेपाल सरकारका तर्फबाट प्रधानमन्त्री प्रचण्डले सम्बोधन गर्ने कार्यक्रम छ ।

इन्दीप कोइराला

बारा, ६ साउन । नेकपा एमालेका उपमहासचिव प्रदिप ज्ञवालीले मधेशको समृद्धि एमालेबाट मात्रै सम्भव रहेको बताएका छन् । प्रेस चौतारी नेपाल बाराले  सिमरामा शनिबार आयोजना गरेको पत्रकार सम्मेलनमा एमाले उपमहासचिव ज्ञवालीले मधेश समृद्ध नभएसम्म देशको मुहार नफेरिने बताए ।

‘मधेशमा लामो समय नेपाली कांग्रेसले र २०६४ यता मधेश केन्दित दलहरूले राज गरिरहे पनि विकास, स्वास्थ्य र शिक्षाको आवस्था विकट जिल्ला कर्णालीको भन्दा पनि कमजोर पारिएको छ । यो मधेशका लागि दु:खदायी विषय हो’, उनले भने ।

एमालेको स्कुल विभाग प्रमुखसमेत रहेका पूर्वमन्त्री ज्ञवालीले पछिल्लो राजनैतिक घटनाक्रम र सरकार सञ्चलनप्रति इङ्तित गर्दै वर्तमान् सरकार देश र जनताका पक्षमा नभई विदेशीको हितमा काम गरिरहेको आरोप लगाए ।

प्रधानमन्त्री प्रचण्डको पछिल्लो भारत भ्रमण नेपालका हितमा भन्दा पनि भारतको इच्छा पुरागरिदिने कडी बनेको उनको भनाई थियो । ‘भारतले चाहेका जलविधुत आयोजना नेपालका तर्फबाट जिम्मा लगाउने काम भयो । भारतले २७ वर्षदेखी अलपत्र पारेएको माथिल्लो कर्णालीका सम्बन्धमा कुनै सम्वाद नगरि थप दुईवटा आयोजना पुन: जिम्मा लगाउने काम भएको छ,’ उनले भने ।

यस्तै सरकारले ललिता निवास र भुटानी सरणार्थी प्रकरणमा स्टन्ट गरिरहेको उनको भनाई थियो । भ्रस्टाचारको छानविन गर्न पहिला सरकारमा रहेकाहरु सफा हुनुपर्ने उनले बताए ।

रामप्रवेश बैठा,कटहरिया,साउन ०६ गते ।
कटहरिया । रौतहटको कटहरिया नगरपालिका वडा नगरपालिका वडा नम्बर ६ फतेपुरमा अहिले नाला निर्माणको काम चलिरहेको छ । नाला निर्माणमा भने लापरबाही भएको पाइएको छ ।
सो टोलको सफरुदिनको घरदेखि मठ सम्म नाला निर्माणको काम भइरहेको छ । स्टिमेट अनुसार काम नभएको स्थानियहरुले गुणासो गरेका छन् । १५ सेन्टीमा गर्नुपर्नेमा सो अनुसार काम नगरेको गुणासो छन् ।
स्टिमेट अनुसार नाला नबनाइएको भन्दै स्थानीयले विरोध जनाएका छन् । यो नाला निर्माणको ठेक्का सडक डिभिजन रौतहट बाट मुना कन्सट्रक्सनले लिएको छ ।

यस विषयमा इ. विरेन्द्र महतो सँग बुझदा उनी भन्छन्, ‘स्थानीयको खबरदारीलाई सकारात्मक रूपमा लिएका छौँ, प्राविधिकलाई फिल्डमा खटाएर काम सुधार गराउने छु ।’

