रौतहट, ३० गते वैशाख । रौतहट प्रहरीले अवैध कुखुरा नष्ट गरेको छ । भन्सार छली गरी ल्याउदै गरेको कुखुरा बरामद गरि नष्ट गरिएको । बैसाख २९ गते राती ईलाका प्रहरी कार्यालय कोपवा पिपरीया बाट खटिएको प्रहरी गस्ती टोलीले गस्ती गर्दै जाने क्रममा परोहा नगरपालिका वडा नम्बर ६ मिलन चौक स्थितमा भारतबाट अवैध रुपमा भंन्सार छली बोईलर कुखुरा साईकलमा लोड गरी नेपालतर्फ ल्याउँदै गरेको अवस्थामा प्रहरी टोलीलाई देखी लोड रहेको बोईलर कुखुरा फाली साईकल लिई फरार भएको प्रहरीले जनाएको छ । वेवारिसे अवस्थामा रहेको ब्रोईलर कुखुरा नियन्त्रणमा लिई नष्ट गरीएको जिल्ला प्रहरी कार्यालय रौतहटले जनाएको छ ।

रौतहट, ३० वैशाख । रौतहट प्रहरी द्धारा अवैध घरेलु मदिरा नष्ट गरिएको छ । जिल्ला प्रहरी कार्यालय रौतहटबाट खटिएको प्रहरी गस्ती टोलीले घरेलु मदिरा बरामद गरि नष्ट गरेको छ । गौर न.पा. वडा नम्बर ८ स्थितबाट अबैध घरेलु मदिरा नेपालबाट भारततर्फ लैजादै गरेको अबस्थामा २ सय लिटर फेला पारी जन प्रतिनिधी, बुद्धिजिवी र संचारकर्मीहरु को रोहबरमा जिल्ला प्रहरी कार्यालय रौतहटको परिसर भित्र नष्ट गरिएको जिल्ला प्रहरी प्रवक्ता एवम् डिएसपी एलिजा गिरीले जानकारी दिएकी छिन ।

आरके श्रीवास्तव,

राैतहट,२९ गते वैशाख । कमेडिन अमरेन्द्र यादवकाे लागि प्रदेश सांसद कनिस पटेलले भाेट मांगेका छन् । रौतहटका चर्चित प्रख्यात कमेडियन कलाकार यादव कमेडि च्याम्पीयन सिजन–३ को टप ५ मा पुग्न सफल भएका छन् । उनका लागि रौतहट निर्वाचन क्षेत्र नम्बर २(ख) बाट निर्वाचित मधेस प्रदेश सभा सदस्य एवं नेकपा(एकीकृत समाजवादी ) मधेस प्रदेशका प्रमुख सचेतक समेत रहनु भएका पटेलले सामाजिक संजाल फेसबुक मार्फत दर्शकहरू सँग भाेट मागनु भएको छ । कान्तिपुर टेलिभिजनको शो कमेडि च्याम्पीयन सिजन–३ को विजेता बन्न कलाकार यादव विगत केहि महिनादेखी प्रतिस्पर्धा गर्दै आएका छन् । कान्तिपुरबाट प्रसारित कमेडि च्याम्पीयनमा केहि महिना अघि रौतहटमे रहेके बा त माधव माधव कहेके बा भनी एकाएक चर्चामा आएका कलाकार यादव कमेडि च्याम्पीयनको विजेता बन्न कडा मिहिनेत र संघर्ष गर्दै आएका छन् । रौतहटको कटहरिया नगरपालिकाको डुमरिया घर भएका युवा कलाकार अमरेन्द्र यादवले आफना अदभुत हास्यकला, प्रतिभाले कमेडि च्याम्पीयनमा टप १० बाट टप ५ मा पुग्न सफल भएका छन् । आफना हास्ने र हसाउने कला प्रस्तुत गर्दै निकै प्रतिस्पर्धाका बीच आफु ५ मा पुग्न सफल भएको र अब टप ४ मा पुग्ने लक्ष्य लिएर अगाडि बढेको उनले बताए । टप ५ मा टप १ मा पुगेपछि उनी कमेडि च्याम्पीयन सिजन–३ को विजेता बन्ने छन । कमेडि च्याम्पीयन सिजन–३ को विजेता बन्ने लक्ष्यका साथ आफु मैदानमा उत्रेको बताउँदै कलाकार यादवले सबैको साथ, सहयोग, माया, स्नेह र आर्शिवाद पाए अवश्य विजेता बन्ने बताउँदै आएका छन् । अमरेन्द्रलाई कमेडि च्याम्पीयन सिजन–३ को विजेता बनाउन प्रदेश सांसद खल्ती एपको माध्यमले भोटिंग गरी सहयोग गर्न सबैलाई आग्रह समेत गरेका छन्

