मुम्बइ, १२ साउन ।
बलिउडमा कुनै फिल्म हिट हुनका लागि त्यसको कथा जति महत्वपूर्ण हुन्छ त्यति नै दर्शकले फिल्मको अनस्क्रिन जोडीलाई मन पराउनु पनि हुन्छ । बलिउडमा यस्ता धेरै हिट कपलहरू छन्, जसले फ्यानलाई शिरमा राखेका छन । फ्यानहरु उनीहरुलाई ठूलो पर्दामा सँगै हेर्न आतुर छन् । तर कतिपय यस्ता जोडी पनि छन्, जसलाई दर्शकले एकपटक होइन, पटकपटक रिजेक्ट गरेका छन् ।
आज हामी बलिउडकी एक यस्तो शीर्ष अभिनेत्रीको बारेमा कुरा गर्दैछौं जसले एक बलिउड सुपरस्टारसँग धेरै हिट फिल्महरू दिए र अन्य सुपरस्टारहरूसँग धेरै फिल्महरू गरे तर सबै फ्लप भए। हो, हामी रानी मुखर्जीको कुरा गर्दैछौं। आउनुहोस् जानौं ती सुपरस्टार को हुन् जससँग पर्दामा रानी मुखर्जीको जोडी मन परेन र दुवैले एक–दुई होइन ७ वटा फ्लप फिल्म दिए ।
रानी मुखर्जीले शाहरुख खानसँग कम फिल्म गरे होलान् तर ती सबै फिल्म सुपरहिट भएका छन् । तर रानी मुखर्जी र सलमान खानको फिल्मको कुरा गर्ने हो भने यी दुवैले एक–दुई होइन, ७ वटा फिल्म एकसाथ गरेका छन् तर अचम्मको कुरा के छ भने सातवटै फिल्म फ्लप साबित भएका छन् । हामीले यो भनिरहेका होइनौं, तर सलमान खान र रानी मुखर्जी आफैं पनि यही कुरामा विश्वास गर्छन् ।
हाल सलमान र रानीको एक थ्रोब्याक भिडियो इन्टरनेटमा भाइरल भइरहेको छ । यो भिडियो सलमान खानको रियालिटी शो ‘दस का दम’ को हो जसमा सलमानले रानी मुखर्जीलाई उनीहरु दुबैले सातवटा फिल्म सँगै काम गरेको र सातै फिल्म फ्लप भएको कुरा सम्झाए ।
यो कुरामा रानी मुखर्जी पनि हाँसेकी थिइन् । रानीले चार फिल्मको नाम राखिन् जसमा ‘हर दिल जो प्यार करेगा’, ‘हेलो ब्रदर’, ‘कहाँ प्यार ना हो जाए’, ‘चोरी चोरी चुपके चुपके’ थिए। यसपछि सलमान खानले रानीलाई उनीहरु दुबैले ‘बाबुल’, ‘सावरिया’ र ‘कुछ कुछ होता है’ जस्ता फिल्ममा काम गरेको सम्झना गराए ।
अब बलिउडका यी दुई उत्कृष्ट कलाकारले फ्यानले अपेक्षा गरेको अचम्म देखाउन नसक्नुलाई भाग्य नै भनिन्छ । सलमान खानको कुरा गर्दा फिल्ममा उनको उपस्थिति हिट हुने ग्यारेन्टी मानिन्छ । उता रानी मुखर्जीले आफ्नो उत्कृष्ट अभिनयले बलिउड उद्योगमा राज गरिन् । तर फिल्ममा सँगै देखिए पछि दुवैले फिल्मको बाँकी भागसँगै ठूलो पर्दामा देखाएको जादु निर्माण गर्न सकेनन् ।
शाहरुख खानका लागि रानी मुखर्जी लक्की चार्म साबित भइन् । कुछ कुछ होता है, कल हो ना हो, हे राम, पहेली, कभी अलविदा ना कहना, चलते चलते, कभी खुशी कभी गम, वीर जारा फिल्ममा सँगै थिए र सबै फिल्मले राम्रो व्यापार गरेका थिए ।
नयाँदिल्ली, १२ साउन ।
दिल्लीबाट मुम्बई जाँदै गरेको फ्लाइटमा यौन दुर्व्यवहार गरेको आरोपमा एक प्राध्यापक पक्राउ परेका छन् ।