आरके श्रीवास्तव,रौतहट,साउन ०६ गते ।
रौतहट । नेपाली किसानले उत्पादन गरेको ब्रोइलर कुखुरा विक्री हुन सकेको छैन् । रौतहटको सिमानाका बाट भारतीय कुखुराको तस्करी हुँदा यहाँ उत्पादन गरिएको कुखुरा बिक्री हुन नपाएको किसानहरुले गुणासो गरेका छन् । भारतीय कुखुराको तस्करी बढ्दा नेपाली कुखुरा उत्पादक किसान मारमा परेका छन् ।
जिल्लाको फतुवा बिजयपुर २ शितलपुरका कुखुरा उत्पादक किसान अनिरुद्ध यादव भन्छन् नेपालमा भारतीय कुखुरा खुलेआम रूपमा प्रवेश पाउँदा मैले उत्पादन गरेको करिब ८ सय कुखुरा फार्ममै यस्तै बसिरहेको छ । बिक्री हुन सकेको छैन् । दैनिक लाखौं मूल्य बराबरको दाना खुवाउनु परेको छ । सम्बन्धित निकायको यस तर्फ ध्यान छैन् ।
भारतबाट नेपाल भित्र्याउन रोक लगाईए पनि सीमा क्षेत्रमा कुखुराको अवैध कारोबारमा वृद्धि भएको छ । नेपाल भन्दा भारती बजारमा कुखुरा सस्ता पर्छ । त्यहाँको कुखुरा नेपाली बजार अहिले छ्यापछ्याप्ती पाईरहेको छ । जसकारण नेपाली किसानले उत्पादन गरेको कुखुरा बिक्री हुन सकेको छैन् ।

सीमानाकामा प्रहरी तैनाथ छ । तैपनी कुखुरा तस्करी भइरहको छ । यस प्रति किसानहरुले गुणासो गरेका छन् । यस विषयमा कुखुरा व्यवसायी संघ रौतहटका अध्यक्ष हरिशंकर साह भन्छन् हामी पटक पटक जिल्लाको सुरक्षा निकायको प्रमुखहरु लाइ ध्यानाकर्षण गराउँदा कुनै सुनुवाइ हुन सकेको छैन् । भातीय कुखुराको तस्करी कम हुनु भन्दा दैनिक रुपमा बढिरहेको छ ।

आरके श्रीवास्तव,रौतहट,साउन ०६ गते ।
प्रभु साहको आम जनता पार्टी सँग मेरो कुनै सम्बन्ध नरहेको देवाहीगोनाही नगरपालिकाका नगर प्रमुख प्रेमलाल साहले बताउनु भएको छ । आज उनले आफनो निजी निवामा पत्रकारहरु सँग कुराकानी गर्दै यस्तो बताउनु भएको हो ।
आफू गत स्थानिय तहको निर्वाचनमा नेकपा एमाले पार्टी बाट नगर प्रमुखमा निर्वाचित भएको र नेकपा एमाले पार्टीमै रहेको स्पष्टोक्क्ती दिनु भएको छ । आफू एमाले पार्टीको कार्यबर्ता हुँ । अन्य कुनै पार्टी सँग मेरो कुनै सम्बन्ध छैन् । एमालेमै रहेर काम गर्नेमा प्रतिबद्ध छु । पत्रकारले मेयर साह सँग तपाइ आजपा तिर लाग्नु भएको हो भनि हल्ला छ नि ! भन्ने प्रश्नको जवाफमा उनले यस्तो बताएका हुन् ।
आजपा तिर आफू लागेको भनि गरिएको प्रचार भ्रामक र तथ्यहीन रहेको रहेको बताउनु भयो । राजनितीक माहौल बिगार्ने उदेश्यले यस्तो गलत प्रचार गरिएको प्रष्ट पारे । बदनाम गर्ने बदनियपूर्ण तरिका हल्ला फैलाएको हो । त्यस्तो हल्लाको पछाडी नलाग्न आग्रह गर्नु भयो । आफू अन्य पार्टीमा गएको भनि गरिएको प्रचारमा कुनै सच्चाइ नरहेको बताउनु भयो ।
आजपाका केही कार्यकर्ताहरुले नै यस्तो प्रोपगण्डा रचेको आरोप लगाएका छन् । कसैको नाम उचित नरहेको बताए । पछिल्लो समय पार्टी प्रशिक्षण कार्यक्रम,प्रदेश कमिटी बैठक,जिल्ला कमिटी बैठक लगायतको पार्टीको कार्यक्रममा लगनशिल र सक्रिय रहेको बताए ।
बिगतमा केही गतल प्रवृतिका व्यक्तीहरुको कारण नगरपालिका केही लथालिंग अस्तव्यस्त अवस्थामा भएपनि अहिले आएर सुधार भएको जानकारी गराए । यसमा सबै दलको सहयोग छ । नगरसभाको बन्दसत्र सम्पन्न गरिसकेका छौ । नगरपालिकाको विकास निर्माणको काम अब द्रुत गतिमा अगाडी बढनेमा विश्वास व्यक्त गर्नु भयो ।