राैतहट,२९ गते वैशाख । बज्जिका भाषा र साहित्यको अग्रणी पत्रिकाको रुपमा रहेको बज्जी साहित्यिक त्रैमासिक प्रकाशित भएको छ । पत्रिकाको तेरौँ अंक एक समारोहबीच बज्जिकासेवीहरुले सार्वजनिक गरेका हुन् । बज्जिका भाषा विकास परिषद नेपालका अध्यक्ष तथा बज्जिका अभियन्ता शिवचन्द्र साह, बज्जिका कविताका लागि स्थापित पहिलो तुलसी साहित्य पुरस्कारका संस्थापक तथा व्यवसायी धर्मनाथप्रसाद जयसवाल, बज्जिका साहित्य संगम रौतहटका अध्यक्ष किशुनदयाल श्रीकृष्ण, अनिता–शिव प्रतिष्ठानका उपाध्यक्ष सतिश गुप्ताका साथै बज्जिका साहित्यकार सञ्जय साह मित्रले पत्रिकाको नयाँ अंकलाई सार्वजनिक गरेका हुन् । पत्रिकामा नेपाल, भारत, अमेरिका तथा दुबईमा रहेका बज्जिका साहित्यकारहरुको रचना संकलित छन् । पत्रिकामा विपिनबिहारी सिंह, बिन्दा साहनी, संजय महतो राज, किशोरी प्रसाद, राम विश्वास राय, किशुनदयाल श्रीकृष्ण, रेहान खान, रेखाकुमारी राय, सिद्धान्त चौधरी, पृथ्वीनारायण महतो, राजेन्द्र ठाकुर, श्याम चन्द्रांशु, संगीता सहनी, अभिजीत राम, प्रमोद गुप्ता, प्रीति यादव र अभिषेक पाण्डेका कविता तथा गीत प्रकाशित छन् । यसै गरी अजयकुमार झा र सञ्जय साह मित्रका खोजमूलक लेखरचना प्रकाशित रहेका छन् । यसै गरी ममता मृदुल, विवेक यादव, श्वेता अधिकारी, आशिक यादव, विक्रान्त शर्मा र रेणु गुप्ताका कथा, लघुकथा र लोककथा प्रकाशित पत्रिकामा पूर्व प्रमुख जिल्ला अधिकारी राम विलास रायको बज्जिका भाषासम्बन्धी अन्तरर्वाता पनि प्रकाशित छन् । नेपालमा बज्जिका भाषाको प्रदेशगत तथा जिल्लागत तथ्यांक प्रस्तुत गरिएको र बज्जिका भाषाको लेखनमा एक रुपता हुनुपर्ने सम्बन्धी विशेष आलेखका साथै नेपाली मातृभाषीहरुको रचनासमेतले यस अंकलाई विशेष बनाएको बज्जिका साहित्य संगम रौतहटका अध्यक्ष यादवले बताएका छन् । बज्जिका भाषा र साहित्यको सम्बन्धमा गत केही महिनामा भएका मुख्य उपलब्धिहरुलाई पनि पत्रिकाले स्थान दिएको छ । जिल्ला प्रशासन कार्यालय सर्लाहीमा दर्ता भएर मलंगवामा नै कार्यालय रहेको पत्रिकाको प्रकाशक–सम्पादक रामचन्द्र महतो कुशवाहा हुन् ।

रौतहट,२९ गते वैशाख । गरुडा नगरपालिकाको आयोजनामा आज देखी उर्जाध्यान योग शिविर सुरु भएको नगर प्रमुख कन्थमनी प्रसाद जयसवालले जानकारी गराउनुु भएको हो । जिवन विज्ञान ध्यान योग प्रयोगशालाको सहकार्यमा सुरु योग शिविर हरेक बिहान ५ः०० बजे देखी ६ः३० बजे सम्म कलवार धर्मशालामा चल्नेछ । योगाभ्यास गर्दा मानिसको शारीरिक तथा मानसिक पक्ष बलियो हुने र स्वस्थ्य समाज निर्माणमा योगले सहयोगी भूमिका खेल्ने हुँदा निःशुल्क रुपमा योग शिविर आयोजना गरिएको हो । मानिसको विलासी तथा तनावपूर्ण जीवनशैलीमा अहिले योगको महत्व निकै देखिएको छ ।