उक्त प्रोफेसरमाथि २४ वर्षीया डाक्टर महिला यात्रुलाई फ्लाइटमा दुर्व्यवहार गरेको आरोप लागेको छ । त्यसपछि उजुरीका आधारमा आरोपीलाई पक्राउ गरिएको हो ।
द इन्डियन एक्सप्रेसको रिपोर्टका अनुसार यो मामिला इन्डिगो एयरलाइन्सको उडानसँग सम्बन्धित छ । प्रहरीले आरोपी प्रोफेसर रोहित श्रीवास्तवलाई न्यायिक हिरासतमा पठाएको र पछि जमानतमा रिहा भएको जनाएको छ ।
नगर प्रहरीका अनुसार पटना निवासी रोहित श्रीवास्तव र डाक्टरको सिट सँगै थियो । बुधबार दिल्लीबाट बिहान ५ः३० बजे उडान मुम्बईको लागि प्रस्थान गरेको थियो । विमान मुम्बईमा अवतरण हुन लागेको केही समयअघि आरोपीले महिलासँग यस्तो कार्य गरेका थिए । प्रहरीले यात्राको क्रममा श्रीवास्तवले आफूलाई अनुपयुक्त रूपमा छोएको उजुरीकर्ताले आरोप लगाएकी छिन् ।
त्यसपछि दुई यात्रुबीच झगडा सुरु भयो । झगडा चर्किएपछि बिमान टोलीका कर्मचारी त्यहाँ पुगे र झगडा मिलाउने प्रयास गरे । उडान अवतरण पछि अधिकारीहरूले दुवैलाई नगर प्रहरी चौकीमा लगे, जहाँ आरोपी विरुद्ध एफआईआर दर्ता गरियो र डाक्टरको बयान पनि रेकर्ड गरियो।
लिसले भने कि श्रीवास्तव विरुद्ध आईपीसीको धारा ३५४ र ३५४ ए अन्तर्गत मुद्दा दर्ता गरिएको छ। एफआईआर दर्ता गरेपछि आरोपीलाई पक्राउ गरिएको अधिकारीले बताए । त्यसपछि अभियुक्तलाई अदालतमा पेश गरी न्यायिक हिरासतमा पठाइएको थियो । तर, अहिले आरोपीले जमानत पाएका छन् । यो घटनामा इन्डिगोको तर्फबाट भने कुनै बयान आएको छैन ।
इस्लामबाद, १२ साउन ।
पाकिस्तानको पञ्जाब प्रान्तको बहावलपुरस्थित इस्लामिया विश्वविद्यालयका सुरक्षा अधिकारीको मोबाइल फोनबाट छात्राको पोर्न भिडियो क्लिप फेला परेको छ ।
मिडिया रिपोर्टमा यी भिडियोको संख्या करिब ५,५०० रहेको बताइएको छ । आरोपीले राम्रो अंक ल्याउने प्रलोभनमा छात्राको नग्न भिडियो बनाइदिन्थे । यस विश्वविद्यालयका ११३ विद्यार्थी पनि लागुऔषध दुव्र्यसनीमा परेका छन् । विश्वविद्यालयका एक प्राध्यापकले उनीहरुलाई लागुऔषध बेच्ने गरेको प्रहरीले थाहा पाएको छ ।
प्रहरीले विश्वविद्यालयका निर्देशक डा. अबुजार, सुरक्षा अधिकृत सैयद एजाज शाह र अल्ताफ नामका व्यक्तिलाई पक्राउ गरेको छ । प्रहरीले एजाजका २ वटा फोनबाट यी पोर्न क्लिपहरु फेला पारेको हो ।
प्रहरीले साउन २२ गते विश्वविद्यालयमा छापा मारेको थियो तर विश्वविद्यालय प्रशासनले यो संस्था र विद्यार्थीविरुद्धको षड्यन्त्र भएको बताएको छ ।
यसैबीच प्रहरीले विश्वविद्यालय हाम्रो निशाना होइन, लागुऔषध तस्करलाई पक्रन चाहन्छौं भनेका छन् ।