आरके श्रीवास्तव,रौतहट,साउन ०६ गते ।
रौतहट । देवाहीगोनाही नगरपालिकामा कृषकहरूलाई अनुदानमा कृषि सामाग्री वितरण गरिएको छ । प्रधानमन्त्री कृषि आधुनिकिकरण परियोजना अन्तर्गत तरकारीको साना व्यवसायीक कृषि उत्पादन केन्द्र पकेट विकास कार्यक्रम अन्तर्गत कृषक समूह मार्फत कृषकहरूलाई सामाग्री वितरण गरिएकोे हो ।
सो नगरपालिकाको वडा नम्बर ७ उचिडिह टोलमा कृषकहरूलाई सामाग्री वितरण गरिएको हो । देवाहीगोनाही नगरपालिका प्रेमपुर गोनाहीको सहयोग र श्री रामसखी कृषक समूह देवाहीगोनाही नगरपालिका वडा नम्बर ७ को आयोजनामा सामाग्री वितरण कार्यक्रम राखिएको थियो ।

कृषकहरुलाइ सहयोग पुर्याउने उद्देश्यले मोटर,स्प्रे टंकी र जाइम वितरण गरिएको हो । नगर प्रमुख प्रेमलाल साह र उपप्रमुख परनिया देवी पटेलले एक कार्यक्रमका बिच ती सामाग्रीहरु वितरण गर्नु भएको हो । ७५ प्रतिशत अनुदानमा मोटर,५० प्रतिशत अनुदानमा स्प्रे टंकी र ८० प्रतिशत अनुदानमा जाइम वितरण गरिएको संस्थापक अध्यक्ष रुपेश पटेलले जानकारी दिनु भयो । पटेलले दिएको जानकारी अनुसार मोटर ५० थान, स्प्रे टंकी १०० थान र जाइम ५ कविन्टल वितरण गरिएको बताए ।

प्रधानमन्त्री कृषि आधुनिकिकरण परियोजना अन्तर्गत तरकारीको साना व्यवसायीक कृषि उत्पादन केन्द्र पकेट विकास कार्यक्रम अन्तर्गत १२ लाख बजेटबाट उक्त कृषिसामाग्री नगरपालिकाले श्री रामसखी कृषक समूह मार्फत वितरण गरेको अध्यक्ष रामएकवाल प्रसाद सिंहले बताए ।
सो अवसरमा नि.प्रमुख प्रशासकीय अधिकृत नागेन्द्र कुशवाहा,वडा नम्बर ४ का वडा अध्यक्ष संजय प्रसाद पटेल ,वडा नम्बर ७ का वडा अध्यक्ष उपेन्द्र यादव,वडा नम्बर ८ का वडा अध्यक्ष विजय पटेल,वडा नम्बर ६ का वडा अध्यक्ष विष्णु दास,समाजसेवी भरत पटेल सहित स्थनिय भद्रभलादमीहरुको उपस्थिती रहेको थियो ।