रौतहट,२९ गते वैशाख । रौतहटको देवाहि गोनाही नगरपालिका वडा नं १ करुनियामा टि–ट्वान्टी क्रिकेट टुर्नामेन्ट आज देखि शुरु भएको छ । २०८१ जेठ १५ गते सम्म चल्ने यो टुर्नामेन्टमा प्रथम विजेतालाई नगद रु १३ हजार र एउटा एनड्रोइड मोबाइल प्रदान गरिने छ भने उप बिजेता टिम लाई पनि नगद रु ६००० हजार र किप्याड मोबाइल दिइनेछ । यो किर्केट टुर्नामेन्टमा रौतहटको २० वटा टिम प्रतिष्पर्धा गर्ने जिनुतुल इसलाम किर्केट कल्बका अध्यक्ष अबुलैस अंसारीले जनाइएको छ । टि–ट्वान्टी क्रिकेट उद्धघाटन कार्यक्रमका प्रमुख अतिथी प्रादेशिक अस्पताल गौरका अध्यक्ष मोहम्मद अनवर हाशमीले मन्तब्य राख्दै युवालाई कुलतबाट बचाउन तथा पालिका स्तरमा क्रिकेटको टिम तयार गरी प्रदेश तथा राष्ट्रिय स्तरमा प्रतिष्पर्धा गराउने लक्ष्यका साथ टि–ट्वान्टी क्रिकेट टुर्नामेन्ट २०८१ को आयोजना गरिएको प्रादेशिक अस्पताल गौरको अध्यक्ष मोहम्मद अनवर हाशमीले जनाए । साथै मन्तब्यको क्रममा यस जिल्लाको खेलाडिहरुको स्तर वृद्धिका लागी म र मेरो पार्टी हर संभव तयार रहेको अध्यक्ष हाशमीले बताए । रौतहटको देवाही गोनाही नगरपालिका वडा नं १ करुनीया मा आज देखि आयोजित टि–ट्वान्टी क्रिकेट टूर्नामेंट २०८१ को पहिलो दिनको उद्घाटन खेल जयनगर भर्सेस ईसलामपुर बिच भएको छ । उद्घाटन समारोहमा प्रमुख अतिथि प्रादेशिक अस्पताल गौरको अध्यक्ष मोहम्मद अनवर हाशमी, विशिष्ट अतिथि देवाही गोनाही नगरपालिकाको मेयर प्रत्यासी तथा नेपाली काँग्रेस पार्टीका नेता सुरेश प्रसाद यादव, लगायतक खेलाडी र दर्सक को उपस्थितीमा टि–ट्वान्टी क्रिकेट टूर्नामेंट आज उद्घाटन गरियो।