नग्न भिडियो प्रकरणमा सुरक्षा अधिकारीसँगै विश्वविद्यालयका अन्य प्राध्यापक र कर्मचारी पनि संलग्न छन्, जसले विद्यार्थीलाई ब्ल्याकमेल गरी उक्त भिडियो एजाजलाई पठाउन भनेका थिए ।
युनिभर्सिटीमा विद्यार्थी र महिला कर्मचारीलाई पनि डान्स र सेक्स पार्टीका लागि जबरजस्ती गरिएको प्रहरीले जनाएको छ । दक्षिण पञ्जाबको शिक्षा विभागले पनि यस विषयमा छानबिन गर्नेछ। यसको अनुसन्धान प्रतिवेदन तीन दिनभित्र बुझाइने छ ।
अभियुक्त एजाज सेवानिवृत्त सैनिक अधिकृत रहेको प्रहरीले जनाएको छ । यो विश्वविद्यालयका पूर्व कुलपति द्वारा नियुक्त गरिएको थियो।
अनुसन्धान चलिरहेको बेला प्रहरीले थप एक महिलासहित २ जना लागुऔषध कारोबारीलाई पक्राउ गरेको छ । अभियुक्तहरुको साथबाट डेढ किलो चरस, २० ग्राम क्रिस्टल र ३ सय ग्राम चरस बरामद भएको छ । यी अभियुक्तहरूले शैक्षिक संस्थामा लागुऔषध आपूर्ति गर्ने गरेका थिए ।
पाकिस्तानको अखबार ‘द डन’ ले यस ड्रग्स रैकेटको बारेमा विस्तृत रिपोर्ट प्रकाशित गरेको छ । प्रहरीले जेठदेखि नै यस विषयमा अनुसन्धान गरिरहेको भए पनि प्रमाण नहुँदा अभियुक्तलाई कारबाही गर्न सकेको थिएन । ठोस सूचना पाएपछि विश्वविद्यालयका प्रमुख वित्तीय अधिकृतलाई गत २८ जुनमा पक्राउ गरिएको थियो । उनको साथबाट धेरै लागुऔषध बरामद भएको छ । उनै वित्त अधिकारी एक भ्यानवाट समातिएका थिए । उनीसँगै विश्वविद्यालयका प्रमुख सुरक्षा अधिकृत पनि उपस्थित थिए । नजिकै लागुऔषध पनि फेला परेको छ ।
दुबैको फोन चेक गर्दा प्रहरी चकित भयो । जसमा युनिभर्सिटीका विद्यार्थी र महिला शिक्षकको अश्लील भिडियो पनि समावेश थियो। ती छात्रा तथा महिला शिक्षकलाई विभिन्न स्थानमा ब्ल्याकमेल गरी बलात्कार गरेको अनुसन्धानबाट खुलेको छ ।
लस एन्जलस, १२ साउन ।
अमेरिकाको दक्षिणी क्यालिफोर्नियामा ४८६ खुट्टा भएको अन्धो जीव फेला परेको छ ।
यो पेन्सिल सिसा जत्तिकै पातलो र पेपर क्लिप जत्तिकै लामो हुन्छ। यो जेलीफिस जस्तै पारदर्शी छ र जमिन मुनि चार इन्च भित्र बस्छ। यो एक स्टार बक्स क्याफे नजिकै फेला पर्यो, जो यसको हर्न जस्तो एन्टेना प्रयोग गरी आफनो गतिबिधि गर्ने पत्ता लागेको थियो ।
जब वैज्ञानिकहरूले माइक्रोस्कोप मार्फत हेरे, यो अद्वितीय जीवको आश्चर्यजनक भौतिक गुणहरू सामने आएका थिए । भर्जिनिया पोलिटेक्निक इन्स्टिच्युटका जीव वैज्ञानिक पल मारेकले हलिउड चलचित्रको दानव जस्तो उक्त जीव देखिएको बताए। यो क्षेत्रलाई सोकैल नाम राखिएको छ।
‘हाम्रो खुट्टामुनि, दरारहरूमा, चट्टानहरू मुनि वा लस एन्जलसमा माटोको थुप्रोमा यीनीहरु घुमिरहेका हुनेछन भनेर सोच्नु अचम्मको कुरा हो,’ उनले भने।