रमेश कुमार यादव,गरुडा,साउन ०४ गते
गरुडा नगर उधोग वाणिज्य संघ गरुडा रौतहटको दोश्रो वार्षिक साधारण सभा सम्पन भएको छ ।“सम्मानित निजि क्षेत्र,समुन्न्त नेपाल“ भन्ने मुल नाराका साथ गरुडा नगर उधोग बाणिज्य संघ गरुडाको दोश्रो बार्षिक साधारण सभा भब्यको साथ सम्पन भएको छ । गरुडा नगर उधोग बाणिज्य संघ गरुडाको अध्यक्ष हरेन्द्र प्रसाद चौधरीको अध्यक्षतामा आयोजना गरिएको दोश्रो बार्षिक साधारण सभाको प्रमुख अतिथी मधेश प्रदेश सरकारको समाजिक बिकास राज्यमन्त्री माननीय अबुल कलाम अजाद रहनु भएको थियो भन्ने कार्यक्रमको बिशिस्ट अतिथी गरुडा नगरपालिकाको नगर प्रमुख कन्थमनी प्रसाद जैसवाल रहनु भएको थियो भने कार्यक्रमको स्वागत मन्तव्य सन्तोश कुमार चौधरीले गर्नु भएको थियो । गरुडा नगर उधोग बाणिज्य संघ गरुडाको दोस्रो बार्षिक साधारण सभा कार्यक्रमको प्रमुख अतिथि माननिय अबुल कलाम अजादले आफ्नो मन्तब्य राख्दै भने यो सराहनिय कार्य गरेको प्रति यस नगर उधोग बाणिज्य संघ गरुडाको अध्यक्ष हरेन्द्र प्रसाद चौधरी र वहाँका टिमलाई बिशेष धन्यबाद दिदैँ यस भवन निर्माण गर्न जग्गा दिएको जग्गादाता चुनचुन प्रसाद साहलाई धेरै–धेरै धन्यबाद दिएका थिए । साथै वहाँले भने कि यस गरुडा नगर उधोग बाणिज्य संघ गरुडाको नवनिर्मित भवनको उद्धघाटन देखि दोस्रो बार्षिक साधारण सभामा उपस्थिती नहुनु अति नै दुःखद कुरा रहेको प्रति आपति जनाउनु भएको थियो । साथै जग्गा दातालाई कुनै समस्या हुँदा यहाँ यस भवनमा भएको सभामा आएर आफ्नो गुनासो राख्न सक्थ्यो तर वहाँले यसो नगर्दा दुखको कुरो रहेको बताउनु भयो । साथै माननिय अबुल कलाम अजादले गरुडा नगरको बिकास कार्यदेखि लिएर कुनै पनि कार्यमा आफु सहयोग गर्नमा हरदम तत्पर रहने बताउनु भयो । साथै ब्यापारीहरुले देखाएको अग्रसरता एकदम सराहनिय र अमुल्य रहेको बताउनु भयो । ब्यापारीहरुको प्रत्येक समस्यालाई सुल्झाउने संघको अध्यक्षको उत्तरदायित्व रहेको पनि बताउनु भयो ।