गौर, २९ गते बैशाख । रौतहट जिल्लाको राजदेवी नगरपालिका जिल्लाको १६ औ पालिकाको रुपमा पूर्ण खोप सुनिश्चिता नगरपालिका घोषणा भएको छ। रौतहट जिल्ला पूर्ण खोप सुनिशिचतता घोषणा गर्ने अभियान अन्तर्गत शनिवार पूर्ण खोपको सम्पूर्ण मापदण्ड पुरा गरेको राजदेवी नगरपालिकालाइ पूर्ण खोप सुनिशिचता नगर पालिका घोषणा गरिएको हो। जिल्ला समन्वय समिति रौतहटका अध्यक्ष एवम् जिल्ला खोप समन्वय समितिका संयोजक राम अयोध्या यादवको प्रमुख आत्थ्यि तथा राजदेवी नगरपालिकाका नगर प्रमुख भिखारी प्रसाद यादवको सभापतित्वमा आयोजित कार्यक्रममा १६ महिना देखी ५९ महिना सम्मको बाल बालिकालाइ पाउनु पर्ने खोप सुनिशिचता भए पछि नगरपालिकालाइ पूर्ण खोप सुनिशिचता नगरपालिका घोषणा गरिएको छ। राजदेवी नगरपालिकालÞे आयोजना गरेको घोषणा कार्यक्रममा सम्बोधन गर्दै समन्वय समितिका अध्यक्ष यादवलÞे शिक्षा र स्वास्थ्य मानबको लागि नभई नहुने आधारभुत आवश्यकता रहेको बताए। शिक्षा नभए जीवन अधुरो र स्वास्थ्य राम्रो नभए जीवन सकिने भएकोले दुवै अपरिहार्य भएकोले शिक्षा र स्वास्थ्यको सुधार गर्न जोड दिए। खानपिन पौष्टिक आहार युक्त नभएको कारण बिभिन्न रोगको शिकार हुने भएकोलÞे स्वास्थ्य जीवनको लागि मसाहारी भोजन भन्दा साकाहारी भोजन गर्न उपयुक्त हुने सुझाव दिए। अध्यक्ष यादवलÞे जन्म लिने बच्चाको स्वास्थ्यको ख्याल गर्दै समयमा खोप लगाउन नबिर्सन अपिल गर्दै गाउ घरमा कुनै खोपको दिगोपनाको लागि खोपको निरन्तरता दिन स्वस्थ्यकर्मीलाइ निर्देशन समेत दिए। कार्यक्रममा जिल्ला स्वास्थ्य कार्यालयका खोप अधिकृत अनिल कर्णलÞे १३ वटा रोग बिरुद्धको लागि १३ खोप अनिवार्य रहेको बताए। १८ स्थानीय तह मध्ये १६ पालिका पूर्ण खोप पालिकाको रुपमा घोषणा भई सकेको हुदा अब जिल्ला नै छिटै पूर्ण खोप घोषणा हुने बताए। प्रमुख प्रशासकीय अधिकृत प्रलव कायस्थलÞे नगरपालिकालाइ पूर्ण खोप सुनिशिचता घोषणा गर्ने अभियानमा दिन रात खटिने स्वास्थ्यकर्मी, महिला स्वयम सविकालाइ धन्यबाद ज्ञापन गर्दै आफ्नो जिम्मेवारीलाइ निरन्तरता दिदै अघि बढन आग्रह गरे। नगर प्रमुख भिखारी यादवलÞे पूर्ण खोप अभियानमा सक्रिय भूमिका निर्वाह गरेका स्वास्थ्यकर्मी तथा महिला स्वयम सविकालाइ हाथिपाइले रोग बिरुद्धको आम औषधि सेवन अभियानलाइ सफल बनाउनलाइ आग्रह गरे। कार्यक्रममा वडा अध्यक्ष विजय शंकर यादव, महेन्द्र दास, बिश्वनाथ साह, सुरेश पंडित, सशास्त्र प्रहरी निरिक्षक सुभाष खत्रील लगायतलÞे आ आफ्नो शुभकामना मन्तव्य राखेका थिए।

,रौतहट,२८ गते वैशाख । रौतहटको कटहरिया नगरपालिका वडा नम्बर ६ फतेपुर टोलमा रहेको स्वास्थ्य चौकीको भवन निर्माण हुने भएको छ । सोको लागि आज नेपाली काँग्रसको जिल्ला सभापति एवम् रौतहट निर्वाचन क्षेत्र नम्बर ३ ख का प्रदेश सांसद सुनिल कुमार यादव उर्फ जितेन्द्रले शिलान्यास कार्य सम्पन्न गर्नुुभएको छ । शिलान्यास पश्चात् सो भवन निर्माणको काम थालनी गरिएको छ । मधेश प्रदेश सरकारको आर्थिक सहयोगमा सो भवन निर्माण हुन लागेको हो । करिब २५ लाखको लागतमा निर्माण हुने सो भवन दुुइ कोठे एक तल्ले हुनेछ । जसमा बाउण्ड्री वाल पनि निर्माण गरिने स्थानिय बिनोद यादवले जानकारी गराएका हुन् । चालु आर्थिक वर्ष २०८०।०८१ मा निर्माण कार्य सम्पन्न गर्ने लक्ष्य रहेको यादवको भनाइ छ । सो शिलान्यासको अवसरमा नेपाली काँग्रेसका नगर सभापति एवम् पूर्व वडा अध्यक्ष शम्भुकान्त प्रसाद यादव,क्षेत्र नम्बर ३ का सभापति सर्फलाल गुप्ता,वडा नम्बर ४ का वडा प्रत्यासी हरेन्द्र यादव,वडा नम्बर ७ का वडा अध्यक्ष सहिद मियाँ,कार्यपालिका सदस्य जामुन ठाकुर,स्थानिय जनप्रतिनिधि तथा भद्र भलादमीहरुको उपस्थित रहेको थियो । यस अघि भाडाको कोठामा सञ्चालन हुँदै आएको स्वास्थ्य चौकी भवन निर्माण पश्चात् आफनै भवनमा सञ्चालन हुनेछ । जसबाट सेवाग्राहीहरु सहजरुपमा सेवा पाउने छन् ।