भर्जिनिया पोलिटेक्निक बाहेक वेस्ट भर्जिनिया र क्यालिफोर्निया विश्वविद्यालयका वैज्ञानिकहरू पनि यस खोजमा संलग्न थिए। उनको शोधपत्र जुकीज जर्नलमा प्रकाशित भएको छ ।
काठमाडौ, १२ साउन ।
कालिमाटी फलफूल तथा तरकारी बजार विकास समितिले आजको मूल्य सूची सार्वजनिक गरेको छ ।
जसअनुसार नेपाली गोलभेडा ठूलो प्रतिकेजी न्यूनतम मूल्य १००, टनेल गोलभेडा सानो ५६, घिउ सिमी लोकल २५, कुरीलो प्रतिकेजी २५०, काउली स्थानिय प्रतिकेजी ६० रुपैयाँ , आलु रातो ४८, भारतीय आलु रातो ३६, लौका ५० कायम भइ कारोबार भइरहेको छ ।
त्यसैगरी डल्लेच्याउ प्रतिकेजी ३०० रुपैयाँ ,गाजर १२०,बन्दा लोकल १० , मूला रातो ३०, भन्टा लाम्चो ३०, मकै बोडी ४०, टाटे सिमी ८०, ब्रोकाउली ७०, कागती १४० रुपैयाँ, भिण्डी रू ४०, न्यूरो ७० रुपैयाँ, रातो बन्दा प्रतिकेजी ६० रुपैयाँ ,लोकल काक्रो ४०,तामा ११०, अदुवा प्रतिकेजी २५० रहेको समितिले जनाएको छ ।
समितिका अनुसार केरा दर्जन १४०,अनार ३०० रुपैयाँ, नासपाती ६०,आभोकाडो ५०० रुपैयाँ,कालो अंगुर ५००, किवि ८००, हरियो खुर्सानी अकबरे ३५० रुपैयाँ,रहु माछा ३१०, छडी माछा २४०, ताजा माछा(मुंगरी) ३०० रुपैयाँ कायम भइ खरिद बिक्री भइरहेको समितिले जनाएको छ ।
यस्तै, मालदह आँप १५०, हरियो धनिया ५०,लसुन हरियो ८०, खु्र्सानी सुकेको ४५०, नेपाली लसुन २००, चाइनिज लसुन २६०,रुख कटहर ३५, भेडे खु्र्सानी ७० मा कारोबार भइरहेको छ ।
मनिला, १२ असार ।
फिलिपिन्समा डुङ्गा पल्टिँदा २१ जनाको मृत्यु भएको छ भने ४० जनालाई जीबितै उद्धार गरिएको छ ।
राजधानी मनिलानजिकै बिहीबार एक यात्रु डुङ्गा पल्टिँदा २१ जनाको मृत्यु भएको फिलिपिन्सको स्थानीय प्रकोप निकायले जनाएको छ ।
बिनगोनान सहरका प्रकोप एजेन्सीका प्रमुख जोसे हर्नान्डेजले ४० जनाको उद्धार गरिएको बताए। उद्धार कार्य जारी छ।
यसैबीच, कोस्ट गार्डले भने कि तीव्र हावाको समयमा सबै यात्रुहरू डराए र एकतर्फ सरेका थिए, जसले गर्दा जहाज पल्टिएको थियो।
प्योङयाङ, १२ साउन ।
उत्तरी कोरियाली राष्ट्रपति किम जोङ र रुसी रक्षा मन्त्री बिचको भेटबार्तामा भेटेर सैन्य सहयोगका विषयमा छलफल भएको छ ।
उत्तर कोरियाली नेता किम जोङले कोरियाली युद्धको वार्षिकोत्सवको पूर्वसन्ध्यामा रुसी रक्षामन्त्री सर्गेई शोइगु र उच्चस्तरीय चिनियाँ प्रतिनिधिमण्डललाई प्योङयाङमा भेटेका थिए ।
किम शोइगु राष्ट्रिय रक्षा र क्षेत्रीय र अन्तर्राष्ट्रिय सुरक्षा वातावरण सम्बन्धी आपसी सरोकारका मामिलाहरूमाू सहमत भए। दुई नेताबीच सैन्य सहयोगका विषयमा पनि छलफल भएको थियो ।
बैठक पछि किमले शोइगुलाई हतियार प्रदर्शनीमा पनि लगे, जहाँ उत्तर कोरियाका केही नयाँ हतियारहरू प्रदर्शनी गरिएको थियो । किमले सोइगुलाई देशको सैन्य क्षमता विस्तार गर्ने राष्ट्रिय योजनाबारे जानकारी गराएका छन् ।