त्यसतै सोहि कार्यक्रमको बिशिष्ट अतिथि समेत रहनु भएका गरुडा नगरपालिकाको नगर प्रमुख कन्थमनि प्रसाद जैसवालले गरुडा नगर उधोग बाणिज्य संघको अध्यक्ष हरेन्द्र प्रसाद चौधरीले आफ्नो कार्यकालमा भवनको शिलान्यास देखि लिएर भवनको उद्धघाटनसम्म गरेको कार्य यादगार रहेको बताउनु भयो । दोस्रो खुल्ला साधारण सभाको सफलताको कामना साथै बन्द सत्र कार्यक्रममा ब्यापारीहरुको हकहितको लागी गर्ने कार्य सराहणिय हुने आशा र बिश्वास लिएको बताउनु भयो । साथै यस भवन निर्माणमा सहयोग गर्ने जग्गादाता देखि निर्माणमा सहयोग गर्ने हाथहरुलाई पनि बिशेष धन्यबाद दिएका थिए । त्यसतै उधोग बाणिज्य संघ भवनको दोस्रो तल्ला निर्माण देखि लिएर आवतजावत गर्नमा समस्या भईरहेको सडकमा आउदो समयमा यस भवनमा आउने सडक पक्की हुने बिश्वास समेत दिलाएका थिए । नगर प्रमुख जैसवालले भने म मेयरको पद भन्दा अघि यस नगर उधोग बाणिज्य संघको दुई चोटी अध्यक्ष समेत भईसकेका र दुई चोटी जिल्ला अध्यक्ष समेत बसिसकेकाले ब्यापारीहरुको दुख पिडा,दर्द र उनीहरुले भोगेका मर्म, म भन्दा बढि कसले बुझछन भनि बताएका थिए । त्यस कारण अहिलेको समयमा बैंकहरुबाट कर्जा लिएका ब्यापारीहरुलाई प्रहरी प्रशासन लगाउने र उनीहरुलाई धाकधम्की देखाउने र ब्याजमा समेत बृद्धि गरेर झन थप पिडा दिएकोले सम्पुर्ण ब्यापारीहरु एक जुट भई बैंक बिरुद्ध प्रतिकार गर्ने आग्रह समेत गर्नु भएका थिए । त्यसतै सोहि कार्यक्रममा बोल्र्दै सुनचाँदी ब्यवसायी संघका मधेश प्रदेशका अध्यक्ष रामजी साह सोनारले भने उद्धघाटनको दिन आज ब्यापारीहरुको उपस्थितीले धेरै हर्षित भएको बताउनु भयो । बैंकका कर्मचारीहरूको आतंक बन्द गराउन तर्फ उपस्थित भएका समाजिक राज्यमन्त्री अजादलाई यस सम्बन्धिन ध्यान दिनुपर्नेमा आग्रह गर्नु थियो । त्यसतै सोहि कार्यक्रममा बोल्दै चन्द्रपुर नगर उधोग बाणिज्य संघका अध्यक्ष उदय नरायण सापकोटाले राज्यको नितिगत कुराहरुले ब्यवसायी प्रतारित भएका छन । रौतहटमा घरेलु तथा साना उधोगी ब्यवासायीहरु दर्ता गरेर ब्यावसायीको धेरै नै ठुलो मर्का रहेको बताउनु भयो ।वहाँले भन्ने राज्यको एउटा ठुलो अंग ब्यापारी नै रहेको र यो देशलाई ब्यापारीले नै चलाईरहेको छ छ तर ब्यापारीहरुमाथि नै ठुलो ज्यादति किन यस्तो प्रश्न समेत गरेका थिए रुअध्यक्ष सापकोटाले भने हामिले चलाई रहेको साना घरेलु उधोगको तथा फर्महरु समयमा नबिकरण गरेनौ भने अर्थात कुनै कारणबंश एक बर्ष कटायौं भने नविकरण गर्ने ब्यवस्था छैन कानुनी अडचन छ त्यसकारण यस कानुनलाई यर्थाशिघ्र संसोधन गरेर नविकरण गर्ने ब्यवस्था होस भने ध्यानआकर्षण गराएका थिए ।अर्को कुरा वहाँले भन्नु भयो यदि हाम्रो फर्मको म्याद गुज्रिएको ३५ दिन भित्रमा नविकरण गरेनौं भने हामिलाई तिन गुणा दस्तुर लाग्नुको साथै थप पाँच हजार हरजाना लाग्ने गर्छ ,हामि राज्यको कुन अपराधि अन्तर्गत पर्छौ कि तिन गुणा दस्तुर लाग्ने र थप पाँच हजार हरजाना लाग्ने यस कुरा हटाउन माननिय मन्त्री अजादलाई बिशेष ध्यानआकर्षण समेत गराएका थिए । कार्यक्रममा नगर उधोग बाणिज्य संघ गरुडाका सम्पुर्ण सदस्यहरुलाई फुलमाला ,दोसाला र मायाको चिनो प्रदान गरि सम्मान समेत गरिएका थिए ।

सोहि कार्यक्रममा रौतहट उधोग वाणिज्य संघ अध्यक्ष श्री प्रसाद पंडित, चन्द्रपुर नगर उधोग बाणिज्य संघको अध्यक्ष उदय नरायण सापकोटा ,एमाले नेता सेख कलीमुल्लाह,दलित विकास समिति सदस्य राजकुमार दास, वडा नं।४को वडाअध्यक्ष सुनील कुमार जैसवाल,, युवा नेता कौशर खान मिथिला, बलिराम सहनि, सुशीला जैसवाल, अनिता कर्ण ,सुरक्षाकर्मि ,पत्रकार लगायत सम्पूर्ण व्यपारिको बिशेष उपस्थिति रहेको थियो ।