काठमाडौँ  । पर्साको वीरगंज महानगरपालिका-२१ हनुमान चोकबाट अवैध लागुऔषध गाँजा करिब  १० किलोसहित २ जनालाई शनिबार बिहान प्रहरीले पक्राउ गरेको छ ।

पक्राउ पर्नेहरूमा मकवानपुर राकसीरांङ गाउँपालिका-२ ठुमको टोल बस्ने ४२ वर्षीया ईन्द्र कुमारी चेपाङग र ३६ वर्षीया फुलमाया स्याङबो रहेका छन् । प्रहरी चौकी परवानीपुरबाट खटिएको प्रहरीले चितवनबाट वीरगंज तर्फ जाँदै गरेको बा.४ ख ५९३७ नम्बरको बस जाँच गर्दा बसमा सवार उनीहरूलाई उक्त गाँजासहित पक्राउ गरेको हो ।

त्यस्तै सुनसरीको इटहरी महानगरपालिका-५ शान्तीमार्ग टोलबाट अवैध लागुऔषध खैरो हेरोइन जस्तो देखिने पदार्थ करिब ४ सय ९० मिलिग्राम सहित सोही ठाउँ  बस्ने ३२ वर्षीय बिटु भन्ने दिबश भुजेललाई शनिबार दिउँसो प्रहरीले पक्राउ गरेको छ । अस्थायी प्रहरी चौकी जनताबस्तीबाट खटिएको प्रहरीले उनको घर तलासी गर्ने क्रममा उक्त पदार्थ फेला पारी उनलाई पक्राउ गरेको हो ।

त्यसैगरी मोरङको बिराटनगर महानगरपालिका-१६ हुलास चोकबाट अवैध लागुऔषध ब्राउन सुगर जस्तो देखिने पदार्थ २ ग्राम ४५ मिलिग्रामसहित सुनसरी इटहरी उपमहानगरपालिका-१९ बस्ने २५ वर्षीय किरण राईलाई शनिबार दिउँसो प्रहरीले पक्राउ गरेको छ । लागुऔषध ब्यूरो बिराटनगर र इलाका प्रहरी कार्यालय रानीबाट खटिएको प्रहरीले भारतबाट नेपालतर्फ पैदल आउँदै गरेका उनलाई उक्त पदार्थसहित पक्राउ गरेको हो ।

त्यस्तै कैलालीको धनगढी उपमहानगरपालिका- ७ देबरियाबाट अवैध लागुऔषध ब्राउनसुगर जस्तो देखिने पदार्थ ७ सय २० मिलिग्राम सहित ३ जनालाई शनिबार साँझ प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २८ वर्षीय सेवालाल राना, ३० वर्षीय राम गोपाल राना र २४ वर्षीय अभिषेक राना रहेका छन् । जिल्ला प्रहरी कार्यालय कैलालीबाट खटीएको प्रहरीले उनीहरूलाई उक्त पदार्थसहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ । न्युज कारखाना

बज्जिकाञ्चल दैनिक,वैशाख २२ गते।

रौतहट जिल्लाको गार्मिन भेग अवस्थित कटहरिया नगरपालिका वडा नं १ भसेढवा निवासी लोक प्रिय गायक रुद्र नरायण तिवारीको स्वरमामा हिन्दी गीत ‘पेहला प्यार ’ भिडि‌‌ओ सार्वजनिक गरिएको छ । भारत कै फिल्मी नगरी मुम्बईमै तयार गरिएको छ ।

अभिनेता रुद्र नारायण तिवारी र सलोनी कुमारी, निर्देशक अनुपम साह,सम्पादक अनुपम साह, DOP रेहान खान, DI रेहान खान विशेष सहयोगी साजन जैसवाल गरेका छन् । गायक रुद्र नरायण तिवारीले गीत रचना गरेका हुन् । ‘पेहला प्यार …’ बोलको गीतमा प्रेमी-प्रेमिकाबीचको माया-प्रेमलाई समेटिएको छ ।

गायक तिवारीले यसअघि पनि ‘ओ मा’ हिन्दी गीत पुरातात्विक महादेव मन्दिरको चर्चित भोजपुरी भाषामा ‘ देवा देवाले ’ ‘दो दिल मिल रहा है’ हिन्दी गीत गाईसकेका छन । तिवारी विगत एक दशक देखी भारतको फिल्मी नगर मुंबईमा बशेर गीत संगीतको काम गर्दै छ ।