मस्को, १२ साउन ।
रुसको साइबेरिया क्षेत्रमा बिहीबार एउटा हेलिकप्टर दुर्घटना हुँदा चार जनाको मृत्यु भएको छ भने १० जना घाइते भएका छन् ।
एमआई– ८ हेलिकप्टर दक्षिणी साइबेरियामा अवतरण गर्ने क्रममा आगो लागेको र बिजुलीको लाइनमा ठोक्किएको रसियाको आपतकालीन मन्त्रालयको अल्ताई शाखाले जनाएको छ।
हेलिकप्टर निजी कम्पनीको थियो र पर्यटक बोकेको थियो । जहाजमा १२ जना यात्रु र तीनजना चालक दलका सदस्य रहेको बताइएको छ तर आपतकालीन अवस्था मन्त्रालयले जहाजमा जम्मा १३ जना यात्रु रहेको जनाएको छ ।
लमजुङ १२ साउन ।
बेसीशहर नगरपालिकाले बजार क्षेत्रमा रहेका अव्यवस्थित र प्रयोगमा नआएका केवल नेटवर्किङका तारहरु हटाउन सम्बन्धित संस्थालाई १५ दिने सूचना जारी गरेको छ ।
नगरपालिकाले अव्यवस्थित तारहरुले बजारको सौन्दर्यमा समस्या ल्याएको तथा मङ्गलबारका दिन देखि १५ दिनको म्याद दिएको हो ।
प्रमुख दलकाे सहभागितामामा बसेको बैठकले अव्यवस्थित तारहरु हटाउने निर्णय गरेको हो । बैठकमा भएको सोहि निर्णय अनुसार बेसीसहर नगरपालिकाको बजार क्षेत्रमा रहेका विजुली तथा टलिफोनका पोलमा अव्यवस्थित रुपमा रहेका पुराना तथा प्रयोगमा नआएका केवल तथा नेटवर्किङका तारहरुलाई १५ दिन भित्र हटाउन सम्वन्धित सबैमा सूचित गरिएको नगरपालिकाका प्रमुख प्रशासकीय अधिकृत इमानाथ कंडेलले जानकारी दिएका छन् ।
यस सूचना पश्चात अव्यबस्थित तारहरु ब्यबस्थापनको कार्य शुरु हुने भएकोले यदी कोही कसैको विवरण नखुलेका तार तथा केवलहरु छुट्न गएमा वा काटिएमा सम्बन्धित संस्था वा व्यवसाय स्वयं जिम्मेवार हुने नगरपालिकाले जनाएको छ । नगरपालिकाको हामी सबैको रहर सभ्य समृध्द बेसीसहर भन्ने नारा समेत रहेको छ ।
सदरमुकाम बेसीसहरमा अब्यबस्थित तारहरुको जालोहरु जताततै रहेको देखिन्छ । बेसीसहर सहित जिल्लाका अधिकांश बजार क्षेत्रमा तार ब्यबस्थापन एक चुनौतिका रुपमा रहेको पाईन्छ ।
कुबेत, १२ साउन ।
कुवेतमा सन् २०१५ को बम विस्फोटका दोषीसहित ५ जनालाई फाँसी दिइएको छ ।
कुवेत सरकारले सन् २०१५ मा मस्जिदमा बम विष्फोट गरेको अभियोगमा दोषी ठहर भएका इस्लामिक स्टेट (आईएस) पाँच जना कैदीलाई मृत्युदण्ड दिइएको हो ।
कुबेत सरकारले जनाए अनुसार सो विष्फोटमा २७ जनाको मृत्यु भएको थियो, जसको जिम्मा आइएसले लिएको थियो । कुवेतको सार्वजनिक अभियोजनले एक विज्ञप्ति जारी गर्दै केन्द्रीय कारागारमा पाँच कैदीलाई फाँसी दिइएको जनाएको छ ।
यसरी फाँसी दिइएकोमा पाँच जनामा मस्जिदमा आक्रमण गर्ने तथा सो हत्यामा दोषी ठहर भएका तीन जना र लागूऔषध कारोबारीसमेत रहेका छन् ।
